cittajāntakaṃ citsvarūpiṇaṃ candramṛgadharaṃ carmabhīkaram । caturabhāṣaṇaṃ cinmayaṃ guruṃ bhaja cidambaraṃ bhāvanāsthitam ॥ 1 ॥ dakṣamardanaṃ daivaśāsanaṃ dvijahite rataṃ doṣabhañjanam । duḥkhanāśanaṃ duritaśāsanaṃ bhaja cidambaraṃ bhāvanāsthitam ॥ 2 ॥ baddhapañcakaṃ bahulaśobhitaṃ budhavarairnutaṃ bhasmabhūṣitam । bhāvayukstutaṃ bandhubhiḥ stutaṃ bhaja cidambaraṃ bhāvanāsthitam ॥ 3 ॥ dīnatatparaṃ divyavacanadaṃ dīkṣitāpadaṃ divyatejasam । dīrghaśobhitaṃ dehatattvadaṃ bhaja cidambaraṃ bhāvanāsthitam ॥ 4 ॥ kṣititalodbhavaṃ kṣemasambhavaṃ kṣīṇamānavaṃ kṣiprasadyavam । kṣemadātravaṃ kṣetragauravaṃ bhaja cidambaraṃ bhāvanāsthitam ॥ 5 ॥ takṣabhūṣaṇaṃ tattvasākṣiṇaṃ yakṣasāgaṇaṃ bhikṣurūpiṇam । bhasmapoṣaṇaṃ vyaktarūpiṇaṃ bhaja cidambaraṃ bhāvanāsthitam ॥ 6 ॥ yastu jāpikaṃ cidambarāṣṭakaṃ paṭhati nityakaṃ pāpahaṃ sukham । kaṭhinatārakaṃ ghaṭakulādhikaṃ bhaja cidambaraṃ bhāvanāsthitam ॥ 7 ॥ iti śrī cidambarāṣṭakam ।