ಶ್ರೀ ಗಾಯತ್ರೀ ಸ್ತೋತ್ರಂ

ನಮಸ್ತೇ ದೇವಿ ಗಾಯತ್ರೀ ಸಾವಿತ್ರೀ ತ್ರಿಪದೇಽಕ್ಷರೀ ।

ಅಜರೇ ಅಮರೇ ಮಾತಾ ತ್ರಾಹಿ ಮಾಂ ಭವಸಾಗರಾತ್ ॥ 1 ॥

ನಮಸ್ತೇ ಸೂರ್ಯಸಂಕಾಶೇ ಸೂರ್ಯಸಾವಿತ್ರಿಕೇಽಮಲೇ ।

ಬ್ರಹ್ಮವಿದ್ಯೇ ಮಹಾವಿದ್ಯೇ ವೇದಮಾತರ್ನಮೋಽಸ್ತು ತೇ ॥ 2 ॥

ಅನಂತಕೋಟಿಬ್ರಹ್ಮಾಂಡವ್ಯಾಪಿನೀ ಬ್ರಹ್ಮಚಾರಿಣೀ ।

ನಿತ್ಯಾನಂದೇ ಮಹಾಮಾಯೇ ಪರೇಶಾನೀ ನಮೋಽಸ್ತು ತೇ ॥ 3 ॥

ತ್ವಂ ಬ್ರಹ್ಮಾ ತ್ವಂ ಹರಿಃ ಸಾಕ್ಷಾದ್ರುದ್ರಸ್ತ್ವಮಿಂದ್ರದೇವತಾ ।

ಮಿತ್ರಸ್ತ್ವಂ ವರುಣಸ್ತ್ವಂ ಚ ತ್ವಮಗ್ನಿರಶ್ವಿನೌ ಭಗಃ ॥ 4 ॥

ಪೂಷಾಽರ್ಯಮಾ ಮರುತ್ವಾಂಶ್ಚ ಋಷಯೋಽಪಿ ಮುನೀಶ್ವರಾಃ ।

ಪಿತರೋ ನಾಗಯಕ್ಷಾಂಶ್ಚ ಗಂಧರ್ವಾಽಪ್ಸರಸಾಂ ಗಣಾಃ ॥ 5 ॥

ರಕ್ಷೋಭೂತಪಿಶಾಚಾಶ್ಚ ತ್ವಮೇವ ಪರಮೇಶ್ವರೀ ।

ಋಗ್ಯಜುಸ್ಸಾಮವಿದ್ಯಾಶ್ಚ ಅಥರ್ವಾಂಗಿರಸಾನಿ ಚ ॥ 6 ॥

ತ್ವಮೇವ ಸರ್ವಶಾಸ್ತ್ರಾಣಿ ತ್ವಮೇವ ಸರ್ವಸಂಹಿತಾಃ ।

ಪುರಾಣಾನಿ ಚ ತಂತ್ರಾಣಿ ಮಹಾಗಮಮತಾನಿ ಚ ॥ 7 ॥

ತ್ವಮೇವ ಪಂಚಭೂತಾನಿ ತತ್ತ್ವಾನಿ ಜಗದೀಶ್ವರೀ ।

ಬ್ರಾಹ್ಮೀ ಸರಸ್ವತೀ ಸಂಧ್ಯಾ ತುರೀಯಾ ತ್ವಂ ಮಹೇಶ್ವರೀ ॥ 8 ॥

ತತ್ಸದ್ಬ್ರಹ್ಮಸ್ವರೂಪಾ ತ್ವಂ ಕಿಂಚಿತ್ ಸದಸದಾತ್ಮಿಕಾ ।

ಪರಾತ್ಪರೇಶೀ ಗಾಯತ್ರೀ ನಮಸ್ತೇ ಮಾತರಂಬಿಕೇ ॥ 9 ॥

ಚಂದ್ರಕಲಾತ್ಮಿಕೇ ನಿತ್ಯೇ ಕಾಲರಾತ್ರಿ ಸ್ವಧೇ ಸ್ವರೇ ।

ಸ್ವಾಹಾಕಾರೇಽಗ್ನಿವಕ್ತ್ರೇ ತ್ವಾಂ ನಮಾಮಿ ಜಗದೀಶ್ವರೀ ॥ 10 ॥

ನಮೋ ನಮಸ್ತೇ ಗಾಯತ್ರೀ ಸಾವಿತ್ರೀ ತ್ವಂ ನಮಾಮ್ಯಹಂ ।

ಸರಸ್ವತೀ ನಮಸ್ತುಭ್ಯಂ ತುರೀಯೇ ಬ್ರಹ್ಮರೂಪಿಣೀ ॥ 11 ॥

ಅಪರಾಧ ಸಹಸ್ರಾಣಿ ತ್ವಸತ್ಕರ್ಮಶತಾನಿ ಚ ।

ಮತ್ತೋ ಜಾತಾನಿ ದೇವೇಶೀ ತ್ವಂ ಕ್ಷಮಸ್ವ ದಿನೇ ದಿನೇ ॥ 12 ॥

ಇತಿ ಶ್ರೀಮದ್ವಸಿಷ್ಠಸಂಹಿತಾಯಾಂ ಶ್ರೀ ಗಾಯತ್ರೀ ಸ್ತೋತ್ರಂ ।

Recite with devotion and pure heart

Regular practice brings spiritual benefits