த்³விரத³வத³ன விஷமரத³ வரத³ ஜயேஶான ஶாந்தவரஸத³ன । ஸத³னவஸாத³ன த³யயா குரு ஸாத³னமந்தராயஸ்ய ॥ 1 ॥ இந்து³கலா கலிதாலிக ஸாலிகஶும்ப⁴த்கபோலபாலியுக³ । விகடஸ்பு²டகடதா⁴ராதா⁴ரோஸ்யஸ்ய ப்ரபஞ்சஸ்ய ॥ 2 ॥ வரபரஶுபாஶபாணே பணிதபணாயாபணாயிதோஸி யத: । ஆரூஹ்ய வஜ்ரத³ந்தம் ஆகு²ம் வித³தா⁴ஸி விபத³ந்தம் ॥ 3 ॥ லம்போ³த³ர தூ³ர்வாஸன ஶயத்⁴ருதஸாமோத³மோத³காஶனக । ஶனகைரவலோகய மாம் யமாந்தராயாபஹாரிசாருத்³ருஶா ॥ 4 ॥ ஆனந்த³துந்தி³லாகி²லவ்ருந்தா³ரகவ்ருந்த³வந்தி³தாங்க்⁴ரியுக³ । ஸுக²த்⁴ருதத³ண்ட³ரஸாலோ நாகஜ³பா⁴லோதிபா⁴ஸி விபோ⁴ ॥ 5 ॥ அக³ணேயகு³ணேஶாத்மஜ சிந்தகசிந்தாமணே க³ணேஶான । ஸ்வசரணஶரணம் கருணாவருணாலய தே³வ பாஹி மாம் தீ³னம் ॥ 6 ॥ ருசிரவசோம்ருதராவோன்னீதா நீதா தி³வம் ஸ்துதி: ஸ்பீ²தா । இதி ஷட்பதீ³ மதீ³யா க³ணபதிபாதா³ம்பு³ஜே விஶது ॥ 7 ॥ இதி சிந்தாமணிஷட்பதீ³ ॥