ഭക്താമര സ്തോത്ര

ശ്രീ ആദിനാഥായ നമഃ ഭക്താമരസ്തോത്രം സംസ്കൃത । കാലജയീ മഹാകാവ്യ ശ്രീമന്മാനതുംഗാചാര്യ-വിരചിതം। ഭക്താമര-പ്രണത-മൗലി-മണി-പ്രഭാണാ- മുദ്യോതകം ദലിത-പാപ-തമോ-വിതാനം । സമ്യക്-പ്രണമ്യ ജിന പ-പാദ-യുഗം യുഗാദാ- വാലംബനം ഭവ-ജലേ പതതാം ജനാനാം ॥ 1 ॥ യ: സംസ്തുത: സകല-വാം മയ-തത്ത്വ-ബോധാ- ദുദ്ഭൂത-ബുദ്ധി-പടുഭി: സുര-ലോക-നാഥൈ: । സ്തോത്രൈർജഗത്-ത്രിതയ-ചിത്ത-ഹരൈരുദാരൈ: । സ്തോഷ്യേ കിലാഹമപി തം പ്രഥമം ജിനേന്ദ്രം ॥ 2 ॥ ബുദ്ധ്യാ വിനാപി വിബുധാർചിത-പാദ-പീഠ! സ്തോതും സമുദ്യത-മതിർവിഗത-ത്രപോഽഹം । ബാലം വിഹായ ജല-സംസ്ഥിത-മിന്ദു-ബിംബ- മന്യ: ക ഇച്ഛതി ജന: സഹസാ ഗ്രഹീതും ॥ 3 ॥ വക്തും ഗുണാൻഗുണ-സമുദ്ര ! ശശാങ്ക-കാന്താൻ । കസ്തേ ക്ഷമ: സുര-ഗുരു-പ്രതിമോഽപി ബുദ്ധ്യാ । കല്പാന്ത-കാല-പവനോദ്ധത-നക്ര-ചക്രം । കോ വാ തരീതുമലമംബുനിധിം ഭുജാഭ്യാം ॥ 4 ॥ സോഽഹം തഥാപി തവ ഭക്തി-വശാന്മുനീശ! കർതും സ്തവം വിഗത-ശക്തി-രപി പ്രവൃത്ത: । പ്രീത്യാത്മ-വീര്യ-മവിചാര്യ മൃഗീ മൃഗേന്ദ്രം നാഭ്യേതി കിം നിജ-ശിശോ: പരിപാലനാർഥം ॥ 5 ॥ അല്പ-ശ്രുതം ശ്രുതവതാം പരിഹാസ-ധാമ । ത്വദ്-ഭക്തിരേവ മുഖരീ-കുരുതേ ബലാന്മാം । യത്കോകില: കില മധൗ മധുരം വിരൗതി । തച്ചാമ്ര-ചാരു-കലികാ-നികരൈക-ഹേതു: ॥ 6 ॥ ത്വത്സംസ്തവേന ഭവ-സന്തതി-സന്നിബദ്ധം । പാപം ക്ഷണാത്ക്ഷയമുപൈതി ശരീരഭാജാം । ആക്രാന്ത-ലോക-മലി-നീല-മശേഷ-മാശു । സൂര്യാംശു-ഭിന്ന-മിവ ശാർവര-മന്ധകാരം ॥ 7 ॥ മത്വേതി നാഥ! തവ സംസ്തവനം മയേദ ।- മാരഭ്യതേ തനു-ധിയാപി തവ പ്രഭാവാത് । ചേതോ ഹരിഷ്യതി സതാം നലിനീ-ദലേഷു । മുക്താ-ഫല-ദ്യുതി-മുപൈതി നനൂദ-ബിന്ദു: ॥ 8 ॥ ആസ്താം തവ സ്തവന-മസ്ത-സമസ്ത-ദോഷം ത്വത്സങ്കഥാഽപി ജഗതാം ദുരിതാനി ഹന്തി । ദൂരേ സഹസ്രകിരണ: കുരുതേ പ്രഭൈവ പദ്മാകരേഷു ജലജാനി വികാസഭാഞ്ജി ॥ 9 ॥ നാത്യദ്-ഭുതം ഭുവന-ഭൂഷണ ! ഭൂൂത-നാഥ! ഭൂതൈർഗുണൈർഭുവി ഭവന്ത-മഭിഷ്ടുവന്ത: । തുല്യാ ഭവന്തി ഭവതോ നനു തേന കിം വാ ഭൂത്യാശ്രിതം യ ഇഹ നാത്മസമം കരോതി ॥ 10 ॥ ദൃഷ്ട്വാ ഭവന്ത മനിമേഷ-വിലോകനീയം നാന്യത്ര-തോഷ-മുപയാതി ജനസ്യ ചക്ഷു: । പീത്വാ പയ: ശശികര-ദ്യുതി-ദുഗ്ധ-സിന്ധോ: ക്ഷാരം ജലം ജലനിധേരസിതും ക ഇച്ഛേത്? ॥11 ॥ യൈ: ശാന്ത-രാഗ-രുചിഭി: പരമാണുഭിസ്-ത്വം നിർമാപിതസ്-ത്രി-ഭുവനൈക-ലലാമ-ഭൂത ! । താവന്ത ഏവ ഖലു തേഽപ്യണവ: പൃഥിവ്യാം യത്തേ സമാന-മപരം ന ഹി രൂപ-മസ്തി ॥ 12 ॥ വക്ത്രം ക്വ തേ സുര-നരോരഗ-നേത്ര-ഹാരി നി:ശേഷ-നിർജിത-ജഗത്ത്രിതയോപമാനം । ബിംബം കലങ്ക-മലിനം ക്വ നിശാകരസ്യ യദ്വാസരേ ഭവതി പാണ്ഡുപലാശ-കല്പം ॥ 13 ॥ സമ്പൂർണ-മണ്ഡല-ശശാങ്ക-കലാ-കലാപ- ശുഭ്രാ ഗുണാസ്-ത്രി-ഭുവനം തവ ലംഘയന്തി । യേ സംശ്രിതാസ്-ത്രി-ജഗദീശ്വരനാഥ-മേകം കസ്താൻ നിവാരയതി സഞ്ചരതോ യഥേഷ്ടം ॥ 14 ॥ ചിത്രം-കിമത്ര യദി തേ ത്രിദശാംഗ-നാഭിർ- നീതം മനാഗപി മനോ ന വികാര-മാർഗം । കല്പാന്ത-കാല-മരുതാ ചലിതാചലേന കിം മന്ദരാദ്രിശിഖരം ചലിതം കദാചിത് ॥ 15 ॥ നിർധൂമ-വർതി-രപവർജിത-തൈല-പൂര: കൃത്സ്നം ജഗത്ത്രയ-മിദം പ്രകടീകരോഷി । ഗമ്യോ ന ജാതു മരുതാം ചലിതാചലാനാം ദീപോഽപരസ്ത്വമസി നാഥ ! ജഗത്പ്രകാശ: ॥ 16 ॥ നാസ്തം കദാചിദുപയാസി ന രാഹുഗമ്യ: സ്പഷ്ടീകരോഷി സഹസാ യുഗപജ്-ജഗന്തി । നാംഭോധരോദര-നിരുദ്ധ-മഹാ-പ്രഭാവ: സൂര്യാതിശായി-മഹിമാസി മുനീന്ദ്ര! ലോകേ ॥ 17 ॥ നിത്യോദയം ദലിത-മോഹ-മഹാന്ധകാരം ഗമ്യം ന രാഹു-വദനസ്യ ന വാരിദാനാം । വിഭ്രാജതേ തവ മുഖാബ്ജ-മനല്പകാന്തി വിദ്യോതയജ്-ജഗദപൂർവ-ശശാങ്ക-ബിംബം ॥ 18 ॥ കിം ശർവരീഷു ശശിനാഹ്നി വിവസ്വതാ വാ യുഷ്മന്മുഖേന്ദു-ദലിതേഷു തമ:സു നാഥ! । നിഷ്പന്ന-ശാലി-വന-ശാലിനീ ജീവ-ലോകേ കാര്യം കിയജ്ജല-ധരൈ-ര്ജല-ഭാര-നമൈ്ര: ॥ 19 ॥ ജ്ഞാനം യഥാ ത്വയി വിഭാതി കൃതാവകാശം നൈവം തഥാ ഹരി-ഹരാദിഷു നായകേഷു । തേജോ മഹാ മണിഷു യാതി യഥാ മഹത്ത്വം നൈവം തു കാച-ശകലേ കിരണാകുലേഽപി ॥ 20 ॥ മന്യേ വരം ഹരി-ഹരാദയ ഏവ ദൃഷ്ടാ ദൃഷ്ടേഷു യേഷു ഹൃദയം ത്വയി തോഷമേതി । കിം വീക്ഷിതേന ഭവതാ ഭുവി യേന നാന്യ: കശ്ചിന്മനോ ഹരതി നാഥ ! ഭവാന്തരേഽപി ॥ 21 ॥ സ്ത്രീണാം ശതാനി ശതശോ ജനയന്തി പുത്രാൻ നാന്യാ സുതം ത്വദുപമം ജനനീ പ്രസൂതാ । സർവാ ദിശോ ദധതി ഭാനി സഹസ്ര-രശ്മിം പ്രാച്യേവ ദിഗ്ജനയതി സ്ഫുരദംശു-ജാലം ॥ 22 ॥ ത്വാമാമനന്തി മുനയ: പരമം പുമാംസ- മാദിത്യ-വർണ-മമലം തമസ: പുരസ്താത് । ത്വാമേവ സമ്യ-ഗുപലഭ്യ ജയന്തി മൃത്യും നാന്യ: ശിവ: ശിവപദസ്യ മുനീന്ദ്ര! പന്ഥാ: ॥ 23 ॥ ത്വാ-മവ്യയം വിഭു-മചിന്ത്യ-മസംഖ്യ-മാദ്യം ബ്രഹ്മാണമീശ്വര-മനന്ത-മനംഗ-കേതും । യോഗീശ്വരം വിദിത-യോഗ-മനേക-മേകം ജ്ഞാന-സ്വരൂപ-മമലം പ്രവദന്തി സന്ത: ॥ 24 ॥ ബുദ്ധസ്ത്വമേവ വിബുധാർചിത-ബുദ്ധി-ബോധാത് ത്വം ശങ്കരോഽസി ഭുവന-ത്രയ-ശങ്കരത്വാത്। ധാതാസി ധീര! ശിവ-മാർഗ വിധേർവിധാനാദ് വ്യക്തം ത്വമേവ ഭഗവൻ പുരുഷോത്തമോഽസി ॥ 25 ॥ തുഭ്യം നമസ്-ത്രിഭുവനാർതി-ഹരായ നാഥ! തുഭ്യം നമ: ക്ഷിതി-തലാമല-ഭൂഷണായ । തുഭ്യം നമസ്-ത്രിജഗത: പരമേശ്വരായ തുഭ്യം നമോ ജിന! ഭവോദധി-ശോഷണായ ॥ 26 ॥ കോ വിസ്മയോഽത്ര യദി നാമ ഗുണൈ-രശേഷൈസ്- ത്വം സംശ്രിതോ നിരവകാശതയാ മുനീശ ! । ദോഷൈ-രുപാത്ത-വിവിധാശ്രയ-ജാത-ഗർവൈ: സ്വപ്നാന്തരേഽപി ന കദാചിദപീക്ഷിതോഽസി ॥ 27 ॥ ഉച്ചൈ-രശോക-തരു-സംശ്രിതമുന്മയൂഖ- മാഭാതി രൂപമമലം ഭവതോ നിതാന്തം । സ്പഷ്ടോല്ലസത്-കിരണ-മസ്ത-തമോ-വിതാനം ബിംബം രവേരിവ പയോധര-പാശ്ര്വവർതി ॥ 28 ॥ സിംഹാസനേ മണി-മയൂഖ-ശിഖാ-വിചിത്രേ വിഭ്രാജതേ തവ വപു: കനകാവദാതം । ബിംബം വിയദ്-വിലസ-ദംശുലതാ-വിതാനം തുംഗോദയാദ്രി-ശിരസീവ സഹസ്ര-രശ്മേ: ॥ 29 ॥ കുന്ദാവദാത-ചല-ചാമര-ചാരു-ശോഭം വിഭ്രാജതേ തവ വപു: കലധൗത-കാന്തം । ഉദ്യച്ഛശാങ്ക-ശുചിനിർഝര-വാരി-ധാര- മുച്ചൈസ്തടം സുരഗിരേരിവ ശാതകൗംഭം ॥ 30 ॥ ഛത്രത്രയം-തവ-വിഭാതി ശശാങ്കകാന്ത മുച്ചൈഃ സ്ഥിതം സ്ഥഗിത ഭാനുകര-പ്രതാപം । മുക്താഫല-പ്രകരജാല-വിവൃദ്ധശോഭം । പ്രഖ്യാപയത്ത്രിജഗതഃ പരമേശ്വരത്വം ॥ 31 ॥ ഗംഭീര-താര-രവ-പൂരിത-ദിഗ്വിഭാഗസ്- ത്രൈലോക്യ-ലോക-ശുഭ-സംഗമ-ഭൂതി-ദക്ഷ: । സദ്ധർമ-രാജ-ജയ-ഘോഷണ-ഘോഷക: സൻ ഖേ ദുന്ദുഭി-ധ്ര്വനതി തേ യശസ: പ്രവാദീ ॥ 32 ॥ മന്ദാര-സുന്ദര-നമേരു-സുപാരിജാത- സന്താനകാദി-കുസുമോത്കര-വൃഷ്ടി-രുദ്ഘാ । ഗന്ധോദ-ബിന്ദു-ശുഭ-മന്ദ-മരുത്പ്രപാതാ ദിവ്യാ ദിവ: പതതി തേ വചസാം തതിർവാ ॥ 33 ॥ ശുംഭത്-പ്രഭാ-വലയ-ഭൂരി-വിഭാ-വിഭോസ്തേ ലോക-ത്രയേ-ദ്യുതിമതാം ദ്യുതി-മാക്ഷിപന്തീ । പ്രോദ്യദ്-ദിവാകര-നിരന്തര-ഭൂരി-സംഖ്യാ ദീപ്ത്യാ ജയത്യപി നിശാമപി സോമസൗമ്യാം ॥ 34 ॥ സ്വർഗാപവർഗ-ഗമ-മാർഗ-വിമാർഗണേഷ്ട: സദ്ധർമ-തത്ത്വ-കഥനൈക-പടുസ്-ത്രിലോക്യാ: । ദിവ്യ-ധ്വനി-ര്ഭവതി തേ വിശദാർഥ-സർവ- ഭാഷാസ്വഭാവ-പരിണാമ-ഗുണൈ: പ്രയോജ്യ: ॥ 35 ॥ ഉന്നിദ്ര-ഹേമ-നവ-പങ്കജ-പുഞ്ജ-കാന്തീ പര്യുൽ-ലസൻ-നഖ-മയൂഖ-ശിഖാഭിരാമൗ । പാദൗ പദാനി തവ യത്ര ജിനേന്ദ്ര ! ധത്ത: പദ്മാനി തത്ര വിബുധാ: പരികല്പയന്തി ॥ 36 ॥ ഇത്ഥം യഥാ തവ വിഭൂതി-രഭൂജ്-ജിനേന്ദ്ര്ര ! ധർമോപദേശന-വിധൗ ന തഥാ പരസ്യ । യാദൃക്-പ്ര്രഭാ ദിനകൃത: പ്രഹതാന്ധകാരാ താദൃക്-കുതോ ഗ്രഹഗണസ്യ വികാസിനോഽപി ॥ 37 ॥ ശ്ച്യോ-തൻ-മദാവില-വിലോല-കപോല-മൂല മത്ത-ഭ്രമദ്-ഭ്രമര-നാദ-വിവൃദ്ധ-കോപം । ഐരാവതാഭമിഭ-മുദ്ധത-മാപതന്തം ദൃഷ്ട്വാ ഭയം ഭവതി നോ ഭവദാശ്രിതാനാം ॥ 38 ॥ ഭിന്നേഭ-കുംഭ-ഗല-ദുജ്ജ്വല-ശോണിതാക്ത മുക്താ-ഫല-പ്രകരഭൂഷിത-ഭൂമി-ഭാഗ: । ബദ്ധ-ക്രമ: ക്രമ-ഗതം ഹരിണാധിപോഽപി നാക്രാമതി ക്രമ-യുഗാചല-സംശ്രിതം തേ ॥ 39 ॥ കല്പാന്ത-കാല-പവനോദ്ധത-വഹ്നി-കല്പം ദാവാനലം ജ്വലിത-മുജ്ജ്വല-മുത്സ്ഫുലിംഗം । വിശ്വം ജിഘത്സുമിവ സമ്മുഖ-മാപതന്തം ത്വന്നാമ-കീർതന-ജലം ശമയത്യശേഷം ॥ 40 ॥ രക്തേക്ഷണം സമദ-കോകില-കണ്ഠ-നീലം ക്രോധോദ്ധതം ഫണിന-മുത്ഫണ-മാപതന്തം । ആക്രാമതി ക്രമ-യുഗേണ നിരസ്ത-ശങ്കസ്- ത്വന്നാമ-നാഗദമനീ ഹൃദി യസ്യ പുംസ: ॥ 41 ॥ വൽഗത്-തുരംഗ-ഗജ-ഗർജിത-ഭീമനാദ- മാജൗ ബലം ബലവതാ-മപി-ഭൂപതീനാം । ഉദ്യദ്-ദിവാകര-മയൂഖ-ശിഖാപവിദ്ധം ത്വത്കീർതനാത്തമ ഇവാശു ഭിദാമുപൈതി: ॥ 42 ॥ കുന്താഗ്ര-ഭിന്ന-ഗജ-ശോണിത-വാരിവാഹ വേഗാവതാര-തരണാതുര-യോധ-ഭീമേ । യുദ്ധേ ജയം വിജിത-ദുർജയ-ജേയ-പക്ഷാസ്- ത്വത്പാദ-പങ്കജ-വനാശ്രയിണോ ലഭന്തേ: ॥ 43 ॥ അംഭോനിധൗ ക്ഷുഭിത-ഭീഷണ-നക്ര-ചക്ര- പാഠീന-പീഠ-ഭയ-ദോല്വണ-വാഡവാഗ്നൗ । രംഗത്തരംഗ-ശിഖര-സ്ഥിത-യാന-പാത്രാസ്- ത്രാസം വിഹായ ഭവത: സ്മരണാദ്-വ്രജന്തി: ॥ 44 ॥ ഉദ്ഭൂത-ഭീഷണ-ജലോദര-ഭാര-ഭുഗ്നാ: ശോച്യാം ദശാ-മുപഗതാശ്-ച്യുത-ജീവിതാശാ: । ത്വത്പാദ-പങ്കജ-രജോ-മൃത-ദിഗ്ധ-ദേഹാ: മത്ര്യാ ഭവന്തി മകര-ധ്വജ-തുല്യരൂപാ: ॥ 45 ॥ ആപാദ-കണ്ഠമുരു-ശൃംഖല-വേഷ്ടിതാംഗാ ഗാഢം-ബൃഹൻ-നിഗഡ-കോടി നിഘൃഷ്ട-ജംഘാ: । ത്വൻ-നാമ-മന്ത്ര-മനിശം മനുജാ: സ്മരന്ത: സദ്യ: സ്വയം വിഗത-ബന്ധ-ഭയാ ഭവന്തി: ॥ 46 ॥ മത്ത-ദ്വിപേന്ദ്ര-മൃഗ-രാജ-ദവാനലാഹി- സംഗ്രാമ-വാരിധി-മഹോദര-ബന്ധ-നോത്ഥം । തസ്യാശു നാശ-മുപയാതി ഭയം ഭിയേവ യസ്താവകം സ്തവ-മിമം മതിമാനധീതേ: ॥ 47 ॥ സ്തോത്ര-സ്രജം തവ ജിനേന്ദ്ര ഗുണൈർനിബദ്ധാം ഭക്ത്യാ മയാ വിവിധ-വർണ-വിചിത്ര-പുഷ്പാം । ധത്തേ ജനോ യ ഇഹ കണ്ഠ-ഗതാ-മജസ്രം തം മാനതുംഗ-മവശാ-സമുപൈതി ലക്ഷ്മീ: ॥ 48 ॥

Recite with devotion and pure heart

Regular practice brings spiritual benefits