ந்ருʼஸிம்ʼஹகவசம்ʼ வக்ஷ்யே ப்ரஹ்லாதே³னோதி³தம்ʼ புரா । ஸர்வரக்ஷாகரம்ʼ புண்யம்ʼ ஸர்வோபத்³ரவநாஶனம் ॥ 1 ॥ ஸர்வஸம்பத்கரம்ʼ சைவ ஸ்வர்க³மோக்ஷப்ரதா³யகம் । த்⁴யாத்வா ந்ருʼஸிம்ʼஹம்ʼ தே³வேஶம்ʼ ஹேமஸிம்ʼஹாஸனஸ்தி²தம் ॥ 2 ॥ விவ்ருʼதாஸ்யம்ʼ த்ரிநயனம்ʼ ஶரதி³ந்து³ஸமப்ரப⁴ம் । லக்ஷ்ம்யாலிங்கி³தவாமாங்க³ம்ʼ விபூ⁴திபி⁴ருபாஶ்ரிதம் ॥ 3 ॥ சதுர்பு⁴ஜம்ʼ கோமலாங்க³ம்ʼ ஸ்வர்ணகுண்ட³லஶோபி⁴தம் । ஸரோஜஶோபி⁴தோரஸ்கம்ʼ ரத்னகேயூரமுத்³ரிதம் ॥ 4 ॥ தப்தகாஞ்சனஸங்காஶம்ʼ பீதநிர்மலவாஸஸம் । இந்த்³ராதி³ஸுரமௌலிஸ்த²ஸ்பு²ரன்மாணிக்யதீ³ப்திபி⁴꞉ ॥ 5 ॥ விராஜிதபத³த்³வந்த்³வம்ʼ ஶங்க²சக்ராதி³ஹேதிபி⁴꞉ । க³ருத்மதா ஸவினயம்ʼ ஸ்தூயமானம்ʼ முதா³ன்விதம் ॥ 6 ॥ ஸ்வஹ்ருʼத்கமலஸம்ʼவாஸம்ʼ க்ருʼத்வா து கவசம்ʼ படே²த் । ந்ருʼஸிம்ʼஹோ மே ஶிர꞉ பாது லோகரக்ஷாத்மஸம்ப⁴வ꞉ ॥ 7 ॥ ஸர்வகோ³(அ)பி ஸ்தம்ப⁴வாஸ꞉ பா²லம்ʼ மே ரக்ஷது த்⁴வனிம் । ந்ருʼஸிம்ʼஹோ மே த்³ருʼஶௌ பாது ஸோமஸூர்யாக்³னிலோசன꞉ ॥ 8 ॥ ஸ்ம்ருʼதிம்ʼ மே பாது ந்ருʼஹரிர்முநிவர்யஸ்துதிப்ரிய꞉ । நாஸாம்ʼ மே ஸிம்ʼஹனாஸஸ்து முக²ம்ʼ லக்ஷ்மீமுக²ப்ரிய꞉ ॥ 9 ॥ ஸர்வவித்³யாதி⁴ப꞉ பாது ந்ருʼஸிம்ʼஹோ ரஸனாம்ʼ மம । வக்த்ரம்ʼ பாத்விந்து³வத³ன꞉ ஸதா³ ப்ரஹ்லாத³வந்தி³த꞉ ॥ 10 ॥ ந்ருʼஸிம்ʼஹ꞉ பாது மே கண்ட²ம்ʼ ஸ்கந்தௌ⁴ பூ⁴ப⁴ரணாந்தக்ருʼத் । தி³வ்யாஸ்த்ரஶோபி⁴தபு⁴ஜோ ந்ருʼஸிம்ʼஹ꞉ பாது மே பு⁴ஜௌ ॥ 11 ॥ கரௌ மே தே³வவரதோ³ ந்ருʼஸிம்ʼஹ꞉ பாது ஸர்வத꞉ । ஹ்ருʼத³யம்ʼ யோகி³ஸாத்⁴யஶ்ச நிவாஸம்ʼ பாது மே ஹரி꞉ ॥ 12 ॥ மத்⁴யம்ʼ பாது ஹிரண்யாக்ஷவக்ஷ꞉குக்ஷிவிதா³ரண꞉ । நாபி⁴ம்ʼ மே பாது ந்ருʼஹரி꞉ ஸ்வநாபி⁴ப்³ரஹ்மஸம்ʼஸ்துத꞉ ॥ 13 ॥ ப்³ரஹ்மாண்ட³கோடய꞉ கட்யாம்ʼ யஸ்யாஸௌ பாது மே கடிம் । கு³ஹ்யம்ʼ மே பாது கு³ஹ்யானாம்ʼ மந்த்ராணாம்ʼ கு³ஹ்யரூபத்⁴ருʼக் ॥ 14 ॥ ஊரூ மனோப⁴வ꞉ பாது ஜானுனீ நரரூபத்⁴ருʼக் । ஜங்கே⁴ பாது த⁴ராபா⁴ரஹர்தா யோ(அ)ஸௌ ந்ருʼகேஸரீ ॥ 15 ॥ ஸுரராஜ்யப்ரத³꞉ பாது பாதௌ³ மே ந்ருʼஹரீஶ்வர꞉ । ஸஹஸ்ரஶீர்ஷா புருஷ꞉ பாது மே ஸர்வஶஸ்தனும் ॥ 16 ॥ மஹோக்³ர꞉ பூர்வத꞉ பாது மஹாவீராக்³ரஜோ(அ)க்³னித꞉ । மஹாவிஷ்ணுர்த³க்ஷிணே து மஹாஜ்வாலஸ்து நைர்ருʼதௌ ॥ 17 ॥ பஶ்சிமே பாது ஸர்வேஶோ தி³ஶி மே ஸர்வதோமுக²꞉ । ந்ருʼஸிம்ʼஹ꞉ பாது வாயவ்யாம்ʼ ஸௌம்யாம்ʼ பூ⁴ஷணவிக்³ரஹ꞉ ॥ 18 ॥ ஈஶான்யாம்ʼ பாது ப⁴த்³ரோ மே ஸர்வமங்க³லதா³யக꞉ । ஸம்ʼஸாரப⁴யத³꞉ பாது ம்ருʼத்யோர்ம்ருʼத்யுர்ந்ருʼகேஸரீ ॥ 19 ॥ இத³ம்ʼ ந்ருʼஸிம்ʼஹகவசம்ʼ ப்ரஹ்லாத³முக²மண்டி³தம் । ப⁴க்திமான்ய꞉ படே²ந்நித்யம்ʼ ஸர்வபாபை꞉ ப்ரமுச்யதே ॥ 20 ॥ புத்ரவான் த⁴னவான் லோகே தீ³ர்கா⁴யுருபஜாயதே । யம்ʼ யம்ʼ காமயதே காமம்ʼ தம்ʼ தம்ʼ ப்ராப்னோத்யஸம்ʼஶயம் ॥ 21 ॥ ஸர்வத்ர ஜயமாப்னோதி ஸர்வத்ர விஜயீ ப⁴வேத் । பூ⁴ம்யந்தரிக்ஷதி³வ்யானாம்ʼ க்³ரஹாணாம்ʼ விநிவாரணம் ॥ 22 ॥ வ்ருʼஶ்சிகோரக³ஸம்பூ⁴தவிஷாபஹரணம்ʼ பரம் । ப்³ரஹ்மராக்ஷஸயக்ஷாணாம்ʼ தூ³ரோத்ஸாரணகாரணம் ॥ 23 ॥ பூ⁴ர்ஜே வா தாலபத்ரே வா கவசம்ʼ லிகி²தம்ʼ ஶுப⁴ம் । கரமூலே த்⁴ருʼதம்ʼ யேன ஸித்⁴யேயு꞉ கர்மஸித்³த⁴ய꞉ ॥ 24 ॥ தே³வாஸுரமனுஷ்யேஷு ஸ்வம்ʼ ஸ்வமேவ ஜயம்ʼ லபே⁴த் । ஏகஸந்த்⁴யம்ʼ த்ரிஸந்த்⁴யம்ʼ வா ய꞉ படே²ந்நியதோ நர꞉ ॥ 25 ॥ ஸர்வமங்க³லமாங்க³ல்யம்ʼ பு⁴க்திம்ʼ முக்திம்ʼ ச விந்த³தி । த்³வாத்ரிம்ʼஶச்ச ஸஹஸ்ராணி படே²ச்சு²த்³தா⁴த்மனாம்ʼ ந்ருʼணாம் ॥ 26 ॥ கவசஸ்யாஸ்ய மந்த்ரஸ்ய மந்த்ரஸித்³தி⁴꞉ ப்ரஜாயதே । அனேன மந்த்ரராஜேன க்ருʼத்வா ப⁴ஸ்மாபி⁴மந்த்ரணம் ॥ 27 ॥ திலகம்ʼ வின்யஸேத்³யஸ்து தஸ்ய க்³ரஹப⁴யம்ʼ ஹரேத் । த்ரிவாரம்ʼ ஜபமானஸ்து த³த்தம்ʼ வார்யபி⁴மந்த்ர்ய ச ॥ 28 ॥ ப்ராஶயேத்³யோ நரோ மந்த்ரம்ʼ ந்ருʼஸிம்ʼஹத்⁴யானமாசரேத் । தஸ்ய ரோகா³꞉ ப்ரணஶ்யந்தி யே ச ஸ்யு꞉ குக்ஷிஸம்ப⁴வா꞉ ॥ 29 ॥ கிமத்ர ப³ஹுனோக்தேன ந்ருʼஸிம்ʼஹஸத்³ருʼஶோ ப⁴வேத் । மனஸா சிந்திதம்ʼ யத்து ஸ தச்சாப்னோத்யஸம்ʼஶயம் ॥ 30 ॥ க³ர்ஜந்தம்ʼ க³ர்ஜயந்தம்ʼ நிஜபு⁴ஜபடலம்ʼ ஸ்போ²டயந்தம்ʼ ஹடந்தம்ʼ ரூப்யந்தம்ʼ தாபயந்தம்ʼ தி³வி பு⁴வி தி³திஜம்ʼ க்ஷேபயந்தம்ʼ க்ஷிபந்தம் । க்ரந்த³ந்தம்ʼ ரோஷயந்தம்ʼ தி³ஶி தி³ஶி ஸததம்ʼ ஸம்ʼஹரந்தம்ʼ ப⁴ரந்தம்ʼ வீக்ஷந்தம்ʼ கூ⁴ர்ணயந்தம்ʼ ஶரநிகரஶதைர்தி³வ்யஸிம்ʼஹம்ʼ நமாமி ॥ 31 ॥ இதி ஶ்ரீப்³ரஹ்மாண்ட³புராணே ப்ரஹ்லாதோ³க்தம்ʼ ஶ்ரீ ந்ருʼஸிம்ʼஹ கவசம் ।