Ekakshara Ganapati Kavacham

namastasmai gaṇeśāya sarvavighnavināśine । kāryārambheṣu sarveṣu pūjito yaḥ surairapi ॥ 1 ॥ pārvatyuvāca – bhagavan devadeveśa lokānugrahakārakaḥ । idānīṃ śrotṛmicchāmi kavacaṃ yatprakāśitam ॥ 2 ॥ ekākṣarasya mantrasya tvayā prītena cetasā । vadaitadvidhivaddeva yadi te vallabhāsmyaham ॥ 3 ॥ īśvara uvāca – śṛṇu devi pravakṣyāmi nākhyeyamapi te dhruvam । ekākṣarasya mantrasya kavacaṃ sarvakāmadam ॥ 4 ॥ yasya smaraṇamātreṇa na vighnāḥ prabhavanti hi । trikālamekakālaṃ vā ye paṭhanti sadā narāḥ ॥ 5 ॥ teṣāṃ kvāpi bhayaṃ nāsti saṅgrāme saṅkaṭe girau । bhūtavetālarakṣobhirgrahaiścāpi na bādhyate ॥ 6 ॥ idaṃ kavacamajñātvā yo japedgaṇanāyakam । na ca siddhimāpnoti mūḍho varṣaśatairapi ॥ 7 ॥ aghoro me yathā mantro mantrāṇāmuttamottamaḥ । tathedaṃ kavacaṃ devi durlabhaṃ bhuvi mānavaiḥ ॥ 8 ॥ gopanīyaṃ prayatnena nājyeyaṃ yasya kasyacit । tava prītyā maheśāni kavacaṃ kathyate'dbhutam ॥ 9 ॥ ekākṣarasya mantrasya gaṇakaścarṣirīritaḥ । triṣṭup chandastu vighneśo devatā parikīrtitā ॥ 10 ॥ gaṃ bījaṃ śaktiroṅkāraḥ sarvakāmārthasiddhaye । sarvavighnavināśāya viniyogastu kīrtitaḥ ॥ 11 ॥ dhyānam – raktāmbhojasvarūpaṃ lasadaruṇasarojādhirūḍhaṃ trinetraṃ pāśaṃ caivāṅkuśaṃ vā varadamabhayadaṃ bāhubhirdhārayantam । śaktyā yuktaṃ gajāsyaṃ pṛthutarajaṭharaṃ nāgayajñopavītaṃ devaṃ candrārdhacūḍaṃ sakalabhayaharaṃ vighnarājaṃ namāmi ॥ 12 ॥ kavacam – gaṇeśo me śiraḥ pātu phālaṃ pātu gajānanaḥ । netre gaṇapatiḥ pātu gajakarṇaḥ śrutī mama ॥ 13 ॥ kapolau gaṇanāthastu ghrāṇaṃ gandharvapūjitaḥ । mukhaṃ me sumukhaḥ pātu cibukaṃ girijāsutaḥ ॥ 14 ॥ jihvāṃ pātu gaṇakrīḍo dantān rakṣatu durmukhaḥ । vācaṃ vināyakaḥ pātu kaṇṭhaṃ pātu madotkaṭaḥ ॥ 15 ॥ skandhau pātu gajaskandho bāhū me vighnanāśanaḥ । hastau rakṣatu herambo vakṣaḥ pātu mahābalaḥ ॥ 16 ॥ hṛdayaṃ me gaṇapatirudaraṃ me mahodaraḥ । nābhiṃ gambhīrahṛdayo pṛṣṭhaṃ pātu surapriyaḥ ॥ 17 ॥ kaṭiṃ me vikaṭaḥ pātu guhyaṃ me guhapūjitaḥ । ūru me pātu kaumāraṃ jānunī ca gaṇādhipaḥ ॥ 18 ॥ jaṅghe jayapradaḥ pātu gulphau me dhūrjaṭipriyaḥ । caraṇau durjayaḥ pātursāṅgaṃ gaṇanāyakaḥ ॥ 19 ॥ āmodo me'grataḥ pātu pramodaḥ pātu pṛṣṭhataḥ । dakṣiṇe pātu siddhīśo vāme vidyādharārcitaḥ ॥ 20 ॥ prācyāṃ rakṣatu māṃ nityaṃ cintāmaṇivināyakaḥ । āgneyyāṃ vakratuṇḍo me dakṣiṇasyāmumāsutaḥ ॥ 21 ॥ nairṛtyāṃ sarvavighneśo pātu nityaṃ gaṇeśvaraḥ । pratīcyāṃ siddhidaḥ pātu vāyavyāṃ gajakarṇakaḥ ॥ 22 ॥ kauberyāṃ sarvasiddhīśo īśānyāmīśanandanaḥ । ūrdhvaṃ vināyakaḥ pātu adho mūṣakavāhanaḥ ॥ 23 ॥ divā gokṣīradhavalaḥ pātu nityaṃ gajānanaḥ । rātrau pātu gaṇakrīḍo sandhyayo suravanditaḥ ॥ 24 ॥ pāśāṅkuśābhayakaraḥ sarvataḥ pātu māṃ sadā । grahabhūtapiśācebhyo pātu nityaṃ gaṇeśvaraḥ ॥ 25 ॥ sattvaṃ rajastamo vācaṃ buddhiṃ jñānaṃ smṛtiṃ dayām । dharmaṃ caturvidhaṃ lakṣmīṃ lajjāṃ kīrtiṃ kulaṃ vapuḥ ॥ 26 ॥ dhanadhānyagṛhāndārān putrānpautrān sakhīṃstathā । ekadanto'vatu śrīmān sarvataḥ śaṅkarātmajaḥ ॥ 27 ॥ siddhidaṃ kīrtidaṃ devi prapaṭhenniyataḥ śuciḥ । ekakālaṃ dvikālaṃ vā trikālaṃ vāpi bhaktitaḥ ॥ 28 ॥ na tasya durlabhaṃ kiñcit triṣu lokeṣu vidyate । sarvapāpavinirmukto jāyate bhuvi mānavaḥ ॥ 29 ॥ yaṃ yaṃ kāmayate martyaḥ sudurlabhamanoratham । taṃ taṃ prāpnoti sakalaṃ ṣaṇmāsānnātra saṃśayaḥ ॥ 30 ॥ mohanastambhanākarṣamāraṇoccāṭanaṃ vaśam । smaraṇādeva jāyante nātra kāryā vicāraṇā ॥ 31 ॥ sarvavighnahareddevīṃ grahapīḍānivāraṇam । sarvaśatrukṣayakaraṃ sarvāpattinivāraṇam ॥ 32 ॥ dhṛtvedaṃ kavacaṃ devi yo japenmantramuttamam । na vācyate sa vighnaughaiḥ kadācidapi kutracit ॥ 33 ॥ bhūrje likhitvā vidhivaddhārayedyo naraḥ śuciḥ । ekabāho śiraḥ kaṇṭhe pūjayitvā gaṇādhipam ॥ 34 ॥ ekākṣarasya mantrasya kavacaṃ devi durlabham । yo dhārayenmaheśāni na vighnairabhibhūyate ॥ 35 ॥ gaṇeśahṛdayaṃ nāma kavacaṃ sarvasiddhidam । paṭhedvā pāṭhayedvāpi tasya siddhiḥ kare sthitā ॥ 36 ॥ na prakāśyaṃ maheśāni kavacaṃ yatra kutracit । dātavyaṃ bhaktiyuktāya gurudevaparāya ca ॥ 37 ॥ iti śrīrudrayāmale pārvatīparameśvara saṃvāde ekākṣaragaṇapatikavacaṃ sampūrṇam ।

Recite with devotion and pure heart

Regular practice brings spiritual benefits

More stotras of Ganapati: