हैंహైHaindavamஹிહિં
📍
Font Size:
நாகே³ஶ்வர ஸ்துதி꞉
யோ தே³வ꞉ ஸர்வபூ⁴தாநாமாத்மா ஹ்யாராத்⁴ய ஏவ ச ।
கு³ணாதீதோ கு³ணாத்மா ச ஸ மே நாக³꞉ ப்ரஸீத³து ॥ 1 ॥
ஹ்ருʼத³யஸ்தோ²(அ)பி தூ³ரஸ்த²꞉ மாயாவீ ஸர்வதே³ஹினாம் ।
யோகி³னாம்ʼ சித்தக³ம்யஸ்து ஸ மே நாக³꞉ ப்ரஸீத³து ॥ 2 ॥
ஸஹஸ்ரஶீர்ஷ꞉ ஸர்வாத்மா ஸர்வாதா⁴ர꞉ பர꞉ ஶிவ꞉ ।
மஹாவிஷஸ்யஜனக꞉ ஸ மே நாக³꞉ ப்ரஸீத³து ॥ 3 ॥
காத்³ரவேயோமஹாஸத்த்வ꞉ காலகூடமுகா²ம்பு³ஜ꞉ ।
ஸர்வாபீ⁴ஷ்டப்ரதோ³ தே³வ꞉ ஸ மே நாக³꞉ ப்ரஸீத³து ॥ 4 ॥
பாதாலநிலயோ தே³வ꞉ பத்³மநாப⁴ஸுக²ப்ரத³꞉ ।
ஸர்வாபீ⁴ஷ்டப்ரதோ³ யஸ்து ஸ மே நாக³꞉ ப்ரஸீத³து ॥ 5 ॥
நாக³நாரீரதோ த³க்ஷோ நாரதா³தி³ ஸுபூஜித꞉ ।
ஸர்வாரிஷ்டஹரோ யஸ்து ஸ மே நாக³꞉ ப்ரஸீத³து ॥ 6 ॥
ப்ருʼதா³குதே³வ꞉ ஸர்வாத்மா ஸர்வஶாஸ்த்ரார்த²பாரக³꞉ ।
ப்ராரப்³த⁴பாபஹந்தா ச ஸ மே நாக³꞉ ப்ரஸீத³து ॥ 7 ॥
லக்ஷ்மீபதே꞉ ஸபர்யங்க꞉ ஶம்போ⁴꞉ ஸர்வாங்க³பூ⁴ஷண꞉ ।
யோ தே³வ꞉ புத்ரதோ³ நித்யம்ʼ ஸ மே நாக³꞉ ப்ரஸீத³து ॥ 8 ॥
ப²ணீஶ꞉ பரமோதா³ர꞉ ஶாபபாபநிவாரக꞉ ।
ஸர்வபாபஹரோ யஸ்து ஸ மே நாக³꞉ ப்ரஸீத³து ॥ 9 ॥
ஸர்வமங்க³லதோ³ நித்யம்ʼ ஸுக²தோ³ பு⁴ஜகே³ஶ்வர꞉ ।
யஶ꞉ கீர்திம்ʼ ச விபுலாம்ʼ ஶ்ரியமாயு꞉ ப்ரயச்ச²து ॥ 10 ॥
மனோவாக்காயஜனிதம்ʼ ஜன்மஜன்மாந்தரார்ஜிதம் ।
யத்பாபம்ʼ நாக³தே³வேஶ விலயம்ʼ யாது ஸம்ப்ரதி ॥ 11 ॥
நீரோக³ம்ʼ தே³ஹபுஷ்டிம்ʼ ச ஸர்வவஶ்யம்ʼ த⁴நாக³மம் ।
பஶுதா⁴ன்யாபி⁴வ்ருʼத்³தி⁴ம்ʼ ச யஶோவ்ருʼத்³தி⁴ம்ʼ ச ஶாஶ்வதம் ॥ 12 ॥
பரவாக் ஸ்தம்பி⁴னீம்ʼ வித்³யாம்ʼ வாக்³மித்வம்ʼ ஸூக்ஷ்மபு³த்³தி⁴தாம் ।
புத்ரம்ʼ வம்ʼஶகரம்ʼ ஶ்ரேஷ்ட²ம்ʼ தே³ஹி மே ப⁴க்தவத்ஸல ॥ 13 ॥
இதி ஶ்ரீ நாகே³ஶ்வர ஸ்துதி꞉ ॥
Recite with devotion and pure heart
Regular practice brings spiritual benefits