Kamakala Kali Bhujanga Prayata Stotram

mahākāla uvāca । atha vakṣye maheśāni devyāḥ stotramanuttamam । yasya smaraṇamātreṇa vighnā yānti parāṅmukhāḥ ॥ 1 ॥ vijetuṃ pratasthe yadā kālakasyā- -surān rāvaṇo muñjamālipravarhān । tadā kāmakālīṃ sa tuṣṭāva vāgbhi- -rjigīṣurmṛdhe bāhuvīryeṇa sarvān ॥ 2 ॥ mahāvartabhīmāsṛgabdhyutthavīcī- -parikṣālitā śrāntakanthaśmaśāne । citiprajvaladvahnikīlājaṭāle- -śivākāraśāvāsane sanniṣaṇṇām ॥ 3 ॥ mahābhairavīyoginīḍākinībhiḥ karālābhirāpādalambatkacābhiḥ । bhramantībhirāpīya madyāmiṣāsrā- -nyajasraṃ samaṃ sañcarantīṃ hasantīm ॥ 4 ॥ mahākalpakālāntakādambinītviṭ- parispardhidehadyutiṃ ghoranādām । sphuraddvādaśādityakālāgnirudra- -jvaladvidyudoghaprabhādurnirīkṣyām ॥ 5 ॥ lasannīlapāṣāṇanirmāṇavedi- -prabhaśroṇivimbāṃ calatpīvarorum । samuttuṅgapīnāyatorojakumbhāṃ kaṭigranthitadvīpikṛtyuttarīyām ॥ 6 ॥ sravadraktavalgannṛmuṇḍāvanaddhā- -sṛgāvaddhanakṣatramālaikahārām । mṛtabrahmakulyopakluptāṅgabhūṣāṃ mahāṭṭāṭṭahāsairjagattrāsayantīm ॥ 7 ॥ nipītānanāntāmitodvṛttarakto- -cchaladdhārayā snāpitorojayugmām । mahādīrghadaṃṣṭrāyuganyañcadañca- -llalallelihānograjihvāgrabhāgām ॥ 8 ॥ calatpādapadmadvayālambimukta- -prakampālisusnigdhasambhugnakeśām । padanyāsasambhārabhītāhirājā- -nanodgacchadātmastutivyastakarṇām ॥ 9 ॥ mahābhīṣaṇāṃ ghoraviṃśārdhavaktrai- -stathāsaptaviṃśānvitairlocanaiśca । purodakṣavāme dvinetrojjvalābhyāṃ tathānyānane tritrinetrābhirāmām ॥ 10 ॥ lasaddvīpiharyakṣapheruplavaṅga- -kramelarkṣatārkṣadvipagrāhavāhaiḥ । mukhairīdṛśākāritairbhrājamānāṃ mahāpiṅgalodyajjaṭājūṭabhārām ॥ 11 ॥ bhujaiḥ saptaviṃśāṅkitairvāmabhāge yutāṃ dakṣiṇe cāpi tāvadbhireva । kramādratnamālāṃ kapālaṃ ca śuṣkaṃ tataścarmapāśaṃ sudīrghaṃ dadhānām ॥ 12 ॥ tataḥ śaktikhaṭvāṅgamuṇḍaṃ bhuśuṇḍīṃ dhanuścakraghaṇṭāśiśupretaśailān । tato nārakaṅkālababhrūragonmā- -davaṃśīṃ tathā mudgaraṃ vahnikuṇḍam ॥ 13 ॥ adho ḍammaruṃ pārighaṃ bhindipālaṃ tathā mauśalaṃ paṭṭiśaṃ prāśamevam । śataghnīṃ śivāpotakaṃ cātha dakṣe mahāratnamālāṃ tathā kartṛkhaḍgau ॥ 14 ॥ calattarjanīmaṅkuśaṃ daṇḍamugraṃ lasadratnakumbhaṃ triśūlaṃ tathaiva । śarān pāśupatyāṃstathā pañca kuntaṃ punaḥ pārijātaṃ churīṃ tomaraṃ ca ॥ 15 ॥ prasūnasrajaṃ ḍiṇḍimaṃ gṛdhrarājaṃ tataḥ korakaṃ māṃsakhaṇḍaṃ śruvaṃ ca । phalaṃ bījapūrāhvayaṃ caiva sūcīṃ tathā parśumevaṃ gadāṃ yaṣṭimugrām ॥ 16 ॥ tato vajramuṣṭiṃ kuṇappaṃ sughoraṃ tathā lālanaṃ dhārayantīṃ bhujaistaiḥ । javāpuṣparociṣphaṇīndropaklupta- -kvaṇannūpuradvandvasaktāṅghripadmām ॥ 17 ॥ mahāpītakumbhīnasāvaddhanaddha sphuratsarvahastojjvalatkaṅkaṇāṃ ca । mahāpāṭaladyotidarvīkarendrā- -vasaktāṅgadavyūhasaṃśobhamānām ॥ 18 ॥ mahādhūsarattviḍbhujaṅgendraklupta- -sphuraccārukāṭeyasūtrābhirāmām । calatpāṇḍurāhīndrayajñopavīta- -tviḍudbhāsivakṣaḥsthalodyatkapāṭām ॥ 19 ॥ piṣaṅgoragendrāvanaddhāvaśobhā- -mahāmohabījāṅgasaṃśobhidehām । mahācitritāśīviṣendropaklupta- -sphuraccārutāṭaṅkavidyotikarṇām ॥ 20 ॥ valakṣāhirājāvanaddhordhvabhāsi- -sphuratpiṅgalodyajjaṭājūṭabhārām । mahāśoṇabhogīndranisyūtamūṇḍo- -llasatkiṅkaṇījālasaṃśobhimadhyām ॥ 21 ॥ sadā saṃsmarāmīdṛśoṃ kāmakālīṃ jayeyaṃ surāṇāṃ hiraṇyodbhavānām । smareyurhi ye'nye'pi te vai jayeyu- -rvipakṣānmṛdhe nātra sandehaleśaḥ ॥ 22 ॥ paṭhiṣyanti ye matkṛtaṃ stotrarājaṃ mudā pūjayitvā sadā kāmakālīm । na śoko na pāpaṃ na vā duḥkhadainyaṃ na mṛtyurna rogo na bhītirna cāpat ॥ 23 ॥ dhanaṃ dīrghamāyuḥ sukhaṃ buddhirojo yaśaḥ śarmabhogāḥ striyaḥ sūnavaśca । śriyo maṅgalaṃ buddhirutsāha ājñā layaḥ sarva vidyā bhavenmuktirante ॥ 24 ॥ iti śrī mahākālasaṃhitāyāṃ daśama paṭale rāvaṇa kṛta śrī kāmakalā kālī bhujaṅga prayāta stotram ॥

Recite with devotion and pure heart

Regular practice brings spiritual benefits

More stotras of Kaali: