మార్కండేయ ఉవాచ । నారాయణం సహస్రాక్షం పద్మనాభం పురాతనం । ప్రణతోఽస్మి హృషీకేశం కిం మే మృత్యుః కరిష్యతి ॥ 1 ॥ గోవిందం పుండరీకాక్షమనంతమజమవ్యయం । కేశవం చ ప్రపన్నోఽస్మి కిం మే మృత్యుః కరిష్యతి ॥ 2 ॥ వాసుదేవం జగద్యోనిం భానువర్ణమతీంద్రియం । దామోదరం ప్రపన్నోఽస్మి కిం మే మృత్యుః కరిష్యతి ॥ 3 ॥ శంఖచక్రధరం దేవం ఛన్నరూపిణమవ్యయం । అధోక్షజం ప్రపన్నోఽస్మి కిం మే మృత్యుః కరిష్యతి ॥ 4 ॥ వారాహం వామనం విష్ణుం నరసింహం జనార్దనం । మాధవం చ ప్రపన్నోఽస్మి కిం మే మృత్యుః కరిష్యతి ॥ 5 ॥ పురుషం పుష్కరం పుణ్యం క్షేమబీజం జగత్పతిం । లోకనాథం ప్రపన్నోఽస్మి కిం మే మృత్యుః కరిష్యతి ॥ 6 ॥ భూతాత్మానం మహాత్మానం జగద్యోనిమయోనిజం । విశ్వరూపం ప్రపన్నోఽస్మి కిం మే మృత్యుః కరిష్యతి ॥ 7 ॥ సహస్రశిరసం దేవం వ్యక్తావ్యక్తం సనాతనం । మహాయోగం ప్రపన్నోఽస్మి కిం మే మృత్యుః కరిష్యతి ॥ 8 ॥ ఇత్యుదీరితమాకర్ణ్య స్తోత్రం తస్య మహాత్మనః । అపయాతస్తతో మృత్యుర్విష్ణుదూతైశ్చ పీడితః ॥ 9 ॥ ఇతి తేన జితో మృత్యుర్మార్కండేయేన ధీమతా । ప్రసన్నే పుండరీకాక్షే నృసింహే నాస్తి దుర్లభం ॥ 10 ॥ మృత్యుంజయమిదం పుణ్యం మృత్యుప్రశమనం శుభం । మార్కండేయహితార్థాయ స్వయం విష్ణురువాచ హ ॥ 11 ॥ య ఇదం పఠతే భక్త్యా త్రికాలం నియతః శుచిః । నాకాలే తస్య మృత్యుః స్యాన్నరస్యాచ్యుతచేతసః ॥ 12 ॥ హృత్పద్మమధ్యే పురుషం పురాణం నారాయణం శాశ్వతమాదిదేవం । సంచింత్య సూర్యాదపి రాజమానం మృత్యుం స యోగీ జితవాంస్తదైవ ॥ 13 ॥ ఇతి శ్రీ నరసింహ పురాణే సప్తమోఽధ్యాయే మార్కండేయ ప్రోక్త మృత్యుంజయ స్తోత్రం ।