ōṁ namaḥ praṇavārthārtha sthūlasūkṣma kṣarākṣara vyaktāvyakta kaḻātīta ōṅkārāya namō namaḥ ॥ 1 ॥ namō dēvādidēvāya dēhasañchārahētavē daityasaṅghavināśāya nakārāya namō namaḥ ॥ 2 ॥ mōhanaṃ viśvarūpaṃ cha śiṣṭāchārasupōṣitam mōhavidhvaṃsakaṃ vandē mōkārāya namō namaḥ ॥ 3 ॥ nārāyaṇāya navyāya narasiṃhāya nāminē nādāya nādinē tubhyaṃ nākārāya namō namaḥ ॥ 4 ॥ rāmachandraṃ raghupatiṃ pitrājñāparipālakam kausalyātanayaṃ vandē rākārāya namō namaḥ ॥ 5 ॥ yajñāya yajñagamyāya yajñarakṣākarāya cha yajñāṅgarūpiṇē tubhyaṃ yakārāya namō namaḥ ॥ 6 ॥ ṇākāraṃ lōkavikhyātaṃ nānājanmaphalapradam nānābhīṣṭapradaṃ vandē ṇākārāya namō namaḥ ॥ 7 ॥ yajñakartrē yajñabhartrē yajñarūpāya tē namaḥ sujñānagōcharāyā'stu yakārāya namō namaḥ ॥ 8 ॥ iti śrī nārāyaṇa aṣṭākṣarī stutiḥ ।