namāmi kālikā devīṃ kalikalmaṣanāśinīm । namāmi śambhupatnīṃ ca namāmi bhavasundarīm ॥ 1 ॥ ādyāṃ devī namaskṛtya namastrailokyamohinīm । namāmi satyasaṅkalpāṃ sarvaparvatavāsinīm ॥ 2 ॥ pārvatīṃ ca namaskṛtya namo nityaṃ nagātmaje ॥ 3 ॥ mātastvadīya caraṇaṃ śaraṇaṃ surāṇāṃ dhyānāspadairdiśati vāñchitavāñchanīyam । yeṣāṃ hṛdi sphurati taccaraṇāravindaṃ dhanyāsta eva niyataṃ suralokapūjyāḥ ॥ 4 ॥ gandhaiḥ śubhaiḥ kuṅkuma paṅkalepai matistvadīyaṃ caraṇaṃ hi bhaktāḥ । smaranti śṛṇvanti luṭhantidhīrā- -steṣāṃ jarānaiva bhavedbhavāni ॥ 5 ॥ tavāṅghri padmaṃ śaraṇaṃ surāṇāṃ parāparā tvaṃ paramā prakṛṣṭiḥ । dine dine deva bhavet karasthaḥ kimanyamuccaiḥ kathayanti santaḥ ॥ 6 ॥ kavīndrāṇāṃ darpaṃ karakamalaśobhā paricitam । vidhunvajjaṅghā me sakalagaṇametadgirisute ॥ 7 ॥ atastvatpādābjaṃ janani satataṃ cetasi mama । hitaṃ nārībhūtaṃ praṇihitapadaṃ śāṅkaramapi ॥ 8 ॥ ye te daridrāḥ satataṃ hi māta- -stvadīyapādaṃ manasā namanti । devāsurāḥ siddhavarāśca sarve tava prasādāt satataṃ luṭhanti ॥ 9 ॥ haristvatpādābjaṃ nikhilajagatāṃ bhūtirabhavat । śivo dhyātvā dhyātvā kimapi paramaṃ tatparataram ॥ 10 ॥ prajānāṃ nātho'yaṃ tadanu jagatāṃ sṛṣṭivihitam । kimanyatte mātastava caraṇayugmasya phalatā ॥ 11 ॥ indraḥ surāṇāṃ śaraṇaṃ śaraṇye prajāpatiḥ kāśyapa eva nānyaḥ । varaḥ patirviṣṇubhavaḥ pareśi tvadīyapādābjaphalaṃ samastam ॥ 12 ॥ tvadīyanābhī nava pallavevā navāṅkurairlomavaraiḥ praphullam । sadā vareṇye śaraṇaṃ vidhehi kiṃ vāparaṃ cittavarairvibhāvyam ॥ 13 ॥ tvadīya pādārcita vastu sambhavaḥ surāsuraiḥ pūjyamavāya śambhuḥ । tvadīya pādārcana tatpare hariḥ sudarśanādhīśvaratāmupālabhat ॥ 14 ॥ dharitrī gandharūpeṇa rasena ca jalaṃ dhṛtam । tejo vahnisvarūpeṇa praṇave brahmarūpadhṛk ॥ 15 ॥ mukhaṃ candrākāraṃ tribhuvanapade yāmasahitaṃ trinetraṃ me mātaḥ pariharati yaḥ syāt sa tu paśuḥ । na siddhistasya syāt suratasatataṃ viśvamakhilaṃ kaṭākṣaiste mātaḥ saphalapadapadmaṃ sa labhate ॥ 16 ॥ ṛtustvaṃ haristvaṃ śivastvaṃ murāreḥ purā tvaṃ parā tvaṃ sadaśīrmurāreḥ । harastvaṃ haristvaṃ śivastvaṃ śivānāṃ gatistvaṃ gatistvaṃ gatistvaṃ bhavāni ॥ 17 ॥ navā'haṃ navā tvaṃ navā vā kriyāyā varastvaṃ carustvaṃ śaraṇyaṃ śarāyāḥ । nadastavaṃ nadīṃ tvaṃ gatistvaṃ nidhīnāṃ sutastvaṃ sutā tvaṃ pitā tvaṃ gṛhīṇām ॥ 18 ॥ tvadīya muṇḍākhya bhavāni mālāṃ vidhāya citte bhava padmajāpyaḥ । surādhipatvaṃ labhate munīndraḥ śaraṇyametat kimayīha cānyat ॥ 19 ॥ narasya muṇḍaṃ ca tathā hi khaḍgaṃ bhujadvaye ye manasā japanti । savyetare devi varābhayaṃ ca bhavanti te siddhajanā munīndrāḥ ॥ 20 ॥ śiropari tvāṃ hṛdaye nidhāya japanti vidyāṃ hṛdaye kadācit । sadā bhavetkāvyarasasya vettā ante paradvandvamupāśrayeta ॥ 21 ॥ digambarā tvāṃ manasā vicintya japetparākhyāṃ jagatāṃ janīti । japetparākhyāṃ jagatāṃ matiśca kiṃvā parākhyāṃ śaraṇaṃ bhavāmaḥ ॥ 22 ॥ śivāvirāvaiḥ pariveṣṭitāṃ tvāṃ nidhāya citte satataṃ japanti । bhaveya deveśi parāparādi nirīśatāṃ devi parā vadanti ॥ 23 ॥ tvadīya śṛṅgārarasaṃ nidhāya japanti mantraṃ yadi vedamukhyā । bhavanti te devi janāpavādaṃ kaviḥ kavīnāmapi cāgrajanmā ॥ 24 ॥ vikīrṇaveśāṃ manasā nidhāya japanti vidyāṃ cakitaṃ kadācit । sudhādhipatyaṃ labhate naraḥ sa kimasti bhūmyāṃ śṛṇu kālakāli ॥ 25 ॥ tvadīya bījatrayamātareta- -jjapanti siddhāstu vimuktihetoḥ । tadeva mātastavapādapadmā bhavanti siddhiśca dinatraye'pi ॥ 26 ॥ tvadīya kūrcadvayajāpakatvā- -tsurāsurebhyo'pi bhavecca varṇaḥ । dhanitva pāṇḍityamayanti sarve kiṃ vā parān devi parāparākhyā ॥ 27 ॥ tvadīya lajjādvaya jāpakatvā- -dbhavenmaheśāni caturthasiddhiḥ । tvadīya satsiddhi varaprasādā- -ttavādhipatyaṃ labhate nareśaḥ ॥ 28 ॥ tataḥ svanāmnaḥ śṛṇu mātareta- -tphalaṃ caturvarga vadanti santaḥ । bījatrayaṃ vai punarapyupāsya surādhipatyaṃ labhate munīndraḥ ॥ 29 ॥ punastathā kūrcayugaṃ japanti namanti siddhā narasiṃharūpā । tato'pi lajjādvayajāpakatvā labhanti siddhiṃ manaso janāste ॥ 30 ॥ tripañcāre cakre janani satataṃ siddhi sahitām । vicinvan sañcinvan paramamamṛtaṃ dakṣiṇa padam ॥ 31 ॥ sadākālī dhyātvā vidhi vihita pūjāparikarā । na teṣāṃ saṃsāre vibhavaparibhaṅgapramathane ॥ 32 ॥ tvaṃ śrīstvamīśvarī kālī tvaṃ hrīstvaṃ ca karālikā । lajjā lakṣmīḥ satī gaurī nityācintyā citiḥ kriyā ॥ 33 ॥ akulyādyaiścitte pracayapadapadyaiḥ padayutaiḥ sadā japtvā stutvā japati hṛdi mantraṃ manuvidā । na teṣāṃ saṃsāre vibhavaparibhaṅgapramathane kṣaṇaṃ cittaṃ devi prabhavati viruddhe parikaram ॥ 34 ॥ trayastriṃśaiḥ ślokairyadi japati mantraṃ stavati ca namaccaitānetān paramamṛtakalpaṃ sukhakaram । bhavet siddhi śuddhau jagati śirasā tvatpadayugam praṇamyaṃ prakāmyaṃ varasurajanaiḥ pūjyavitatim ॥ 35 ॥ iti śrī kālī krama stavaḥ ।