Yamuna Ashtakam

murārikāyakālimālalāmavāridhāriṇī

tṛṇīkṛtatriviṣṭapā trilokaśokahāriṇī ।

mano'nukūlakūlakuṃjapuṃjadhūtadurmadā

dhunotu me manomalaṃ kaliṃdanaṃdinī sadā ॥ 1 ॥

malāpahārivāripūrabhūrimaṃḍitāmṛtā

bhṛśaṃ prapātakapravaṃcanātipaṃḍitāniśam ।

sunaṃdanaṃdanāṃgasaṃgarāgaraṃjitā hitā

dhunotu me manomalaṃ kaliṃdanaṃdinī sadā ॥ 2 ॥

lasattaraṃgasaṃgadhūtabhūtajātapātakā

navīnamādhurīdhurīṇabhaktijātacātakā ।

taṭāṃtavāsadāsahaṃsasaṃsṛtā hi kāmadā

dhunotu me manomalaṃ kaliṃdanaṃdinī sadā ॥ 3 ॥

vihārarāsakhedabhedadhīratīramārutā

gatā girāmagocare yadīyanīracārutā ।

pravāhasāhacaryapūtamedinīnadīnadā

dhunotu me manomalaṃ kaliṃdanaṃdinī sadā ॥ 4 ॥

taraṃgasaṃgasaikatāṃcitāṃtarā sadāsitā

śaranniśākarāṃśumaṃjumaṃjarīsabhājitā ।

bhavārcanāya cāruṇāṃbunādhunā viśāradā

dhunotu me manomalaṃ kaliṃdanaṃdinī sadā ॥ 5 ॥

jalāṃtakelikāricārurādhikāṃgarāgiṇī

svabharturanyadurlabhāṃgasaṃgatāṃśabhāginī ।

svadattasuptasaptasiṃdhubhedanātikovidā

dhunotu me manomalaṃ kaliṃdanaṃdinī sadā ॥ 6 ॥

jalacyutācyutāṃgarāgalaṃpaṭāliśālinī

vilolarādhikākacāṃtacaṃpakālimālinī ।

sadāvagāhanāvatīrṇabhartṛbhṛtyanāradā

dhunotu me manomalaṃ kaliṃdanaṃdinī sadā ॥ 7 ॥

sadaiva naṃdanaṃdakeliśālikuṃjamaṃjulā

taṭotthaphullamallikākadaṃbareṇusūjjvalā ।

jalāvagāhināṃ nṛṇāṃ bhavābdhisiṃdhupāradā

dhunotu me manomalaṃ kaliṃdanaṃdinī sadā ॥ 8 ॥

iti śrī yamunā āṣṭakam

Recite with devotion and pure heart

Regular practice brings spiritual benefits