sadā satsvarūpaṃ cidānandakandaṃ jagatsaṃbhavasthāna saṃhāra hetuṃ svabhaktecchayā mānuṣaṃ darśayantaṃ namāmīśvaraṃ sadguruṃ sāyinātham ॥ 1 ॥ bhavadhvānta vidhvaṃsa mārtāṇḍa mīḍhyaṃ manovāgatītaṃ munirdhyāna gamyaṃ jagadvyāpakaṃ nirmalaṃ nirguṇaṃ tvāṃ namāmīśvaraṃ sadguruṃ sāyinātham ॥ 2 ॥ bhavāṃbhodhimagnārditānāṃ janānāṃ svapādāśritānāṃ svabhakti priyāṇāṃ samuddhāraṇārthaṃ kalau saṃbhavantaṃ namāmīśvaraṃ sadguruṃ sāyinātham ॥ 3 ॥ sadā nimbavṛkṣasya mūlādhivāsāt sudhāsrāviṇaṃ tiktamapya priyantaṃ taruṃ kalpavṛkṣādhikaṃ sādhayantaṃ namāmīśvaraṃ sadguruṃ sāyinātham ॥ 4 ॥ sadā kalpavṛkṣasya tasyādhimūle bhavadbhāva buddhyā saparyādi sevāṃ nṛṇāṃ kurvatāṃ bhukti mukti pradantaṃ namāmīśvaraṃ sadguruṃ sāyinātham ॥ 5 ॥ anekā śṛtā tarkya līlā vilāsaiḥ samāviṣkṛteśāna bhāsvatprabhāvaṃ ahaṃbhāvahīnaṃ prasannātmabhāvaṃ namāmīśvaraṃ sadguruṃ sāyinātham ॥ 6 ॥ satāṃ viśramārāmamevābhirāmaṃ sadāsajjanaiḥ saṃstutaṃ sannamadbhiḥ janāmodadaṃ bhakta bhadrapradaṃ taṃ namāmīśvaraṃ sadguruṃ sāyinātham ॥ 7 ॥ ajanmādyamekaṃ parabrahma sākṣāt svayaṃ saṃbhavaṃ rāmamevāvatīrṇaṃ bhavaddarśanātsampunītaḥ prabho'haṃ namāmīśvaraṃ sadguruṃ sāyinātham ॥ 8 ॥ śrīsāyīśa kṛpānidhe'khilanṛṇāṃ sarvārthasiddhiprada yuṣmatpādarajaḥ prabhāvamatulaṃ dhātāpivaktā'kṣamaḥ । sadbhaktyā śaraṇaṃ kṛtāñjalipuṭaḥ samprāpito'smiprabho śrīmatsāyipareśapādakamalān nānyaccharaṇyaṃmama ॥ 9 ॥ sāyirūpadhara rāghavottamaṃ bhaktakāma vibudha drumaṃ prabhum, māyayopahata cittaśuddhaye cintayāmyahamaharniśaṃ mudā ॥ 10 ॥ śaratsudhāmśu pratimaṃ prakāśaṃ kṛpāta patraṃ tava sāyinātha । tvadīya pādābja samāśritānāṃ svacchāyayā tāpamapākarotu ॥ 11 ॥ upāsanā daivata sāyinātha stavairmayopāsanināstutastvam । ramenmanome tavapādayugme bhṛṅgo yathābje makaranda lubdhaḥ ॥ 12 ॥ aneka janmārjita pāpasaṅkṣayo bhavedbhavatpāda saroja darśanāt kṣamasva sarvānaparādha puñjakān prasīda sāyīśa sadgurodayānidhe ॥ 13 ॥ śrīsāyinātha caraṇāmṛta pūrṇacittā tatpāda sevanaratāssatataṃ ca bhaktyā । saṃsārajanyaduritaugha vinirgatāste kaivalyadhāma paramaṃ samavāpnuvanti ॥ 14 ॥ stotrametatpaṭhedbhaktyā yonnarastanmanāḥ sadā sadguroḥ sāyināthasya kṛpāpātraṃ bhaveddhṛvam ॥ 15 ॥ karacaraṇakṛtaṃ vākkāyajaṃ karmajaṃ vā śravaṇa nayanajaṃ vā mānasaṃ vāparādhaṃ । vihitamavihitaṃ vā sarvametatkṣamasva jaya jaya karuṇābdhe śrīprabho sāyinātha ॥ śrī saccidānanda sadguru sāyināth maharāj kī jai । rājādhirāja yogirāja parabrahma sāyinādh mahārāj śrī saccidānanda sadguru sāyināth maharāj kī jai ।