asya śrīdakṣiṇakālikā khaḍgamālāmantrasya śrī bhagavān mahākālabhairava ṛṣiḥ uṣṇik chandaḥ śuddhaḥ kakāra tripañcabhaṭṭārakapīṭhasthita mahākāleśvarāṅkanilayā, mahākāleśvarī triguṇātmikā śrīmaddakṣiṇā kālikā mahābhayahārikā devatā krīṃ bījaṃ hrīṃ śaktiḥ hūṃ kīlakaṃ mama sarvābhīṣṭasiddhyarthe khaḍgamālāmantra jape viniyogaḥ ॥ ṛṣyādi nyāsaḥ oṃ mahākālabhairava ṛṣaye namaḥ śirasi । uṣṇik chandase namaḥ mukhe । dakṣiṇakālikā devatāyai namaḥ hṛdi । krīṃ bījāya namaḥ guhye । hrīṃ śaktaye namaḥ pādayoḥ । hūṃ kīlakāya namaḥ nābhau । viniyogāya namaḥ sarvāṅge । karanyāsaḥ oṃ krāṃ aṅguṣṭhābhyāṃ namaḥ । oṃ krīṃ tarjanībhyāṃ namaḥ । oṃ krūṃ madhyamābhyāṃ namaḥ । oṃ kraiṃ anāmikābhyāṃ namaḥ । oṃ krauṃ kaniṣṭhikābhyāṃ namaḥ । oṃ kraḥ karatalakarapṛṣṭhābhyāṃ namaḥ । hṛdayādinyāsaḥ oṃ krāṃ hṛdayāya namaḥ । oṃ krīṃ śirase svāhā । oṃ krūṃ śikhāyai vaṣaṭ । oṃ kraiṃ kavacāya hum । oṃ krauṃ netratrayāya vauṣaṭ । oṃ kraḥ astrāya phaṭ । dhyānam sadyaśchinnaśiraḥ kṛpāṇamabhayaṃ hastairvaraṃ bibhratīṃ ghorāsyāṃ śirasi srajā surucirānunmukta keśāvalim । sṛkkāsṛkpravahāṃ śmaśānanilayāṃ śrutyoḥ śavālaṅkṛtiṃ śyāmāṅgīṃ kṛtamekhalāṃ śavakarairdevīṃ bhaje kālikām ॥ 1 ॥ śavārūḍhāṃ mahābhīmāṃ ghoradaṃṣṭrāṃ hasanmukhīṃ caturbhujāṃ khaḍgamuṇḍavarābhayakarāṃ śivām । muṇḍamālādharāṃ devīṃ lalajjihvāṃ digambarāṃ evaṃ sañcintayetkālīṃ śmaśānālayavāsinīm ॥ 2 ॥ lamityādi pañcapūjāḥ laṃ pṛthivyātmikāyai gandhaṃ samarpayāmi । haṃ ākāśātmikāyai puṣpaṃ samarpayāmi । yaṃ vāyvātmikāyai dhūpamāghrāpayāmi । raṃ agnyātmikāyai dīpaṃ darśayāmi । vaṃ amṛtātmikāyai amṛtopahāraṃ nivedayāmi । saṃ sarvātmikāyai sarvopacārān samarpayāmi । atha khaḍgamālā oṃ aiṃ hrīṃ śrīṃ krīṃ hūṃ hrīṃ śrīmaddakṣiṇakālike, hṛdayadevi siddhikālikāmayi, śirodevi mahākālikāmayi, śikhādevi guhyakālikāmayi, kavacadevi śmaśānakālikāmayi, netradevi bhadrakālikāmayi, astradevi śrīmaddakṣiṇakālikāmayi, sarvasampatpradāyaka cakrasvāmini । jayā siddhimayi, aparājitā siddhimayi, nityā siddhimayi, aghorā siddhimayi, sarvamaṅgalamayacakrasvāmini । śrīgurumayi, paramagurumayi, parātparagurumayi, parameṣṭhigurumayi, sarvasampatpradāyakacakrasvāmini । mahādevyambāmayi, mahādevānandanāthamayi, tripurāmbāmayi, tripurabhairavānandanāthamayi, brahmānandanāthamayi, pūrvadevānandanāthamayi, calaccitānandanāthamayi, locanānandanāthamayi, kumārānandanāthamayi, krodhānandanāthamayi, varadānandanāthamayi, smarādvīryānandanāthamayi, māyāmbāmayi, māyāvatyambāmayi, vimalānandanāthamayi, kuśalānandanāthamayi, bhīmasurānandanāthamayi, sudhākarānandanāthamayi, mīnānandanāthamayi, gorakṣakānandanāthamayi, bhojadevānandanāthamayi, prajāpatyānandanāthamayi, mūladevānandanāthamayi, granthidevānandanāthamayi, vighneśvarānandanāthamayi, hutāśanānandanāthamayi, samarānandanāthamayi, santoṣānandanāthamayi, sarvasampatpradāyakacakrasvāmini । kāli, kapālini, kulle, kurukulle, virodhini, vipracitte, ugre, ugraprabhe, dīpte, nīle, ghane, balāke, mātre, mudre, mitre, sarvepsitaphalapradāyakacakrasvāmini । brāhmi, nārāyaṇi, māheśvari, cāmuṇḍe, kaumāri, aparājite, vārāhi, nārasiṃhi, trailokyamohanacakrasvāmini । asitāṅgabhairavamayi, rurubhairavamayi, caṇḍabhairavamayi, krodhabhairavamayi, unmattabhairavamayi, kapālibhairavamayi, bhīṣaṇabhairavamayi, saṃhārabhairavamayi, sarvasaṅkṣobhaṇa cakrasvāmini । hetuvaṭukānandanāthamayi, tripurāntakavaṭukānandanāthamayi, vetālavaṭukānandanāthamayi, vahnijihvavaṭukānandanāthamayi, kālavaṭukānandanāthamayi, karālavaṭukānandanāthamayi, ekapādavaṭukānandanāthamayi, bhīmavaṭukānandanāthamayi, sarvasaubhāgyadāyakacakrasvāmini । oṃ aiṃ hrīṃ klīṃ hūṃ phaṭ svāhā siṃhavyāghramukhī yoginidevīmayi, sarpāsumukhī yoginidevīmayi, mṛgameṣamukhī yoginidevīmayi, gajavājimukhī yoginidevīmayi, biḍālamukhī yoginidevīmayi, kroṣṭāsumukhī yoginidevīmayi, lambodarī yoginidevīmayi, hrasvajaṅghā yoginidevīmayi, tālajaṅghā yoginidevīmayi, pralamboṣṭhī yoginidevīmayi, sarvārthadāyakacakrasvāmini । oṃ aiṃ hrīṃ śrīṃ krīṃ hūṃ hrīṃ indramayi, agnimayi, yamamayi, nirṛtimayi, varuṇamayi, vāyumayi, kuberamayi, īśānamayi, brahmamayi, anantamayi, vajriṇi, śaktini, daṇḍini, khaḍgini, pāśini, aṅkuśini, gadini, triśūlini, padmini, cakriṇi, sarvarakṣākaracakrasvāmini । khaḍgamayi, muṇḍamayi, varamayi, abhayamayi, sarvāśāparipūrakacakrasvāmini । vaṭukānandanāthamayi, yoginimayi, kṣetrapālānandanāthamayi, gaṇanāthānandanāthamayi, sarvabhūtānandanāthamayi, sarvasaṅkṣobhaṇacakrasvāmini । namaste namaste phaṭ svāhā ॥ caturastrādbahiḥ samyak saṃsthitāśca samantataḥ । te ca sampūjitāḥ santu devāḥ devi gṛhe sthitāḥ ॥ siddhāḥ sādhyāḥ bhairavāśca gandharvā vasavo'śvinau । munayo grahāstuṣyantu viśvedevāśca uṣmayāḥ ॥ rudrādityāśca pitaraḥ pannagāḥ yakṣacāraṇāḥ । yogeśvaropāsakā ye tuṣyanti narakinnarāḥ ॥ nāgā vā dānavendrāśca bhūtapretapiśācakāḥ । astrāṇi sarvaśastrāṇi mantra yantrārcana kriyāḥ ॥ śāntiṃ kuru mahāmāye sarvasiddhipradāyike । sarvasiddhimayacakrasvāmini namaste namaste svāhā ॥ sarvajñe sarvaśakte sarvārthaprade śive sarvamaṅgalamaye sarvavyādhivināśini sarvādhārasvarūpe sarvapāpahare sarvarakṣāsvarūpiṇi sarvepsitaphalaprade sarvamaṅgaladāyaka cakrasvāmini namaste namaste svāhā ॥ krīṃ hrīṃ hūṃ kṣmyūṃ mahākālāya, hauṃ mahādevāya, krīṃ kālikāyai, hauṃ mahādeva mahākāla sarvasiddhipradāyaka devī bhagavatī caṇḍacaṇḍikā caṇḍacitātmā prīṇātu dakṣiṇakālikāyai sarvajñe sarvaśakte śrīmahākālasahite śrīdakṣiṇakālikāyai namaste namaste phaṭ svāhā । hrīṃ hūṃ krīṃ śrīṃ hrīṃ aiṃ om ॥ iti śrī rudrayāmale dakṣiṇakālikā khaḍgamālā stotram ।