हैंహైHaindavamஹிહિં
📍
Font Size:
Narasimha Ashtottara Shatanama Stotram
nārasiṃho mahāsiṃho divyasiṃho mahābalaḥ ।
ugrasiṃho mahādevaḥ stambhajaścogralocanaḥ ॥ 1 ॥
raudraḥ sarvādbhutaḥ śrīmān yogānandastrivikramaḥ ।
hariḥ kolāhalaścakrī vijayo jayavardhanaḥ ॥ 2 ॥
pañcānanaḥ parabrahma cā'ghoro ghoravikramaḥ ।
jvalanmukho jvālamālī mahājvālo mahāprabhuḥ ॥ 3 ॥
niṭilākṣaḥ sahasrākṣo durnirīkṣyaḥ pratāpanaḥ ।
mahādaṃṣṭrāyudhaḥ prājñaścaṇḍakopī sadāśivaḥ ॥ 4 ॥
hiraṇyakaśipudhvaṃsī daityadānavabhañjanaḥ ।
guṇabhadro mahābhadro balabhadraḥ subhadrakaḥ ॥ 5 ॥
karālo vikarālaśca vikartā sarvakartṛkaḥ ।
śiṃśumārastrilokātmā īśaḥ sarveśvaro vibhuḥ ॥ 6 ॥
bhairavāḍambaro divyaścā'cyutaḥ kavimādhavaḥ ।
adhokṣajo'kṣaraḥ śarvo vanamālī varapradaḥ ॥ 7 ॥
viśvambharo'dbhuto bhavyaḥ śrīviṣṇuḥ puruṣottamaḥ ।
anaghāstro nakhāstraśca sūryajyotiḥ sureśvaraḥ ॥ 8 ॥
sahasrabāhuḥ sarvajñaḥ sarvasiddhipradāyakaḥ ।
vajradaṃṣṭro vajranakho mahānandaḥ parantapaḥ ॥ 9 ॥
sarvamantraikarūpaśca sarvayantravidāraṇaḥ ।
sarvatantrātmako'vyaktaḥ suvyakto bhaktavatsalaḥ ॥ 10 ॥
vaiśākhaśuklabhūtotthaḥ śaraṇāgatavatsalaḥ ।
udārakīrtiḥ puṇyātmā mahātmā caṇḍavikramaḥ ॥ 11 ॥
vedatrayaprapūjyaśca bhagavānparameśvaraḥ ।
śrīvatsāṅkaḥ śrīnivāso jagadvyāpī jaganmayaḥ ॥ 12 ॥
jagatpālo jagannātho mahākāyo dvirūpabhṛt ।
paramātmā parañjyotirnirguṇaśca nṛkesarī ॥ 13 ॥
paratattvaṃ parandhāma saccidānandavigrahaḥ ।
lakṣmīnṛsiṃhaḥ sarvātmā dhīraḥ prahlādapālakaḥ ॥ 14 ॥
idaṃ lakṣmīnṛsiṃhasya nāmnāmaṣṭottaraṃ śatam ।
trisandhyaṃ yaḥ paṭhedbhaktyā sarvābhīṣṭamavāpnuyāt ॥ 15 ॥
iti śrīnṛsiṃhapūjākalpe śrī lakṣmīnṛsiṃhāṣṭottaraśatanāma stotram ।
Recite with devotion and pure heart
Regular practice brings spiritual benefits