smaraṇa – arjunaḥ kṛtavīryasya saptadvīpeśvaro'bhavat । dattātreyāddhareraṃśāt prāptayogamahāguṇaḥ ॥ na nūnaṃ kārtavīryasya gatiṃ yāsyanti pārthivāḥ । yajñadānatapoyogaiḥ śrutavīryadayādibhiḥ ॥ pañcāśītisahasrāṇi hyavyāhatabalaḥ samāḥ । anaṣṭavittasmaraṇo bubhuje'kṣayyaṣaḍvasu ॥ dhyānam – sahasrabāhuṃ mahitaṃ saśaraṃ sacāpaṃ raktāmbaraṃ vividha raktakirīṭabhūṣam । corādiduṣṭabhayanāśanamiṣṭadaṃ taṃ dhyāyenmahābalavijṛmbhitakārtavīryam ॥ mantraṃ – oṃ kārtavīryārjuno nāma rājā bāhusahasravān । tasya saṃsmaraṇādeva hṛtaṃ naṣṭaṃ ca labhyate ॥ dvādaśanāmāni – kārtavīryaḥ khaladveṣī kṛtavīryasuto balī । sahasrabāhuḥ śatrughno raktavāsā dhanurdharaḥ ॥ 2 ॥ raktagandho raktamālyo rājā smarturabhīṣṭadaḥ । dvādaśaitāni nāmāni kārtavīryasya yaḥ paṭhet ॥ 3 ॥ sampadastasya jāyante janāstasya vaśaṃ gataḥ । ānayatyāśu dūrasthaṃ kṣemalābhayutaṃ priyam ॥ 4 ॥ yasya smaraṇamātreṇa sarvaduḥkhakṣayo bhavet । yannāmāni mahāvīryaścārjunaḥ kṛtavīryavān ॥ 6 ॥ haihayādhipateḥ stotraṃ sahasrāvṛttikāritam । vāñcitārthapradaṃ nṝṇāṃ svarājyaṃ sukṛtaṃ yadi ॥ 7 ॥ iti kārtavīryārjuna stotram ।