లక్ష్మీ నృసింహాష్టకం

యం ధ్యాయసే స క్వ తవాస్తి దేవ

ఇత్యుక్త ఊచే పితరం సశస్త్రం ।

ప్రహ్లాద ఆస్తేఖిలగో హరిః స

లక్ష్మీనృసింహోఽవతు మాం సమంతాత్ ॥ 1 ॥

తదా పదాతాడయదాదిదైత్యః

స్తంభం తతోఽహ్నాయ ఘురూరుశబ్దం ।

చకార యో లోకభయంకరం స

లక్ష్మీనృసింహోఽవతు మాం సమంతాత్ ॥ 2 ॥

స్తంభం వినిర్భిద్య వినిర్గతో యో

భయంకరాకార ఉదస్తమేఘః ।

జటానిపాతైః స చ తుంగకర్ణో

లక్ష్మీనృసింహోఽవతు మాం సమంతాత్ ॥ 3 ॥

పంచాననాస్యో మనుజాకృతిర్యో

భయంకరస్తీక్ష్ణనఖాయుధోఽరిం ।

ధృత్వా నిజోర్వోర్విదదార సోఽసౌ

లక్ష్మీనృసింహోఽవతు మాం సమంతాత్ ॥ 4 ॥

వరప్రదోక్తేరవిరోధతోఽరిం

జఘాన భృత్యోక్తమృతం హి కుర్వన్ ।

స్రగ్వత్తదంత్రం నిదధౌ స్వకంఠే

లక్ష్మీనృసింహోఽవతు మాం సమంతాత్ ॥ 5 ॥

విచిత్రదేహోఽపి విచిత్రకర్మా

విచిత్రశక్తిః స చ కేసరీహ ।

పాపం చ తాపం వినివార్య దుఃఖం

లక్ష్మీనృసింహోఽవతు మాం సమంతాత్ ॥ 6 ॥

ప్రహ్లాదః కృతకృత్యోఽభూద్యత్కృపాలేశతోఽమరాః ।

నిష్కంటకం స్వధామాపుః శ్రీనృసింహః స పాతు మాం ॥ 7 ॥

దంష్ట్రాకరాలవదనో రిపూణాం భయకృద్భయం ।

ఇష్టదో హరతి స్వస్య వాసుదేవః స పాతు మాం ॥ 8 ॥

ఇతి శ్రీ లక్ష్మీనృసింహాష్టకం ।

Recite with devotion and pure heart

Regular practice brings spiritual benefits