हैंహైHaindavamஹிહિં
📍
Font Size:
ശ്രീ ഗായത്ര്യക്ഷരവല്ലീ സ്തോത്രം
തത്കാരം ചമ്പകം പീതം ബ്രഹ്മവിഷ്ണുശിവാത്മകം ।
ശാന്തം പദ്മാസനാരൂഢം ധ്യായേത് സ്വസ്ഥാന സംസ്ഥിതം ॥ 1 ॥
സകാരം ചിന്തയേച്ഛാന്തം അതസീപുഷ്പസന്നിഭം ।
പദ്മമധ്യസ്ഥിതം കാമ്യമുപപാതകനാശനം ॥ 2 ॥
വികാരം കപിലം ചിന്ത്യം കമലാസനസംസ്ഥിതം ।
ധ്യായേച്ഛാന്തം ദ്വിജശ്രേഷ്ഠോ മഹാപാതകനാശനം ॥ 3 ॥
തുകാരം ചിന്തയേത്പ്രാജ്ഞ ഇന്ദ്രനീലസമപ്രഭം ।
നിർദഹേത്സർവദുഃഖസ്തു ഗ്രഹരോഗസമുദ്ഭവം ॥ 4 ॥
വകാരം വഹ്നിദീപ്താഭം ചിന്തയിത്വാ വിചക്ഷണഃ ।
ഭ്രൂണഹത്യാകൃതം പാപം തക്ഷണാദേവ നാശയേത് ॥ 5 ॥
രേകാരം വിമലം ധ്യായേച്ഛുദ്ധസ്ഫടികസന്നിഭം ।
പാപം നശ്യതി തത് ക്ഷിപ്രമഗമ്യാഗമനോദ്ഭവം ॥ 6 ॥
ണികാരം ചിന്തയേദ്യോഗീ വിദ്യുദ്വല്ലീസമപ്രഭം ।
അഭക്ഷ്യഭക്ഷജം പാപം തത്ക്ഷണാദേവ നശ്യതി ॥ 7 ॥
യങ്കാരം താരകാവർണമിന്ദുശേഖരഭൂഷിതം ।
യോഗിനാം വരദം ധ്യായേദ്ബ്രഹ്മഹത്യാഘനാശനം ॥ 8 ॥
ഭകാരം കൃഷ്ണവർണം തു നീലമേഘസമപ്രഭം ।
ധ്യാത്വാ പുരുഷഹത്യാദി പാപം നാശയതി ദ്വിജഃ ॥ 9 ॥
ര്ഗോകാരം രക്തവർണം തു കമലാസന സംസ്ഥിതം ।
തം ഗോഹത്യാകൃതം പാപം നാശയേച്ച വിചിന്തയൻ ॥ 10 ॥
ദേകാരം മകരശ്യാമം കമലാസനസംസ്ഥിതം ।
ചിന്തയേത്സതതം യോഗീ സ്ത്രീഹത്യാദഹനം പരം ॥ 11 ॥
വകാരം ശുക്ലവർണം തു ജാജീപുഷ്പസമപ്രഭം ।
ഗുരുഹത്യാ കൃതം പാപം ധ്യാത്വാ ദഹതി തത്ക്ഷണാത് ॥ 12 ॥
സ്യകാരം ച തദാ പീതം സുവർണ സദൃശപ്രഭം ।
മനസാ ചിന്തിതം പാപം ധ്യാത്വാ ദഹതി നിശ്ചയം ॥ 13 ॥
ധീകാരം ചിന്തയേച്ഛുഭ്രം കുന്ദപുഷ്പസമപ്രഭം ।
പിതൃമാതൃവധാത്പാപാന്മുച്യതേ നാത്ര സംശയഃ ॥ 14 ॥
മകാരം പദ്മരാഗാഭാം ചിന്തയേദ്ദീപ്തതേജസം ।
പൂർവജന്മാർജിതം പാപം തത്ക്ഷണാദേവ നശ്യതി ॥ 15 ॥
ഹികാരം ശംഖവർണം ച പൂർണചന്ദ്രസമപ്രഭം ।
അശേഷപാപദഹനം ധ്യായേന്നിത്യം വിചക്ഷണഃ ॥ 16 ॥
ധികാരം പാണ്ഡുരം ധ്യായേത്പദ്മസ്യോപരിസംസ്ഥിതം ।
പ്രതിഗ്രഹകൃതം പാപം തത്ക്ഷണാദേവ നശ്യതി ॥ 17 ॥
യോകാരം രക്തവർണം തു ഇന്ദ്രഗോപസമപ്രഭം ।
ധ്യാത്വാ പ്രാണിവധം പാപം ദഹത്യഗ്നിരിവേന്ധനം ॥ 18 ॥
ദ്വിതീയച്ചൈവ യഃ പ്രാക്തോ യോകാരോ രക്തസന്നിഭഃ ।
നിർദഹേത്സർവപാപാനി നാന്യൈഃ പാപൈശ്ച ലിപ്യതേ ॥ 19 ॥
നകാരം തു മുഖം പൂർവമാദിത്യോദയസന്നിഭം ।
സകൃദ്ധ്യാത്വാ ദ്വിജശ്രേഷ്ഠ സഗച്ഛേദൈശ്വരം പരം ॥ 20 ॥
നീലോത്പലദലശ്യാമം പ്രകാരം ദക്ഷിണാനനം ।
സകൃദ്ധ്യാത്വാ ദ്വിജശ്രേഷ്ഠ സഗച്ഛേദ്വൈഷ്ണവം പദം ॥ 21 ॥
ശ്വേതവർണം തു തത്പീതം ചോകാരം പശ്ചിമാനനം ।
സകൃദ്ധ്യാത്വാ ദ്വിജശ്രേഷ്ഠ രുദ്രേണ സഹമോദതേ ॥ 22 ॥
ശുക്ലവർണേന്ദുസങ്കാശം ദകാരം ചോത്തരാനനം ।
സകൃദ്ധ്യാത്വാ ദ്വിജശ്രേഷ്ഠ സഗച്ഛേദ്ബ്രഹ്മണഃപദം ॥ 23 ॥
യാത്കാരസ്തു ശിരഃ പ്രോക്തശ്ചതുർഥവദനപ്രഭഃ ।
പ്രത്യക്ഷ ഫലദോ ബ്രഹ്മാ വിഷ്ണു രുദ്രാത്മകഃ സ്മൃതഃ ॥ 24 ॥
ഏവം ധ്യാത്വാ തു മേധാവീ ജപം ഹോമം കരോതി യഃ ।
ന ഭവേത്പാതകം തസ്യ അമൃതം കിം ന വിദ്യതേ ।
സാക്ഷാദ്ഭവത്യസൗ ബ്രഹ്മാ സ്വയംഭൂഃ പരമേശ്വരഃ ॥ 25 ॥
ഇതി ശ്രീ ഗായത്ര്യക്ഷരവല്ലീ സ്തോത്രം ।
Recite with devotion and pure heart
Regular practice brings spiritual benefits