സായിനാഥ അഷ്ടകം

പത്രിഗ്രാമ സമുദ്ഭൂതം ദ്വാരകാമായി വാസിനം ।

ഭക്താഭീഷ്ടപ്രദം ദേവം സായിനാഥം നമാമ്യഹം ॥ 1 ॥

മഹോന്നത കുലേജാതം ക്ഷീരാംബുധി സമേ ശുഭേ ।

ദ്വിജരാജം തമോഘ്നം തം സായിനാഥം നമാമ്യഹം ॥ 2 ॥

ജഗദുദ്ധാരണാർഥം യോ നരരൂപ ധരോ വിഭുഃ ।

യോഗിനം ച മഹാത്മാനം സായിനാഥം നമാമ്യഹം ॥ 3 ॥

സാക്ഷാത്കാരേ ജയേ ലാഭേ സ്വാത്മാരാമോ ഗുരോർമുഖാത് ।

നിർമലം മമ ഗാത്രം ച സായിനാഥം നമാമ്യഹം ॥ 4 ॥

യസ്യ ദർശന മാത്രേണ നശ്യന്തി വ്യാധി കോടയഃ ।

സർവേ പാപാഃ പ്രണശ്യന്തി സായിനാഥം നമാമ്യഹം ॥ 5 ॥

നരസിംഹാദി ശിഷ്യാണാം ദദൗ യോഽനുഗ്രഹം ഗുരുഃ ।

ഭവബന്ധാപഹർതാരം സായിനാഥം നമാമ്യഹം ॥ 6 ॥

ധനാഢ്യാൻ ച ദരിദ്രാന്യഃ സമദൃഷ്ട്യേവ പശ്യതി ।

കരുണാസാഗരം ദേവം സായിനാഥം നമാമ്യഹം ॥ 7 ॥

സമാധിസ്ഥോപി യോ ഭക്ത്യാ സമതീർഥാർഥദാനതഃ ।

അചിന്ത്യ മഹിമാനന്തം സായിനാഥം നമാമ്യഹം ॥ 8 ॥

ഇതി ശ്രീ സായിനാഥ അഷ്ടകം ॥

Recite with devotion and pure heart

Regular practice brings spiritual benefits