த்வத்தீரே மணிகர்ணிகே ஹரிஹரௌ ஸாயுஜ்யமுக்திப்ரதௌ³ வாத³ந்தௌ குருத꞉ பரஸ்பரமுபௌ⁴ ஜந்தோ꞉ ப்ரயாணோத்ஸவே । மத்³ரூபோ மனுஜோ(அ)யமஸ்து ஹரிணா ப்ரோக்த꞉ ஶிவஸ்தத்க்ஷணா- த்தன்மத்⁴யாத்³ப்⁴ருʼகு³லாஞ்ச²னோ க³ருட³க³꞉ பீதாம்ப³ரோ நிர்க³த꞉ ॥ 1 ॥ இந்த்³ராத்³யாஸ்த்ரித³ஶா꞉ பதந்தி நியதம்ʼ போ⁴க³க்ஷயே யே புன- ர்ஜாயந்தே மனுஜாஸ்ததோபி பஶவ꞉ கீடா꞉ பதங்கா³த³ய꞉ । யே மாதர்மணிகர்ணிகே தவ ஜலே மஜ்ஜந்தி நிஷ்கல்மஷா꞉ ஸாயுஜ்யே(அ)பி கிரீடகௌஸ்துப⁴த⁴ரா நாராயணா꞉ ஸ்யுர்னரா꞉ ॥ 2 ॥ காஶீ த⁴ன்யதமா விமுக்தநக³ரீ ஸாலங்க்ருʼதா க³ங்க³யா தத்ரேயம்ʼ மணிகர்ணிகா ஸுக²கரீ முக்திர்ஹி தத்கிங்கரீ । ஸ்வர்லோகஸ்துலித꞉ ஸஹைவ விபு³தை⁴꞉ காஶ்யா ஸமம்ʼ ப்³ரஹ்மணா காஶீ க்ஷோணிதலே ஸ்தி²தா கு³ருதரா ஸ்வர்கோ³ லகு⁴த்வம்ʼ க³த꞉ ॥ 3 ॥ க³ங்கா³தீரமனுத்தமம்ʼ ஹி ஸகலம்ʼ தத்ராபி காஶ்யுத்தமா தஸ்யாம்ʼ ஸா மணிகர்ணிகோத்தமதமா யேத்ரேஶ்வரோ முக்தித³꞉ । தே³வாநாமபி து³ர்லப⁴ம்ʼ ஸ்த²லமித³ம்ʼ பாபௌக⁴நாஶக்ஷமம்ʼ பூர்வோபார்ஜிதபுண்யபுஞ்ஜக³மகம்ʼ புண்யைர்ஜனை꞉ ப்ராப்யதே ॥ 4 ॥ து³꞉கா²ம்போ⁴தி⁴க³தோ ஹி ஜந்துனிவஹஸ்தேஷாம்ʼ கத²ம்ʼ நிஷ்க்ருʼதி꞉ ஜ்ஞாத்வா தத்³தி⁴ விரிஞ்சினா விரசிதா வாராணஸீ ஶர்மதா³ । லோகா꞉ஸ்வர்க³ஸுகா²ஸ்ததோ(அ)பி லக⁴வோ போ⁴கா³ந்தபாதப்ரதா³꞉ காஶீ முக்திபுரீ ஸதா³ ஶிவகரீ த⁴ர்மார்த²மோக்ஷப்ரதா³ ॥ 5 ॥ ஏகோ வேணுத⁴ரோ த⁴ராத⁴ரத⁴ர꞉ ஶ்ரீவத்ஸபூ⁴ஷாத⁴ர꞉ யோ(அ)ப்யேக꞉ கில ஶங்கரோ விஷத⁴ரோ க³ங்கா³த⁴ரோ மாத⁴வ꞉ । யே மாதர்மணிகர்ணிகே தவ ஜலே மஜ்ஜந்தி தே மானவா꞉ ருத்³ரா வா ஹரயோ ப⁴வந்தி ப³ஹவஸ்தேஷாம்ʼ ப³ஹுத்வம்ʼ கத²ம் ॥ 6 ॥ த்வத்தீரே மரணம்ʼ து மங்க³லகரம்ʼ தே³வைரபி ஶ்லாக்⁴யதே ஶக்ரஸ்தம்ʼ மனுஜம்ʼ ஸஹஸ்ரநயனைர்த்³ரஷ்டும்ʼ ஸதா³ தத்பர꞉ । ஆயாந்தம்ʼ ஸவிதா ஸஹஸ்ரகிரணை꞉ ப்ரத்யுத்³க³தோ(அ)பூ⁴த்ஸதா³ புண்யோ(அ)ஸௌ வ்ருʼஷகோ³(அ)த²வா க³ருட³க³꞉ கிம்ʼ மந்தி³ரம்ʼ யாஸ்யதி ॥ 7 ॥ மத்⁴யாஹ்னே மணிகர்ணிகாஸ்னபனஜம்ʼ புண்யம்ʼ ந வக்தும்ʼ க்ஷம꞉ ஸ்வீயைரப்³த⁴ஶதைஶ்சதுர்முக²த⁴ரோ வேதா³ர்த²தீ³க்ஷாகு³ரு꞉ । யோகா³ப்⁴யாஸப³லேன சந்த்³ரஶிக²ரஸ்தத்புண்யபாரங்க³த- ஸ்த்வத்தீரே ப்ரகரோதி ஸுப்தபுருஷம்ʼ நாராயணம்ʼ வா ஶிவம் ॥ 8 ॥ க்ருʼச்ச்²ரை கோடிஶதை꞉ ஸ்வபாபநித⁴னம்ʼ யச்சாஶ்வமேதை⁴꞉ ப²லம்ʼ தத்ஸர்வே மணிகர்ணிகாஸ்னபனஜே புண்யே ப்ரவிஷ்டம்ʼ ப⁴வேத் । ஸ்னாத்வா ஸ்தோத்ரமித³ம்ʼ நர꞉ பட²தி சேத்ஸம்ʼஸாரபாதோ²நிதி⁴ம்ʼ தீர்த்வா பல்வலவத்ப்ரயாதி ஸத³னம்ʼ தேஜோமயம்ʼ ப்³ரஹ்மண꞉ ॥ 9 ॥