हैंహైHaindavamஹிહિં
📍
Font Size:
Adi Varahi Stotram
namo'stu devī vārāhī jayaikārasvarūpiṇi ।
japitvā bhūmirūpeṇa namo bhagavatī priye ॥ 1 ॥
jaya kroḍāstu vārāhī devī tvaṃ ca namāmyaham ।
jaya vārāhi viśveśī mukhyavārāhi te namaḥ ॥ 2 ॥
mukhyavārāhi vande tvāṃ andhe andhini te namaḥ ।
sarvaduṣṭapraduṣṭānāṃ vākstambhanakarī namaḥ ॥ 3 ॥
namaḥ stambhini stambhe tvāṃ jṛmbhe jṛmbhiṇi te namaḥ ।
rundhe rundhini vande tvāṃ namo devī tu mohinī ॥ 4 ॥
svabhaktānāṃ hi sarveṣāṃ sarvakāmaprade namaḥ ।
bāhvoḥ stambhakarī vande tvāṃ jihvāstambhakāriṇī ॥ 5 ॥
stambhanaṃ kuru śatrūṇāṃ kuru me śatrunāśanam ।
śīghraṃ vaśyaṃ ca kurute yo'gnau vācātmike namaḥ ॥ 6 ॥
ṭhacatuṣṭayarūpe tvāṃ śaraṇaṃ sarvadā bhaje ।
homātmake phaḍrūpeṇa jaya ādyānane śive ॥ 7 ॥
dehi me sakalān kāmān vārāhī jagadīśvarī ।
namastubhyaṃ namastubhyaṃ namastubhyaṃ namo namaḥ ॥ 8 ॥
idamādyānanā stotraṃ sarvapāpavināśanam ।
paṭhedyaḥ sarvadā bhaktyā pātakairmucyate tathā ॥ 9 ॥
labhante śatravo nāśaṃ duḥkharogāpamṛtyavaḥ ।
mahadāyuṣyamāpnoti alakṣmīrnāśamāpnuyāt ॥ 10 ॥
iti śrī ādivārāhī stotram ।
Recite with devotion and pure heart
Regular practice brings spiritual benefits