ஶ்ரீ கா³யத்ரீ ஸ்தோத்ரம்

நமஸ்தே தே³வி கா³யத்ரீ ஸாவித்ரீ த்ரிபதே³(அ)க்ஷரீ ।

அஜரே அமரே மாதா த்ராஹி மாம்ʼ ப⁴வஸாக³ராத் ॥ 1 ॥

நமஸ்தே ஸூர்யஸங்காஶே ஸூர்யஸாவித்ரிகே(அ)மலே ।

ப்³ரஹ்மவித்³யே மஹாவித்³யே வேத³மாதர்நமோ(அ)ஸ்து தே ॥ 2 ॥

அனந்தகோடிப்³ரஹ்மாண்ட³வ்யாபினீ ப்³ரஹ்மசாரிணீ ।

நித்யானந்தே³ மஹாமாயே பரேஶானீ நமோ(அ)ஸ்து தே ॥ 3 ॥

த்வம்ʼ ப்³ரஹ்மா த்வம்ʼ ஹரி꞉ ஸாக்ஷாத்³ருத்³ரஸ்த்வமிந்த்³ரதே³வதா ।

மித்ரஸ்த்வம்ʼ வருணஸ்த்வம்ʼ ச த்வமக்³நிரஶ்வினௌ ப⁴க³꞉ ॥ 4 ॥

பூஷா(அ)ர்யமா மருத்வாம்ʼஶ்ச ருʼஷயோ(அ)பி முனீஶ்வரா꞉ ।

பிதரோ நாக³யக்ஷாம்ʼஶ்ச க³ந்த⁴ர்வா(அ)ப்ஸரஸாம்ʼ க³ணா꞉ ॥ 5 ॥

ரக்ஷோபூ⁴தபிஶாசாஶ்ச த்வமேவ பரமேஶ்வரீ ।

ருʼக்³யஜுஸ்ஸாமவித்³யாஶ்ச அத²ர்வாங்கி³ரஸானி ச ॥ 6 ॥

த்வமேவ ஸர்வஶாஸ்த்ராணி த்வமேவ ஸர்வஸம்ʼஹிதா꞉ ।

புராணானி ச தந்த்ராணி மஹாக³மமதானி ச ॥ 7 ॥

த்வமேவ பஞ்சபூ⁴தானி தத்த்வானி ஜக³தீ³ஶ்வரீ ।

ப்³ராஹ்மீ ஸரஸ்வதீ ஸந்த்⁴யா துரீயா த்வம்ʼ மஹேஶ்வரீ ॥ 8 ॥

தத்ஸத்³ப்³ரஹ்மஸ்வரூபா த்வம்ʼ கிஞ்சித் ஸத³ஸதா³த்மிகா ।

பராத்பரேஶீ கா³யத்ரீ நமஸ்தே மாதரம்பி³கே ॥ 9 ॥

சந்த்³ரகலாத்மிகே நித்யே காலராத்ரி ஸ்வதே⁴ ஸ்வரே ।

ஸ்வாஹாகாரே(அ)க்³னிவக்த்ரே த்வாம்ʼ நமாமி ஜக³தீ³ஶ்வரீ ॥ 10 ॥

நமோ நமஸ்தே கா³யத்ரீ ஸாவித்ரீ த்வம்ʼ நமாம்யஹம் ।

ஸரஸ்வதீ நமஸ்துப்⁴யம்ʼ துரீயே ப்³ரஹ்மரூபிணீ ॥ 11 ॥

அபராத⁴ ஸஹஸ்ராணி த்வஸத்கர்மஶதானி ச ।

மத்தோ ஜாதானி தே³வேஶீ த்வம்ʼ க்ஷமஸ்வ தி³னே தி³னே ॥ 12 ॥

இதி ஶ்ரீமத்³வஸிஷ்ட²ஸம்ʼஹிதாயாம்ʼ ஶ்ரீ கா³யத்ரீ ஸ்தோத்ரம் ।

Recite with devotion and pure heart

Regular practice brings spiritual benefits