அங்க³ந்யாஸ꞉ – ஓம்ʼ ஓம்ʼ பாத³யோ꞉ நம꞉ । ஓம்ʼ நம்ʼ ஜானுனோ꞉ நம꞉ । ஓம்ʼ மோம்ʼ ஊர்வோ꞉ நம꞉ । ஓம்ʼ நாம்ʼ உத³ரே நம꞉ । ஓம்ʼ ராம்ʼ ஹ்ருʼதி³ நம꞉ । ஓம்ʼ யம்ʼ உரஸி நம꞉ । ஓம்ʼ ணாம்ʼ முகே² நம꞉ । ஓம்ʼ யம்ʼ ஶிரஸி நம꞉ । கரந்யாஸ꞉ – ஓம்ʼ ஓம்ʼ த³க்ஷிணதர்ஜன்யாம்ʼ நம꞉ । ஓம்ʼ நம்ʼ த³க்ஷிணமத்⁴யமாயாம்ʼ நம꞉ । ஓம்ʼ மோம்ʼ த³க்ஷிணாநாமிகாயாம்ʼ நம꞉ । ஓம்ʼ ப⁴ம்ʼ த³க்ஷிணகநிஷ்டி²காயாம்ʼ நம꞉ । ஓம்ʼ க³ம்ʼ வாமகநிஷ்டி²காயாம்ʼ நம꞉ । ஓம்ʼ வம்ʼ வாமாநிகாயாம்ʼ நம꞉ । ஓம்ʼ தேம்ʼ வாமமத்⁴யமாயாம்ʼ நம꞉ । ஓம்ʼ வாம்ʼ வாமதர்ஜன்யாம்ʼ நம꞉ । ஓம்ʼ ஸும்ʼ த³க்ஷிணாங்கு³ஷ்டோ²ர்த்⁴வபர்வணி நம꞉ । ஓம்ʼ தே³ம்ʼ த³க்ஷிணாங்கு³ஷ்டா²த⁴꞉ பர்வணி நம꞉ । ஓம்ʼ வாம்ʼ வாமாங்கு³ஷ்டோ²ர்த்⁴வபர்வணி நம꞉ । ஓம்ʼ யம்ʼ வாமாங்கு³ஷ்டா²த⁴꞉ பர்வணி நம꞉ । விஷ்ணுஷட³க்ஷரந்யாஸ꞉ – ஓம்ʼ ஓம்ʼ ஹ்ருʼத³யே நம꞉ । ஓம்ʼ விம்ʼ மூர்த்⁴னை நம꞉ । ஓம்ʼ ஷம்ʼ ப்⁴ருர்வோர்மத்⁴யே நம꞉ । ஓம்ʼ ணம்ʼ ஶிகா²யாம்ʼ நம꞉ । ஓம்ʼ வேம்ʼ நேத்ரயோ꞉ நம꞉ । ஓம்ʼ நம்ʼ ஸர்வஸந்தி⁴ஷு நம꞉ । ஓம்ʼ ம꞉ ப்ராச்யாம்ʼ அஸ்த்ராய ப²ட் । ஓம்ʼ ம꞉ ஆக்³னேய்யாம்ʼ அஸ்த்ராய ப²ட் । ஓம்ʼ ம꞉ த³க்ஷிணஸ்யாம்ʼ அஸ்த்ராய ப²ட் । ஓம்ʼ ம꞉ நைருʼத்யே அஸ்த்ராய ப²ட் । ஓம்ʼ ம꞉ ப்ரதீச்யாம்ʼ அஸ்த்ராய ப²ட் । ஓம்ʼ ம꞉ வாயவ்யே அஸ்த்ராய ப²ட் । ஓம்ʼ ம꞉ உதீ³ச்யாம்ʼ அஸ்த்ராய ப²ட் । ஓம்ʼ ம꞉ ஐஶான்யாம்ʼ அஸ்த்ராய ப²ட் । ஓம்ʼ ம꞉ ஊர்த்⁴வாயாம்ʼ அஸ்த்ராய ப²ட் । ஓம்ʼ ம꞉ அத⁴ராயாம்ʼ அஸ்த்ராய ப²ட் । ஶ்ரீ ஹரி꞉ அத² ஶ்ரீநாராயணகவச ராஜோவாச – யயா கு³ப்த꞉ ஸஹஸ்ராக்ஷ꞉ ஸவாஹான் ரிபுஸைனிகான் । க்ரீட³ன்னிவ விநிர்ஜித்ய த்ரிலோக்யா பு³பு⁴ஜே ஶ்ரியம் ॥ 1 ॥ ப⁴க³வம்ʼஸ்தன்மமாக்²யாஹி வர்ம நாராயணாத்மகம் । யதா²(ஆ)ததாயின꞉ ஶத்ரூன் யேன கு³ப்தோ(அ)ஜயன்ம்ருʼதே⁴ ॥ 2 ॥ ஶ்ரீ ஶுக உவாச – வ்ருʼத꞉ புரோஹிதஸ்த்வாஷ்ட்ரோ மஹேந்த்³ராயானுப்ருʼச்ச²தே । நாராயணாக்²யம்ʼ வர்மாஹ ததி³ஹைகமனா꞉ ஶ்ருʼணு ॥ 3 ॥ ஶ்ரீவிஶ்வரூப உவாச – தௌ⁴தாங்க்⁴ரிபாணிராசம்ய ஸபவித்ர உத³ங்முக²꞉ । க்ருʼதஸ்வாங்க³கரந்யாஸோ மந்த்ராப்⁴யாம்ʼ வாக்³யத꞉ ஶுசி꞉ ॥ 4 ॥ நாராயணமயம்ʼ வர்ம ஸன்னஹ்யேத்³ப⁴ய ஆக³தே । தை³வபூ⁴தாத்மகர்மப்⁴யோ நாராயணமய꞉ புமான் ॥ 5 ॥ பாத³யோர்ஜானுனோரூர்வோருத³ரே ஹ்ருʼத்³யதோ²ரஸி । முகே² ஶிரஸ்யானுபூர்வ்யாதோ³ங்காராதீ³னி வின்யஸேத் ॥ 6 ॥ ஓம்ʼ நமோ நாராயணாயேதி விபர்யயமதா²பி வா । கரந்யாஸம்ʼ தத꞉ குர்யாத்³த்³வாத³ஶாக்ஷரவித்³யயா ॥ 7 ॥ ப்ரணவாதி³யகாராந்தமங்கு³ல்யங்கு³ஷ்ட²பர்வஸு । ந்யஸேத்³த்⁴ருʼத³ய ஓங்காரம்ʼ விகாரமனு மூர்த⁴னி ॥ 8 ॥ ஷகாரம்ʼ து ப்⁴ருவோர்மத்⁴யே ணகாரம்ʼ ஶிக²யா ந்யஸேத் । வேகாரம்ʼ நேத்ரயோர்யுஞ்ஜ்யான்னகாரம்ʼ ஸர்வஸந்தி⁴ஷு ॥ 9 ॥ மகாரமஸ்த்ரமுத்³தி³ஶ்ய மந்த்ரமூர்திர்ப⁴வேத்³பு³த⁴꞉ । ஸவிஸர்க³ம்ʼ ப²ட³ந்தம்ʼ தத்ஸர்வதி³க்ஷு விநிர்தி³ஶேத் ॥ 10 ॥ ஓம்ʼ விஷ்ணவே நம꞉ ॥ இத்யாத்மானம்ʼ பரம்ʼ த்⁴யாயேத்³த்⁴யேயம்ʼ ஷட்ச²க்திபி⁴ர்யுதம் । வித்³யாதேஜஸ்தபோமூர்திமிமம்ʼ மந்த்ரமுதா³ஹரேத் ॥ 11 ॥ ஓம்ʼ ஹரிர்வித³த்⁴யான்மம ஸர்வரக்ஷாம்ʼ ந்யஸ்தாங்க்⁴ரிபத்³ம꞉ பதகே³ந்த்³ர ப்ருʼஷ்டே² । த³ராரிசர்மாஸிக³தே³ஷுசாப- -பாஶாந்த³தா⁴னோ(அ)ஷ்டகு³ணோ(அ)ஷ்டபா³ஹு꞉ ॥ 12 ॥ ஜலேஷு மாம்ʼ ரக்ஷது மத்ஸ்யமூர்தி- -ர்யாதோ³க³ணேப்⁴யோ வருணஸ்ய பாஶாத் । ஸ்த²லேஷு மாயாவடுவாமனோ(அ)வ்யா- -த்த்ரிவிக்ரம꞉ கே²(அ)வது விஶ்வரூப꞉ ॥ 13 ॥ து³ர்கே³ஷ்வடவ்யாஜிமுகா²தி³ஷு ப்ரபு⁴꞉ பாயாந்ந்ருʼஸிம்ʼஹோ(அ)ஸுரயூத²பாரி꞉ । விமுஞ்சதோ யஸ்ய மஹாட்டஹாஸம்ʼ தி³ஶோ வினேது³ர்ன்யபதம்ʼஶ்ச க³ர்பா⁴꞉ ॥ 14 ॥ ரக்ஷத்வஸௌ மாத்⁴வனி யஜ்ஞகல்ப꞉ ஸ்வத³ம்ʼஷ்ட்ரயோன்னீதத⁴ரோ வராஹ꞉ । ராமோ(அ)த்³ரிகூடேஷ்வத² விப்ரவாஸே ஸலக்ஷ்மணோ(அ)வ்யாத்³ப⁴ரதாக்³ரஜோ(அ)ஸ்மான் ॥ 15 ॥ மாமுக்³ரத⁴ர்மாத³கி²லாத்ப்ரமாதா³- -ந்நாராயண꞉ பாது நரஶ்ச ஹாஸாத் । த³த்தஸ்த்வயோகா³த³த² யோக³நாத²꞉ பாயாத்³கு³ணேஶ꞉ கபில꞉ கர்மப³ந்தா⁴த் ॥ 16 ॥ ஸனத்குமாரோ(அ)வது காமதே³வா- -த்³த⁴யானனோ மாம்ʼ பதி² தே³வஹேலனாத் । தே³வர்ஷிவர்ய꞉ புருஷார்சனாந்தரா- -த்கூர்மோ ஹரிர்மாம்ʼ நிரயாத³ஶேஷாத் ॥ 17 ॥ த⁴ன்வந்தரிர்ப⁴க³வான்பாத்வபத்²யா- -த்³த்³வந்த்³வாத்³ப⁴யாத்³ருʼஷபோ⁴ நிர்ஜிதாத்மா । யஜ்ஞஶ்ச லோகாத³வதாஜ்ஜனாந்தா- -த்³ப³லோ க³ணாத்க்ரோத⁴வஶாத³ஹீந்த்³ர꞉ ॥ 18 ॥ த்³வைபாயனோ ப⁴க³வானப்ரபோ³தா⁴- -த்³பு³த்³த⁴ஸ்து பாஷண்ட³க³ணாத்ப்ரமாதா³த் । கல்கி꞉ கலே꞉ காலமலாத்ப்ரபாது த⁴ர்மாவனாயோருக்ருʼதாவதார꞉ ॥ 19 ॥ மாம்ʼ கேஶவோ க³த³யா ப்ராதரவ்யா- -த்³கோ³விந்த³ ஆஸங்க³வமாத்தவேணு꞉ । நாராயண꞉ ப்ராஹ்ண உதா³த்தஶக்தி- -ர்மத்⁴யந்தி³னே விஷ்ணுரரீந்த்³ரபாணி꞉ ॥ 20 ॥ தே³வோ(அ)பராஹ்ணே மது⁴ஹோக்³ரத⁴ன்வா ஸாயம்ʼ த்ரிதா⁴மாவது மாத⁴வோ மாம் । தோ³ஷே ஹ்ருʼஷீகேஶ உதார்த⁴ராத்ரே நிஶீத² ஏகோ(அ)வது பத்³மநாப⁴꞉ ॥ 21 ॥ ஶ்ரீவத்ஸதா⁴மா(அ)பரராத்ர ஈஶ꞉ ப்ரத்யுஷ ஈஶோ(அ)ஸித⁴ரோ ஜனார்த³ன꞉ । தா³மோத³ரோ(அ)வ்யாத³னுஸந்த்⁴யம்ʼ ப்ரபா⁴தே விஶ்வேஶ்வரோ ப⁴க³வான்காலமூர்தி꞉ ॥ 22 ॥ சக்ரம்ʼ யுகா³ந்தானலதிக்³மனேமி ப்⁴ரமத்ஸமந்தாத்³ப⁴க³வத்ப்ரயுக்தம் । த³ந்த³க்³தி⁴ த³ந்த³க்³த்⁴யரிஸைன்யமாஶு கக்ஷம்ʼ யதா² வாதஸகோ² ஹுதாஶ꞉ ॥ 23 ॥ க³தே³(அ)ஶநிஸ்பர்ஶனவிஸ்பு²லிங்கே³ நிஷ்பிண்டி⁴ நிஷ்பிண்ட்⁴யஜிதப்ரியாஸி । கூஷ்மாண்ட³வைநாயகயக்ஷரக்ஷோ பூ⁴தக்³ரஹாம்ʼஶ்சூர்ணய சூர்ணயாரீன் ॥ 24 ॥ த்வம்ʼ யாதுதா⁴னப்ரமத²ப்ரேதமாத்ருʼ- -பிஶாசவிப்ரக்³ரஹகோ⁴ரத்³ருʼஷ்டீன் । த³ரேந்த்³ர வித்³ராவய க்ருʼஷ்ணபூரிதோ பீ⁴மஸ்வனோ(அ)ரேர்ஹ்ருʼத³யானி கம்பயன் ॥ 25 ॥ த்வம்ʼ திக்³மதா⁴ராஸிவராரிஸைன்ய- -மீஶப்ரயுக்தோ மம சி²ந்தி⁴ சி²ந்தி⁴ । சக்ஷூம்ʼஷி சர்மன் ஶதசந்த்³ர சா²த³ய த்³விஷாமகோ⁴னாம்ʼ ஹர பாபசக்ஷுஷாம் ॥ 26 ॥ யன்னோ ப⁴யம்ʼ க்³ரஹேப்⁴யோ(அ)பூ⁴த்கேதுப்⁴யோ ந்ருʼப்⁴ய ஏவ ச । ஸரீஸ்ருʼபேப்⁴யோ த³ம்ʼஷ்ட்ரிப்⁴யோ பூ⁴தேப்⁴யோ(அ)கே⁴ப்⁴ய ஏவ ச ॥ 27 ॥ ஸர்வாண்யேதானி ப⁴க³வந்நாமரூபாஸ்த்ரகீர்தனாத் । ப்ரயாந்து ஸங்க்ஷயம்ʼ ஸத்³யோ யே ந꞉ ஶ்ரேய꞉ப்ரதீபகா꞉ ॥ 28 ॥ க³ருடோ³ ப⁴க³வான் ஸ்தோத்ரஸ்தோமஶ்ச²ந்தோ³மய꞉ ப்ரபு⁴꞉ । ரக்ஷத்வஶேஷக்ருʼச்ச்²ரேப்⁴யோ விஷ்வக்ஸேன꞉ ஸ்வநாமபி⁴꞉ ॥ 29 ॥ ஸர்வாபத்³ப்⁴யோ ஹரேர்நாமரூபயானாயுதா⁴னி ந꞉ । பு³த்³தீ⁴ந்த்³ரியமன꞉ப்ராணான்பாந்து பார்ஷத³பூ⁴ஷணா꞉ ॥ 30 ॥ யதா² ஹி ப⁴க³வானேவ வஸ்துத꞉ ஸத³ஸச்ச யத் । ஸத்யேனானேன ந꞉ ஸர்வே யாந்து நாஶமுபத்³ரவா꞉ ॥ 31 ॥ யதை²காத்ம்யானுபா⁴வானாம்ʼ விகல்பரஹித꞉ ஸ்வயம் । பூ⁴ஷணாயுத⁴லிங்கா³க்²யா த⁴த்தே ஶக்தீ꞉ ஸ்வமாயயா ॥ 32 ॥ தேனைவ ஸத்யமானேன ஸர்வஜ்ஞோ ப⁴க³வான் ஹரி꞉ । பாது ஸர்வை꞉ ஸ்வரூபைர்ன꞉ ஸதா³ ஸர்வத்ர ஸர்வக³꞉ ॥ 33 ॥ விதி³க்ஷு தி³க்ஷூர்த்⁴வமத⁴꞉ ஸமந்தா- -த³ந்தர்ப³ஹிர்ப⁴க³வாந்நாரஸிம்ʼஹ꞉ । ப்ரஹாபயம்ˮல்லோகப⁴யம்ʼ ஸ்வனேன ஸ்வதேஜஸா க்³ரஸ்தஸமஸ்ததேஜா꞉ ॥ 34 ॥ மக⁴வன்னித³மாக்²யாதம்ʼ வர்ம நாராயணாத்மகம் । விஜேஷ்யஸ்யஞ்ஜஸா யேன த³ம்ʼஶிதோ(அ)ஸுரயூத²பான் ॥ 35 ॥ ஏதத்³தா⁴ரயமாணஸ்து யம்ʼ யம்ʼ பஶ்யதி சக்ஷுஷா । பதா³ வா ஸம்ʼஸ்ப்ருʼஶேத்ஸத்³ய꞉ ஸாத்⁴வஸாத்ஸ விமுச்யதே ॥ 36 ॥ ந குதஶ்சித்³ப⁴யம்ʼ தஸ்ய வித்³யாம்ʼ தா⁴ரயதோ ப⁴வேத் । ராஜத³ஸ்யுக்³ரஹாதி³ப்⁴யோ வ்யாத்⁴யாதி³ப்⁴யஶ்ச கர்ஹிசித் ॥ 37 ॥ இமாம்ʼ வித்³யாம்ʼ புரா கஶ்சித்கௌஶிகோ தா⁴ரயன் த்³விஜ꞉ । யோக³தா⁴ரணயா ஸ்வாங்க³ம்ʼ ஜஹௌ ஸ மருத⁴ன்வனி ॥ 38 ॥ தஸ்யோபரி விமானேன க³ந்த⁴ர்வபதிரேகதா³ । யயௌ சித்ரரத²꞉ ஸ்த்ரீபி⁴ர்வ்ருʼதோ யத்ர த்³விஜக்ஷய꞉ ॥ 39 ॥ க³க³னான்ன்யபதத்ஸத்³ய꞉ ஸவிமானோ ஹ்யவாக்சி²ரா꞉ । ஸ வாலகி²ல்யவசநாத³ஸ்தீ²ன்யாதா³ய விஸ்மித꞉ । ப்ராப்ய ப்ராச்யாம்ʼ ஸரஸ்வத்யாம்ʼ ஸ்னாத்வா தா⁴ம ஸ்வமன்வகா³த் ॥ 40 ॥ ஶ்ரீ ஶுக உவாச – ய இத³ம்ʼ ஶ்ருʼணுயாத்காலே யோ தா⁴ரயதி சாத்³ருʼத꞉ । தம்ʼ நமஸ்யந்தி பூ⁴தானி முச்யதே ஸர்வதோ ப⁴யாத் ॥ 41 ॥ ஏதாம்ʼ வித்³யாமதி⁴க³தோ விஶ்வரூபாச்ச²தக்ரது꞉ । த்ரைலோக்யலக்ஷ்மீம்ʼ பு³பு⁴ஜே விநிர்ஜித்ய ம்ருʼதே⁴(அ)ஸுரான் ॥ 42 ॥ இதி ஶ்ரீமத்³பா⁴க³வதே மஹாபுராணே ஷஷ்ட²ஸ்கந்தே⁴ நாராயணவர்மோபதே³ஶோ நாமாஷ்டமோ(அ)த்⁴யாய꞉ ।