हैंహైHaindavamஹிહિં
📍
Font Size:
കാലീ സ്തുതിഃ
നമാമി കൃഷ്ണരൂപിണീം കൃഷ്ണാംഗയഷ്ടിധാരിണീം ।
സമഗ്രതത്ത്വസാഗരം അപാരപാരഗഹ്വരാം ॥ 1 ॥
ശിവാപ്രഭാം സമുജ്ജ്വലാം സ്ഫുരച്ഛശാങ്കശേഖരാം ।
ലലാടരത്നഭാസ്കരാം ജഗത്പ്രദീപ്തിഭാസ്കരാം ॥ 2 ॥
മഹേന്ദ്രകശ്യപാർചിതാം സനത്കുമാരസംസ്തുതാം ।
സുരാസുരേന്ദ്രവന്ദിതാം യഥാർഥനിർമലാദ്ഭുതാം ॥ 3 ॥
അതർക്യരോചിരൂർജിതാം വികാരദോഷവർജിതാം ।
മുമുക്ഷുഭിർവിചിന്തിതാം വിശേഷതത്ത്വസൂചിതാം ॥ 4 ॥
മൃതാസ്ഥിനിർമിതസ്രജാം മൃഗേന്ദ്രവാഹനാഗ്രജാം ।
സുശുദ്ധതത്ത്വതോഷണാം ത്രിവേദപാരഭൂഷണാം ॥ 5 ॥
ഭുജംഗഹാരഹാരിണീം കപാലഖണ്ഡധാരിണീം ।
സുധാർമികൗപകാരിണീം സുരേന്ദ്രവൈരിഘാതിനീം ॥ 6 ॥
കുഠാരപാശചാപിനീം കൃതാന്തകാമഭേദിനീം ।
ശുഭാം കപാലമാലിനീം സുവർണകല്പശാഖിനീം ॥ 7 ॥
ശ്മശാനഭൂമിവാസിനീം ദ്വിജേന്ദ്രമൗലിഭാവിനീം ।
തമോഽന്ധകാരയാമിനീം ശിവസ്വഭാവകാമിനീം ॥ 8 ॥
സഹസ്രസൂര്യരാജികാം ധനഞ്ജയോഗ്രകാരികാം ।
സുശുദ്ധകാലകന്ദലാം സുഭൃംഗബൃന്ദമഞ്ജുലാം ॥ 9 ॥
പ്രജായിനീം പ്രജാവതീം നമാമി മാതരം സതീം ।
സ്വകർമകാരണേ ഗതിം ഹരപ്രിയാം ച പാർവതീം ॥ 10 ॥
അനന്തശക്തികാന്തിദാം യശോഽർഥഭുക്തിമുക്തിദാം ।
പുനഃ പുനർജഗദ്ധിതാം നമാമ്യഹം സുരാർചിതാം ॥ 11 ॥
ജയേശ്വരി ത്രിലോചനേ പ്രസീദ ദേവി പാഹി മാം ।
ജയന്തി തേ സ്തുവന്തി യേ ശുഭം ലഭന്ത്യമോക്ഷതഃ ॥ 12 ॥
സദൈവ തേ ഹതദ്വിഷഃ പരം ഭവന്തി സജ്ജുഷഃ ।
ജരാഃ പരേ ശിവേഽധുനാ പ്രസാധി മാം കരോമി കിം ॥ 13 ॥
അതീവ മോഹിതാത്മനോ വൃഥാ വിചേഷ്ടിതസ്യ മേ ।
കുരു പ്രസാദിതം മനോ യഥാസ്മി ജന്മഭഞ്ജനഃ ॥ 14 ॥
തഥാ ഭവന്തു താവകാ യഥൈവ ഘോഷിതാലകാഃ ।
ഇമാം സ്തുതിം മമേരിതാം പഠന്തി കാലിസാധകാഃ ।
ന തേ പുനഃ സുദുസ്തരേ പതന്തി മോഹഗഹ്വരേ ॥ 15 ॥
ഇതി കാലീരഹസ്യേ ബ്രഹ്മ കൃത ശ്രീ കാലീ സ്തുതിഃ ॥
Recite with devotion and pure heart
Regular practice brings spiritual benefits