Narayana Kavacham

aṃganyāsaḥ – oṃ oṃ pādayoḥ namaḥ । oṃ naṃ jānunoḥ namaḥ । oṃ moṃ ūrvoḥ namaḥ । oṃ nāṃ udare namaḥ । oṃ rāṃ hṛdi namaḥ । oṃ yaṃ urasi namaḥ । oṃ ṇāṃ mukhe namaḥ । oṃ yaṃ śirasi namaḥ । karanyāsaḥ – oṃ oṃ dakṣiṇatarjanyāṃ namaḥ । oṃ naṃ dakṣiṇamadhyamāyāṃ namaḥ । oṃ moṃ dakṣiṇānāmikāyāṃ namaḥ । oṃ bhaṃ dakṣiṇakaniṣṭhikāyāṃ namaḥ । oṃ gaṃ vāmakaniṣṭhikāyāṃ namaḥ । oṃ vaṃ vāmānikāyāṃ namaḥ । oṃ teṃ vāmamadhyamāyāṃ namaḥ । oṃ vāṃ vāmatarjanyāṃ namaḥ । oṃ suṃ dakṣiṇāṃguṣṭhordhvaparvaṇi namaḥ । oṃ deṃ dakṣiṇāṃguṣṭhādhaḥ parvaṇi namaḥ । oṃ vāṃ vāmāṃguṣṭhordhvaparvaṇi namaḥ । oṃ yaṃ vāmāṃguṣṭhādhaḥ parvaṇi namaḥ । viṣṇuṣaḍakṣaranyāsaḥ – oṃ oṃ hṛdaye namaḥ । oṃ viṃ mūrdhnai namaḥ । oṃ ṣaṃ bhrurvormadhye namaḥ । oṃ ṇaṃ śikhāyāṃ namaḥ । oṃ veṃ netrayoḥ namaḥ । oṃ naṃ sarvasaṃdhiṣu namaḥ । oṃ maḥ prācyāṃ astrāya phaṭ । oṃ maḥ āgneyyāṃ astrāya phaṭ । oṃ maḥ dakṣiṇasyāṃ astrāya phaṭ । oṃ maḥ naiṛtye astrāya phaṭ । oṃ maḥ pratīcyāṃ astrāya phaṭ । oṃ maḥ vāyavye astrāya phaṭ । oṃ maḥ udīcyāṃ astrāya phaṭ । oṃ maḥ aiśānyāṃ astrāya phaṭ । oṃ maḥ ūrdhvāyāṃ astrāya phaṭ । oṃ maḥ adharāyāṃ astrāya phaṭ । śrī hariḥ atha śrīnārāyaṇakavaca rājovāca – yayā guptaḥ sahasrākṣaḥ savāhān ripusainikān । krīḍanniva vinirjitya trilokyā bubhuje śriyam ॥ 1 ॥ bhagavaṃstanmamākhyāhi varma nārāyaṇātmakam । yathā''tatāyinaḥ śatrūn yena gupto'jayanmṛdhe ॥ 2 ॥ śrī śuka uvāca – vṛtaḥ purohitastvāṣṭro maheṃdrāyānupṛcchate । nārāyaṇākhyaṃ varmāha tadihaikamanāḥ śṛṇu ॥ 3 ॥ śrīviśvarūpa uvāca – dhautāṃghripāṇirācamya sapavitra udaṅmukhaḥ । kṛtasvāṃgakaranyāso maṃtrābhyāṃ vāgyataḥ śuciḥ ॥ 4 ॥ nārāyaṇamayaṃ varma sannahyedbhaya āgate । daivabhūtātmakarmabhyo nārāyaṇamayaḥ pumān ॥ 5 ॥ pādayorjānunorūrvorudare hṛdyathorasi । mukhe śirasyānupūrvyādoṃkārādīni vinyaset ॥ 6 ॥ oṃ namo nārāyaṇāyeti viparyayamathāpi vā । karanyāsaṃ tataḥ kuryāddvādaśākṣaravidyayā ॥ 7 ॥ praṇavādiyakārāṃtamaṃgulyaṃguṣṭhaparvasu । nyaseddhṛdaya oṃkāraṃ vikāramanu mūrdhani ॥ 8 ॥ ṣakāraṃ tu bhruvormadhye ṇakāraṃ śikhayā nyaset । vekāraṃ netrayoryuṃjyānnakāraṃ sarvasaṃdhiṣu ॥ 9 ॥ makāramastramuddiśya maṃtramūrtirbhavedbudhaḥ । savisargaṃ phaḍaṃtaṃ tatsarvadikṣu vinirdiśet ॥ 10 ॥ oṃ viṣṇave namaḥ ॥ ityātmānaṃ paraṃ dhyāyeddhyeyaṃ ṣaṭchaktibhiryutam । vidyātejastapomūrtimimaṃ maṃtramudāharet ॥ 11 ॥ oṃ harirvidadhyānmama sarvarakṣāṃ nyastāṃghripadmaḥ patageṃdra pṛṣṭhe । darāricarmāsigadeṣucāpa- -pāśāṃdadhāno'ṣṭaguṇo'ṣṭabāhuḥ ॥ 12 ॥ jaleṣu māṃ rakṣatu matsyamūrti- -ryādogaṇebhyo varuṇasya pāśāt । sthaleṣu māyāvaṭuvāmano'vyā- -ttrivikramaḥ khe'vatu viśvarūpaḥ ॥ 13 ॥ durgeṣvaṭavyājimukhādiṣu prabhuḥ pāyānnṛsiṃho'surayūthapāriḥ । vimuṃcato yasya mahāṭṭahāsaṃ diśo vinedurnyapataṃśca garbhāḥ ॥ 14 ॥ rakṣatvasau mādhvani yajñakalpaḥ svadaṃṣṭrayonnītadharo varāhaḥ । rāmo'drikūṭeṣvatha vipravāse salakṣmaṇo'vyādbharatāgrajo'smān ॥ 15 ॥ māmugradharmādakhilātpramādā- -nnārāyaṇaḥ pātu naraśca hāsāt । dattastvayogādatha yoganāthaḥ pāyādguṇeśaḥ kapilaḥ karmabaṃdhāt ॥ 16 ॥ sanatkumāro'vatu kāmadevā- -ddhayānano māṃ pathi devahelanāt । devarṣivaryaḥ puruṣārcanāṃtarā- -tkūrmo harirmāṃ nirayādaśeṣāt ॥ 17 ॥ dhanvaṃtarirbhagavānpātvapathyā- -ddvaṃdvādbhayādṛṣabho nirjitātmā । yajñaśca lokādavatājjanāṃtā- -dbalo gaṇātkrodhavaśādahīṃdraḥ ॥ 18 ॥ dvaipāyano bhagavānaprabodhā- -dbuddhastu pāṣaṃḍagaṇātpramādāt । kalkiḥ kaleḥ kālamalātprapātu dharmāvanāyorukṛtāvatāraḥ ॥ 19 ॥ māṃ keśavo gadayā prātaravyā- -dgoviṃda āsaṃgavamāttaveṇuḥ । nārāyaṇaḥ prāhṇa udāttaśakti- -rmadhyaṃdine viṣṇurarīṃdrapāṇiḥ ॥ 20 ॥ devo'parāhṇe madhuhogradhanvā sāyaṃ tridhāmāvatu mādhavo mām । doṣe hṛṣīkeśa utārdharātre niśītha eko'vatu padmanābhaḥ ॥ 21 ॥ śrīvatsadhāmā'pararātra īśaḥ pratyuṣa īśo'sidharo janārdanaḥ । dāmodaro'vyādanusaṃdhyaṃ prabhāte viśveśvaro bhagavānkālamūrtiḥ ॥ 22 ॥ cakraṃ yugāṃtānalatigmanemi bhramatsamaṃtādbhagavatprayuktam । daṃdagdhi daṃdagdhyarisainyamāśu kakṣaṃ yathā vātasakho hutāśaḥ ॥ 23 ॥ gade'śanisparśanavisphuliṃge niṣpiṃḍhi niṣpiṃḍhyajitapriyāsi । kūṣmāṃḍavaināyakayakṣarakṣo bhūtagrahāṃścūrṇaya cūrṇayārīn ॥ 24 ॥ tvaṃ yātudhānapramathapretamātṛ- -piśācavipragrahaghoradṛṣṭīn । dareṃdra vidrāvaya kṛṣṇapūrito bhīmasvano'rerhṛdayāni kaṃpayan ॥ 25 ॥ tvaṃ tigmadhārāsivarārisainya- -mīśaprayukto mama chiṃdhi chiṃdhi । cakṣūṃṣi carman śatacaṃdra chādaya dviṣāmaghonāṃ hara pāpacakṣuṣām ॥ 26 ॥ yanno bhayaṃ grahebhyo'bhūtketubhyo nṛbhya eva ca । sarīsṛpebhyo daṃṣṭribhyo bhūtebhyo'ghebhya eva ca ॥ 27 ॥ sarvāṇyetāni bhagavannāmarūpāstrakīrtanāt । prayāṃtu saṃkṣayaṃ sadyo ye naḥ śreyaḥpratīpakāḥ ॥ 28 ॥ garuḍo bhagavān stotrastomaśchaṃdomayaḥ prabhuḥ । rakṣatvaśeṣakṛcchrebhyo viṣvaksenaḥ svanāmabhiḥ ॥ 29 ॥ sarvāpadbhyo harernāmarūpayānāyudhāni naḥ । buddhīṃdriyamanaḥprāṇānpāṃtu pārṣadabhūṣaṇāḥ ॥ 30 ॥ yathā hi bhagavāneva vastutaḥ sadasacca yat । satyenānena naḥ sarve yāṃtu nāśamupadravāḥ ॥ 31 ॥ yathaikātmyānubhāvānāṃ vikalparahitaḥ svayam । bhūṣaṇāyudhaliṃgākhyā dhatte śaktīḥ svamāyayā ॥ 32 ॥ tenaiva satyamānena sarvajño bhagavān hariḥ । pātu sarvaiḥ svarūpairnaḥ sadā sarvatra sarvagaḥ ॥ 33 ॥ vidikṣu dikṣūrdhvamadhaḥ samaṃtā- -daṃtarbahirbhagavānnārasiṃhaḥ । prahāpayam̐llokabhayaṃ svanena svatejasā grastasamastatejāḥ ॥ 34 ॥ maghavannidamākhyātaṃ varma nārāyaṇātmakam । vijeṣyasyaṃjasā yena daṃśito'surayūthapān ॥ 35 ॥ etaddhārayamāṇastu yaṃ yaṃ paśyati cakṣuṣā । padā vā saṃspṛśetsadyaḥ sādhvasātsa vimucyate ॥ 36 ॥ na kutaścidbhayaṃ tasya vidyāṃ dhārayato bhavet । rājadasyugrahādibhyo vyādhyādibhyaśca karhicit ॥ 37 ॥ imāṃ vidyāṃ purā kaścitkauśiko dhārayan dvijaḥ । yogadhāraṇayā svāṃgaṃ jahau sa marudhanvani ॥ 38 ॥ tasyopari vimānena gaṃdharvapatirekadā । yayau citrarathaḥ strībhirvṛto yatra dvijakṣayaḥ ॥ 39 ॥ gaganānnyapatatsadyaḥ savimāno hyavākchirāḥ । sa vālakhilyavacanādasthīnyādāya vismitaḥ । prāpya prācyāṃ sarasvatyāṃ snātvā dhāma svamanvagāt ॥ 40 ॥ śrī śuka uvāca – ya idaṃ śṛṇuyātkāle yo dhārayati cādṛtaḥ । taṃ namasyaṃti bhūtāni mucyate sarvato bhayāt ॥ 41 ॥ etāṃ vidyāmadhigato viśvarūpācchatakratuḥ । trailokyalakṣmīṃ bubhuje vinirjitya mṛdhe'surān ॥ 42 ॥ iti śrīmadbhāgavate mahāpurāṇe ṣaṣṭhaskaṃdhe nārāyaṇavarmopadeśo nāmāṣṭamo'dhyāyaḥ ।

Recite with devotion and pure heart

Regular practice brings spiritual benefits

More stotras of Vishnu: