हैंహైHaindavamஹிહિં
📍
Font Size:
Sri Ranganatha Ashtottara Shatanama Stotram
asya śrīraṃganāthāṣṭottaraśatanāmastotramahāmaṃtrasya vedavyāso bhagavānṛṣiḥ anuṣṭupchaṃdaḥ bhagavān śrīmahāviṣṇurdevatā, śrīraṃgaśāyīti bījaṃ śrīkāṃta iti śaktiḥ śrīprada iti kīlakaṃ mama samastapāpanāśārthe śrīraṃgarājaprasāda siddhyarthe jape viniyogaḥ ।
dhaumya uvāca –
śrīraṃgaśāyī śrīkāṃtaḥ śrīpradaḥ śritavatsalaḥ ।
anaṃto mādhavo jetā jagannātho jagadguruḥ ॥ 1 ॥
suravaryaḥ surārādhyaḥ surarājānujaḥ prabhuḥ ।
harirhatārirviśveśaḥ śāśvataḥ śaṃbhuravyayaḥ ॥ 2 ॥
bhaktārtibhaṃjano vāgmī vīro vikhyātakīrtimān ।
bhāskaraḥ śāstratattvajño daityaśāstā'mareśvaraḥ ॥ 3 ॥
nārāyaṇo naraharirnīrajākṣo narapriyaḥ ।
brahmaṇyo brahmakṛdbrahmā brahmāṃgo brahmapūjitaḥ ॥ 4 ॥
kṛṣṇaḥ kṛtajño goviṃdo hṛṣīkeśo'ghanāśanaḥ ।
viṣṇurjiṣṇurjitārātiḥ sajjanapriya īśvaraḥ ॥ 5 ॥
trivikramastrilokeśaḥ trayyarthastriguṇātmakaḥ ।
kākutsthaḥ kamalākāṃtaḥ kālīyoragamardanaḥ ॥ 6 ॥
kālāṃbudaśyāmalāṃgaḥ keśavaḥ kleśanāśanaḥ ।
keśiprabhaṃjanaḥ kāṃto naṃdasūnurariṃdamaḥ ॥ 7 ॥
rukmiṇīvallabhaḥ śaurirbalabhadro balānujaḥ ।
dāmodaro hṛṣīkeśo vāmano madhusūdanaḥ ॥ 8 ॥
pūtaḥ puṇyajanadhvaṃsī puṇyaślokaśikhāmaṇiḥ ।
ādimūrtirdayāmūrtiḥ śāṃtamūrtiramūrtimān ॥ 9 ॥
paraṃbrahma paraṃdhāma pāvanaḥ pavano vibhuḥ ।
caṃdraśchaṃdomayo rāmaḥ saṃsārāṃbudhitārakaḥ ॥ 10 ॥
āditeyo'cyuto bhānuḥ śaṃkaraśśiva ūrjitaḥ ।
maheśvaro mahāyogī mahāśaktirmahatpriyaḥ ॥ 11 ॥
durjanadhvaṃsako'śeṣasajjanopāstasatphalam ।
pakṣīṃdravāhano'kṣobhyaḥ kṣīrābdhiśayano vidhuḥ ॥ 12 ॥
janārdano jagaddheturjitamanmathavigrahaḥ ।
cakrapāṇiḥ śaṃkhadhārī śāraṃgī khaḍgī gadādharaḥ ॥ 13 ॥
evaṃ viṣṇośśataṃ nāmnāmaṣṭottaramiheritam ।
stotrāṇāmuttamaṃ guhyaṃ nāmaratnastavābhidham ॥ 14 ॥
sarvadā sarvarogaghnaṃ ciṃtitārthaphalapradam ।
tvaṃ tu śīghraṃ mahārāja gaccha raṃgasthalaṃ śubham ॥ 15 ॥
snātvā tulārke kāveryāṃ māhātmya śravaṇaṃ kuru ।
gavāśvavastradhānyānnabhūmikanyāprado bhava ॥ 16 ॥
dvādaśyāṃ pāyasānnena sahasraṃ daśa bhojaya ।
nāmaratnastavākhyena viṣṇoraṣṭaśatena ca ।
stutvā śrīraṃganāthaṃ tvamabhīṣṭaphalamāpnuhi ॥ 17 ॥
iti tulākāverīmāhātmye śaṃtanuṃ prati dhaumyopadiṣṭa śrīraṃganāthāṣṭottaraśatanāma stotram ।
Recite with devotion and pure heart
Regular practice brings spiritual benefits