हैंహైHaindavamஹிહિં
📍
Font Size:
புருஷோத்தம ஸஹஸ்ர நாம ஸ்தோத்ரம்
விநியோக³꞉ –
புராணபுருஷோ விஷ்ணு꞉ புருஷோத்தம உச்யதே ।
நாம்னாம்ʼ ஸஹஸ்ரம்ʼ வக்ஷ்யாமி தஸ்ய பா⁴க³வதோத்³த்⁴ருʼதம் ॥ 1 ॥
யஸ்ய ப்ரஸாதா³த்³வாகீ³ஶா꞉ ப்ரஜேஶா விப⁴வோன்னதா꞉ ।
க்ஷுத்³ரா அபி ப⁴வந்த்யாஶு ஶ்ரீக்ருʼஷ்ணம்ʼ தம்ʼ நதோ(அ)ஸ்ம்யஹம் ॥ 2 ॥
அனந்தா ஏவ க்ருʼஷ்ணஸ்ய லீலா நாமப்ரவர்திகா꞉ ।
உக்தா பா⁴க³வதே கூ³ஹா꞉ ப்ரகடா அபி குத்ரசித் ॥ 3 ॥
அதஸ்தானி ப்ரவக்ஷ்யாமி நாமானி முரவைரிண꞉ ।
ஸஹஸ்ரம்ʼ யைஸ்து படி²தை꞉ படி²தம்ʼ ஸ்யாச்சு²காம்ருʼதம் ॥ 4 ॥
க்ருʼஷ்ணநாமஸஹஸ்ரஸ்ய ருʼஷிரக்³நிர்நிரூபித꞉ ।
கா³யத்ரீ ச ததா² ச²ந்தோ³ தே³வதா புருஷோத்தம꞉ ॥ 5 ॥
விநியோக³꞉ ஸமஸ்தேஷு புருஷார்தே²ஷு வை மத꞉ ।
பீ³ஜம்ʼ ப⁴க்தப்ரிய꞉ ஶக்தி꞉ ஸத்யவாகு³ச்யதே ஹரி꞉ ॥ 6 ॥
ப⁴க்தோத்³த⁴ரணயத்னஸ்து மந்த்ரோ(அ)த்ர பரமோ மத꞉ ।
அவதாரிதப⁴க்தாம்ʼஶ꞉ கீலகம்ʼ பரிகீர்திதம் ॥ 7 ॥
அஸ்த்ரம்ʼ ஸர்வஸமர்த²ஶ்ச கோ³விந்த³꞉ கவசம்ʼ மதம் ।
புருஷோ த்⁴யானமத்ரோக்த꞉ ஸித்³தி⁴꞉ ஶரணஸம்ʼஸ்ம்ருʼதி꞉ ॥ 8 ॥
அதி⁴காரலீலா –
ஶ்ரீக்ருʼஷ்ண꞉ ஸச்சிதா³னந்தோ³ நித்யலீலாவினோத³க்ருʼத் ।
ஸர்வாக³மவினோதீ³ ச லக்ஷ்மீஶ꞉ புருஷோத்தம꞉ ॥ 9 ॥
ஆதி³கால꞉ ஸர்வகால꞉ காலாத்மா மாயயாவ்ருʼத꞉ ।
ப⁴க்தோத்³தா⁴ரப்ரயத்னாத்மா ஜக³த்கர்தா ஜக³ன்மய꞉ ॥ 10 ॥
நாமலீலாபரோ விஷ்ணுர்வ்யாஸாத்மா ஶுகமோக்ஷத³꞉ ।
வ்யாபிவைகுண்ட²தா³தா ச ஶ்ரீமத்³பா⁴க³வதாக³ம꞉ ॥ 11 ॥
ஶுகவாக³ம்ருʼதாப்³தீ⁴ந்து³꞉ ஶௌனகாத்³யகி²லேஷ்டத³꞉ ।
ப⁴க்திப்ரவர்தகஸ்த்ராதா வ்யாஸசிந்தாவிநாஶக꞉ ॥ 12 ॥
ஸர்வஸித்³தா⁴ந்தவாகா³த்மா நாரதா³த்³யகி²லேஷ்டத³꞉ ।
அந்தராத்மா த்⁴யானக³ம்யோ ப⁴க்திரத்னப்ரதா³யக꞉ ॥ 13 ॥
முக்தோபஸ்ருʼப்ய꞉ பூர்ணாத்மா முக்தானாம்ʼ ரதிவர்த⁴ன꞉ ।
ப⁴க்தகார்யைகநிரதோ த்³ரௌண்யஸ்த்ரவிநிவாரக꞉ ॥ 14 ॥
ப⁴க்தஸ்மயப்ரணேதா ச ப⁴க்தவாக்பரிபாலக꞉ ।
ப்³ரஹ்மண்யதே³வோ த⁴ர்மாத்மா ப⁴க்தானாம்ʼ ச பரீக்ஷக꞉ ॥ 15 ॥
ஆஸன்னஹிதகர்தா ச மாயாஹிதகர꞉ ப்ரபு⁴꞉ ।
உத்தராப்ராணதா³தா ச ப்³ரஹ்மாஸ்த்ரவிநிவாரக꞉ ॥ 16 ॥
ஸர்வத꞉ பாணவபதி꞉ பரீக்ஷிச்சு²த்³தி⁴காரணம் ।
கூ³ஹாத்மா ஸர்வவேதே³ஷு ப⁴க்தைகஹ்ருʼத³யங்க³ம꞉ ॥ 17 ॥
குந்தீஸ்துத்ய꞉ ப்ரஸன்னாத்மா பரமாத்³பு⁴தகார்யக்ருʼத் ।
பீ⁴ஷ்மமுக்திப்ரத³꞉ ஸ்வாமீ ப⁴க்தமோஹநிவாரக꞉ ॥ 18 ॥
ஸர்வாவஸ்தா²ஸு ஸம்ʼஸேவ்ய꞉ ஸம꞉ ஸுக²ஹிதப்ரத³꞉ ।
க்ருʼதக்ருʼத்ய꞉ ஸர்வஸாக்ஷீ ப⁴க்தஸ்த்ரீரதிவர்த⁴ன꞉ ॥ 19 ॥
ஸர்வஸௌபா⁴க்³யநிலய꞉ பரமாஶ்சர்யரூபத்⁴ருʼக் ।
அனன்யபுருஷஸ்வாமீ த்³வாரகாபா⁴க்³யபா⁴ஜனம் ॥ 20 ॥
பீ³ஜஸம்ʼஸ்காரகர்தா ச பரீக்ஷிஜ்ஜானபோஷக꞉ ।
ஸர்வத்ரபூர்ணகு³ணக꞉ ஸர்வபூ⁴ஷணபூ⁴ஷித꞉ ॥ 21 ॥
ஸர்வலக்ஷணதா³தா ச த்⁴ருʼதராஷ்ட்ரவிமுக்தித³꞉ ।
ஸன்மார்க³ரக்ஷகோ நித்யம்ʼ விது³ரப்ரீதிபூரக꞉ ॥ 22 ॥
லீலாவ்யாமோஹகர்தா ச காலத⁴ர்மப்ரவர்தக꞉ ।
பாணவானாம்ʼ மோக்ஷதா³தா பரீக்ஷித்³பா⁴க்³யவர்த⁴ன꞉ ॥ 23 ॥
கலிநிக்³ரஹகர்தா ச த⁴ர்மாதீ³னாம்ʼ ச போஷக꞉ ।
ஸத்ஸங்க³ஜானஹேதுஶ்ச ஶ்ரீபா⁴க³வதகாரணம் ॥ 24 ॥
ப்ராக்ருʼதாத்³ருʼஷ்டமார்க³ஶ்ச சோந்தினுஏத்³
ஜ்ஞான-ஸாத⁴ன-லீலா ஶ்ரோதவ்ய꞉ ஸகலாக³மை꞉ ।
கீர்திதவ்ய꞉ ஶுத்³த⁴பா⁴வை꞉ ஸ்மர்தவ்யஶ்சாத்மவித்தமை꞉ ॥ 25 ॥
அனேகமார்க³கர்தா ச நானாவித⁴க³திப்ரத³꞉ ।
புருஷ꞉ ஸகலாதா⁴ர꞉ ஸத்த்வைகநிலயாத்மபூ⁴꞉ ॥ 26 ॥
ஸர்வத்⁴யேயோ யோக³க³ம்யோ ப⁴க்த்யா க்³ராஹ்ய꞉ ஸுரப்ரிய꞉ ।
ஜன்மாதி³ஸார்த²கக்ருʼதிர்லீலாகர்தா பதி꞉ ஸதாம் ॥ 27 ॥
ஆதி³கர்தா தத்த்வகர்தா ஸர்வகர்தா விஶாரத³꞉ ।
நானாவதாரகர்தா ச ப்³ரஹ்மாவிர்பா⁴வகாரணம் ॥ 28 ॥
த³ஶலீலாவினோதீ³ ச நானாஸ்ருʼஷ்டிப்ரவர்தக꞉ ।
அனேககல்பகர்தா ச ஸர்வதோ³ஷவிவர்ஜித꞉ ॥ 29 ॥
ஸர்க³லீலா –
வைராக்³யஹேதுஸ்தீர்தா²த்மா ஸர்வதீர்த²ப²லப்ரத³꞉ ।
தீர்த²ஶுத்³தை⁴கநிலய꞉ ஸ்வமார்க³பரிபோஷக꞉ ॥ 30 ॥
தீர்த²கீர்திர்ப⁴க்தக³ம்யோ ப⁴க்தானுஶயகார்யக்ருʼத் ।
ப⁴க்ததுல்ய꞉ ஸர்வதுல்ய꞉ ஸ்வேச்சா²ஸர்வப்ரவர்தக꞉ ॥ 31 ॥
கு³ணாதீதோ(அ)னவத்³யாத்மா ஸர்க³லீலாப்ரவர்தக꞉ ।
ஸாக்ஷாத்ஸர்வஜக³த்கர்தா மஹதா³தி³ப்ரவர்தக꞉ ॥ 32 ॥
மாயாப்ரவர்தக꞉ ஸாக்ஷீ மாயாரதிவிவர்த⁴ன꞉ ।
ஆகாஶாத்மா சதுர்மூர்திஶ்சதுர்தா⁴ பூ⁴தபா⁴வன꞉ ॥ 33 ॥
ரஜ꞉ப்ரவர்தகோ ப்³ரஹ்மா மரீச்யாதி³பிதாமஹ꞉ ।
வேத³கர்தா யஜ்ஞகர்தா ஸர்வகர்தா(அ)மிதாத்மக꞉ ॥ 34 ॥
அனேகஸ்ருʼஷ்டிகர்தா ச த³ஶதா⁴ஸ்ருʼஷ்டிகாரக꞉ ।
யஜ்ஞாங்கோ³ யஜ்ஞவாராஹோ பூ⁴த⁴ரோ பூ⁴மிபாலக꞉ ॥ 35 ॥
ஸேதுர்வித⁴ரணோ ஜைத்ரோ ஹிரண்யாக்ஷாந்தக꞉ ஸுர꞉ ।
தி³திகஶ்யபகாமைகஹேதுஸ்ருʼஷ்டிப்ரவர்தக꞉ ॥ 36 ॥
தே³வாப⁴யப்ரதா³தா ச வைகுண்டா²தி⁴பதிர்மஹான் ।
ஸர்வக³ர்வப்ரஹாரீ ச ஸனகாத்³யகி²லார்த²த³꞉ ॥ 37 ॥
ஸர்வாஶ்வாஸனகர்தா ச ப⁴க்ததுல்யாஹவப்ரத³꞉ ।
காலலக்ஷணஹேதுஶ்ச ஸர்வார்த²ஜ்ஞாபக꞉ பர꞉ ॥ 38 ॥
ப⁴க்தோன்னதிகர꞉ ஸர்வப்ரகாரஸுக²தா³யக꞉ ।
நானாயுத்³த⁴ப்ரஹரணோ ப்³ரஹ்மஶாபவிமோசக꞉ ॥ 39 ॥
புஷ்டிஸர்க³ப்ரணேதா ச கு³ணஸ்ருʼஷ்டிப்ரவர்தக꞉ ।
கர்த³மேஷ்டப்ரதா³தா ச தே³வஹூத்யகி²லார்த²த³꞉ ॥ 40 ॥
ஶுக்லநாராயண꞉ ஸத்யகாலத⁴ர்மப்ரவர்தக꞉ ।
ஜ்ஞானாவதார꞉ ஶாந்தாத்மா கபில꞉ காலநாஶக꞉ ॥ 41 ॥
த்ரிகு³ணாதி⁴பதி꞉ ஸாங்க்²யஶாஸ்த்ரகர்தா விஶாரத³꞉ ।
ஸர்க³தூ³ஷணஹாரீ ச புஷ்டிமோக்ஷப்ரவர்தக꞉ ॥ 42 ॥
லௌகிகானந்த³தா³தா ச ப்³ரஹ்மானந்த³ப்ரவர்தக꞉ ।
ப⁴க்திஸித்³தா⁴ந்தவக்தா ச ஸகு³ணஜ்ஞாநதீ³பக꞉ ॥ 43 ॥
ஆத்மப்ரத³꞉ பூர்ணகாமோ யோகா³த்மா யோக³பா⁴வித꞉ ।
ஜீவன்முக்திப்ரத³꞉ ஶ்ரீமானன்யப⁴க்திப்ரவர்தக꞉ ॥ 44 ॥
காலஸாமர்த்²யதா³தா ச காலதோ³ஷநிவாரக꞉ ।
க³ர்போ⁴த்தமஜ்ஞானதா³தா கர்மமார்க³னியாமக꞉ ॥ 45 ॥
ஸர்வமார்க³நிராகர்தா ப⁴க்திமார்கை³கபோஷக꞉ ।
ஸித்³தி⁴ஹேது꞉ ஸர்வஹேது꞉ ஸர்வாஶ்சர்யைககாரணம் ॥ 46 ॥
சேதனாசேதனபதி꞉ ஸமுத்³ரபரிபூஜித꞉ ।
ஸாங்க்²யாசார்யஸ்துத꞉ ஸித்³த⁴பூஜித꞉ ஸர்வபூஜித꞉ ॥ 47 ॥
விஸர்க³லீலா –
விஸர்க³கர்தா ஸர்வேஶ꞉ கோடிஸூர்யஸமப்ரப⁴꞉ ।
அனந்தகு³ணக³ம்பீ⁴ரோ மஹாபுருஷபூஜித꞉ ॥ 48 ॥
அனந்தஸுக²தா³தா ச ப்³ரஹ்மகோடிப்ரஜாபதி꞉ ।
ஸுதா⁴கோடிஸ்வாஸ்த்²யஹேது꞉ காமது⁴க்கோடிகாமத³꞉ ॥ 49 ॥
ஸமுத்³ரகோடிக³ம்பீ⁴ரஸ்தீர்த²கோடிஸமாஹ்வய꞉ ।
ஸுமேருகோடிநிஷ்கம்ப꞉ கோடிப்³ரஹ்மாண்ட³விக்³ரஹ꞉ ॥ 50 ॥
கோட்யஶ்வமேத⁴பாபக்⁴னோ வாயுகோடிமஹாப³ல꞉ ।
கோடீந்து³ஜக³தா³னந்தீ³ ஶிவகோடிப்ரஸாத³க்ருʼத் ॥ 51 ॥
ஸர்வஸத்³கு³ணமாஹாத்ம்ய꞉ ஸர்வஸத்³கு³ணபா⁴ஜனம் ।
மன்வாதி³ப்ரேரகோ த⁴ர்மோ யஜ்ஞநாராயண꞉ பர꞉ ॥ 52 ॥
ஆகூதிஸூனுர்தே³வேந்த்³ரோ ருசிஜன்மா(அ)ப⁴யப்ரத³꞉ ।
த³க்ஷிணாபதிரோஜஸ்வீ க்ரியாஶக்தி꞉ பராயண꞉ ॥ 53 ॥
த³த்தாத்ரேயோ யோக³பதிர்யோக³மார்க³ப்ரவர்தக꞉ ।
அனஸூயாக³ர்ப⁴ரத்னம்ருʼஷிவம்ʼஶவிவர்த⁴ன꞉ ॥ 54 ॥
கு³ணத்ரயவிபா⁴க³ஜ்ஞஶ்சதுர்வர்க³விஶாரத³꞉ ।
நாராயணோ த⁴ர்மஸூனுர்மூர்திபுண்யயஶஸ்கர꞉ ॥ 55 ॥
ஸஹஸ்ரகவசச்சே²தீ³ தப꞉ஸாரோ நரப்ரிய꞉ ।
விஶ்வானந்த³ப்ரத³꞉ கர்மஸாக்ஷீ பா⁴ரதபூஜித꞉ ॥ 56 ॥
அனந்தாத்³பு⁴தமாஹாத்ம்யோ ப³த³ரீஸ்தா²னபூ⁴ஷணம் ।
ஜிதகாமோ ஜிதக்ரோதோ⁴ ஜிதஸங்கோ³ ஜிதேந்த்³ரிய꞉ ॥ 57 ॥
உர்வஶீப்ரப⁴வ꞉ ஸ்வர்க³ஸுக²தா³யீ ஸ்தி²திப்ரத³꞉ ।
அமானீ மானதோ³ கோ³ப்தா ப⁴க³வச்சா²ஸ்த்ரபோ³த⁴க꞉ ॥ 58 ॥
ப்³ரஹ்மாதி³வந்த்³யோ ஹம்ʼஸஶ்ரீர்மாயாவைப⁴வகாரணம் ।
விவிதா⁴னந்தஸர்கா³த்மா விஶ்வபூரணதத்பர꞉ ॥ 59 ॥
யஜ்ஞஜீவனஹேதுஶ்ச யஜ்ஞஸ்வாமீஷ்டபோ³த⁴க꞉ ।
நானாஸித்³தா⁴ந்தக³ம்யஶ்ச ஸப்ததந்துஶ்ச ஷட்³கு³ண꞉ ॥ 60 ॥
ப்ரதிஸர்க³ஜக³த்கர்தா நானாலீலாவிஶாரத³꞉ ।
த்⁴ருவப்ரியோ த்⁴ருவஸ்வாமீ சிந்திதாதி⁴கதா³யக꞉ ॥ 61 ॥
து³ர்லபா⁴னந்தப²லதோ³ த³யாநிதி⁴ரமித்ரஹா ।
அங்க³ஸ்வாமீ க்ருʼபாஸாரோ வைன்யோ பூ⁴மினியாமக꞉ ॥ 62 ॥
பூ⁴மிதோ³க்³தா⁴ ப்ரஜாப்ராணபாலனைகபராயண꞉ ।
யஶோதா³தா ஜ்ஞானதா³தா ஸர்வத⁴ர்மப்ரத³ர்ஶக꞉ ॥ 63 ॥
புரஞ்ஜனோ ஜக³ன்மித்ரம்ʼ விஸர்கா³ந்தப்ரத³ர்ஶக꞉ ।
ப்ரசேதஸாம்ʼ பதிஶ்சித்ரப⁴க்திஹேதுர்ஜனார்த³ன꞉ ॥ 64 ॥
ஸ்ம்ருʼதிஹேதுப்³ரஹ்மபா⁴வஸாயுஜ்யாதி³ப்ரத³꞉ ஶுப⁴꞉ ।
விஜயீ சோந்தினுஏத்³ ஸ்தா²னலீலா ஸ்தி²திலீலாப்³தி⁴ரச்யுதோ விஜயப்ரத³꞉ ॥ 65 ॥
ஸ்வஸாமர்த்²யப்ரதோ³ ப⁴க்தகீர்திஹேதுரதோ⁴க்ஷஜ꞉ ।
ப்ரியவ்ரதப்ரியஸ்வாமீ ஸ்வேச்சா²வாத³விஶாரத³꞉ ॥ 66 ॥
ஸங்க்³யக³ம்ய꞉ ஸ்வப்ரகாஶ꞉ ஸர்வஸங்க³விவர்ஜித꞉ ।
இச்சா²யாம்ʼ ச ஸமர்யாத³ஸ்த்யாக³மாத்ரோபலம்ப⁴ன꞉ ॥ 67 ॥
அசிந்த்யகார்யகர்தா ச தர்காகோ³சரகார்யக்ருʼத் ।
ஶருʼங்கா³ரரஸமர்யாதா³ ஆக்³னீத்⁴ரரஸபா⁴ஜனம் ॥ 68 ॥
நாபீ⁴ஷ்டபூரக꞉ கர்மமர்யாதா³த³ர்ஶனோத்ஸுக꞉ ।
ஸர்வரூபோ(அ)த்³பு⁴ததமோ மர்யாதா³புருஷோத்தம꞉ ॥ 69 ॥
ஸர்வரூபேஷு ஸத்யாத்மா காலஸாக்ஷீ ஶஶிப்ரப⁴꞉ ।
மேருதே³வீவ்ரதப²லம்ருʼஷபோ⁴ ப⁴க³லக்ஷண꞉ ॥ 70 ॥
ஜக³த்ஸந்தர்பகோ மேக⁴ரூபீ தே³வேந்த்³ரத³ர்பஹா ।
ஜயந்தீபதிரத்யந்தப்ரமாணாஶேஷலௌகிக꞉ ॥ 71 ॥
ஶததா⁴ன்யஸ்தபூ⁴தாத்மா ஶதானந்தோ³ கு³ணப்ரஸூ꞉ ।
வைஷ்ணவோத்பாத³னபர꞉ ஸர்வத⁴ர்மோபதே³ஶக꞉ ॥ 72 ॥
பரஹம்ʼஸக்ரியாகோ³ப்தா யோக³சர்யாப்ரத³ர்ஶக꞉ ।
சதுர்தா²ஶ்ரமநிர்ணேதா ஸதா³னந்த³ஶரீரவான் ॥ 73 ॥
ப்ரத³ர்ஶிதான்யத⁴ர்மஶ்ச ப⁴ரதஸ்வாம்யபாரக்ருʼத் ।
யதா²வத்கர்மகர்தா ச ஸங்கா³நிஷ்டப்ரத³ர்ஶக꞉ ॥ 74 ॥
ஆவஶ்யகபுனர்ஜன்மகர்மமார்க³ப்ரத³ர்ஶக꞉ ।
யஜ்ஞரூபம்ருʼக³꞉ ஶாந்த꞉ ஸஹிஷ்ணு꞉ ஸத்பராக்ரம꞉ ॥ 75 ॥
ரஹூக³ணக³திஜ்ஞஶ்ச ரஹூக³ணவிமோசக꞉ ।
ப⁴வாடவீதத்த்வவக்தா ப³ஹிர்முக²ஹிதே ரத꞉ ॥ 76 ॥
க³யஸ்வாமீ ஸ்தா²னவம்ʼஶகர்தா ஸ்தா²னவிபே⁴த³க்ருʼத் ।
புருஷாவயவோ பூ⁴மிவிஶேஷவிநிரூபக꞉ ॥ 77 ॥
ஜம்பூ³த்³வீபபதிர்மேருநாபி⁴பத்³மருஹாஶ்ரய꞉ ।
நானாவிபூ⁴திலீலாட்⁴யோ க³ங்கோ³த்பத்திநிதா³னக்ருʼத் ॥ 78 ॥
க³ங்கா³மாஹாத்ம்யஹேதுஶ்ச க³ங்கா³ரூபோ(அ)திகூ³ட⁴க்ருʼத் ।
வைகுண்ட²தே³ஹஹேத்வம்பு³ஜன்மக்ருʼத் ஸர்வபாவன꞉ ॥ 79 ॥
ஶிவஸ்வாமீ ஶிவோபாஸ்யோ கூ³ட⁴꞉ ஸங்கர்ஷணாத்மக꞉ ।
ஸ்தா²நரக்ஷார்த²மத்ஸ்யாதி³ரூப꞉ ஸர்வைகபூஜித꞉ ॥ 80 ॥
உபாஸ்யனானாரூபாத்மா ஜ்யோதீரூபோ க³திப்ரத³꞉ ।
ஸூர்யநாராயணோ வேத³காந்திருஜ்ஜ்வலவேஷத்⁴ருʼக் ॥ 81 ॥
ஹம்ʼஸோ(அ)ந்தரிக்ஷக³மன꞉ ஸர்வப்ரஸவகாரணம் ।
ஆனந்த³கர்தா வஸுதோ³ பு³தோ⁴ வாக்பதிருஜ்ஜ்வல꞉ ॥ 82 ॥
காலாத்மா காலகாலஶ்ச காலச்சே²த³க்ருʼது³த்தம꞉ ।
ஶிஶுமார꞉ ஸர்வமூர்திராதி⁴தை³விகரூபத்⁴ருʼக் ॥ 83 ॥
அனந்தஸுக²போ⁴கா³ட்⁴யோ விவரைஶ்வர்யபா⁴ஜனம் ।
ஸங்கர்ஷணோ தை³த்யபதி꞉ ஸர்வாதா⁴ரோ ப்³ருʼஹத்³வபு꞉ ॥ 84 ॥
அனந்தநரகச்சே²தீ³ ஸ்ம்ருʼதிமாத்ரார்திநாஶன꞉ ।
ஸர்வானுக்³ரஹகர்தா ச சோந்தினுஏத்³
போஷண-புஷ்டி-லீலா மர்யாதா³பி⁴ன்னஶாஸ்த்ரக்ருʼத் ॥ 85 ॥
காலாந்தகப⁴யச்சே²தீ³ நாமஸாமர்த்²யரூபத்⁴ருʼக் ।
உத்³தா⁴ரானர்ஹகோ³ப்த்ராத்மா நாமாதி³ப்ரேரகோத்தம꞉ ॥ 86 ॥
அஜாமிலமஹாது³ஷ்டமோசகோ(அ)க⁴விமோசக꞉ ।
த⁴ர்மவக்தா(அ)க்லிஷ்டவக்தா விஷ்ணுத⁴ர்மஸ்வரூபத்⁴ருʼக் ॥ 87 ॥
ஸன்மார்க³ப்ரேரகோ த⁴ர்தா த்யாக³ஹேதுரதோ⁴க்ஷஜ꞉ ।
வைகுண்ட²புரனேதா ச தா³ஸஸம்ʼவ்ருʼத்³தி⁴காரக꞉ ॥ 88 ॥
த³க்ஷப்ரஸாத³க்ருʼத்³த⁴ம்ʼஸகு³ஹ்யஸ்துதிவிபா⁴வன꞉ ।
ஸ்வாபி⁴ப்ராயப்ரவக்தா ச முக்தஜீவப்ரஸூதிக்ருʼத் ॥ 89 ॥
நாரத³ப்ரேரணாத்மா ச ஹர்யஶ்வப்³ரஹ்மபா⁴வன꞉ ।
ஶப³லாஶ்வஹிதோ கூ³ட⁴வாக்யார்த²ஜ்ஞாபனக்ஷம꞉ ॥ 90 ॥
கூ³டா⁴ர்த²ஜ்ஞாபன꞉ ஸர்வமோக்ஷானந்த³ப்ரதிஷ்டி²த꞉ ।
புஷ்டிப்ரரோஹஹேதுஶ்ச தா³ஸைகஜ்ஞாதஹ்ருʼத்³க³த꞉ ॥ 91 ॥
ஶாந்திகர்தா ஸுஹிதக்ருʼத் ஸ்த்ரீப்ரஸூ꞉ ஸர்வகாமது⁴க் ।
புஷ்டிவம்ʼஶப்ரணேதா ச விஶ்வரூபேஷ்டதே³வதா ॥ 92 ॥
கவசாத்மா பாலனாத்மா வர்மோபசிதிகாரணம் ।
விஶ்வரூபஶிரஶ்சே²தீ³ த்வாஷ்ட்ரயஜ்ஞவிநாஶக꞉ ॥ 93 ॥
வ்ருʼத்ரஸ்வாமீ வ்ருʼத்ரக³ம்யோ வ்ருʼத்ரவ்ரதபராயண꞉ ।
வ்ருʼத்ரகீர்திர்வ்ருʼத்ரமோக்ஷோ மக⁴வத்ப்ராணரக்ஷக꞉ ॥ 94 ॥
அஶ்வமேத⁴ஹவிர்போ⁴க்தா தே³வேந்த்³ராமீவநாஶக꞉ ।
ஸம்ʼஸாரமோசகஶ்சித்ரகேதுபோ³த⁴னதத்பர꞉ ॥ 95 ॥
மந்த்ரஸித்³தி⁴꞉ ஸித்³தி⁴ஹேது꞉ ஸுஸித்³தி⁴ப²லதா³யக꞉ ।
மஹாதே³வதிரஸ்கர்தா ப⁴க்த்யை பூர்வார்த²நாஶக꞉ ॥ 96 ॥
தே³வப்³ராஹ்மணவித்³வேஷவைமுக்²யஜ்ஞாபக꞉ ஶிவ꞉ ।
ஆதி³த்யோ தை³த்யராஜஶ்ச மஹத்பதிரசிந்த்யக்ருʼத் ॥ 97 ॥
மருதாம்ʼ பே⁴த³கஸ்த்ராதா வ்ரதாத்மா பும்ப்ரஸூதிக்ருʼத் ।
ஊதிலீலா கர்மாத்மா வாஸனாத்மா ச ஊதிலீலாபராயண꞉ ॥ 98 ॥
ஸமதை³த்யஸுர꞉ ஸ்வாத்மா வைஷம்யஜ்ஞானஸம்ʼஶ்ரய꞉ ।
தே³ஹாத்³யுபாதி⁴ரஹித꞉ ஸர்வஜ்ஞ꞉ ஸர்வஹேதுவித்³ ॥ 99 ॥
ப்³ரஹ்மவாக்ஸ்தா²பனபர꞉ ஸ்வஜன்மாவதி⁴கார்யக்ருʼத் ।
ஸத³ஸத்³வாஸனாஹேதுஸ்த்ரிஸத்யோ ப⁴க்தமோசக꞉ ॥ 100 ॥
ஹிரண்யகஶிபுத்³வேஷீ ப்ரவிஷ்டாத்மா(அ)திபீ⁴ஷண꞉ ।
ஶாந்திஜ்ஞாநாதி³ஹேதுஶ்ச ப்ரஹ்லாதோ³த்பத்திகாரணம் ॥ 101 ॥
தை³த்யஸித்³தா⁴ந்தஸத்³வக்தா தப꞉ஸார உதா³ரதீ⁴꞉ ।
தை³த்யஹேதுப்ரகடனோ ப⁴க்திசிஹ்னப்ரகாஶக꞉ ॥ 102 ॥
ஸத்³த்³வேஷஹேது꞉ ஸத்³த்³வேஷவாஸனாத்மா நிரந்தர꞉ ।
நைஷ்டு²ர்யஸீமா ப்ரஹ்லாத³வத்ஸல꞉ ஸங்க³தோ³ஷஹா ॥ 103 ॥
மஹானுபா⁴வ꞉ ஸாகார꞉ ஸர்வாகார꞉ ப்ரமாணபூ⁴꞉ ।
ஸ்தம்ப⁴ப்ரஸூதிர்ந்ருʼஹரிர்ந்ருʼஸிம்ʼஹோ பீ⁴மவிக்ரம꞉ ॥ 104 ॥
விகடாஸ்யோ லலஜ்ஜிஹ்வோ நக²ஶஸ்த்ரோ ஜவோத்கட꞉ ।
ஹிரண்யகஶிபுச்சே²தீ³ க்ரூரதை³த்யநிவாரக꞉ ॥ 105 ॥
ஸிம்ʼஹாஸனஸ்த²꞉ க்ரோதா⁴த்மா லக்ஷ்மீப⁴யவிவர்த⁴ன꞉ ।
ப்³ரஹ்மாத்³யத்யந்தப⁴யபூ⁴ரபூர்வாசிந்த்யரூபத்⁴ருʼக் ॥ 106 ॥
ப⁴க்தைகஶாந்தஹ்ருʼத³யோ ப⁴க்தஸ்துத்ய꞉ ஸ்துதிப்ரிய꞉ ।
ப⁴க்தாங்க³லேஹனோத்³தூ⁴தக்ரோத⁴புங்ஜ꞉ ப்ரஶாந்ததீ⁴꞉ ॥ 107 ॥
ஸ்ம்ருʼதிமாத்ரப⁴யத்ராதா ப்³ரஹ்மபு³த்³தி⁴ப்ரதா³யக꞉ ।
கோ³ரூபதா⁴ர்யம்ருʼதபா꞉ ஶிவகீர்திவிவர்த⁴ன꞉ ॥ 108 ॥
த⁴ர்மாத்மா ஸர்வகர்மாத்மா விஶேஷாத்மா(ஆ)ஶ்ரமப்ரபு⁴꞉ ।
ஸம்ʼஸாரமக்³னஸ்வோத்³த⁴ர்தா ஸன்மார்கா³கி²லதத்த்வவாக் ॥ 109 ॥
ஆசாராத்மா ஸதா³சார꞉ சோந்தினுஏத்³ மன்வந்தரலீலா மன்வந்தரவிபா⁴வன꞉ ।
ஸ்ம்ருʼத்யா(அ)ஶேஷாஶுப⁴ஹரோ க³ஜேந்த்³ரஸ்ம்ருʼதிகாரணம் ॥ 110 ॥
ஜாதிஸ்மரணஹேத்வைகபூஜாப⁴க்திஸ்வரூபத³꞉ ।
யஜ்ஞோ ப⁴யான்மனுத்ராதா விபு⁴ர்ப்³ரஹ்மவ்ரதாஶ்ரய꞉ ॥ 111 ॥
ஸத்யஸேனோ து³ஷ்டகா⁴தீ ஹரிர்க³ஜவிமோசக꞉ ।
வைகுண்டோ² லோககர்தா ச அஜிதோ(அ)ம்ருʼதகாரணம் ॥ 112 ॥
உருக்ரமோ பூ⁴மிஹர்தா ஸார்வபௌ⁴மோ ப³லிப்ரிய꞉ ।
விபு⁴꞉ ஸர்வஹிதைகாத்மா விஷ்வக்ஸேன꞉ ஶிவப்ரிய꞉ ॥ 113 ॥
த⁴ர்மஸேதுர்லோகத்⁴ருʼதி꞉ ஸுதா⁴மாந்தரபாலக꞉ ।
உபஹர்தா யோக³பதிர்ப்³ருʼஹத்³பா⁴னு꞉ க்ரியாபதி꞉ ॥ 114 ॥
சதுர்த³ஶப்ரமாணாத்மா த⁴ர்மோ மன்வாதி³போ³த⁴க꞉ ।
லக்ஷ்மீபோ⁴கை³கநிலயோ தே³வமந்த்ரப்ரதா³யக꞉ ॥ 115 ॥
தை³த்யவ்யாமோஹக꞉ ஸாக்ஷாத்³க³ருட³ஸ்கந்த⁴ஸம்ʼஶ்ரய꞉ ।
லீலாமந்த³ரதா⁴ரீ ச தை³த்யவாஸுகிபூஜித꞉ ॥ 116 ॥
ஸமுத்³ரோன்மத²னாயத்தோ(அ)விக்⁴னகர்தா ஸ்வவாக்யக்ருʼத் ।
ஆதி³கூர்ம꞉ பவித்ராத்மா மந்த³ராக⁴ர்ஷணோத்ஸுக꞉ ॥ 117 ॥
ஶ்வாஸைஜத³ப்³தி⁴வார்வீசி꞉ கல்பாந்தாவதி⁴கார்யக்ருʼத் ।
சதுர்த³ஶமஹாரத்னோ லக்ஷ்மீஸௌபா⁴க்³யவர்த⁴ன꞉ ॥ 118 ॥
த⁴ன்வந்தரி꞉ ஸுதா⁴ஹஸ்தோ யஜ்ஞபோ⁴க்தா(ஆ)ர்திநாஶன꞉ ।
ஆயுர்வேத³ப்ரணேதா ச தே³வதை³த்யாகி²லார்சித꞉ ॥ 119 ॥
பு³த்³தி⁴வ்யாமோஹகோ தே³வகார்யஸாத⁴னதத்பர꞉ ।
ஸ்த்ரீரூபோ மாயயா வக்தா தை³த்யாந்த꞉கரணப்ரிய꞉ ॥ 120 ॥
பாயிதாம்ருʼததே³வாம்ʼஶோ யுத்³த⁴ஹேதுஸ்ம்ருʼதிப்ரத³꞉ ।
ஸுமாலிமாலிவத⁴க்ருʼன்மால்யவத்ப்ராணஹாரக꞉ ॥ 121 ॥
காலனேமிஶிரஶ்சே²தீ³ தை³த்யயஜ்ஞவிநாஶக꞉ ।
இந்த்³ரஸாமர்த்²யதா³தா ச தை³த்யஶேஷஸ்தி²திப்ரிய꞉ ॥ 122 ॥
ஶிவவ்யாமோஹகோ மாயீ ப்⁴ருʼகு³மந்த்ரஸ்வஶக்தித³꞉ ।
ப³லிஜீவனகர்தா ச ஸ்வர்க³ஹேதுர்வ்ரதார்சித꞉ ॥ 123 ॥
அதி³த்யானந்த³கர்தா ச கஶ்யபாதி³திஸம்ப⁴வ꞉ ।
உபேந்த்³ர இந்த்³ராவரஜோ வாமனப்³ரஹ்மரூபத்⁴ருʼக் ॥ 124 ॥
ப்³ரஹ்மாதி³ஸேவிதவபுர்யஜ்ஞபாவனதத்பர꞉ ।
யாச்ஞோபதே³ஶகர்தா ச ஜ்ஞாபிதாஶேஷஸம்ʼஸ்தி²தி꞉ ॥ 125 ॥
ஸத்யார்த²ப்ரேரக꞉ ஸர்வஹர்தா க³ர்வவிநாஶக꞉ ।
த்ரிவிக்ரமஸ்த்ரிலோகாத்மா விஶ்வமூர்தி꞉ ப்ருʼது²ஶ்ரவா꞉ ॥ 126 ॥
பாஶப³த்³த⁴ப³லி꞉ ஸர்வதை³த்யபக்ஷோபமர்த³க꞉ ।
ஸுதலஸ்தா²பிதப³லி꞉ ஸ்வர்கா³தி⁴கஸுக²ப்ரத³꞉ ॥ 127 ॥
கர்மஸம்பூர்திகர்தா ச ஸ்வர்க³ஸம்ʼஸ்தா²பிதாமர꞉ ।
ஜ்ஞாதத்ரிவித⁴த⁴ர்மாத்மா மஹாமீனோ(அ)ப்³தி⁴ஸம்ʼஶ்ரய꞉ ॥ 128 ॥
ஸத்யவ்ரதப்ரியோ கோ³ப்தா மத்ஸ்யமூர்தித்⁴ருʼதஶ்ருதி꞉ ।
ஶருʼங்க³ப³த்³த⁴த்⁴ருʼதக்ஷோணி꞉ ஸர்வார்த²ஜ்ஞாபகோ கு³ரு꞉ ॥ 129 ॥
ஈஶானுகதா²லீலா –
ஈஶஸேவகலீலாத்மா ஸூர்யவம்ʼஶப்ரவர்தக꞉ ।
ஸோமவம்ʼஶோத்³ப⁴வகரோ மனுபுத்ரக³திப்ரத³꞉ ॥ 130 ॥
அம்ப³ரீஷப்ரிய꞉ ஸாது⁴ர்து³ர்வாஸோக³ர்வநாஶக꞉ ।
ப்³ரஹ்மஶாபோபஸம்ʼஹர்தா ப⁴க்தகீர்திவிவர்த⁴ன꞉ ॥ 131 ॥
இக்ஷ்வாகுவம்ʼஶஜனக꞉ ஸக³ராத்³யகி²லார்த²த³꞉ ।
ப⁴கீ³ரத²மஹாயத்னோ க³ங்கா³தௌ⁴தாங்க்⁴ரிபங்கஜ꞉ ॥ 132 ॥
ப்³ரஹ்மஸ்வாமீ ஶிவஸ்வாமீ ஸக³ராத்மஜமுக்தித³꞉ ।
க²ட்வாங்க³மோக்ஷஹேதுஶ்ச ரகு⁴வம்ʼஶவிவர்த⁴ன꞉ ॥ 133 ॥
ரகு⁴நாதோ² ராமசந்த்³ரோ ராமப⁴த்³ரோ ரகு⁴ப்ரிய꞉ ।
அனந்தகீர்தி꞉ புண்யாத்மா புண்யஶ்லோகைகபா⁴ஸ்கர꞉ ॥ 134 ॥
கோஶலேந்த்³ர꞉ ப்ரமாணாத்மா ஸேவ்யோ த³ஶரதா²த்மஜ꞉ ।
லக்ஷ்மணோ ப⁴ரதஶ்சைவ ஶத்ருக்⁴னோ வ்யூஹவிக்³ரஹ꞉ ॥ 135 ॥
விஶ்வாமித்ரப்ரியோ தா³ந்தஸ்தாட³காவத⁴மோக்ஷத³꞉ ।
வாயவ்யாஸ்த்ராப்³தி⁴நிக்ஷிப்தமாரீசஶ்ச ஸுபா³ஹுஹா ॥ 136 ॥
வ்ருʼஷத்⁴வஜத⁴னுர்ப⁴ங்க³ப்ராப்தஸீதாமஹோத்ஸவ꞉ ।
ஸீதாபதிர்ப்⁴ருʼகு³பதிக³ர்வபர்வதநாஶக꞉ ॥ 137 ॥
அயோத்⁴யாஸ்த²மஹாபோ⁴க³யுக்தலக்ஷ்மீவினோத³வான் ।
கைகேயீவாக்யகர்தா ச பித்ருʼவாக்பரிபாலக꞉ ॥ 138 ॥
வைராக்³யபோ³த⁴கோ(அ)னன்யஸாத்த்விகஸ்தா²னபோ³த⁴க꞉ ।
அஹல்யாது³꞉க²ஹாரீ ச கு³ஹஸ்வாமீ ஸலக்ஷ்மண꞉ ॥ 139 ॥
சித்ரகூடப்ரியஸ்தா²னோ த³ண்ட³காரண்யபாவன꞉ ।
ஶரப⁴ங்க³ஸுதீக்ஷ்ணாதி³பூஜிதோ(அ)க³ஸ்த்யபா⁴க்³யபூ⁴꞉ ॥ 140 ॥
ருʼஷிஸம்ப்ரார்தி²தக்ருʼதிர்விராத⁴வத⁴பண்டி³த꞉ ।
சி²ன்னஶூர்பணகா²னாஸ꞉ க²ரதூ³ஷணகா⁴தக꞉ ॥ 141 ॥
ஏகபா³ணஹதானேகஸஹஸ்ரப³லராக்ஷஸ꞉ ।
மாரீசகா⁴தீ நியதஸீதாஸம்ப³ந்த⁴ஶோபி⁴த꞉ ॥ 142 ॥
ஸீதாவியோக³நாட்யஶ்ச ஜடாயுர்வத⁴மோக்ஷத³꞉ ।
ஶப³ரீபூஜிதோ ப⁴க்தஹனுமத்ப்ரமுகா²வ்ருʼத꞉ ॥ 143 ॥
து³ந்து³ப்⁴யஸ்தி²ப்ரஹரண꞉ ஸப்ததாலவிபே⁴த³ன꞉ ।
ஸுக்³ரீவராஜ்யதோ³ வாலிகா⁴தீ ஸாக³ரஶோஷண꞉ ॥ 144 ॥
ஸேதுப³ந்த⁴னகர்தா ச விபீ⁴ஷணஹிதப்ரத³꞉ ।
ராவணாதி³ஶிரஶ்சே²தீ³ ராக்ஷஸாகௌ⁴க⁴நாஶக꞉ ॥ 145 ॥
ஸீதா(அ)ப⁴யப்ரதா³தா ச புஷ்பகாக³மனோத்ஸுக꞉ ।
அயோத்⁴யாபதிரத்யந்தஸர்வலோகஸுக²ப்ரத³꞉ ॥ 146 ॥
மது²ராபுரநிர்மாதா ஸுக்ருʼதஜ்ஞஸ்வரூபத³꞉ ।
ஜனகஜ்ஞானக³ம்யஶ்ச ஐலாந்தப்ரகடஶ்ருதி꞉ ॥ 147 ॥
ஹைஹயாந்தகரோ ராமோ து³ஷ்டக்ஷத்ரவிநாஶக꞉ ।
ஸோமவம்ʼஶஹிதைகாத்மா யது³வம்ʼஶவிவர்த⁴ன꞉ ॥ 148 ॥
நிரோத⁴லீலா –
பரப்³ரஹ்மாவதரண꞉ கேஶவ꞉ க்லேஶநாஶன꞉ ।
பூ⁴மிபா⁴ராவதரணோ ப⁴க்தார்தா²கி²லமானஸ꞉ ॥ 149 ॥
ஸர்வப⁴க்தநிரோதா⁴த்மா லீலானந்தநிரோத⁴க்ருʼத் ।
பூ⁴மிஷ்ட²பரமானந்தோ³ தே³வகீஶுத்³தி⁴காரணம் ॥ 150 ॥
வஸுதே³வஜ்ஞானநிஷ்ட²ஸமஜீவநிவாரக꞉ ।
ஸர்வவைராக்³யகரணஸ்வலீலாதா⁴ரஶோத⁴க꞉ ॥ 151 ॥
மாயாஜ்ஞாபனகர்தா ச ஶேஷஸம்பா⁴ரஸம்ப்⁴ருʼதி꞉ ।
ப⁴க்தக்லேஶபரிஜ்ஞாதா தந்நிவாரணதத்பர꞉ ॥ 152 ॥
ஆவிஷ்டவஸுதே³வாம்ʼஶோ தே³வகீக³ர்ப⁴பூ⁴ஷணம் ।
பூர்ணதேஜோமய꞉ பூர்ண꞉ கம்ʼஸாத்⁴ருʼஷ்யப்ரதாபவான் ॥ 153 ॥
விவேகஜ்ஞானதா³தா ச ப்³ரஹ்மாத்³யகி²லஸம்ʼஸ்துத꞉ ।
ஸத்யோ ஜக³த்கல்பதருர்னானாரூபவிமோஹன꞉ ॥ 154 ॥
ப⁴க்திமார்க³ப்ரதிஷ்டா²தா வித்³வன்மோஹப்ரவர்தக꞉ ।
மூலகாலகு³ணத்³ரஷ்டா நயனானந்த³பா⁴ஜனம் ॥ 155 ॥
வஸுதே³வஸுகா²ப்³தி⁴ஶ்ச தே³வகீநயனாம்ருʼதம் ।
பித்ருʼமாத்ருʼஸ்துத꞉ பூர்வஸர்வவ்ருʼத்தாந்தபோ³த⁴க꞉ ॥ 156 ॥
கோ³குலாக³திலீலாப்தவஸுதே³வகரஸ்தி²தி꞉ ।
ஸர்வேஶத்வப்ரகடனோ மாயாவ்யத்யயகாரக꞉ ॥ 157 ॥
ஜ்ஞாநமோஹிதது³ஷ்டேஶ꞉ ப்ரபஞ்சாஸ்ம்ருʼதிகாரணம் ।
யஶோதா³நந்த³னோ நந்த³பா⁴க்³யபூ⁴கோ³குலோத்ஸவ꞉ ॥ 158 ॥
நந்த³ப்ரியோ நந்த³ஸூனுர்யஶோதா³யா꞉ ஸ்தனந்த⁴ய꞉ ।
பூதனாஸுபய꞉பாதா முக்³த⁴பா⁴வாதிஸுந்த³ர꞉ ॥ 159 ॥
ஸுந்த³ரீஹ்ருʼத³யானந்தோ³ கோ³பீமந்த்ராபி⁴மந்த்ரித꞉ ।
கோ³பாலாஶ்சர்யரஸக்ருʼத் ஶகடாஸுரக²ண்ட³ன꞉ ॥ 160 ॥
நந்த³வ்ரஜஜனானந்தீ³ நந்த³பா⁴க்³யமஹோத³ய꞉ ।
த்ருʼணாவர்தவதோ⁴த்ஸாஹோ யஶோதா³ஜ்ஞானவிக்³ரஹ꞉ ॥ 161 ॥
ப³லப⁴த்³ரப்ரிய꞉ க்ருʼஷ்ண꞉ ஸங்கர்ஷணஸஹாயவான் ।
ராமானுஜோ வாஸுதே³வோ கோ³ஷ்டா²ங்க³ணக³திப்ரிய꞉ ॥ 162 ॥
கிங்கிணீரவபா⁴வஜ்ஞோ வத்ஸபுச்சா²வலம்ப³ன꞉ ।
நவனீதப்ரியோ கோ³பீமோஹஸம்ʼஸாரநாஶக꞉ ॥ 163 ॥
கோ³பபா³லகபா⁴வஜ்ஞஶ்சௌர்யவித்³யாவிஶாரத³꞉ ।
ம்ருʼத்ஸ்நாப⁴க்ஷணலீலாஸ்யமாஹாத்ம்யஜ்ஞானதா³யக꞉ ॥ 164 ॥
த⁴ராத்³ரோணப்ரீதிகர்தா த³தி⁴பா⁴ண்ட³விபே⁴த³ன꞉ ।
தா³மோத³ரோ ப⁴க்தவஶ்யோ யமலார்ஜுனப⁴ஞ்ஜன꞉ ॥ 165 ॥
ப்³ருʼஹத்³வனமஹாஶ்சர்யோ வ்ருʼந்தா³வனக³திப்ரிய꞉ ।
வத்ஸகா⁴தீ பா³லகேலிர்ப³காஸுரநிஷூத³ன꞉ ॥ 166 ॥
அரண்யபோ⁴க்தா(அ)ப்யத²வா பா³லலீலாபராயண꞉ ।
ப்ரோத்ஸாஹஜனகஶ்சைவமகா⁴ஸுரநிஷூத³ன꞉ ॥ 167 ॥
வ்யாலமோக்ஷப்ரத³꞉ புஷ்டோ ப்³ரஹ்மமோஹப்ரவர்த⁴ன꞉ ।
அனந்தமூர்தி꞉ ஸர்வாத்மா ஜங்க³மஸ்தா²வராக்ருʼதி꞉ ॥ 168 ॥
ப்³ரஹ்மமோஹனகர்தா ச ஸ்துத்ய ஆத்மா ஸதா³ப்ரிய꞉ ।
பௌக³ண்ட³லீலாபி⁴ரதிர்கோ³சாரணபராயண꞉ ॥ 169 ॥
வ்ருʼந்தா³வனலதாகு³ல்மவ்ருʼக்ஷரூபநிரூபக꞉ ।
நாத³ப்³ரஹ்மப்ரகடனோ வய꞉ப்ரதிக்ருʼதிஸ்வன꞉ ॥ 170 ॥
ப³ர்ஹிந்ருʼத்யானுகரணோ கோ³பாலானுக்ருʼதிஸ்வன꞉ ।
ஸதா³சாரப்ரதிஷ்டா²தா ப³லஶ்ரமநிராக்ருʼதி꞉ ॥ 171 ॥
தருமூலக்ருʼதாஶேஷதல்பஶாயீ ஸகி²ஸ்துத꞉ ।
கோ³பாலஸேவிதபத³꞉ ஶ்ரீலாலிதபதா³ம்பு³ஜ꞉ ॥ 172 ॥
கோ³பஸம்ப்ரார்தி²தப²லதா³னநாஶிததே⁴னுக꞉ ।
காலீயப²ணிமாணிக்யரஞ்ஜிதஶ்ரீபதா³ம்பு³ஜ꞉ ॥ 173 ॥
த்³ருʼஷ்டிஸங்ஜீவிதாஶேஷகோ³பகோ³கோ³பிகாப்ரிய꞉ ।
லீலாஸம்பீததா³வாக்³னி꞉ ப்ரலம்ப³வத⁴பண்டி³த꞉ ॥ 174 ॥
தா³வாக்³ன்யாவ்ருʼதகோ³பாலத்³ருʼஷ்ட்யாச்சா²த³னவஹ்னிப꞉ ।
வர்ஷாஶரத்³விபூ⁴திஶ்ரீர்கோ³பீகாமப்ரபோ³த⁴க꞉ ॥ 175 ॥
கோ³பீரத்னஸ்துதாஶேஷவேணுவாத்³யவிஶாரத³꞉ ।
காத்யாயனீவ்ரதவ்யாஜஸர்வபா⁴வாஶ்ரிதாங்க³ன꞉ ॥ 176 ॥
ஸத்ஸங்க³திஸ்துதிவ்யாஜஸ்துதவ்ருʼந்தா³வனாங்க்⁴ரிப꞉ ।
கோ³பக்ஷுச்சா²ந்திஸம்ʼவ்யாஜவிப்ரபா⁴ர்யாப்ரஸாத³க்ருʼத் ॥ 177 ॥
ஹேதுப்ராப்தேந்த்³ரயாக³ஸ்வகார்யகோ³ஸவபோ³த⁴க꞉ ।
ஶைலரூபக்ருʼதாஶேஷரஸபோ⁴க³ஸுகா²வஹ꞉ ॥ 178 ॥
லீலாகோ³வர்த⁴னோத்³தா⁴ரபாலிதஸ்வவ்ரஜப்ரிய꞉ ।
கோ³பஸ்வச்ச²ந்த³லீலார்த²க³ர்க³வாக்யார்த²போ³த⁴க꞉ ॥ 179 ॥
இந்த்³ரதே⁴னுஸ்துதிப்ராப்தகோ³விந்தே³ந்த்³ராபி⁴தா⁴னவான் ।
வ்ரதாதி³த⁴ர்மஸம்ʼஸக்தனந்த³க்லேஶவிநாஶக꞉ ॥ 180 ॥
நந்தா³தி³கோ³பமாத்ரேஷ்டவைகுண்ட²க³திதா³யக꞉ ।
வேணுவாத³ஸ்மரக்ஷோப⁴மத்தகோ³பீவிமுக்தித³꞉ ॥ 181 ॥
ஸர்வபா⁴வப்ராப்தகோ³பீஸுக²ஸம்ʼவர்த⁴னக்ஷம꞉ ।
கோ³பீக³ர்வப்ரணாஶார்த²திரோதா⁴னஸுக²ப்ரத³꞉ ॥ 182 ॥
க்ருʼஷ்ணபா⁴வவ்யாப்தவிஶ்வகோ³பீபா⁴விதவேஷத்⁴ருʼக் ।
ராதா⁴விஶேஷஸம்போ⁴க³ப்ராப்ததோ³ஷநிவாரக꞉ ॥ 183 ॥
பரமப்ரீதிஸங்கீ³தஸர்வாத்³பு⁴தமஹாகு³ண꞉ ।
மானாபனோத³னாக்ரந்த³கோ³பீத்³ருʼஷ்டிமஹோத்ஸவ꞉ ॥ 184 ॥
கோ³பிகாவ்யாப்தஸர்வாங்க³꞉ ஸ்த்ரீஸம்பா⁴ஷாவிஶாரத³꞉ ।
ராஸோத்ஸவமஹாஸௌக்²யகோ³பீஸம்போ⁴க³ஸாக³ர꞉ ॥ 185 ॥
ஜலஸ்த²லரதிவ்யாப்தகோ³பீத்³ருʼஷ்ட்யபி⁴பூஜித꞉ ।
ஶாஸ்த்ரானபேக்ஷகாமைகமுக்தித்³வாரவிவர்த⁴ன꞉ ॥ 186 ॥
ஸுத³ர்ஶனமஹாஸர்பக்³ரஸ்தனந்த³விமோசக꞉ ।
கீ³தமோஹிதகோ³பீத்⁴ருʼக்ஷங்க²சூட³விநாஶக꞉ ॥ 187 ॥
கு³ணஸங்கீ³தஸந்துஷ்டிர்கோ³பீஸம்ʼஸாரவிஸ்ம்ருʼதி꞉ ।
அரிஷ்டமத²னோ தை³த்யபு³த்³தி⁴வ்யாமோஹகாரக꞉ ॥ 188 ॥
கேஶிகா⁴தீ நாரதே³ஷ்டோ வ்யோமாஸுரவிநாஶக꞉ ।
அக்ரூரப⁴க்திஸம்ʼராத்³த⁴பாத³ரேணுமஹாநிதி⁴꞉ ॥ 189 ॥
ரதா²வரோஹஶுத்³தா⁴த்மா கோ³பீமானஸஹாரக꞉ ।
ஹ்ரத³ஸந்த³ர்ஶிதாஶேஷவைகுண்டா²க்ரூரஸம்ʼஸ்துத꞉ ॥ 190 ॥
மது²ராக³மனோத்ஸாஹோ மது²ராபா⁴க்³யபா⁴ஜனம் ।
மது²ராநக³ரீஶோபா⁴த³ர்ஶனோத்ஸுகமானஸ꞉ ॥ 191 ॥
து³ஷ்டரஞ்ஜககா⁴தீ ச வாயகார்சிதவிக்³ரஹ꞉ ।
வஸ்த்ரமாலாஸுஶோபா⁴ங்க³꞉ குப்³ஜாலேபனபூ⁴ஷித꞉ ॥ 192 ॥
குப்³ஜாஸுரூபகர்தா ச குப்³ஜாரதிவரப்ரத³꞉ ।
ப்ரஸாத³ரூபஸந்துஷ்டஹரகோத³ண்ட³க²ண்ட³ன꞉ ॥ 193 ॥
ஶகலாஹதகம்ʼஸாப்தத⁴னூரக்ஷகஸைனிக꞉ ।
ஜாக்³ரத்ஸ்வப்னப⁴யவ்யாப்தம்ருʼத்யுலக்ஷணபோ³த⁴க꞉ ॥ 194 ॥
மது²ராமல்ல ஓஜஸ்வீ மல்லயுத்³த⁴விஶாரத³꞉ ।
ஸத்³ய꞉ குவலயாபீட³கா⁴தீ சாணூரமர்த³ன꞉ ॥ 195 ॥
லீலாஹதமஹாமல்ல꞉ ஶலதோஶலகா⁴தக꞉ ।
கம்ʼஸாந்தகோ ஜிதாமித்ரோ வஸுதே³வவிமோசக꞉ ॥ 196 ॥
ஜ்ஞாததத்த்வபித்ருʼஜ்ஞாநமோஹனாம்ருʼதவாங்மய꞉ ।
உக்³ரஸேனப்ரதிஷ்டா²தா யாத³வாதி⁴விநாஶக꞉ ॥ 197 ॥
நந்தா³தி³ஸாந்த்வனகரோ ப்³ரஹ்மசர்யவ்ரதே ஸ்தி²த꞉ ।
கு³ருஶுஶ்ரூஷணபரோ வித்³யாபாரமிதேஶ்வர꞉ ॥ 198 ॥
ஸாந்தீ³பனிம்ருʼதாபத்யதா³தா காலாந்தகாதி³ஜித் ।
கோ³குலாஶ்வாஸனபரோ யஶோதா³னந்த³போஷக꞉ ॥ 199 ॥
கோ³பிகாவிரஹவ்யாஜமனோக³திரதிப்ரத³꞉ ।
ஸமோத்³த⁴வப்⁴ரமரவாக் கோ³பிகாமோஹநாஶக꞉ ॥ 200 ॥
குப்³ஜாரதிப்ரதோ³(அ)க்ரூரபவித்ரீக்ருʼதபூ⁴க்³ருʼஹ꞉ ।
ப்ருʼதா²து³꞉க²ப்ரணேதா ச பாண்ட³வானாம்ʼ ஸுக²ப்ரத³꞉ ॥ 201 ॥
த³ஶமஸ்கந்தோ⁴த்தரார்த⁴நாமானி நிரோத⁴லீலா
ஜராஸந்த⁴ஸமானீதஸைன்யகா⁴தீ விசாரக꞉ ।
யவநவ்யாப்தமது²ராஜனத³த்தகுஶஸ்த²லி꞉ ॥ 202 ॥
த்³வாரகாத்³பு⁴தநிர்மாணவிஸ்மாபிதஸுராஸுர꞉ ।
மனுஷ்யமாத்ரபோ⁴கா³ர்த²பூ⁴ம்யானீதேந்த்³ரவைப⁴வ꞉ ॥ 203 ॥
யவநவ்யாப்தமது²ராநிர்க³மானந்த³விக்³ரஹ꞉ ।
முசுகுந்த³மஹாபோ³த⁴யவனப்ராணத³ர்பஹா ॥ 204 ॥
முசுகுந்த³ஸ்துதாஶேஷகு³ணகர்மமஹோத³ய꞉ ।
ப²லப்ரதா³னஸந்துஷ்டிர்ஜன்மாந்தரிதமோக்ஷத³꞉ ॥ 205 ॥
ஶிவப்³ராஹ்மணவாக்யாப்தஜயபீ⁴திவிபா⁴வன꞉ ।
ப்ரவர்ஷணப்ரார்தி²தாக்³நிதா³னபுண்யமஹோத்ஸவ꞉ ॥ 206 ॥
ருக்மிணீரமண꞉ காமபிதா ப்ரத்³யும்னபா⁴வன꞉ ।
ஸ்யமந்தகமணிவ்யாஜப்ராப்தஜாம்ப³வதீபதி꞉ ॥ 207 ॥
ஸத்யபா⁴மாப்ராணபதி꞉ காலிந்தீ³ரதிவர்த⁴ன꞉ ।
மித்ரவிந்தா³பதி꞉ ஸத்யாபதிர்வ்ருʼஷநிஷூத³ன꞉ ॥ 208 ॥
ப⁴த்³ராவாஞ்சி²தப⁴ர்தா ச லக்ஷ்மணாவரணக்ஷம꞉ ।
இந்த்³ராதி³ப்ரார்தி²தவத⁴நரகாஸுரஸூத³ன꞉ ॥ 209 ॥
முராரி꞉ பீட²ஹந்தா ச தாம்ராதி³ப்ராணஹாரக꞉ ।
ஷோட³ஶஸ்த்ரீஸஹஸ்ரேஶ꞉ ச²த்ரகுண்ட³லதா³னக்ருʼத் ॥ 210 ॥
பாரிஜாதாபஹரணோ தே³வேந்த்³ரமத³நாஶக꞉ ।
ருக்மிணீஸமஸர்வஸ்த்ரீஸாத்⁴யபோ⁴க³ரதிப்ரத³꞉ ॥ 211 ॥
ருக்மிணீபரிஹாஸோக்திவாக்திரோதா⁴னகாரக꞉ ।
புத்ரபௌத்ரமஹாபா⁴க்³யக்³ருʼஹத⁴ர்மப்ரவர்தக꞉ ॥ 212 ॥
ஶம்ப³ராந்தகஸத்புத்ரவிவாஹஹதருக்மிக꞉ ।
உஷாபஹ்ருʼதபௌத்ரஶ்ரீர்பா³ணபா³ஹுநிவாரக꞉ ॥ 213 ॥
ஶீதஜ்வரப⁴யவ்யாப்தஜ்வரஸம்ʼஸ்துதஷட்³கு³ண꞉ ।
ஶங்கரப்ரதியோத்³தா⁴ ச த்³வந்த்³வயுத்³த⁴விஶாரத³꞉ ॥ 214 ॥
ந்ருʼக³பாபப்ரபே⁴த்தா ச ப்³ரஹ்மஸ்வகு³ணதோ³ஷத்³ருʼக் ।
விஷ்ணுப⁴க்திவிரோதை⁴கப்³ரஹ்மஸ்வவிநிவாரக꞉ ॥ 215 ॥
ப³லப⁴த்³ராஹிதகு³ணோ கோ³குலப்ரீதிதா³யக꞉ ।
கோ³பீஸ்னேஹைகநிலயோ கோ³பீப்ராணஸ்தி²திப்ரத³꞉ ॥ 216 ॥
வாக்யாதிகா³மியமுனாஹலாகர்ஷணவைப⁴வ꞉ ।
பௌண்ட்³ரகத்யாஜிதஸ்பர்த⁴꞉ காஶீராஜவிபே⁴த³ன꞉ ॥ 217 ॥
காஶீனிதா³ஹகரண꞉ ஶிவப⁴ஸ்மப்ரதா³யக꞉ ।
த்³விவித³ப்ராணகா⁴தீ ச கௌரவாக²ர்வக³ர்வனுத் ॥ 218 ॥
லாங்க³லாக்ருʼஷ்டநக³ரீஸம்ʼவிக்³னாகி²லநாக³ர꞉ ।
ப்ரபந்நாப⁴யத³꞉ ஸாம்ப³ப்ராப்தஸன்மானபா⁴ஜனம் ॥ 219 ॥
நாரதா³ன்விஷ்டசரணோ ப⁴க்தவிக்ஷேபநாஶக꞉ ।
ஸதா³சாரைகநிலய꞉ ஸுத⁴ர்மாத்⁴யாஸிதாஸன꞉ ॥ 220 ॥
ஜராஸந்தா⁴வருத்³தே⁴ன விஜ்ஞாபிதநிஜக்லம꞉ ।
மந்த்ர்யுத்³த⁴வாதி³வாக்யோக்தப்ரகாரைகபராயண꞉ ॥ 221 ॥
ராஜஸூயாதி³மக²க்ருʼத் ஸம்ப்ரார்தி²தஸஹாயக்ருʼத் ।
இந்த்³ரப்ரஸ்த²ப்ரயாணார்த²மஹத்ஸம்பா⁴ரஸம்ப்⁴ருʼதி꞉ ॥ 222 ॥
ஜராஸந்த⁴வத⁴வ்யாஜமோசிதாஶேஷபூ⁴மிப꞉ ।
ஸன்மார்க³போ³த⁴கோ யஜ்ஞக்ஷிதிவாரணதத்பர꞉ ॥ 223 ॥
ஶிஶுபாலஹதிவ்யாஜஜயஶாபவிமோசக꞉ ।
து³ர்யோத⁴நாபி⁴மானாப்³தி⁴ஶோஷபா³ணவ்ருʼகோத³ர꞉ ॥ 224 ॥
மஹாதே³வவரப்ராப்தபுரஶால்வவிநாஶக꞉ ।
த³ந்தவக்த்ரவத⁴வ்யாஜவிஜயாகௌ⁴க⁴நாஶக꞉ ॥ 225 ॥
விதூ³ரத²ப்ராணஹர்தா ந்யஸ்தஶஸ்த்ராஸ்த்ரவிக்³ரஹ꞉ ।
உபத⁴ர்மவிலிப்தாங்க³ஸூதகா⁴தீ வரப்ரத³꞉ ॥ 226 ॥
ப³ல்வலப்ராணஹரணபாலிதர்ஷிஶ்ருதிக்ரிய꞉ ।
ஸர்வதீர்தா²க⁴நாஶார்த²தீர்த²யாத்ராவிஶாரத³꞉ ॥ 227 ॥
ஜ்ஞானக்ரியாவிபே⁴தே³ஷ்டப²லஸாத⁴னதத்பர꞉ ।
ஸாரத்²யாதி³க்ரியாகர்தா ப⁴க்தவஶ்யத்வபோ³த⁴க꞉ ॥ 228 ॥
ஸுதா³மாரங்கபா⁴ர்யார்த²பூ⁴ம்யானீதேந்த்³ரவைப⁴வ꞉ ।
ரவிக்³ரஹநிமித்தாப்தகுருக்ஷேத்ரைகபாவன꞉ ॥ 229 ॥
ந்ருʼபகோ³பீஸமஸ்தஸ்த்ரீபாவனார்தா²கி²லக்ரிய꞉ ।
ருʼஷிமார்க³ப்ரதிஷ்டா²தா வஸுதே³வமக²க்ரிய꞉ ॥ 230 ॥
வஸுதே³வஜ்ஞானதா³தா தே³வகீபுத்ரதா³யக꞉ ।
அர்ஜுனஸ்த்ரீப்ரதா³தா ச ப³ஹுலாஶ்வஸ்வரூபத³꞉ ॥ 231 ॥
ஶ்ருததே³வேஷ்டதா³தா ச ஸர்வஶ்ருதிநிரூபித꞉ ।
மஹாதே³வாத்³யதிஶ்ரேஷ்டோ² ப⁴க்திலக்ஷணநிர்ணய꞉ ॥ 232 ॥
வ்ருʼகக்³ரஸ்தஶிவத்ராதா நானாவாக்யவிஶாரத³꞉ ।
நரக³ர்வவிநாஶார்த²ஹ்ருʼதப்³ராஹ்மணபா³லக꞉ ॥ 233 ॥
லோகாலோகபரஸ்தா²னஸ்தி²தபா³லகதா³யக꞉ ।
த்³வாரகாஸ்த²மஹாபோ⁴க³னானாஸ்த்ரீரதிவர்த⁴ன꞉ ॥ 234 ॥
மனஸ்திரோதா⁴னக்ருʼதவ்யக்³ரஸ்த்ரீசித்தபா⁴வித꞉ ।
முக்திலீலா முக்திலீலாவிஹரணோ மௌஶலவ்யாஜஸம்ʼஹ்ருʼதி꞉ ॥ 235 ॥
ஶ்ரீபா⁴க³வதத⁴ர்மாதி³போ³த⁴கோ ப⁴க்திநீதிக்ருʼத் ।
உத்³த⁴வஜ்ஞானதா³தா ச பஞ்சவிம்ʼஶதிதா⁴ கு³ரு꞉ ॥ 236 ॥
ஆசாரப⁴க்திமுக்த்யாதி³வக்தா ஶப்³தோ³த்³ப⁴வஸ்தி²தி꞉ ।
ஹம்ʼஸோ த⁴ர்மப்ரவக்தா ச ஸனகாத்³யுபதே³ஶக்ருʼத் ॥ 237 ॥
ப⁴க்திஸாத⁴னவக்தா ச யோக³ஸித்³தி⁴ப்ரதா³யக꞉ ।
நானாவிபூ⁴திவக்தா ச ஶுத்³த⁴த⁴ர்மாவபோ³த⁴க꞉ ॥ 238 ॥
மார்க³த்ரயவிபே⁴தா³த்மா நாநாஶங்காநிவாரக꞉ ।
பி⁴க்ஷுகீ³தாப்ரவக்தா ச ஶுத்³த⁴ஸாங்க்²யப்ரவர்தக꞉ ॥ 239 ॥
மனோகு³ணவிஶேஷாத்மா ஜ்ஞாபகோக்தபுரூரவா꞉ ।
பூஜாவிதி⁴ப்ரவக்தா ச ஸர்வஸித்³தா⁴ந்தபோ³த⁴க꞉ ॥ 240 ॥
லகு⁴ஸ்வமார்க³வக்தா ச ஸ்வஸ்தா²னக³திபோ³த⁴க꞉ ।
யாத³வாங்கோ³பஸம்ʼஹர்தா ஸர்வாஶ்சர்யக³திக்ரிய꞉ ॥ 241 ॥
ஆஶ்ரயலீலா காலத⁴ர்மவிபே⁴தா³ர்த²வர்ணநாஶனதத்பர꞉ ।
பு³த்³தோ⁴ கு³ப்தார்த²வக்தா ச நாநாஶாஸ்த்ரவிதா⁴யக꞉ ॥ 242 ॥
நஷ்டத⁴ர்மமனுஷ்யாதி³லக்ஷணஜ்ஞாபனோத்ஸுக꞉ ।
ஆஶ்ரயைகக³திஜ்ஞாதா கல்கி꞉ கலிமலாபஹ꞉ ॥ 243 ॥
ஶாஸ்த்ரவைராக்³யஸம்போ³தோ⁴ நானாப்ரலயபோ³த⁴க꞉ ।
விஶேஷத꞉ ஶுகவ்யாஜபரீக்ஷிஜ்ஜ்ஞானபோ³த⁴க꞉ ॥ 244 ॥
ஶுகேஷ்டக³திரூபாத்மா பரீக்ஷித்³தே³ஹமோக்ஷத³꞉ ।
ஶப்³த³ரூபோ நாத³ரூபோ வேத³ரூபோ விபே⁴த³ன꞉ ॥ 245 ॥
வ்யாஸ꞉ ஶாகா²ப்ரவக்தா ச புராணார்த²ப்ரவர்தக꞉ ।
மார்கண்டே³யப்ரஸன்னாத்மா வடபத்ரபுடேஶய꞉ ॥ 246 ॥
மாயாவ்யாப்தமஹாமோஹது³꞉க²ஶாந்திப்ரவர்தக꞉ ।
மஹாதே³வஸ்வரூபஶ்ச ப⁴க்திதா³தா க்ருʼபாநிதி⁴꞉ ॥ 247 ॥
ஆதி³த்யாந்தர்க³த꞉ கால꞉ த்³வாத³ஶாத்மா ஸுபூஜித꞉ ।
ஶ்ரீபா⁴க³வதரூபஶ்ச ஸர்வார்த²ப²லதா³யக꞉ ॥ 248 ॥
இதீத³ம்ʼ கீர்தனீயஸ்ய ஹரேர்நாமஸஹஸ்ரகம் ।
பஞ்சஸப்ததிவிஸ்தீர்ணம்ʼ புராணாந்தரபா⁴ஷிதம் ॥ 249 ॥
ய ஏதத்ப்ராதருத்தா²ய ஶ்ரத்³தா⁴வான் ஸுஸமாஹித꞉ ।
ஜபேத³ர்தா²ஹிதமதி꞉ ஸ கோ³விந்த³பத³ம்ʼ லபே⁴த் ॥ 250 ॥
ஸர்வத⁴ர்மவிநிர்முக்த꞉ ஸர்வஸாத⁴னவர்ஜித꞉ ।
ஏதத்³தா⁴ரணமாத்ரேண க்ருʼஷ்ணஸ்ய பத³வீம்ʼ வ்ரஜேத் ॥ 251 ॥
ஹர்யாவேஶிதசித்தேன ஶ்ரீபா⁴க³வதஸாக³ராத் ।
ஸமுத்³த்⁴ருʼதானி நாமானி சிந்தாமணினிபா⁴னி ஹி ॥ 252 ॥
கண்ட²ஸ்தி²தான்யர்த²தீ³ப்த்யா பா³த⁴ந்தே(அ)ஜ்ஞானஜம்ʼ தம꞉ ।
ப⁴க்திம்ʼ ஶ்ரீக்ருʼஷ்ணதே³வஸ்ய ஸாத⁴யந்தி விநிஶ்சிதம் ॥ 253 ॥
கிம்ப³ஹூக்தேன ப⁴க³வான் நாமபி⁴꞉ ஸ்துதஷட்³கு³ண꞉ ।
ஆத்மபா⁴வம்ʼ நயத்யாஶு ப⁴க்திம்ʼ ச குருதே த்³ருʼடா⁴ம் ॥ 254 ॥
ய꞉ க்ருʼஷ்ணப⁴க்திமிஹ வாஞ்ச²தி ஸாத⁴னௌகை⁴ர்-
நாமானி பா⁴ஸுரயஶாம்ʼஸி ஜபேத்ஸ நித்யம் ।
தம்ʼ வை ஹரி꞉ ஸ்வபுருஷம்ʼ குருதே(அ)திஶீக்⁴ரம்ʼ-
ஆத்மார்பணம்ʼ ஸமதி⁴க³ச்ச²தி பா⁴வதுஷ்ட꞉ ॥ 255 ॥
ஶ்ரீக்ருʼஷ்ண க்ருʼஷ்ணஸக² வ்ருʼஷ்ணிவ்ருʼஷாவநித்⁴ருக்³-
ராஜன்யவம்ʼஶத³ஹனானபவர்க³வீர்ய ।
கோ³விந்த³ கோ³பவனிதாவ்ரஜப்⁴ருʼத்யகீ³த
தீர்த²ஶ்ரவ꞉ ஶ்ரவணமங்க³ல பாஹி ப்⁴ருʼத்யான் ॥ 256 ॥
॥ இதி ஶ்ரீபா⁴க³வதஸாரஸமுச்சயே வைஶ்வானரோக்தம்ʼ ஶ்ரீவல்லபா⁴சார்யவிரசிதம்ʼ ஶ்ரீபுருஷோத்தமஸஹஸ்ரநாமஸ்தோத்ரம்ʼ ஸம்பூர்ணம் ॥
Recite with devotion and pure heart
Regular practice brings spiritual benefits