நாரத³ உவாச – ப⁴க³வன் ஸர்வத⁴ர்மஜ்ஞ ஸர்வஶாஸ்த்ரவிஶாரத³ । ஶ்ருதிஸ்ம்ருʼதிபுராணானாம்ʼ ரஹஸ்யம்ʼ த்வன்முகா²ச்ச்²ருதம் ॥ 1 ॥ ஸர்வபாபஹரம்ʼ தே³வ யேன வித்³யா ப்ரவர்ததே । கேன வா ப்³ரஹ்மவிஜ்ஞானம்ʼ கிம்ʼ நு வா மோக்ஷஸாத⁴னம் ॥ 2 ॥ ப்³ராஹ்மணானாம்ʼ க³தி꞉ கேன கேன வா ம்ருʼத்யுநாஶனம் । ஐஹிகாமுஷ்மிகப²லம்ʼ கேன வா பத்³மலோசன ॥ 3 ॥ வக்துமர்ஹஸ்யஶேஷேண ஸர்வே நிகி²லமாதி³த꞉ । ஶ்ரீநாராயண உவாச – ஸாது⁴ ஸாது⁴ மஹாப்ராஜ்ஞ ஸம்யக் ப்ருʼஷ்டம்ʼ த்வயா(அ)னக⁴ ॥ 4 ॥ ஶ்ருʼணு வக்ஷ்யாமி யத்னேன கா³யத்ர்யஷ்டஸஹஸ்ரகம் । நாம்னாம்ʼ ஶுபா⁴னாம்ʼ தி³வ்யானாம்ʼ ஸர்வபாபவிநாஶனம் ॥ 5 ॥ ஸ்ருʼஷ்ட்யாதௌ³ யத்³ப⁴க³வதா பூர்வே ப்ரோக்தம்ʼ ப்³ரவீமி தே । அஷ்டோத்தரஸஹஸ்ரஸ்ய ருʼஷிர்ப்³ரஹ்மா ப்ரகீர்தித꞉ ॥ 6 ॥ ச²ந்தோ³(அ)னுஷ்டுப்ததா² தே³வீ கா³யத்ரீம்ʼ தே³வதா ஸ்ம்ருʼதா । ஹலோபீ³ஜானி தஸ்யைவ ஸ்வரா꞉ ஶக்தய ஈரிதா꞉ ॥ 7 ॥ அங்க³ந்யாஸகரந்யாஸாவுச்யேதே மாத்ருʼகாக்ஷரை꞉ । அத² த்⁴யானம் ப்ரவக்ஷ்யாமி ஸாத⁴கானாம்ʼ ஹிதாய வை ॥ 8 ॥ த்⁴யானம் – ரக்தஶ்வேதஹிரண்யநீலத⁴வலைர்யுக்தாம்ʼ த்ரிநேத்ரோஜ்ஜ்வலாம்ʼ ரக்தாம்ʼ ரக்தனவஸ்ரஜம்ʼ மணிக³ணைர்யுக்தாம்ʼ குமாரீமிமாம் । கா³யத்ரீம்ʼ கமலாஸனாம்ʼ கரதலவ்யானத்³த⁴குண்டா³ம்பு³ஜாம்ʼ பத்³மாக்ஷீம்ʼ ச வரஸ்ரஜம்ʼ ச த³த⁴தீம்ʼ ஹம்ʼஸாதி⁴ரூடா⁴ம்ʼ ப⁴ஜே ॥ 9 ॥ ஸ்தோத்ரம் – அசிந்த்யலக்ஷணாவ்யக்தாப்யர்த²மாத்ருʼமஹேஶ்வரீ । அம்ருʼதார்ணவமத்⁴யஸ்தா²ப்யஜிதா சாபராஜிதா ॥ 10 ॥ அணிமாதி³கு³ணாதா⁴ராப்யர்கமண்ட³லஸம்ʼஸ்தி²தா । அஜரா(அ)ஜா(அ)பரா(அ)த⁴ர்மா அக்ஷஸூத்ரத⁴ரா(அ)த⁴ரா ॥ 11 ॥ அகாராதி³க்ஷகாராந்தாப்யரிஷட்³வர்க³பே⁴தி³னீ । அஞ்ஜநாத்³ரிப்ரதீகாஶாப்யஞ்ஜநாத்³ரிநிவாஸினீ ॥ 12 ॥ அதி³திஶ்சாஜபாவித்³யாப்யரவிந்த³னிபே⁴க்ஷணா । அந்தர்ப³ஹி꞉ஸ்தி²தாவித்³யாத்⁴வம்ʼஸினீ சாந்தராத்மிகா ॥ 13 ॥ அஜா சாஜமுகா²வாஸாப்யரவிந்த³னிபா⁴னனா । அர்த⁴மாத்ரார்த²தா³னஜ்ஞாப்யரிமண்ட³லமர்தி³னீ ॥ 14 ॥ அஸுரக்⁴னீ ஹ்யமாவாஸ்யாப்யலக்ஷ்மீக்⁴ன்யந்த்யஜார்சிதா । ஆதி³லக்ஷ்மீஶ்சாதி³ஶக்திராக்ருʼதிஶ்சாயதானனா ॥ 15 ॥ ஆதி³த்யபத³வீசாராப்யாதி³த்யபரிஸேவிதா । ஆசார்யாவர்தனாசாராப்யாதி³மூர்திநிவாஸினீ ॥ 16 ॥ ஆக்³னேயீ சாமரீ சாத்³யா சாராத்⁴யா சாஸனஸ்தி²தா । ஆதா⁴ரநிலயாதா⁴ரா சாகாஶாந்தநிவாஸினீ ॥ 17 ॥ ஆத்³யாக்ஷரஸமாயுக்தா சாந்தராகாஶரூபிணீ । ஆதி³த்யமண்ட³லக³தா சாந்தரத்⁴வாந்தநாஶினீ ॥ 18 ॥ இந்தி³ரா சேஷ்டதா³ சேஷ்டா சேந்தீ³வரனிபே⁴க்ஷணா । இராவதீ சேந்த்³ரபதா³ சேந்த்³ராணீ சேந்து³ரூபிணீ ॥ 19 ॥ இக்ஷுகோத³ண்ட³ஸம்யுக்தா சேஷுஸந்தா⁴னகாரிணீ । இந்த்³ரநீலஸமாகாரா சேடா³பிங்க³லரூபிணீ ॥ 20 ॥ இந்த்³ராக்ஷீ சேஶ்வரீ தே³வீ சேஹாத்ரயவிவர்ஜிதா । உமா சோஷா ஹ்யுடு³னிபா⁴ உர்வாருகப²லானனா ॥ 21 ॥ உடு³ப்ரபா⁴ சோடு³மதீ ஹ்யுடு³பா ஹ்யுடு³மத்⁴யகா³ । ஊர்த்⁴வா சாப்யூர்த்⁴வகேஶீ சாப்யூர்த்⁴வாதோ⁴க³திபே⁴தி³னீ ॥ 22 ॥ ஊர்த்⁴வபா³ஹுப்ரியா சோர்மிமாலாவாக்³க்³ரந்த²தா³யினீ । ருʼதம்ʼ சர்ஷிர்ருʼதுமதீ ருʼஷிதே³வநமஸ்க்ருʼதா ॥ 23 ॥ ருʼக்³வேதா³ ருʼணஹர்த்ரீ ச ருʼஷிமண்ட³லசாரிணீ । ருʼத்³தி⁴தா³ ருʼஜுமார்க³ஸ்தா² ருʼஜுத⁴ர்மா ருʼதுப்ரதா³ ॥ 24 ॥ ருʼக்³வேத³நிலயா ருʼஜ்வீ லுப்தத⁴ர்மப்ரவர்தினீ । லூதாரிவரஸம்பூ⁴தா லூதாதி³விஷஹாரிணீ ॥ 25 ॥ ஏகாக்ஷரா சைகமாத்ரா சைகா சைகைகநிஷ்டி²தா । ஐந்த்³ரீ ஹ்யைராவதாரூடா⁴ சைஹிகாமுஷ்மிகப்ரதா³ ॥ 26 ॥ ஓங்கார ஹ்யோஷதீ⁴ சோதா சோதப்ரோதநிவாஸினீ । ஔர்வா ஹ்யௌஷத⁴ஸம்பன்னா ஔபாஸனப²லப்ரதா³ ॥ 27 ॥ அண்ட³மத்⁴யஸ்தி²தா தே³வீ சா꞉காரமனுரூபிணீ । காத்யாயனீ காலராத்ரி꞉ காமாக்ஷீ காமஸுந்த³ரீ ॥ 28 ॥ கமலா காமினீ காந்தா காமதா³ காலகண்டி²னீ । கரிகும்ப⁴ஸ்தனப⁴ரா கரவீரஸுவாஸினீ ॥ 29 ॥ கல்யாணீ குண்ட³லவதீ குருக்ஷேத்ரநிவாஸினீ । குருவிந்த³த³லாகாரா குண்ட³லீ குமுதா³லயா ॥ 30 ॥ காலஜிஹ்வா கராலாஸ்யா காலிகா காலரூபிணீ । கமனீயகு³ணா காந்தி꞉ கலாதா⁴ரா குமுத்³வதீ ॥ 31 ॥ கௌஶிகீ கமலாகாரா காமசாரப்ரப⁴ஞ்ஜினீ । கௌமாரீ கருணாபாங்கீ³ ககுப³ந்தா கரிப்ரியா ॥ 32 ॥ கேஸரீ கேஶவனுதா கத³ம்ப³குஸுமப்ரியா । காலிந்தீ³ காலிகா காஞ்சீ கலஶோத்³ப⁴வஸம்ʼஸ்துதா ॥ 33 ॥ காமமாதா க்ரதுமதீ காமரூபா க்ருʼபாவதீ । குமாரீ குண்ட³நிலயா கிராதீ கீரவாஹனா ॥ 34 ॥ கைகேயீ கோகிலாலாபா கேதகீ குஸுமப்ரியா । கமண்ட³லுத⁴ரா காலீ கர்மநிர்மூலகாரிணீ ॥ 35 ॥ கலஹம்ʼஸக³தி꞉ கக்ஷா க்ருʼதகௌதுகமங்க³லா । கஸ்தூரீதிலகா கம்ரா கரீந்த்³ரக³மனா குஹூ꞉ ॥ 36 ॥ கர்பூரலேபனா க்ருʼஷ்ணா கபிலா குஹராஶ்ரயா । கூடஸ்தா² குத⁴ரா கம்ரா குக்ஷிஸ்தா²கி²லவிஷ்டபா ॥ 37 ॥ க²ட்³க³கே²டகரா க²ர்வா கே²சரீ க²க³வாஹனா । க²ட்வாங்க³தா⁴ரிணீ க்²யாதா க²க³ராஜோபரிஸ்தி²தா ॥ 38 ॥ க²லக்⁴னீ க²ண்டி³தஜரா க²ண்டா³க்²யானப்ரதா³யினீ । க²ண்டே³ந்து³திலகா க³ங்கா³ க³ணேஶகு³ஹபூஜிதா ॥ 39 ॥ கா³யத்ரீ கோ³மதீ கீ³தா கா³ந்தா⁴ரீ கா³னலோலுபா । கௌ³தமீ கா³மினீ கா³தா⁴ க³ந்த⁴ர்வாப்ஸரஸேவிதா ॥ 40 ॥ கோ³விந்த³சரணாக்ராந்தா கு³ணத்ரயவிபா⁴விதா । க³ந்த⁴ர்வீ க³ஹ்வரீ கோ³த்ரா கி³ரீஶா க³ஹனா க³மீ ॥ 41 ॥ கு³ஹாவாஸா கு³ணவதீ கு³ருபாபப்ரணாஶினீ । கு³ர்வீ கு³ணவதீ கு³ஹ்யா கோ³ப்தவ்யா கு³ணதா³யினீ ॥ 42 ॥ கி³ரிஜா கு³ஹ்யமாதங்கீ³ க³ருட³த்⁴வஜவல்லபா⁴ । க³ர்வாபஹாரிணீ கோ³தா³ கோ³குலஸ்தா² க³தா³த⁴ரா ॥ 43 ॥ கோ³கர்ணநிலயாஸக்தா கு³ஹ்யமண்ட³லவர்தினீ । க⁴ர்மதா³ க⁴னதா³ க⁴ண்டா கோ⁴ரதா³னவமர்தி³னீ ॥ 44 ॥ க்⁴ருʼணிமந்த்ரமயீ கோ⁴ஷா க⁴னஸம்பாததா³யினீ । க⁴ண்டாரவப்ரியா க்⁴ராணா க்⁴ருʼணிஸந்துஷ்டகாரிணீ ॥ 45 ॥ க⁴நாரிமண்ட³லா கூ⁴ர்ணா க்⁴ருʼதாசீ க⁴னவேகி³னீ । ஜ்ஞானதா⁴துமயீ சர்சா சர்சிதா சாருஹாஸினீ ॥ 46 ॥ சடுலா சண்டி³கா சித்ரா சித்ரமால்யவிபூ⁴ஷிதா । சதுர்பு⁴ஜா சாருத³ந்தா சாதுரீ சரிதப்ரதா³ ॥ 47 ॥ சூலிகா சித்ரவஸ்த்ராந்தா சந்த்³ரம꞉கர்ணகுண்ட³லா । சந்த்³ரஹாஸா சாருதா³த்ரீ சகோரீ சந்த்³ரஹாஸினீ ॥ 48 ॥ சந்த்³ரிகா சந்த்³ரதா⁴த்ரீ ச சௌரீ சௌரா ச சண்டி³கா । சஞ்சத்³வாக்³வாதி³னீ சந்த்³ரசூடா³ சோரவிநாஶினீ ॥ 49 ॥ சாருசந்த³னலிப்தாங்கீ³ சஞ்சச்சாமரவீஜிதா । சாருமத்⁴யா சாருக³திஶ்சந்தி³லா சந்த்³ரரூபிணீ ॥ 50 ॥ சாருஹோமப்ரியா சார்வாசரிதா சக்ரபா³ஹுகா । சந்த்³ரமண்ட³லமத்⁴யஸ்தா² சந்த்³ரமண்ட³லத³ர்பணா ॥ 51 ॥ சக்ரவாகஸ்தனீ சேஷ்டா சித்ரா சாருவிலாஸினீ । சித்ஸ்வரூபா சந்த்³ரவதீ சந்த்³ரமாஶ்சந்த³னப்ரியா ॥ 52 ॥ சோத³யித்ரீ சிரப்ரஜ்ஞா சாதகா சாருஹேதுகீ । ச²த்ரயாதா ச²த்ரத⁴ரா சா²யா ச²ந்த³꞉பரிச்ச²தா³ ॥ 53 ॥ சா²யாதே³வீ சி²த்³ரநகா² ச²ன்னேந்த்³ரியவிஸர்பிணீ । ச²ந்தோ³(அ)னுஷ்டுப்ப்ரதிஷ்டா²ந்தா சி²த்³ரோபத்³ரவபே⁴தி³னீ ॥ 54 ॥ சே²தா³ ச²த்ரேஶ்வரீ சி²ன்னா சு²ரிகா சே²த³னப்ரியா । ஜனனீ ஜன்மரஹிதா ஜாதவேதா³ ஜக³ன்மயீ ॥ 55 ॥ ஜாஹ்னவீ ஜடிலா ஜேத்ரீ ஜராமரணவர்ஜிதா । ஜம்பூ³த்³வீபவதீ ஜ்வாலா ஜயந்தீ ஜலஶாலினீ ॥ 56 ॥ ஜிதேந்த்³ரியா ஜிதக்ரோதா⁴ ஜிதாமித்ரா ஜக³த்ப்ரியா । ஜாதரூபமயீ ஜிஹ்வா ஜானகீ ஜக³தீ ஜரா ॥ 57 ॥ ஜனித்ரீ ஜஹ்னுதனயா ஜக³த்த்ரயஹிதைஷிணீ । ஜ்வாலாமுகீ² ஜபவதீ ஜ்வரக்⁴னீ ஜிதவிஷ்டபா ॥ 58 ॥ ஜிதாக்ராந்தமயீ ஜ்வாலா ஜாக்³ரதீ ஜ்வரதே³வதா । ஜ்வலந்தீ ஜலதா³ ஜ்யேஷ்டா² ஜ்யாகோ⁴ஷாஸ்போ²டதி³ங்முகீ² ॥ 59 ॥ ஜம்பி⁴னீ ஜ்ருʼம்ப⁴ணா ஜ்ருʼம்பா⁴ ஜ்வலன்மாணிக்யகுண்ட³லா । ஜி²ஞ்ஜி²கா ஜ²ணநிர்கோ⁴ஷா ஜ²ஞ்ஜா²மாருதவேகி³னீ ॥ 60 ॥ ஜ²ல்லரீவாத்³யகுஶலா ஞரூபா ஞபு⁴ஜா ஸ்ம்ருʼதா । டங்கபா³ணஸமாயுக்தா டங்கினீ டங்கபே⁴தி³னீ ॥ 61 ॥ டங்கீக³ணக்ருʼதாகோ⁴ஷா டங்கனீயமஹோரஸா । டங்காரகாரிணீ தே³வீ ட²ட²ஶப்³த³னிநாதி³னீ ॥ 62 ॥ டா³மரீ டா³கினீ டி³ம்பா⁴ டு³ண்டு³மாரைகநிர்ஜிதா । டா³மரீதந்த்ரமார்க³ஸ்தா² ட³மட்³ட³மருநாதி³னீ ॥ 63 ॥ டி³ண்டீ³ரவஸஹா டி³ம்ப⁴லஸத்க்ரீடா³பராயணா । டு⁴ண்டி⁴விக்⁴னேஶஜனனீ ட⁴க்காஹஸ்தா டி⁴லிவ்ரஜா ॥ 64 ॥ நித்யஜ்ஞானா நிருபமா நிர்கு³ணா நர்மதா³ நதீ³ । த்ரிகு³ணா த்ரிபதா³ தந்த்ரீ துலஸீ தருணா தரு꞉ ॥ 65 ॥ த்ரிவிக்ரமபதா³க்ராந்தா துரீயபத³கா³மினீ । தருணாதி³த்யஸங்காஶா தாமஸீ துஹினா துரா ॥ 66 ॥ த்ரிகாலஜ்ஞானஸம்பன்னா த்ரிவலீ ச த்ரிலோசனா । த்ரிஶக்திஸ்த்ரிபுரா துங்கா³ துரங்க³வத³னா ததா² ॥ 67 ॥ திமிங்கி³லகி³லா தீவ்ரா த்ரிஸ்ரோதா தாமஸாதி³னீ । தந்த்ரமந்த்ரவிஶேஷஜ்ஞா தனுமத்⁴யா த்ரிவிஷ்டபா ॥ 68 ॥ த்ரிஸந்த்⁴யா த்ரிஸ்தனீ தோஷாஸம்ʼஸ்தா² தாலப்ரதாபினீ । தாடங்கினீ துஷாராபா⁴ துஹினாசலவாஸினீ ॥ 69 ॥ தந்துஜாலஸமாயுக்தா தாரஹாராவலிப்ரியா । திலஹோமப்ரியா தீர்தா² தமாலகுஸுமாக்ருʼதி꞉ ॥ 70 ॥ தாரகா த்ரியுதா தன்வீ த்ரிஶங்குபரிவாரிதா । தலோத³ரீ திலாபூ⁴ஷா தாடங்கப்ரியவாஹினீ ॥ 71 ॥ த்ரிஜடா தித்திரீ த்ருʼஷ்ணா த்ரிவிதா⁴ தருணாக்ருʼதி꞉ । தப்தகாஞ்சனஸங்காஶா தப்தகாஞ்சனபூ⁴ஷணா ॥ 72 ॥ த்ரையம்ப³கா த்ரிவர்கா³ ச த்ரிகாலஜ்ஞானதா³யினீ । தர்பணா த்ருʼப்திதா³ த்ருʼப்தா தாமஸீ தும்பு³ருஸ்துதா ॥ 73 ॥ தார்க்ஷ்யஸ்தா² த்ரிகு³ணாகாரா த்ரிப⁴ங்கீ³ தனுவல்லரி꞉ । தா²த்காரீ தா²ரவா தா²ந்தா தோ³ஹினீ தீ³னவத்ஸலா ॥ 74 ॥ தா³னவாந்தகரீ து³ர்கா³ து³ர்கா³ஸுரனிப³ர்ஹிணீ । தே³வரீதிர்தி³வாராத்ரிர்த்³ரௌபதீ³ து³ந்து³பி⁴ஸ்வனா ॥ 75 ॥ தே³வயானீ து³ராவாஸா தா³ரித்³ர்யோத்³பே⁴தி³னீ தி³வா । தா³மோத³ரப்ரியா தீ³ப்தா தி³க்³வாஸா தி³க்³விமோஹினீ ॥ 76 ॥ த³ண்ட³காரண்யநிலயா த³ண்டி³னீ தே³வபூஜிதா । தே³வவந்த்³யா தி³விஷதா³ த்³வேஷிணீ தா³னவாக்ருʼதி꞉ ॥ 77 ॥ தீ³னாநாத²ஸ்துதா தீ³க்ஷா தை³வதாதி³ஸ்வரூபிணீ । தா⁴த்ரீ த⁴னுர்த⁴ரா தே⁴னுர்தா⁴ரிணீ த⁴ர்மசாரிணீ ॥ 78 ॥ த⁴ரந்த⁴ரா த⁴ராதா⁴ரா த⁴னதா³ தா⁴ன்யதோ³ஹினீ । த⁴ர்மஶீலா த⁴னாத்⁴யக்ஷா த⁴னுர்வேத³விஶாரதா³ ॥ 79 ॥ த்⁴ருʼதிர்த⁴ன்யா த்⁴ருʼதபதா³ த⁴ர்மராஜப்ரியா த்⁴ருவா । தூ⁴மாவதீ தூ⁴மகேஶீ த⁴ர்மஶாஸ்த்ரப்ரகாஶினீ ॥ 80 ॥ நந்தா³ நந்த³ப்ரியா நித்³ரா ந்ருʼனுதா நந்த³னாத்மிகா । நர்மதா³ நலினீ நீலா நீலகண்ட²ஸமாஶ்ரயா ॥ 81 ॥ நாராயணப்ரியா நித்யா நிர்மலா நிர்கு³ணா நிதி⁴꞉ । நிராதா⁴ரா நிருபமா நித்யஶுத்³தா⁴ நிரஞ்ஜனா ॥ 82 ॥ நாத³பி³ந்து³கலாதீதா நாத³பி³ந்து³கலாத்மிகா । ந்ருʼஸிம்ʼஹினீ நக³த⁴ரா ந்ருʼபநாக³விபூ⁴ஷிதா ॥ 83 ॥ நரகக்லேஶஶமனீ நாராயணபதோ³த்³ப⁴வா । நிரவத்³யா நிராகாரா நாரத³ப்ரியகாரிணீ ॥ 84 ॥ நானாஜ்யோதி꞉ஸமாக்²யாதா நிதி⁴தா³ நிர்மலாத்மிகா । நவஸூத்ரத⁴ரா நீதிர்நிருபத்³ரவகாரிணீ ॥ 85 ॥ நந்த³ஜா நவரத்னாட்⁴யா நைமிஷாரண்யவாஸினீ । நவனீதப்ரியா நாரீ நீலஜீமூதநிஸ்வனா ॥ 86 ॥ நிமேஷிணீ நதீ³ரூபா நீலக்³ரீவா நிஶீஶ்வரீ । நாமாவலிர்நிஶும்ப⁴க்⁴னீ நாக³லோகநிவாஸினீ ॥ 87 ॥ நவஜாம்பூ³னத³ப்ரக்²யா நாக³லோகாதி⁴தே³வதா । நூபுராக்ராந்தசரணா நரசித்தப்ரமோதி³னீ ॥ 88 ॥ நிமக்³னாரக்தநயனா நிர்கா⁴தஸமநிஸ்வனா । நந்த³னோத்³யானநிலயா நிர்வ்யூஹோபரிசாரிணீ ॥ 89 ॥ பார்வதீ பரமோதா³ரா பரப்³ரஹ்மாத்மிகா பரா । பஞ்சகோஶவிநிர்முக்தா பஞ்சபாதகநாஶினீ ॥ 90 ॥ பரசித்தவிதா⁴னஜ்ஞா பஞ்சிகா பஞ்சரூபிணீ । பூர்ணிமா பரமா ப்ரீதி꞉ பரதேஜ꞉ ப்ரகாஶினீ ॥ 91 ॥ புராணீ பௌருஷீ புண்யா புண்ட³ரீகனிபே⁴க்ஷணா । பாதாலதலநிர்மக்³னா ப்ரீதா ப்ரீதிவிவர்தி⁴னீ ॥ 92 ॥ பாவனீ பாத³ஸஹிதா பேஶலா பவநாஶினீ । ப்ரஜாபதி꞉ பரிஶ்ராந்தா பர்வதஸ்தனமண்ட³லா ॥ 93 ॥ பத்³மப்ரியா பத்³மஸம்ʼஸ்தா² பத்³மாக்ஷீ பத்³மஸம்ப⁴வா । பத்³மபத்ரா பத்³மபதா³ பத்³மினீ ப்ரியபா⁴ஷிணீ ॥ 94 ॥ பஶுபாஶவிநிர்முக்தா புரந்த்⁴ரீ புரவாஸினீ । புஷ்கலா புருஷா பர்வா பாரிஜாதஸுமப்ரியா ॥ 95 ॥ பதிவ்ரதா பவித்ராங்கீ³ புஷ்பஹாஸபராயணா । ப்ரஜ்ஞாவதீஸுதா பௌத்ரீ புத்ரபூஜ்யா பயஸ்வினீ ॥ 96 ॥ பட்டிபாஶத⁴ரா பங்க்தி꞉ பித்ருʼலோகப்ரதா³யினீ । புராணீ புண்யஶீலா ச ப்ரணதார்திவிநாஶினீ ॥ 97 ॥ ப்ரத்³யும்னஜனனீ புஷ்டா பிதாமஹபரிக்³ரஹா । புண்ட³ரீகபுராவாஸா புண்ட³ரீகஸமானனா ॥ 98 ॥ ப்ருʼது²ஜங்கா⁴ ப்ருʼது²பு⁴ஜா ப்ருʼது²பாதா³ ப்ருʼதூ²த³ரீ । ப்ரவாலஶோபா⁴ பிங்கா³க்ஷீ பீதவாஸா꞉ ப்ரசாபலா ॥ 99 ॥ ப்ரஸவா புஷ்டிதா³ புண்யா ப்ரதிஷ்டா² ப்ரணவாக³தி꞉ । பஞ்சவர்ணா பஞ்சவாணீ பஞ்சிகா பஞ்ஜரஸ்தி²தா ॥ 100 ॥ பரமாயா பரஜ்யோதி꞉ பரப்ரீதி꞉ பராக³தி꞉ । பராகாஷ்டா² பரேஶானீ பாவினீ பாவகத்³யுதி꞉ ॥ 101 ॥ புண்யப⁴த்³ரா பரிச்சே²த்³யா புஷ்பஹாஸா ப்ருʼதூ²த³ரீ । பீதாங்கீ³ பீதவஸனா பீதஶய்யா பிஶாசினீ ॥ 102 ॥ பீதக்ரியா பிஶாசக்⁴னீ பாடலாக்ஷீ படுக்ரியா । பஞ்சப⁴க்ஷப்ரியாசாரா பூதனாப்ராணகா⁴தினீ ॥ 103 ॥ புந்நாக³வனமத்⁴யஸ்தா² புண்யதீர்த²நிஷேவிதா । பஞ்சாங்கீ³ ச பராஶக்தி꞉ பரமாஹ்லாத³காரிணீ ॥ 104 ॥ புஷ்பகாண்ட³ஸ்தி²தா பூஷா போஷிதாகி²லவிஷ்டபா । பானப்ரியா பஞ்சஶிகா² பன்னகோ³பரிஶாயினீ ॥ 105 ॥ பஞ்சமாத்ராத்மிகா ப்ருʼத்²வீ பதி²கா ப்ருʼது²தோ³ஹினீ । புராணந்யாயமீமாம்ʼஸா பாடலீ புஷ்பக³ந்தி⁴னீ ॥ 106 ॥ புண்யப்ரஜா பாரதா³த்ரீ பரமார்கை³ககோ³சரா । ப்ரவாலஶோபா⁴ பூர்ணாஶா ப்ரணவா பல்லவோத³ரீ ॥ 107 ॥ ப²லினீ ப²லதா³ ப²ல்கு³꞉ பூ²த்காரீ ப²லகாக்ருʼதி꞉ । ப²ணீந்த்³ரபோ⁴க³ஶயனா ப²ணிமண்ட³லமண்டி³தா ॥ 108 ॥ பா³லபா³லா ப³ஹுமதா பா³லாதபனிபா⁴ம்ʼஶுகா । ப³லப⁴த்³ரப்ரியா வந்த்³யா வட³வா பு³த்³தி⁴ஸம்ʼஸ்துதா ॥ 109 ॥ ப³ந்தீ³தே³வீ பி³லவதீ ப³டி³ஶக்⁴னீ ப³லிப்ரியா । பா³ந்த⁴வீ போ³தி⁴தா பு³த்³தி⁴ர்ப³ந்தூ⁴ககுஸுமப்ரியா ॥ 110 ॥ பா³லபா⁴னுப்ரபா⁴காரா ப்³ராஹ்மீ ப்³ராஹ்மணதே³வதா । ப்³ருʼஹஸ்பதிஸ்துதா ப்³ருʼந்தா³ ப்³ருʼந்தா³வனவிஹாரிணீ ॥ 111 ॥ பா³லாகினீ பி³லாஹாரா பி³லவாஸா ப³ஹூத³கா । ப³ஹுநேத்ரா ப³ஹுபதா³ ப³ஹுகர்ணாவதம்ʼஸிகா ॥ 112 ॥ ப³ஹுபா³ஹுயுதா பீ³ஜரூபிணீ ப³ஹுரூபிணீ । பி³ந்து³நாத³கலாதீதா பி³ந்து³நாத³ஸ்வரூபிணீ ॥ 113 ॥ ப³த்³த⁴கோ³தா⁴ங்கு³லித்ராணா ப³த³ர்யாஶ்ரமவாஸினீ । ப்³ருʼந்தா³ரகா ப்³ருʼஹத்ஸ்கந்தா⁴ ப்³ருʼஹதீ பா³ணபாதினீ ॥ 114 ॥ ப்³ருʼந்தா³த்⁴யக்ஷா ப³ஹுனுதா வனிதா ப³ஹுவிக்ரமா । ப³த்³த⁴பத்³மாஸனாஸீனா பி³ல்வபத்ரதலஸ்தி²தா ॥ 115 ॥ போ³தி⁴த்³ருமநிஜாவாஸா ப³டி³ஸ்தா² பி³ந்து³த³ர்பணா । பா³லா பா³ணாஸனவதீ வட³வானலவேகி³னீ ॥ 116 ॥ ப்³ரஹ்மாண்ட³ப³ஹிரந்த꞉ஸ்தா² ப்³ரஹ்மகங்கணஸூத்ரிணீ । ப⁴வானீ பீ⁴ஷணவதீ பா⁴வினீ ப⁴யஹாரிணீ ॥ 117 ॥ ப⁴த்³ரகாலீ பு⁴ஜங்கா³க்ஷீ பா⁴ரதீ பா⁴ரதாஶயா । பை⁴ரவீ பீ⁴ஷணாகாரா பூ⁴திதா³ பூ⁴திமாலினீ ॥ 118 ॥ பா⁴மினீ போ⁴க³நிரதா ப⁴த்³ரதா³ பூ⁴ரிவிக்ரமா । பூ⁴தவாஸா ப்⁴ருʼகு³லதா பா⁴ர்க³வீ பூ⁴ஸுரார்சிதா ॥ 119 ॥ பா⁴கீ³ரதீ² போ⁴க³வதீ ப⁴வனஸ்தா² பி⁴ஷக்³வரா । பா⁴மினீ போ⁴கி³னீ பா⁴ஷா ப⁴வானீ பூ⁴ரித³க்ஷிணா ॥ 120 ॥ ப⁴ர்கா³த்மிகா பீ⁴மவதீ ப⁴வப³ந்த⁴விமோசினீ । ப⁴ஜனீயா பூ⁴ததா⁴த்ரீரஞ்ஜிதா பு⁴வனேஶ்வரீ ॥ 121 ॥ பு⁴ஜங்க³வலயா பீ⁴மா பே⁴ருண்டா³ பா⁴க³தே⁴யினீ । மாதா மாயா மது⁴மதீ மது⁴ஜிஹ்வா மது⁴ப்ரியா ॥ 122 ॥ மஹாதே³வீ மஹாபா⁴கா³ மாலினீ மீனலோசனா । மாயாதீதா மது⁴மதீ மது⁴மாம்ʼஸா மது⁴த்³ரவா ॥ 123 ॥ மானவீ மது⁴ஸம்பூ⁴தா மிதி²லாபுரவாஸினீ । மது⁴கைடப⁴ஸம்ʼஹர்த்ரீ மேதி³னீ மேக⁴மாலினீ ॥ 124 ॥ மந்தோ³த³ரீ மஹாமாயா மைதி²லீ மஸ்ருʼணப்ரியா । மஹாலக்ஷ்மீர்மஹாகாலீ மஹாகன்யா மஹேஶ்வரீ ॥ 125 ॥ மாஹேந்த்³ரீ மேருதனயா மந்தா³ரகுஸுமார்சிதா । மஞ்ஜுமஞ்ஜீரசரணா மோக்ஷதா³ மஞ்ஜுபா⁴ஷிணீ ॥ 126 ॥ மது⁴ரத்³ராவிணீ முத்³ரா மலயா மலயான்விதா । மேதா⁴ மரகதஶ்யாமா மாக³தீ⁴ மேனகாத்மஜா ॥ 127 ॥ மஹாமாரீ மஹாவீரா மஹாஶ்யாமா மனுஸ்துதா । மாத்ருʼகா மிஹிராபா⁴ஸா முகுந்த³பத³விக்ரமா ॥ 128 ॥ மூலாதா⁴ரஸ்தி²தா முக்³தா⁴ மணிபூரகவாஸினீ । ம்ருʼகா³க்ஷீ மஹிஷாரூடா⁴ மஹிஷாஸுரமர்தி³னீ ॥ 129 ॥ யோகா³ஸனா யோக³க³ம்யா யோகா³ யௌவனகாஶ்ரயா । யௌவனீ யுத்³த⁴மத்⁴யஸ்தா² யமுனா யுக³தா⁴ரிணீ ॥ 130 ॥ யக்ஷிணீ யோக³யுக்தா ச யக்ஷராஜப்ரஸூதினீ । யாத்ரா யானவிதா⁴னஜ்ஞா யது³வம்ʼஶஸமுத்³ப⁴வா ॥ 131 ॥ யகாராதி³ஹகாராந்தா யாஜுஷீ யஜ்ஞரூபிணீ । யாமினீ யோக³நிரதா யாதுதா⁴னப⁴யங்கரீ ॥ 132 ॥ ருக்மிணீ ரமணீ ராமா ரேவதீ ரேணுகா ரதி꞉ । ரௌத்³ரீ ரௌத்³ரப்ரியாகாரா ராமமாதா ரதிப்ரியா ॥ 133 ॥ ரோஹிணீ ராஜ்யதா³ ரேவா ரமா ராஜீவலோசனா । ராகேஶீ ரூபஸம்பன்னா ரத்னஸிம்ʼஹாஸனஸ்தி²தா ॥ 134 ॥ ரக்தமால்யாம்ப³ரத⁴ரா ரக்தக³ந்தா⁴னுலேபனா । ராஜஹம்ʼஸஸமாரூடா⁴ ரம்பா⁴ ரக்தப³லிப்ரியா ॥ 135 ॥ ரமணீயயுகா³தா⁴ரா ராஜிதாகி²லபூ⁴தலா । ருருசர்மபரீதா⁴னா ரதி²னீ ரத்னமாலிகா ॥ 136 ॥ ரோகே³ஶீ ரோக³ஶமனீ ராவிணீ ரோமஹர்ஷிணீ । ராமசந்த்³ரபதா³க்ராந்தா ராவணச்சே²த³காரிணீ ॥ 137 ॥ ரத்னவஸ்த்ரபரிச்ச²ன்னா ரத²ஸ்தா² ருக்மபூ⁴ஷணா । லஜ்ஜாதி⁴தே³வதா லோலா லலிதா லிங்க³தா⁴ரிணீ ॥ 138 ॥ லக்ஷ்மீர்லோலா லுப்தவிஷா லோகினீ லோகவிஶ்ருதா । லஜ்ஜா லம்போ³த³ரீ தே³வீ லலனா லோகதா⁴ரிணீ ॥ 139 ॥ வரதா³ வந்தி³தா வித்³யா வைஷ்ணவீ விமலாக்ருʼதி꞉ । வாராஹீ விரஜா வர்ஷா வரலக்ஷ்மீர்விலாஸினீ ॥ 140 ॥ வினதா வ்யோமமத்⁴யஸ்தா² வாரிஜாஸனஸம்ʼஸ்தி²தா । வாருணீ வேணுஸம்பூ⁴தா வீதிஹோத்ரா விரூபிணீ ॥ 141 ॥ வாயுமண்ட³லமத்⁴யஸ்தா² விஷ்ணுரூபா விதி⁴ப்ரியா । விஷ்ணுபத்னீ விஷ்ணுமதீ விஶாலாக்ஷீ வஸுந்த⁴ரா ॥ 142 ॥ வாமதே³வப்ரியா வேலா வஜ்ரிணீ வஸுதோ³ஹினீ । வேதா³க்ஷரபரீதாங்கீ³ வாஜபேயப²லப்ரதா³ ॥ 143 ॥ வாஸவீ வாமஜனனீ வைகுண்ட²நிலயா வரா । வ்யாஸப்ரியா வர்மத⁴ரா வால்மீகிபரிஸேவிதா ॥ 144 ॥ ஶாகம்ப⁴ரீ ஶிவா ஶாந்தா ஶாரதா³ ஶரணாக³தி꞉ । ஶாதோத³ரீ ஶுபா⁴சாரா ஶும்பா⁴ஸுரவிமர்தி³னீ ॥ 145 ॥ ஶோபா⁴வதீ ஶிவாகாரா ஶங்கரார்த⁴ஶரீரிணீ । ஶோணா ஶுபா⁴ஶயா ஶுப்⁴ரா ஶிர꞉ஸந்தா⁴னகாரிணீ ॥ 146 ॥ ஶராவதீ ஶரானந்தா³ ஶரஜ்ஜ்யோத்ஸ்னா ஶுபா⁴னனா । ஶரபா⁴ ஶூலினீ ஶுத்³தா⁴ ஶப³ரீ ஶுகவாஹனா ॥ 147 ॥ ஶ்ரீமதீ ஶ்ரீத⁴ரானந்தா³ ஶ்ரவணானந்த³தா³யினீ । ஶர்வாணீ ஶர்வரீவந்த்³யா ஷட்³பா⁴ஷா ஷட்³ருʼதுப்ரியா ॥ 148 ॥ ஷடா³தா⁴ரஸ்தி²தா தே³வீ ஷண்முக²ப்ரியகாரிணீ । ஷட³ங்க³ரூபஸுமதிஸுராஸுரநமஸ்க்ருʼதா ॥ 149 ॥ ஸரஸ்வதீ ஸதா³தா⁴ரா ஸர்வமங்க³லகாரிணீ । ஸாமகா³னப்ரியா ஸூக்ஷ்மா ஸாவித்ரீ ஸாமஸம்ப⁴வா ॥ 150 ॥ ஸர்வாவாஸா ஸதா³னந்தா³ ஸுஸ்தனீ ஸாக³ராம்ப³ரா । ஸர்வைஶ்வர்யப்ரியா ஸித்³தி⁴꞉ ஸாது⁴ப³ந்து⁴பராக்ரமா ॥ 151 ॥ ஸப்தர்ஷிமண்ட³லக³தா ஸோமமண்ட³லவாஸினீ । ஸர்வஜ்ஞா ஸாந்த்³ரகருணா ஸமானாதி⁴கவர்ஜிதா ॥ 152 ॥ ஸர்வோத்துங்கா³ ஸங்க³ஹீனா ஸத்³கு³ணா ஸகலேஷ்டதா³ । ஸரகா⁴ ஸூர்யதனயா ஸுகேஶீ ஸோமஸம்ʼஹதி꞉ ॥ 153 ॥ ஹிரண்யவர்ணா ஹரிணீ ஹ்ரீங்காரீ ஹம்ʼஸவாஹினீ । க்ஷௌமவஸ்த்ரபரீதாங்கீ³ க்ஷீராப்³தி⁴தனயா க்ஷமா ॥ 154 ॥ கா³யத்ரீ சைவ ஸாவித்ரீ பார்வதீ ச ஸரஸ்வதீ । வேத³க³ர்பா⁴ வராரோஹா ஶ்ரீகா³யத்ரீ பராம்பி³கா ॥ 155 ॥ இதி ஸாஹஸ்ரகம்ʼ நாம்னாம்ʼ கா³யத்ர்யாஶ்சைவ நாரத³ । புண்யத³ம்ʼ ஸர்வபாபக்⁴னம்ʼ மஹாஸம்பத்திதா³யகம் ॥ 156 ॥ ஏவம்ʼ நாமானி கா³யத்ர்யாஸ்தோஷோத்பத்திகராணி ஹி । அஷ்டம்யாம்ʼ ச விஶேஷேண படி²தவ்யம்ʼ த்³விஜை꞉ ஸஹ ॥ 157 ॥ ஜபம்ʼ க்ருʼத்வா ஹோமபூஜாத்⁴யானம் க்ருʼத்வா விஶேஷத꞉ । யஸ்மை கஸ்மை ந தா³தவ்யம்ʼ கா³யத்ர்யாஸ்து விஶேஷத꞉ ॥ 158 ॥ ஸுப⁴க்தாய ஸுஶிஷ்யாய வக்தவ்யம்ʼ பூ⁴ஸுராய வை । ப்⁴ரஷ்டேப்⁴ய꞉ ஸாத⁴கேப்⁴யஶ்ச பா³ந்த⁴வேப்⁴யோ ந த³ர்ஶயேத் ॥ 159 ॥ யத்³க்³ருʼஹே லிகி²தம்ʼ ஶாஸ்த்ரம்ʼ ப⁴யம்ʼ தஸ்ய ந கஸ்யசித் । சஞ்சலாபி ஸ்தி²ரா பூ⁴த்வா கமலா தத்ர திஷ்ட²தி ॥ 160 ॥ இத³ம்ʼ ரஹஸ்யம்ʼ பரமம்ʼ கு³ஹ்யாத்³கு³ஹ்யதரம்ʼ மஹத் । புண்யப்ரத³ம்ʼ மனுஷ்யாணாம்ʼ த³ரித்³ராணாம்ʼ நிதி⁴ப்ரத³ம் ॥ 161 ॥ மோக்ஷப்ரத³ம்ʼ முமுக்ஷூணாம்ʼ காமினாம்ʼ ஸர்வகாமத³ம் । ரோகா³த்³வை முச்யதே ரோகீ³ ப³த்³தோ⁴ முச்யேத ப³ந்த⁴னாத் ॥ 162 ॥ ப்³ரஹ்மஹத்யாஸுராபானஸுவர்ணஸ்தேயினோ நரா꞉ । கு³ருதல்பக³தோ வாபி பாதகான்முச்யதே ஸக்ருʼத் ॥ 163 ॥ அஸத்ப்ரதிக்³ரஹாச்சைவா(அ)ப⁴க்ஷ்யப⁴க்ஷாத்³விஶேஷத꞉ । பாக²ண்டா³ந்ருʼத்யமுக்²யேப்⁴ய꞉ பட²நாதே³வ முச்யதே ॥ 164 ॥ இத³ம்ʼ ரஹஸ்யமமலம்ʼ மயோக்தம்ʼ பத்³மஜோத்³ப⁴வ । ப்³ரஹ்மஸாயுஜ்யத³ம்ʼ ந்ரூʼணாம்ʼ ஸத்யம்ʼ ஸத்யம்ʼ ந ஸம்ʼஶய꞉ ॥ 165 ॥ ॥ இதி ஶ்ரீ கா³யத்ரீ ஸஹஸ்ரநாம ஸ்தோத்ரம் ॥