sphuratsahasrāraśikhātitīvraṃ sudarśanaṃ bhāskarakōṭitulyam । suradviṣāṃ prāṇavināśi viṣṇōḥ chakraṃ sadā'haṃ śaraṇaṃ prapadyē ॥ 1 ॥ viṣṇōrmukhōtthānilapūritasya yasya dhvanirdānavadarpahantā । taṃ pāñchajanyaṃ śaśikōṭiśubhraṃ śaṅkhaṃ sadā'haṃ śaraṇaṃ prapadyē ॥ 2 ॥ hiraṇmayīṃ mērusamānasārāṃ kaumōdakīṃ daityakulaikahantrīm । vaikuṇṭhavāmāgrakarāgramṛṣṭāṃ gadāṃ sadā'haṃ śaraṇaṃ prapadyē ॥ 3 ॥ yajjyāninādaśravaṇātsurāṇāṃ chētāṃsi nirmuktabhayāni sadyaḥ । bhavanti daityāśanibāṇavarṣaiḥ śārṅgaṃ sadā'haṃ śaraṇaṃ prapadyē ॥ 4 ॥ rakṣō'surāṇāṃ kaṭhinōgrakaṇṭha- -chChēdakṣarat‍kṣōṇita digdhasāram । taṃ nandakaṃ nāma harēḥ pradīptaṃ khaḍgaṃ sadā'haṃ śaraṇaṃ prapadyē ॥ 5 ॥ imaṃ harēḥ pañchamahāyudhānāṃ stavaṃ paṭhēdyō'nudinaṃ prabhātē । samasta duḥkhāni bhayāni sadyaḥ pāpāni naśyanti sukhāni santi ॥ 6 ॥ vanē raṇē śatru jalāgnimadhyē yadṛchChayāpatsu mahābhayēṣu । paṭhētvidaṃ stōtramanākulātmā sukhībhavēttatkṛta sarvarakṣaḥ ॥ 7 ॥ sachakraśaṅkhaṃ sagadāsiśārṅgaṃ pītāmbaraṃ kaustubha-vatsa-chihnam । śriyā samētōjjvala śōbhitāṅgaṃ viṣṇuṃ sadā'haṃ śaraṇaṃ prapadyē ॥ jalē rakṣatu vārāhaḥ sthalē rakṣatu vāmanaḥ । aṭavyāṃ nārasiṃhaścha sarvataḥ pātu kēśavaḥ ॥ iti pañchāyudha stōtram ॥