Sankata Nashana Ganesha Stotram

nārada uvāca –

praṇamya śirasā devaṃ gaurīputraṃ vināyakam ।

bhaktāvāsaṃ smarennityamāyuṣkāmārthasiddhaye ॥ 1 ॥

prathamaṃ vakratuṃḍaṃ ca ekadaṃtaṃ dvitīyakam ।

tṛtīyaṃ kṛṣṇapiṃgākṣaṃ gajavaktraṃ caturthakam ॥ 2 ॥

laṃbodaraṃ paṃcamaṃ ca ṣaṣṭhaṃ vikaṭameva ca ।

saptamaṃ vighnarājaṃ ca dhūmravarṇaṃ tathāṣṭamam ॥ 3 ॥

navamaṃ bhālacaṃdraṃ ca daśamaṃ tu vināyakam ।

ekādaśaṃ gaṇapatiṃ dvādaśaṃ tu gajānanam ॥ 4 ॥

dvādaśaitāni nāmāni trisaṃdhyaṃ yaḥ paṭhennaraḥ ।

na ca vighnabhayaṃ tasya sarvasiddhikaraṃ param ॥ 5 ॥

vidyārthī labhate vidyāṃ dhanārthī labhate dhanam ।

putrārthī labhate putrānmokṣārthī labhate gatim ॥ 6 ॥

japedgaṇapatistotraṃ ṣaḍbhirmāsaiḥ phalaṃ labhet ।

saṃvatsareṇa siddhiṃ ca labhate nātra saṃśayaḥ ॥ 7 ॥

aṣṭabhyo brāhmaṇebhyaśca likhitvā yaḥ samarpayet ।

tasya vidyā bhavetsarvā gaṇeśasya prasādataḥ ॥ 8 ॥

Recite with devotion and pure heart

Regular practice brings spiritual benefits