Runa Vimochana Narasimha Stotram

dhyānam – vāgīśā yasya vadane lakṣmīryasya ca vakṣasi । yasyāste hṛdaye saṃvittaṃ nṛsiṃhamahaṃ bhaje ॥ atha stotram – devatākāryasiddhyarthaṃ sabhāstambhasamudbhavam । śrīnṛsiṃhaṃ mahāvīraṃ namāmi ṛṇamuktaye ॥ 1 ॥ lakṣmyāliṅgita vāmāṅkaṃ bhaktānāṃ varadāyakam । śrīnṛsiṃhaṃ mahāvīraṃ namāmi ṛṇamuktaye ॥ 2 ॥ āntramālādharaṃ śaṅkhacakrābjāyudhadhāriṇam । śrīnṛsiṃhaṃ mahāvīraṃ namāmi ṛṇamuktaye ॥ 3 ॥ smaraṇāt sarvapāpaghnaṃ kadrūjaviṣanāśanam । śrīnṛsiṃhaṃ mahāvīraṃ namāmi ṛṇamuktaye ॥ 4 ॥ siṃhanādena mahatā digvidigbhayanāśanam । śrīnṛsiṃhaṃ mahāvīraṃ namāmi ṛṇamuktaye ॥ 5 ॥ prahlādavarada śrīśaṃ daityeśvaravidāraṇam । śrīnṛsiṃhaṃ mahāvīraṃ namāmi ṛṇamuktaye ॥ 6 ॥ krūragrahaiḥ pīḍitānāṃ bhaktānāmabhayapradam । śrīnṛsiṃhaṃ mahāvīraṃ namāmi ṛṇamuktaye ॥ 7 ॥ vedavedāntayajñeśaṃ brahmarudrādivanditam । śrīnṛsiṃhaṃ mahāvīraṃ namāmi ṛṇamuktaye ॥ 8 ॥ itthaṃ yaḥ paṭhate nityaṃ ṛṇamocana siddhaye । anṛṇo jāyate śīghraṃ dhanaṃ vipulamāpnuyāt ॥ 9 ॥ sarvasiddhipradaṃ nṛṇāṃ sarvaiśvaryapradāyakam । tasmāt sarvaprayatnena paṭhet stotramidaṃ sadā ॥ 10 ॥ iti śrīnṛsiṃhapurāṇe ṛṇamocana śrī nṛsiṃha stotram ।

Recite with devotion and pure heart

Regular practice brings spiritual benefits

More stotras of Narasimha: