हैंహైHaindavamஹிહિં
📍
Font Size:
ಶ್ರೀ ಗಾಯತ್ರೀ ಕವಚಂ
ಯಾಜ್ಞವಲ್ಕ್ಯ ಉವಾಚ –
ಸ್ವಾಮಿನ್ ಸರ್ವಜಗನ್ನಾಥ ಸಂಶಯೋಽಸ್ತಿ ಮಹಾನ್ಮಮ ।
ಚತುಃಷಷ್ಟಿಕಲಾನಾಂ ಚ ಪಾತಕಾನಾಂ ಚ ತದ್ವದ ॥ 1 ॥
ಮುಚ್ಯತೇ ಕೇನ ಪುಣ್ಯೇನ ಬ್ರಹ್ಮರೂಪಂ ಕಥಂ ಭವೇತ್ ।
ದೇಹಶ್ಚ ದೇವತಾರೂಪೋ ಮಂತ್ರರೂಪೋ ವಿಶೇಷತಃ ।
ಕ್ರಮತಃ ಶ್ರೋತುಮಿಚ್ಛಾಮಿ ಕವಚಂ ವಿಧಿಪೂರ್ವಕಂ ॥ 2 ॥
ಬ್ರಹ್ಮೋವಾಚ –
ಅಸ್ಯ ಶ್ರೀಗಾಯತ್ರೀಕವಚಸ್ಯ ಬ್ರಹ್ಮವಿಷ್ಣುರುದ್ರಾ ಋಷಯಃ, ಋಗ್ಯಜುಃಸಾಮಾಥರ್ವಾಣಿ ಛಂದಾಂಸಿ, ಪರಬ್ರಹ್ಮಸ್ವರೂಪಿಣೀ ಗಾಯತ್ರೀ ದೇವತಾ, ಭೂರ್ಬೀಜಂ, ಭುವಃ ಶಕ್ತಿಃ, ಸ್ವಃ ಕೀಲಕಂ, ಶ್ರೀಗಾಯತ್ರೀಪ್ರೀತ್ಯರ್ಥೇ ಜಪೇ ವಿನಿಯೋಗಃ ॥
ಋಷ್ಯಾದಿನ್ಯಾಸಃ –
ಓಂ ಬ್ರಹ್ಮವಿಷ್ಣುರುದ್ರ ಋಷಿಭ್ಯೋ ನಮಃ ಶಿರಸಿ ।
ಋಗ್ಯಜುಃಸಾಮಾಥರ್ವಚ್ಛಂದೋಭ್ಯೋ ನಮಃ ಮುಖೇ ।
ಪರಬ್ರಹ್ಮಸ್ವರೂಪಿಣೀ ಗಾಯತ್ರೀದೇವತಾಯೈ ನಮಃ ಹೃದಿ ।
ಭೂಃ ಬೀಜಾಯ ನಮಃ ಗುಹ್ಯೇ ।
ಭುವಃ ಶಕ್ತಯೇ ನಮಃ ಪಾದಯೋಃ ।
ಸ್ವಃ ಕೀಲಕಾಯ ನಮಃ ನಾಭೌ ।
ವಿನಿಯೋಗಾಯ ನಮಃ ಸರ್ವಾಂಗೇ ।
ಕರನ್ಯಾಸಃ –
ಓಂ ಭೂರ್ಭುವಃ ಸ್ವಃ ತತ್ಸವಿತುರಿತಿ ಅಂಗುಷ್ಠಾಭ್ಯಾಂ ನಮಃ ।
ಓಂ ಭೂರ್ಭುವಃ ಸ್ವಃ ವರೇಣ್ಯಮಿತಿ ತರ್ಜನೀಭ್ಯಾಂ ನಮಃ ।
ಓಂ ಭೂರ್ಭುವಃ ಸ್ವಃ ಭರ್ಗೋ ದೇವಸ್ಯೇತಿ ಮಧ್ಯಮಾಭ್ಯಾಂ ನಮಃ ।
ಓಂ ಭೂರ್ಭುವಃ ಸ್ವಃ ಧೀಮಹೀತಿ ಅನಾಮಿಕಾಭ್ಯಾಂ ನಮಃ ।
ಓಂ ಭೂರ್ಭುವಃ ಸ್ವಃ ಧಿಯೋ ಯೋ ನಃ ಇತಿ ಕನಿಷ್ಠಿಕಾಭ್ಯಾಂ ನಮಃ ।
ಓಂ ಭೂರ್ಭುವಃ ಸ್ವಃ ಪ್ರಚೋದಯಾದಿತಿ ಕರತಲ ಕರಪೃಷ್ಠಾಭ್ಯಾಂ ನಮಃ ॥
ಅಂಗನ್ಯಾಸಃ –
ಓಂ ಭೂರ್ಭುವಃ ಸ್ವಃ ತತ್ಸವಿತುರಿತಿ ಹೃದಯಾಯ ನಮಃ ।
ಓಂ ಭೂರ್ಭುವಃ ಸ್ವಃ ವರೇಣ್ಯಮಿತಿ ಶಿರಸೇ ಸ್ವಾಹಾ ।
ಓಂ ಭೂರ್ಭುವಃ ಸ್ವಃ ಭರ್ಗೋ ದೇವಸ್ಯೇತಿ ಶಿಖಾಯೈ ವಷಟ್ ।
ಓಂ ಭೂರ್ಭುವಃ ಸ್ವಃ ಧೀಮಹೀತಿ ಕವಚಾಯ ಹುಂ ।
ಓಂ ಭೂರ್ಭುವಃ ಸ್ವಃ ಧಿಯೋ ಯೋ ನಃ ಇತಿ ನೇತ್ರತ್ರಯಾಯ ವೌಷಟ್ ।
ಓಂ ಭೂರ್ಭುವಃ ಸ್ವಃ ಪ್ರಚೋದಯಾದಿತಿ ಅಸ್ತ್ರಾಯ ಫಟ್ ॥
ಪ್ರಾರ್ಥನಾ –
ವರ್ಣಾಸ್ತ್ರಾಂ ಕುಂಡಿಕಾಹಸ್ತಾಂ ಶುದ್ಧನಿರ್ಮಲಜ್ಯೋತಿಷೀಂ ।
ಸರ್ವತತ್ತ್ವಮಯೀಂ ವಂದೇ ಗಾಯತ್ರೀಂ ವೇದಮಾತರಂ ॥
ಅಥ ಧ್ಯಾನಂ –
ಮುಕ್ತಾವಿದ್ರುಮಹೇಮನೀಲಧವಲಚ್ಛಾಯೈರ್ಮುಖೈಸ್ತ್ರೀಕ್ಷಣೈ-
-ರ್ಯುಕ್ತಾಮಿಂದುನಿಬದ್ಧರತ್ನಮುಕುಟಾಂ ತತ್ತ್ವಾರ್ಥವರ್ಣಾತ್ಮಿಕಾಂ ।
ಗಾಯತ್ರೀಂ ವರದಾಭಯಾಂಕುಶಕಶಾಂ ಶೂಲಂ ಕಪಾಲಂ ಗುಣಂ
ಶಂಖಂ ಚಕ್ರಮಥಾರವಿಂದಯುಗಲಂ ಹಸ್ತೈರ್ವಹಂತೀಂ ಭಜೇ ॥
ಅಥ ಕವಚಂ –
ಓಂ ಗಾಯತ್ರೀ ಪೂರ್ವತಃ ಪಾತು ಸಾವಿತ್ರೀ ಪಾತು ದಕ್ಷಿಣೇ ।
ಬ್ರಹ್ಮವಿದ್ಯಾ ಚ ಮೇ ಪಶ್ಚಾದುತ್ತರೇ ಮಾಂ ಸರಸ್ವತೀ ॥ 1 ॥
ಪಾವಕೀಂ ಮೇ ದಿಶಂ ರಕ್ಷೇತ್ಪಾವಕೋಜ್ಜ್ವಲಶಾಲಿನೀ ।
ಯಾತುಧಾನೀಂ ದಿಶಂ ರಕ್ಷೇದ್ಯಾತುಧಾನಗಣಾರ್ದಿನೀ ॥ 2 ॥
ಪಾವಮಾನೀಂ ದಿಶಂ ರಕ್ಷೇತ್ಪವಮಾನವಿಲಾಸಿನೀ ।
ದಿಶಂ ರೌದ್ರೀಮವತು ಮೇ ರುದ್ರಾಣೀ ರುದ್ರರೂಪಿಣೀ ॥ 3 ॥
ಊರ್ಧ್ವಂ ಬ್ರಹ್ಮಾಣೀ ಮೇ ರಕ್ಷೇದಧಸ್ತಾದ್ವೈಷ್ಣವೀ ತಥಾ ।
ಏವಂ ದಶ ದಿಶೋ ರಕ್ಷೇತ್ ಸರ್ವತೋ ಭುವನೇಶ್ವರೀ ॥ 4 ॥
ಬ್ರಹ್ಮಾಸ್ತ್ರಸ್ಮರಣಾದೇವ ವಾಚಾಂ ಸಿದ್ಧಿಃ ಪ್ರಜಾಯತೇ ।
ಬ್ರಹ್ಮದಂಡಶ್ಚ ಮೇ ಪಾತು ಸರ್ವಶಸ್ತ್ರಾಸ್ತ್ರಭಕ್ಷಕಃ ॥ 5 ॥
ಬ್ರಹ್ಮಶೀರ್ಷಸ್ತಥಾ ಪಾತು ಶತ್ರೂಣಾಂ ವಧಕಾರಕಃ ।
ಸಪ್ತ ವ್ಯಾಹೃತಯಃ ಪಾಂತು ಸರ್ವದಾ ಬಿಂದುಸಮ್ಯುತಃ ॥ 6 ॥
ವೇದಮಾತಾ ಚ ಮಾಂ ಪಾತು ಸರಹಸ್ಯಾ ಸದೈವತಾ ।
ದೇವೀಸೂಕ್ತಂ ಸದಾ ಪಾತು ಸಹಸ್ರಾಕ್ಷರದೇವತಾ ॥ 7 ॥
ಚತುಃಷಷ್ಟಿಕಲಾ ವಿದ್ಯಾ ದಿವ್ಯಾದ್ಯಾ ಪಾತು ದೇವತಾ ।
ಬೀಜಶಕ್ತಿಶ್ಚ ಮೇ ಪಾತು ಪಾತು ವಿಕ್ರಮದೇವತಾ ॥ 8 ॥
ತತ್ಪದಂ ಪಾತು ಮೇ ಪಾದೌ ಜಂಘೇ ಮೇ ಸವಿತುಃ ಪದಂ ।
ವರೇಣ್ಯಂ ಕಟಿದೇಶಂ ತು ನಾಭಿಂ ಭರ್ಗಸ್ತಥೈವ ಚ ॥ 9 ॥
ದೇವಸ್ಯ ಮೇ ತು ಹೃದಯಂ ಧೀಮಹೀತಿ ಗಲಂ ತಥಾ ।
ಧಿಯೋ ಮೇ ಪಾತು ಜಿಹ್ವಾಯಾಂ ಯಃ ಪದಂ ಪಾತು ಲೋಚನೇ ॥ 10 ॥
ಲಲಾಟೇ ನಃ ಪದಂ ಪಾತು ಮೂರ್ಧಾನಂ ಮೇ ಪ್ರಚೋದಯಾತ್ ।
ತದ್ವರ್ಣಃ ಪಾತು ಮೂರ್ಧಾನಂ ಸಕಾರಃ ಪಾತು ಫಾಲಕಂ ॥ 11 ॥
ಚಕ್ಷುಷೀ ಮೇ ವಿಕಾರಸ್ತು ಶ್ರೋತ್ರಂ ರಕ್ಷೇತ್ತು ಕಾರಕಃ ।
ನಾಸಾಪುಟೇ ವಕಾರೋ ಮೇ ರೇಕಾರಸ್ತು ಕಪೋಲಯೋಃ ॥ 12 ॥
ಣಿಕಾರಸ್ತ್ವಧರೋಷ್ಠೇ ಚ ಯಕಾರಸ್ತೂರ್ಧ್ವ ಓಷ್ಠಕೇ ।
ಆಸ್ಯಮಧ್ಯೇ ಭಕಾರಸ್ತು ರ್ಗೋಕಾರಸ್ತು ಕಪೋಲಯೋಃ ॥ 13 ॥
ದೇಕಾರಃ ಕಂಠದೇಶೇ ಚ ವಕಾರಃ ಸ್ಕಂಧದೇಶಯೋಃ ।
ಸ್ಯಕಾರೋ ದಕ್ಷಿಣಂ ಹಸ್ತಂ ಧೀಕಾರೋ ವಾಮಹಸ್ತಕಂ ॥ 14 ॥
ಮಕಾರೋ ಹೃದಯಂ ರಕ್ಷೇದ್ಧಿಕಾರೋ ಜಠರಂ ತಥಾ ।
ಧಿಕಾರೋ ನಾಭಿದೇಶಂ ತು ಯೋಕಾರಸ್ತು ಕಟಿದ್ವಯಂ ॥ 15 ॥
ಗುಹ್ಯಂ ರಕ್ಷತು ಯೋಕಾರ ಊರೂ ಮೇ ನಃ ಪದಾಕ್ಷರಂ ।
ಪ್ರಕಾರೋ ಜಾನುನೀ ರಕ್ಷೇಚ್ಚೋಕಾರೋ ಜಂಘದೇಶಯೋಃ ॥ 16 ॥
ದಕಾರೋ ಗುಲ್ಫದೇಶಂ ತು ಯಾತ್ಕಾರಃ ಪಾದಯುಗ್ಮಕಂ ।
ಜಾತವೇದೇತಿ ಗಾಯತ್ರೀ ತ್ರ್ಯಂಬಕೇತಿ ದಶಾಕ್ಷರಾ ॥ 17 ॥
ಸರ್ವತಃ ಸರ್ವದಾ ಪಾತು ಆಪೋಜ್ಯೋತೀತಿ ಷೋಡಶೀ ।
ಇದಂ ತು ಕವಚಂ ದಿವ್ಯಂ ಬಾಧಾಶತವಿನಾಶಕಂ ॥ 18 ॥
ಚತುಃಷಷ್ಟಿಕಲಾವಿದ್ಯಾಸಕಲೈಶ್ವರ್ಯಸಿದ್ಧಿದಂ ।
ಜಪಾರಂಭೇ ಚ ಹೃದಯಂ ಜಪಾಂತೇ ಕವಚಂ ಪಠೇತ್ ॥ 19 ॥
ಸ್ತ್ರೀಗೋಬ್ರಾಹ್ಮಣಮಿತ್ರಾದಿದ್ರೋಹಾದ್ಯಖಿಲಪಾತಕೈಃ ।
ಮುಚ್ಯತೇ ಸರ್ವಪಾಪೇಭ್ಯಃ ಪರಂ ಬ್ರಹ್ಮಾಧಿಗಚ್ಛತಿ ॥ 20 ॥
ಪುಷ್ಪಾಂಜಲಿಂ ಚ ಗಾಯತ್ರ್ಯಾ ಮೂಲೇನೈವ ಪಠೇತ್ಸಕೃತ್ ।
ಶತಸಾಹಸ್ರವರ್ಷಾಣಾಂ ಪೂಜಾಯಾಃ ಫಲಮಾಪ್ನುಯಾತ್ ॥ 21 ॥
ಭೂರ್ಜಪತ್ರೇ ಲಿಖಿತ್ವೈತತ್ ಸ್ವಕಂಠೇ ಧಾರಯೇದ್ಯದಿ ।
ಶಿಖಾಯಾಂ ದಕ್ಷಿಣೇ ಬಾಹೌ ಕಂಠೇ ವಾ ಧಾರಯೇದ್ಬುಧಃ ॥ 22 ॥
ತ್ರೈಲೋಕ್ಯಂ ಕ್ಷೋಭಯೇತ್ಸರ್ವಂ ತ್ರೈಲೋಕ್ಯಂ ದಹತಿ ಕ್ಷಣಾತ್ ।
ಪುತ್ರವಾನ್ ಧನವಾನ್ ಶ್ರೀಮಾನ್ ನಾನಾವಿದ್ಯಾನಿಧಿರ್ಭವೇತ್ ॥ 23 ॥
ಬ್ರಹ್ಮಾಸ್ತ್ರಾದೀನಿ ಸರ್ವಾಣಿ ತದಂಗಸ್ಪರ್ಶನಾತ್ತತಃ ।
ಭವಂತಿ ತಸ್ಯ ತುಲ್ಯಾನಿ ಕಿಮನ್ಯತ್ಕಥಯಾಮಿ ತೇ ॥ 24 ॥
ಅಭಿಮಂತ್ರಿತಗಾಯತ್ರೀಕವಚಂ ಮಾನಸಂ ಪಠೇತ್ ।
ತಜ್ಜಲಂ ಪಿಬತೋ ನಿತ್ಯಂ ಪುರಶ್ಚರ್ಯಾಫಲಂ ಭವೇತ್ ॥ 25 ॥
ಲಘುಸಾಮಾನ್ಯಕಂ ಮಂತ್ರಂ ಮಹಾಮಂತ್ರಂ ತಥೈವ ಚ ।
ಯೋ ವೇತ್ತಿ ಧಾರಣಾಂ ಯುಂಜನ್ ಜೀವನ್ಮುಕ್ತಃ ಸ ಉಚ್ಯತೇ ॥ 26 ॥
ಸಪ್ತವ್ಯಾಹೃತಯೋ ವಿಪ್ರ ಸಪ್ತಾವಸ್ಥಾಃ ಪ್ರಕೀರ್ತಿತಾಃ ।
ಸಪ್ತಜೀವಶತಾ ನಿತ್ಯಂ ವ್ಯಾಹೃತೀ ಅಗ್ನಿರೂಪಿಣೀ ॥ 27 ॥
ಪ್ರಣವೇ ನಿತ್ಯಯುಕ್ತಸ್ಯ ವ್ಯಾಹೃತೀಷು ಚ ಸಪ್ತಸು ।
ಸರ್ವೇಷಾಮೇವ ಪಾಪಾನಾಂ ಸಂಕರೇ ಸಮುಪಸ್ಥಿತೇ ॥ 28 ॥
ಶತಂ ಸಹಸ್ರಮಭ್ಯರ್ಚ್ಯ ಗಾಯತ್ರೀ ಪಾವನಂ ಮಹತ್ ।
ದಶಶತಮಷ್ಟೋತ್ತರಶತಂ ಗಾಯತ್ರೀ ಪಾವನಂ ಮಹತ್ ॥ 29 ॥
ಭಕ್ತಿಮಾನ್ಯೋ ಭವೇದ್ವಿಪ್ರಃ ಸಂಧ್ಯಾಕರ್ಮ ಸಮಾಚರೇತ್ ।
ಕಾಲೇ ಕಾಲೇ ತು ಕರ್ತವ್ಯಂ ಸಿದ್ಧಿರ್ಭವತಿ ನಾನ್ಯಥಾ ॥ 30 ॥
ಪ್ರಣವಂ ಪೂರ್ವಮುದ್ಧೃತ್ಯ ಭೂರ್ಭುವಃಸ್ವಸ್ತಥೈವ ಚ ।
ತುರ್ಯಂ ಸಹೈವ ಗಾಯತ್ರೀಜಪ ಏವಮುದಾಹೃತಂ ॥ 31 ॥
ತುರೀಯಪಾದಮುತ್ಸೃಜ್ಯ ಗಾಯತ್ರೀಂ ಚ ಜಪೇದ್ದ್ವಿಜಃ ।
ಸ ಮೂಢೋ ನರಕಂ ಯಾತಿ ಕಾಲಸೂತ್ರಮಧೋಗತಿಃ ॥ 32 ॥
ಮಂತ್ರಾದೌ ಜನನಂ ಪ್ರೋಕ್ತಂ ಮಂತ್ರಾಂತೇ ಮೃತಸೂತಕಂ ।
ಉಭಯೋರ್ದೋಷನಿರ್ಮುಕ್ತಂ ಗಾಯತ್ರೀ ಸಫಲಾ ಭವೇತ್ ॥ 33 ॥
ಮಂತ್ರಾದೌ ಪಾಶಬೀಜಂ ಚ ಮಂತ್ರಾಂತೇ ಕುಶಬೀಜಕಂ ।
ಮಂತ್ರಮಧ್ಯೇ ತು ಯಾ ಮಾಯಾ ಗಾಯತ್ರೀ ಸಫಲಾ ಭವೇತ್ ॥ 34 ॥
ವಾಚಿಕಂ ತ್ವೇಕಮೇವ ಸ್ಯಾದುಪಾಂಶು ಶತಮುಚ್ಯತೇ ।
ಸಹಸ್ರಂ ಮಾನಸಂ ಪ್ರೋಕ್ತಂ ತ್ರಿವಿಧಂ ಜಪಲಕ್ಷಣಂ ॥ 35 ॥
ಅಕ್ಷಮಾಲಾಂ ಚ ಮುದ್ರಾಂ ಚ ಗುರೋರಪಿ ನ ದರ್ಶಯೇತ್ ।
ಜಪಂ ಚಾಕ್ಷಸ್ವರೂಪೇಣಾನಾಮಿಕಾಮಧ್ಯಪರ್ವಣಿ ॥ 36 ॥
ಅನಾಮಾ ಮಧ್ಯಯಾ ಹೀನಾ ಕನಿಷ್ಠಾದಿಕ್ರಮೇಣ ತು ।
ತರ್ಜನೀಮೂಲಪರ್ಯಂತಂ ಗಾಯತ್ರೀಜಪಲಕ್ಷಣಂ ॥ 37 ॥
ಪರ್ವಭಿಸ್ತು ಜಪೇದೇವಮನ್ಯತ್ರ ನಿಯಮಃ ಸ್ಮೃತಃ ।
ಗಾಯತ್ರ್ಯಾ ವೇದಮೂಲತ್ವಾದ್ವೇದಃ ಪರ್ವಸು ಗೀಯತೇ ॥ 38 ॥
ದಶಭಿರ್ಜನ್ಮಜನಿತಂ ಶತೇನೈವ ಪುರಾ ಕೃತಂ ।
ತ್ರಿಯುಗಂ ತು ಸಹಸ್ರಾಣಿ ಗಾಯತ್ರೀ ಹಂತಿ ಕಿಲ್ಬಿಷಂ ॥ 39 ॥
ಪ್ರಾತಃ ಕಾಲೇಷು ಕರ್ತವ್ಯಂ ಸಿದ್ಧಿಂ ವಿಪ್ರೋ ಯ ಇಚ್ಛತಿ ।
ನಾದಾಲಯೇ ಸಮಾಧಿಶ್ಚ ಸಂಧ್ಯಾಯಾಂ ಸಮುಪಾಸತೇ ॥ 40 ॥
ಅಂಗುಲ್ಯಗ್ರೇಣ ಯಜ್ಜಪ್ತಂ ಯಜ್ಜಪ್ತಂ ಮೇರುಲಂಘನೇ ।
ಅಸಂಖ್ಯಯಾ ಚ ಯಜ್ಜಪ್ತಂ ತಜ್ಜಪ್ತಂ ನಿಷ್ಫಲಂ ಭವೇತ್ ॥ 41 ॥
ವಿನಾ ವಸ್ತ್ರಂ ಪ್ರಕುರ್ವೀತ ಗಾಯತ್ರೀ ನಿಷ್ಫಲಾ ಭವೇತ್ ।
ವಸ್ತ್ರಪುಚ್ಛಂ ನ ಜಾನಾತಿ ವೃಥಾ ತಸ್ಯ ಪರಿಶ್ರಮಃ ॥ 42 ॥
ಗಾಯತ್ರೀಂ ತು ಪರಿತ್ಯಜ್ಯ ಅನ್ಯಮಂತ್ರಮುಪಾಸತೇ ।
ಸಿದ್ಧಾನ್ನಂ ಚ ಪರಿತ್ಯಜ್ಯ ಭಿಕ್ಷಾಮಟತಿ ದುರ್ಮತಿಃ ॥ 43 ॥
ಋಷಿಶ್ಛಂದೋ ದೇವತಾಖ್ಯಾ ಬೀಜಶಕ್ತಿಶ್ಚ ಕೀಲಕಂ ।
ವಿನಿಯೋಗಂ ನ ಜಾನಾತಿ ಗಾಯತ್ರೀ ನಿಷ್ಫಲಾ ಭವೇತ್ ॥ 44 ॥
ವರ್ಣಮುದ್ರಾ ಧ್ಯಾನಪದಮಾವಾಹನವಿಸರ್ಜನಂ ।
ದೀಪಂ ಚಕ್ರಂ ನ ಜಾನಾತಿ ಗಾಯತ್ರೀ ನಿಷ್ಫಲಾ ಭವೇತ್ ॥ 45 ॥
ಶಕ್ತಿನ್ಯಾಸಸ್ತಥಾ ಸ್ಥಾನಂ ಮಂತ್ರಸಂಬೋಧನಂ ಪರಂ ।
ತ್ರಿವಿಧಂ ಯೋ ನ ಜಾನಾತಿ ಗಾಯತ್ರೀ ನಿಷ್ಫಲಾ ಭವೇತ್ ॥ 46 ॥
ಪಂಚೋಪಚಾರಕಾಂಶ್ಚೈವ ಹೋಮದ್ರವ್ಯಂ ತಥೈವ ಚ ।
ಪಂಚಾಂಗಂ ಚ ವಿನಾ ನಿತ್ಯಂ ಗಾಯತ್ರೀ ನಿಷ್ಫಲಾ ಭವೇತ್ ॥ 47 ॥
ಮಂತ್ರಸಿದ್ಧಿರ್ಭವೇಜ್ಜಾತು ವಿಶ್ವಾಮಿತ್ರೇಣ ಭಾಷಿತಂ ।
ವ್ಯಾಸೋ ವಾಚಸ್ಪತಿಂ ಜೀವಸ್ತುತಾ ದೇವೀ ತಪಃ ಸ್ಮೃತೌ ॥ 48 ॥
ದೇವೀ ಜಪ್ತಾ ಸಹಸ್ರಂ ಸಾ ಹ್ಯುಪಪಾತಕನಾಶಿನೀ ।
ಲಕ್ಷಜಾಪ್ಯೇ ತಥಾ ತಚ್ಚ ಮಹಾಪಾತಕನಾಶಿನೀ ॥ 49 ॥
ಕೋಟಿಜಾಪ್ಯೇನ ರಾಜೇಂದ್ರ ಯದಿಚ್ಛತಿ ತದಾಪ್ನುಯಾತ್ ।
ನ ದೇಯಂ ಪರಶಿಷ್ಯೇಭ್ಯೋ ಹ್ಯಭಕ್ತೇಭ್ಯೋ ವಿಶೇಷತಃ ।
ಶಿಷ್ಯೇಭ್ಯೋ ಭಕ್ತಿಯುಕ್ತೇಭ್ಯೋ ಹ್ಯನ್ಯಥಾ ಮೃತ್ಯುಮಾಪ್ನುಯಾತ್ ॥ 50 ॥
ಇತಿ ಶ್ರೀ ಗಾಯತ್ರೀ ಕವಚಂ ।
Recite with devotion and pure heart
Regular practice brings spiritual benefits