Kali Aparadha Kshamapana Stotram

prāgdehasthoya dāhaṃ tava caraṇa yugānnāśrito nārcito'haṃ tenādyā kīrtivargerjaṭharajadahanairbāddhyamāno baliṣṭhaiḥ । kṣiptvā janmāntarānnaḥ punarihabhavitā kvāśrayaḥ kvāpi sevā kṣantavyo me'parādhaḥ prakaṭita vadane kāmarūpe karāle ॥ 1 ॥ bālyevālābhilāyairjaḍita jaḍamatirbālalīlā prasakto na tvāṃ jānāmi mātaḥ kalikaluṣaharā bhogamokṣa pradātrīm । nācāro naiva pūjā na ca yajana kathā na smṛtirnaiva sevā kṣantavyo me'parādhaḥ prakaṭita vadane kāmarūpe karāle ॥ 2 ॥ prāpto'haṃ yauvanaṃ cedviṣadhara sadṛśairindriyairdṛṣṭa gātro naṣṭa prajñaḥ parastrī paradhana haraṇe sarvadā sābhilāṣaḥ । tvatpādāmbhojayugmaṃ kṣaṇamapi manasā na smṛto'haṃ kadāpi kṣantavyo me'parādhaḥ prakaṭita vadane kāmarūpe karāle ॥ 3 ॥ prauḍho bhikṣābhilāṣī suta duhitṛ kalatrārthamannādi ceṣṭa kva prāpsye kutrayāmī tvanudinamaniśaṃ cintayāmagna dehaḥ । notedhyānanta cāsthā na ca bhajana vidhinnāma saṅkīrtanaṃ vā kṣantavyome'parādhaḥ prakaṭita vadane kāmarūpe karāle ॥ 4 ॥ vṛddhatve buddhihīnaḥ kṛśa vivaśatanuḥ śvāsakāsātisāraiḥ karṇaniho'kṣihīnaḥ pragalita daśanaḥ kṣutpipāsābhibhūtaḥ । paścāttāpenadagdho maraṇamanudinaṃ dhyeya mātrannacānyat kṣantavyo me'parādhaḥ prakaṭita vadane kāmarūpe karāle ॥ 5 ॥ kṛtvāsnānaṃ dinādau kvacidapi salilaṃ nokṛtaṃ naiva puṣpaṃ te naivedyādikaṃ ca kvacidapi na kṛtaṃ nāpibhāvo na bhaktiḥ । na nyāso naiva pūjāṃ na ca guṇa kathanaṃ nāpi cārcākṛtā te kṣantavyo me'parādhaḥ prakaṭita vadane kāmarūpe karāle ॥ 6 ॥ jānāmi tvāṃ na cāhaṃ bhavabhayaharaṇīṃ sarvasiddhipradātrīṃ nityānandodayāḍhyāṃ tritaya guṇamayī nityaśuddhodayāḍhyām । mithyākarmābhilāṣairanudinamabhitaḥ pīḍito duḥkha saṅghaiḥ kṣantavyo me'parādhaḥ prakaṭita vadane kāmarūpe karāle ॥ 7 ॥ kālābhrāṃ śyāmālāṅgīṃ vigalita cikurā khaḍgamuṇḍābhirāmāṃ trāsa trāṇeṣṭadātrīṃ kuṇapagaṇaśiro mālinīṃ dīrghanetrām । saṃsārasyaikasārāṃ bhavajana na harāmbhāvitobhāvanābhiḥ kṣantavyo me'parādhaḥ prakaṭita vadane kāmarūpe karāle ॥ 8 ॥ brahmā viṣṇustatheśaḥ pariṇamati sadā tvatpadāmbhoja yuktaṃ bhāgyābhāvānna cāhaṃ bhavajanani bhavatpādayugmaṃ bhajāmi । nityaṃ lobha pralobhaiḥ kṛtaviśamatiḥ kāmukastvāṃ prayāṣe kṣantavyo me'parādhaḥ prakaṭita vadane kāmarūpe karāle ॥ 9 ॥ rāgadveṣaiḥ pramattaḥ kaluṣayutatanuḥ kāmanābhogalubdhaḥ kāryākāryā vicārī kulamati rahitaḥ kaulasaṅghairvihīnaḥ । kva dhyānam te kva cārcā kva manujapanannaiva kiñcit kṛto'haṃ kṣantavyo me'parādhaḥ prakaṭita vadane kāmarūpe karāle ॥ 10 ॥ rogī duḥkhī daridraḥ paravaśakṛpaṇaḥ pāṃśulaḥ pāpa cetā nidrālasya prasaktāḥ sujaṭharabharaṇe vyākulaḥ kalpitātmā । kiṃ te pūjā vidhānaṃ tvayi kvacanumatiḥ kvānurāgaḥ kvacāsthā kṣantavyo me'parādhaḥ prakaṭita vadane kāmarūpe karāle ॥ 11 ॥ mithyā vyāmoha rāgaiḥ parivṛtamanasaḥ kleśasaṅghānvitasya kṣunnidraughānvitasya smaraṇa virahiṇaḥ pāpakarma pravṛtteḥ । dāridryasya kva dharmaḥ kva ca jananiruciḥ kva sthitiḥ sādhusaṅghaiḥ kṣantavyo me'parādhaḥ prakaṭita vadane kāmarūpe karāle ॥ 12 ॥ mātastātasyadehājjanani jaṭharagaḥ saṃsthitastvadvaśehan tvaṃ hartā kārayitrī karaṇa guṇamayī karmahetu svarūpā । tvaṃ buddhiścitta saṃsthāpyahamatibhavatī sarvametat kṣamasva kṣantavyo me'parādhaḥ prakaṭita vadane kāmarūpe karāle ॥ 13 ॥ tvaṃ bhūmistvaṃ jalaṃ ca tvamasi hutavahastvaṃ jagadvāyurūpā tvaṃ cākāśaṃ manaśca prakṛtirasi mahatpūrvikā pūrvapūrvā । ātmā tvaṃ cā'si mātaḥ paramasi bhavatī tvatparannaiva kiñcit kṣantavyo me'parādhaḥ prakaṭita vadane kāmarūpe karāle ॥ 14 ॥ tvaṃ kālī tvaṃ ca tārā tvamasi girisutā sundarī bhairavī tvaṃ tvaṃ durgā chinnamastā tvamasi ca bhuvanā tvaṃ hi lakṣmīḥ śivā tvam । dhūmā mātaṅginī tvaṃ tvamasi ca bagalā maṅgalādistavākhyā kṣantavyo me'parādhaḥ prakaṭita vadane kāmarūpe karāle ॥ 15 ॥ stotreṇānena devīṃ pariṇamati jano yaḥ sadābhaktiyukto duṣkṛtyādurga saṅghaṃ paritarati śataṃ vighnatāṃ nāśameti । nādhirvyādhi kadācidbhavati yadi punaḥ sarvadā sā'parādhaḥ sarvaṃ tat kāmarūpe tribhuvanajanani kṣāmaye putra buddhyā ॥ 16 ॥ jñātā vaktā kavīśo bhavati dhanapatirdānaśīlo dayātmā niṣpāpī niṣkalaṅkī kulapati kuśalaḥ satyavāgdhārmikaśca । nityānando dayāḍhyaḥ paśugaṇavimukhaḥ satpathā cāruśīlaḥ saṃsārābdhiṃ sukena pratarati girijā pādayugmāvalambāt ॥ 17 ॥ iti śrī kālī aparādha kṣamāpaṇa stotram ॥

Recite with devotion and pure heart

Regular practice brings spiritual benefits

More stotras of Kaali: