నృసింహ భుజంగ ప్రయాత స్తోత్రం

అజోమేశదేవం రజోత్కర్షవద్భూ-

-ద్రజోత్కర్షవద్భూద్రజోద్ధూతభేదం ।

ద్విజాధీశభేదం రజోపాలహేతిం

భజే వేదశైలస్ఫురన్నారసింహం ॥ 1 ॥

హిరణ్యాక్షరక్షోవరేణ్యాగ్రజన్మ-

-స్థిరక్రూరవక్షోహరప్రౌఢదక్షం ।

భృతశ్రీనఖాగ్రం పరశ్రీసుఖోగ్రం

భజే వేదశైలస్ఫురన్నారసింహం ॥ 2 ॥

నిజారంభశుంభద్భుజాస్తంభడంభ-

-ద్దృఢాంగస్రవద్రక్తసమ్యుక్తభూతం ।

నిజాఘావనోద్వేలలీలానుభూతం

భజే వేదశైలస్ఫురన్నారసింహం ॥ 3 ॥

వటుర్జన్యజాస్యం స్ఫుటాలోలఘాటీ-

-సటాఝూటమృత్యుర్బహిర్గానశౌర్యం ।

ఘటోద్భూతపద్భూద్ధటస్తూయమానం

భజే వేదశైలస్ఫురన్నారసింహం ॥ 4 ॥

పినాక్యుత్తమాంగం స్వనద్భంగరంగం

ధ్రువాకాశరంగం జనశ్రీపదాంగం ।

పినాకిన్యరాజప్రశస్తస్తరస్తం

భజే వేదశైలస్ఫురన్నారసింహం ॥ 5 ॥

ఇతి నృసింహ భుజంగ ప్రయాత స్తోత్రం ।

Recite with devotion and pure heart

Regular practice brings spiritual benefits