garuḍagamana tava charaṇakamalamiha manasi lasatu mama nityam manasi lasatu mama nityam । mama tāpamapākuru dēva, mama pāpamapākuru dēva ॥ dhru.॥ jalajanayana vidhinamuchiharaṇamukha vibudhavinuta-padapadma mama tāpamapākuru dēva, mama pāpamapākuru dēva ॥ 1॥ bhujagaśayana bhava madanajanaka mama jananamaraṇa-bhayahārin mama tāpamapākuru dēva, mama pāpamapākuru dēva ॥ 2॥ śaṅkhachakradhara duṣṭadaityahara sarvalōka-śaraṇa mama tāpamapākuru dēva, mama pāpamapākuru dēva ॥ 3॥ agaṇita-guṇagaṇa aśaraṇaśaraṇada vidalita-suraripujāla mama tāpamapākuru dēva, mama pāpamapākuru dēva ॥ 4॥ bhaktavaryamiha bhūrikaruṇayā pāhi bhāratītīrtham mama tāpamapākuru dēva, mama pāpamapākuru dēva ॥ 5॥ iti jagadguru śṛṅgērī pīṭhādhipati bhāratītīrthasvāminā virachitaṃ mahāviṣṇustōtraṃ sampūrṇam ।