ಗರುಡಗಮನ ತವ ಚರಣಕಮಲಮಿಹ ಮನಸಿ ಲಸತು ಮಮ ನಿತ್ಯಂ ಮನಸಿ ಲಸತು ಮಮ ನಿತ್ಯಮ್ । ಮಮ ತಾಪಮಪಾಕುರು ದೇವ, ಮಮ ಪಾಪಮಪಾಕುರು ದೇವ ॥ ಧ್ರು.॥ ಜಲಜನಯನ ವಿಧಿನಮುಚಿಹರಣಮುಖ ವಿಬುಧವಿನುತ-ಪದಪದ್ಮ ಮಮ ತಾಪಮಪಾಕುರು ದೇವ, ಮಮ ಪಾಪಮಪಾಕುರು ದೇವ ॥ 1॥ ಭುಜಗಶಯನ ಭವ ಮದನಜನಕ ಮಮ ಜನನಮರಣ-ಭಯಹಾರಿನ್ ಮಮ ತಾಪಮಪಾಕುರು ದೇವ, ಮಮ ಪಾಪಮಪಾಕುರು ದೇವ ॥ 2॥ ಶಂಖಚಕ್ರಧರ ದುಷ್ಟದೈತ್ಯಹರ ಸರ್ವಲೋಕ-ಶರಣ ಮಮ ತಾಪಮಪಾಕುರು ದೇವ, ಮಮ ಪಾಪಮಪಾಕುರು ದೇವ ॥ 3॥ ಅಗಣಿತ-ಗುಣಗಣ ಅಶರಣಶರಣದ ವಿದಲಿತ-ಸುರರಿಪುಜಾಲ ಮಮ ತಾಪಮಪಾಕುರು ದೇವ, ಮಮ ಪಾಪಮಪಾಕುರು ದೇವ ॥ 4॥ ಭಕ್ತವರ್ಯಮಿಹ ಭೂರಿಕರುಣಯಾ ಪಾಹಿ ಭಾರತೀತೀರ್ಥಂ ಮಮ ತಾಪಮಪಾಕುರು ದೇವ, ಮಮ ಪಾಪಮಪಾಕುರು ದೇವ ॥ 5॥ ಇತಿ ಜಗದ್ಗುರು ಶೃಂಗೇರೀ ಪೀಠಾಧಿಪತಿ ಭಾರತೀತೀರ್ಥಸ್ವಾಮಿನಾ ವಿರಚಿತಂ ಮಹಾವಿಷ್ಣುಸ್ತೋತ್ರಂ ಸಂಪೂರ್ಣಮ್ ।