हैंహైHaindavamஹிહિં
📍
Font Size:
വാരാഹീ കവചം
അസ്യ ശ്രീവാരാഹീകവചസ്യ ത്രിലോചന ഋഷിഃ, അനുഷ്ടുപ് ഛന്ദഃ, ശ്രീവാരാഹീ ദേവതാ, ഓം ബീജം, ഗ്ലൗം ശക്തിഃ, സ്വാഹേതി കീലകം, മമ സർവശത്രുനാശനാർഥേ ജപേ വിനിയോഗഃ ॥
ധ്യാനം ।
ധ്യാത്വേന്ദ്രനീലവർണാഭാം ചന്ദ്രസൂര്യാഗ്നിലോചനാം ।
വിധിവിഷ്ണുഹരേന്ദ്രാദി മാതൃഭൈരവസേവിതാം ॥ 1 ॥
ജ്വലന്മണിഗണപ്രോക്തമകുടാമാവിലംബിതാം ।
അസ്ത്രശസ്ത്രാണി സർവാണി തത്തത്കാര്യോചിതാനി ച ॥ 2 ॥
ഏതൈഃ സമസ്തൈർവിവിധം ബിഭ്രതീം മുസലം ഹലം ।
പാത്വാ ഹിംസ്രാൻ ഹി കവചം ഭുക്തിമുക്തിഫലപ്രദം ॥ 3 ॥
പഠേത്ത്രിസന്ധ്യം രക്ഷാർഥം ഘോരശത്രുനിവൃത്തിദം ।
വാർതാലീ മേ ശിരഃ പാതു ഘോരാഹീ ഫാലമുത്തമം ॥ 4 ॥
നേത്രേ വരാഹവദനാ പാതു കർണൗ തഥാഞ്ജനീ ।
ഘ്രാണം മേ രുന്ധിനീ പാതു മുഖം മേ പാതു ജംഭിനീ ॥ 5 ॥
പാതു മേ മോഹിനീ ജിഹ്വാം സ്തംഭിനീ കണ്ഠമാദരാത് ।
സ്കന്ധൗ മേ പഞ്ചമീ പാതു ഭുജൗ മഹിഷവാഹനാ ॥ 6 ॥
സിംഹാരൂഢാ കരൗ പാതു കുചൗ കൃഷ്ണമൃഗാഞ്ചിതാ ।
നാഭിം ച ശംഖിനീ പാതു പൃഷ്ഠദേശേ തു ചക്രിണി ॥ 7 ॥
ഖഡ്ഗം പാതു ച കട്യാം മേ മേഢ്രം പാതു ച ഖേദിനീ ।
ഗുദം മേ ക്രോധിനീ പാതു ജഘനം സ്തംഭിനീ തഥാ ॥ 8 ॥
ചണ്ഡോച്ചണ്ഡശ്ചോരുയുഗ്മം ജാനുനീ ശത്രുമർദിനീ ।
ജംഘാദ്വയം ഭദ്രകാലീ മഹാകാലീ ച ഗുൽഫയോഃ ॥ 9 ॥
പാദാദ്യംഗുലിപര്യന്തം പാതു ചോന്മത്തഭൈരവീ ।
സർവാംഗം മേ സദാ പാതു കാലസങ്കർഷണീ തഥാ ॥ 10 ॥
യുക്തായുക്തസ്ഥിതം നിത്യം സർവപാപാത്പ്രമുച്യതേ ।
സർവേ സമർഥ്യ സംയുക്തം ഭക്തരക്ഷണതത്പരം ॥ 11 ॥
സമസ്തദേവതാ സർവം സവ്യം വിഷ്ണോഃ പുരാർധനേ ।
സർവശത്രുവിനാശായ ശൂലിനാ നിർമിതം പുരാ ॥ 12 ॥
സർവഭക്തജനാശ്രിത്യ സർവവിദ്വേഷസംഹതിഃ ।
വാരാഹീ കവചം നിത്യം ത്രിസന്ധ്യം യഃ പഠേന്നരഃ ॥ 13 ॥
തഥാ വിധം ഭൂതഗണാ ന സ്പൃശന്തി കദാചന ।
ആപദഃ ശത്രുചോരാദി ഗ്രഹദോഷാശ്ച സംഭവാഃ ॥ 14 ॥
മാതാ പുത്രം യഥാ വത്സം ധേനുഃ പക്ഷ്മേവ ലോചനം ।
തഥാംഗമേവ വാരാഹീ രക്ഷാ രക്ഷാതി സർവദാ ॥ 15 ॥
ഇതി ശ്രീരുദ്രയാമലതന്ത്രേ ശ്രീ വാരാഹീ കവചം ॥
Recite with devotion and pure heart
Regular practice brings spiritual benefits