हैंహైHaindavamஹிહિં
📍
Font Size:
లక్ష్మీ నృసింహ హృదయ స్తోత్రం
అస్య శ్రీ లక్ష్మీనృసింహ హృదయ మహామంత్రస్య ప్రహ్లాద ఋషిః, శ్రీలక్ష్మీనృసింహో దేవతా, అనుష్టుప్ ఛందః, మమ ఈప్సితార్థసిద్ధ్యర్థే పాఠే వినియోగః ॥
కరన్యాసః –
ఓం శ్రీలక్ష్మీనృసింహాయ అంగుష్ఠాభ్యాం నమః ।
ఓం వజ్రనఖాయ తర్జనీభ్యాం నమః ।
ఓం మహారూపాయ మధ్యమాభ్యాం నమః ।
ఓం సర్వతోముఖాయ అనామికాభ్యాం నమః ।
ఓం భీషణాయ కనిష్ఠికాభ్యాం నమః ।
ఓం వీరాయ కరతల కరపృష్ఠాభ్యాం నమః ।
హృదయన్యాసః –
ఓం శ్రీలక్ష్మీనృసింహాయ హృదయాయ నమః ।
ఓం వజ్రనఖాయ శిరసే స్వాహా ।
ఓం మహారూపాయ శిఖాయై వషట్ ।
ఓం సర్వతోముఖాయ కవచాయ హుం ।
ఓం భీషణాయ నేత్రత్రయాయ వౌషట్ ।
ఓం వీరాయ అస్త్రాయ ఫట్ ॥
అథ ధ్యానం ।
సత్యం జ్ఞానేంద్రియసుఖం క్షీరాంభోనిధి మధ్యగం
యోగారూఢం ప్రసన్నాస్యం నానాభరణభూషితం ।
మహాచక్రం మహావిష్ణుం త్రినేత్రం చ పినాకినం
శ్వేతాహివాసం శ్వేతాంగం సూర్యచంద్రాది పార్శ్వగం ।
శ్రీనృసింహం సదా ధ్యాయేత్ కోటిసూర్యసమప్రభం ॥
అథ మంత్రః ।
ఓం నమో భగవతే నరసింహాయ దేవాయ నమః ॥
అథ హృదయ స్తోత్రం ।
శ్రీనృసింహః పరంబ్రహ్మ శ్రీనృసింహః పరం శివః ।
నృసింహః పరమో విష్ణుః నృసింహః సర్వదేవతా ॥ 1 ॥
నృశబ్దేనోచ్యతే జీవః సింహశబ్దేన చ స్వరః ।
తయోరైక్యం శ్రుతిప్రోక్తం యః పశ్యతి స పశ్యతి ॥ 2 ॥
నృసింహాద్దేవాః జాయంతే లోకాః స్థావరజంగమాః ।
నృసింహేనైవ జీవంతి నృసింహే ప్రవిశంతి చ ॥ 3 ॥
నృసింహో విశ్వముత్పాద్య ప్రవిశ్య తదనంతరం ।
రాజభిక్షుస్వరూపేణ నృసింహస్య స్మరంతి యే ॥ 4 ॥
నృసింహాత్ పరమం నాస్తి నృసింహం కులదైవతం ।
నృసింహభక్తా యే లోకే తే జ్ఞానినం ఇతీరితాః ॥ 5 ॥
విరక్తా దయయా యుక్తాః సర్వభూతసమేక్షణాః ।
న్యస్త సంసార యోగేన నృసింహం ప్రాప్నువంతి తే ॥ 6 ॥
మాహాత్మ్యం యస్య సర్వేఽపి వదంతి నిగమాగమాః ।
నృసింహః సర్వజగతాం కర్తా భోక్తా న చాపరః ॥ 7 ॥
నృసింహో జగతాం హేతుః బహిర్యాయాఽవలంబనః ।
మాయయా వేదితాత్మా చ సుదర్శనసమాక్షరః ॥ 8 ॥
వాసుదేవో మయాతీతో నారాయణసమప్రభ ।
నిర్మలో నిరహంకారో నిర్మాల్యో యో నిరంజనః ॥ 9 ॥
సర్వేషాం చాపి భూతానాం హృదయాంభోజవాసకః ।
అతిప్రేష్ఠః సదానందో నిర్వికారో మహామతిః ॥ 10 ॥
చరాచరస్వరూపీ చ చరాచరనియామకః ।
సర్వేశ్వరః సర్వకర్తా సర్వాత్మా సర్వగోచరః ॥ 11 ॥
నృసింహ ఏవ యః సాక్షాత్ ప్రత్యగాత్మా న సంశయః ।
కేచిన్మూఢా వదంత్యేవమవతారమనీశ్వరం ॥ 12 ॥
నృసింహ పరమాత్మానం సర్వభూతనివాసినం ।
తస్య దర్శనమాత్రేణ సూర్యస్యాలోకవద్భవేత్ ॥ 13 ॥
సర్వం నృసింహ ఏవేతి సంగ్రహాత్మా సుదుర్లభః ।
నారసింహః పరం దైవం నారసింహో జగద్గురుః ॥ 14 ॥
నృసింహేతి నృసింహేతి ప్రభాతే యే పఠంతి చ ।
తేషాం ప్రసన్నో భగవాన్ మోక్షం సమ్యక్ ప్రయచ్ఛతి ॥ 15 ॥
ఓంకారేభ్యశ్చ పూతాత్మా ఓంకారైక ప్రబోధితః ।
ఓంకారో మంత్రరాజశ్చ లోకే మోక్షప్రదాయకః ॥ 16 ॥
నృసింహభక్తా యే లోకే నిర్భయా నిర్వికారకాః ।
తేషాం దర్శనమాత్రేణ సర్వపాపైః ప్రముచ్యతే ॥ 17 ॥
సకారో జీవవాచీ స్యాదికారః పరమేశ్వరః ।
హకారాకారయోరైక్యం మహావాక్యం తతో భవేత్ ॥ 18 ॥
ఓంకారజా ప్రేతముక్తిః కాశ్యాం మరణం తథా ।
నృసింహ స్మరణాదేవ ముక్తిర్భవతి నాన్యథా ॥ 19 ॥
తస్మాత్సర్వప్రయత్నేన మంత్రరాజమితి ధ్రువం ।
సర్వేషాం చాపి వేదానాం దేవతానాం తథైవ చ ॥ 20 ॥
సర్వేషాం చాపి శాస్త్రాణాం తాత్పర్యం నృహరౌ హరౌ ।
శ్రీరామతాపనీయస్య గోపాలస్యాపి తాపినః ॥ 21 ॥
నృసింహతాపనీయస్య కలాం నార్హతి షోడశీం ।
శ్రీమన్మంత్రమహారాజ నృసింహస్య ప్రసాదతః ॥ 22 ॥
శ్రీనృసింహో నమస్తుభ్యం శ్రీనృసింహః ప్రసీద మే ।
నృసింహో భగవాన్మాతా శ్రీనృసింహః పితా మమ ॥ 23 ॥
నృసింహో మమ పుత్రశ్చ నరకాత్త్రాయతే యతః ।
సర్వదేవాత్మకో యశ్చ నృసింహః పరికీర్తితః ॥ 24 ॥
అశ్వమేధసహస్రాణి వాజపేయ శతాని చ ।
కాశీ రామేశ్వరాదీని ఫలాన్యపి నిశమ్య చ ॥ 25 ॥
యావత్ఫలం సమాప్నోతి తావదాప్నోతి మంత్రతః ।
షణ్ణవత్యశ్చ కరణీ యావతీ తృప్తిరిష్యతే ॥ 26 ॥
పితౄణాం తావతీ ప్రీతిః మంత్రరాజస్య జాయతే ।
అపుత్రస్య గతిర్నాస్తి ఇతి స్మృత్యా యదీరితం ॥ 27 ॥
తత్తు లక్ష్మీనృసింహస్య భక్తిమాత్రావగోచరం ।
సర్వాణి తర్కమీమాంసా శాస్త్రాణి పరిహాయ వై ॥ 28 ॥
నృసింహ స్మరణాల్లోకే తారకం భవతారకం ।
అపార భవవారాబ్ధౌ సతతం పతతాం నృణాం ॥ 29 ॥
నృసింహమంత్రరాజోఽయం నావికో భాష్యతే బుధైః ।
యమపాశేన బద్ధానాం పంగుం వై తిష్ఠతాం నృణాం ॥ 30 ॥
నృసింహమంత్రరాజోఽయం ఋషయః పరికీర్తితః ।
భవసర్పేణ దంష్ట్రాణాం వివేకగత చేతసాం ॥ 31 ॥
నృసింహమంత్రరాజోఽయం గారుడోమంత్ర ఉచ్యతే ।
అజ్ఞానతమసాం నృణామంధవద్భ్రాంతచక్షుషాం ॥ 32 ॥
నృసింహమంత్రరాజోఽయం ప్రయాసం పరికీర్తితః ।
తాపత్రయాగ్ని దగ్ధానాం ఛాయా సంశ్రయమిచ్ఛతాం ॥ 33 ॥
నృసింహమంత్రరాజశ్చ భక్తమానసపంజరం ।
నృసింహో భాస్కరో భూత్వా ప్రకాశయతి మందిరం ॥ 34 ॥
వేదాంతవనమధ్యస్థా హరిణీ మృగ ఇష్యతే ।
నృసింహ నీలమేఘస్య సందర్శన విశేషతః ॥ 35 ॥
మయూరా భక్తిమంతశ్చ నృత్యంతి ప్రీతిపూర్వకం ।
అన్యత్ర నిర్గతా వాలా మాతరం పరిలోకయ ॥ 36 ॥
యథా యథా హి తుష్యంతే నృసింహస్యావలోకనాత్ ।
శ్రీమన్నృసింహపాదాబ్జం నత్వారంగప్రవేశితా ॥ 37 ॥
మదీయ బుద్ధివనితా నటీ నృత్యతి సుందరీ ।
శ్రీమన్నృసింహపాదాబ్జ మధుపీత్వా మదోన్మదః ॥ 38 ॥
మదీయా బుద్ధిమాలోక్య మూఢా నిందంతి మాధవం ।
శ్రీమన్నృసింహపాదాబ్జరేణుం విధిసుభక్షణం ॥ 40 ॥
మదీయచిత్తహంసోఽయం మనోవశ్యం న యాతి మే ।
శ్రీనృసింహః పితా మహ్యం మాతా చ నరకేసరీ ॥ 41 ॥
వర్తతే తాభువౌ నిత్యం రౌవహం పరియామి వై ।
సత్యం సత్యం పునః సత్యం నృసింహః శరణం మమ ॥ 42 ॥
అహోభాగ్యం అహోభాగ్యం నారసింహో గతిర్మమ ।
శ్రీమన్నృసింహపాదాబ్జద్వంద్వం మే హృదయే సదా ॥ 43 ॥
వర్తతాం వర్తతాం నిత్యం దృఢభక్తిం ప్రయచ్ఛ మే ।
నృసింహ తుష్టో భక్తోఽయం భుక్తిం ముక్తిం ప్రయచ్ఛతి ॥ 44 ॥
నృసింహహృదయం యస్తు పఠేన్నిత్యం సమాహితః ।
నృసింహత్వం సమాప్నోతి నృసింహః సంప్రసీదతి ॥ 45 ॥
త్రిసంధ్యం యః పఠేన్నిత్యం మందవారే విషేశతః ।
రాజద్వారే సభాస్థానే సర్వత్ర విజయీ భవేత్ ॥ 46 ॥
యం యం చింతయతే కామం తం తం ప్రాప్నోతి నిశ్చితం ।
ఇహ లోకే శుభాన్ కామాన్ పరత్ర చ పరాంగతిం ॥ 47 ॥
ఇతి శ్రీ లక్ష్మీనృసింహ హృదయ స్తోత్రం ।
Recite with devotion and pure heart
Regular practice brings spiritual benefits