patrigrāma samudbhūtaṃ dvārakāmāyi vāsinam । bhaktābhīṣṭapradaṃ devaṃ sāyināthaṃ namāmyaham ॥ 1 ॥ mahonnata kulejātaṃ kṣīrāmbudhi same śubhe । dvijarājaṃ tamoghnaṃ taṃ sāyināthaṃ namāmyaham ॥ 2 ॥ jagaduddhāraṇārthaṃ yo nararūpa dharo vibhuḥ । yoginaṃ ca mahātmānaṃ sāyināthaṃ namāmyaham ॥ 3 ॥ sākṣātkāre jaye lābhe svātmārāmo gurormukhāt । nirmalaṃ mama gātraṃ ca sāyināthaṃ namāmyaham ॥ 4 ॥ yasya darśana mātreṇa naśyanti vyādhi koṭayaḥ । sarve pāpāḥ praṇaśyanti sāyināthaṃ namāmyaham ॥ 5 ॥ narasiṃhādi śiṣyāṇāṃ dadau yo'nugrahaṃ guruḥ । bhavabandhāpahartāraṃ sāyināthaṃ namāmyaham ॥ 6 ॥ dhanāḍhyān ca daridrānyaḥ samadṛṣṭyeva paśyati । karuṇāsāgaraṃ devaṃ sāyināthaṃ namāmyaham ॥ 7 ॥ samādhisthopi yo bhaktyā samatīrthārthadānataḥ । acintya mahimānantaṃ sāyināthaṃ namāmyaham ॥ 8 ॥ iti śrī sāyinātha aṣṭakam ॥