advaitavāstavamateḥ praṇamajjanānāṃ sampādanāya dhṛtamānavasiṃharūpam । prahlādapoṣaṇarataṃ praṇataikavaśyaṃ devaṃ mudā kamapi naumi kṛpāsamudram ॥ 1 ॥ natajanavacanaṛtatva- -prakāśakālasya dairghyamasahiṣṇuḥ । āvirbabhūva tarasā yaḥ stambhānnaumi taṃ mahāviṣṇum ॥ 2 ॥ vakṣovidāraṇaṃ ya- -ścakre hārdaṃ tamo hantum । śatrorapi karuṇābdhiṃ naraharivapuṣaṃ namāmi taṃ viṣṇum ॥ 3 ॥ ripuhṛdayasthitarājasa- -guṇamevāsṛṅmiṣeṇa karajāgraiḥ । dhatte yastaṃ vande prahlādapūrvabhāgyanicayamaham ॥ 4 ॥ prahlādaṃ praṇamajjana- -paṅkteḥ kurvanti diviṣado hyanye । prahlādaprahlādaṃ citraṃ kurute namāmi yastamaham ॥ 5 ॥ śaradindukundadhavalaṃ karajapravidāritāsurādhīśam । caraṇāmbujaratavākyaṃ tarasaiva ṛtaṃ prakurvadahamīḍe ॥ 6 ॥ mukhena raudro vapuṣā ca saumyaḥ sankañcanārthaṃ prakaṭīkaroṣi । bhayasya kartā bhayahṛttvameve- -tyākhyāprasiddhiryadasaṃśayābhūt ॥ 7 ॥ iti śṛṅgeri jagadguru śrī saccidānandaśivābhinavanṛsiṃhabhāratī svāmibhiḥ viracitaṃ śrī nṛsiṃha saptakam ।