हैंహైHaindavamஹிહિં
📍
Font Size:
ശ്യാമലാ സ്തോത്രം
ജയ മാതർവിശാലാക്ഷി ജയ സംഗീതമാതൃകേ ।
ജയ മാതംഗി ചണ്ഡാലി ഗൃഹീതമധുപാത്രകേ ॥ 1 ॥
നമസ്തേഽസ്തു മഹാദേവി നമോ ഭഗവതീശ്വരി ।
നമസ്തേഽസ്തു ജഗന്മാതർജയ ശങ്കരവല്ലഭേ ॥ 2 ॥
ജയ ത്വം ശ്യാമലേ ദേവി ശുകശ്യാമേ നമോഽസ്തു തേ ।
മഹാശ്യാമേ മഹാരാമേ ജയ സർവമനോഹരേ ॥ 3 ॥
ജയ നീലോത്പലപ്രഖ്യേ ജയ സർവവശങ്കരി ।
ജയ ത്വജാത്വസംസ്തുത്യേ ലഘുശ്യാമേ നമോഽസ്തു തേ ॥ 4 ॥
നമോ നമസ്തേ രക്താക്ഷി ജയ ത്വം മദശാലിനി ।
ജയ മാതർമഹാലക്ഷ്മി വാഗീശ്വരി നമോഽസ്തു തേ ॥ 5 ॥
നമ ഇന്ദ്രാദിസംസ്തുത്യേ നമോ ബ്രഹ്മാദിപൂജിതേ ।
നമോ മരകതപ്രഖ്യേ ശംഖകുണ്ഡലശോഭിതേ ॥ 6 ॥
ജയ ത്വം ജഗദീശാനി ലോകമോഹിനി തേ നമഃ ।
നമസ്തേഽസ്തു മഹാകൃഷ്ണേ നമോ വിശ്വേശവല്ലഭേ ॥ 7 ॥
മഹേശ്വരി നമസ്തേഽസ്തു നീലാംബരസമന്വിതേ ।
നമഃ കല്യാണി കൃഷ്ണാംഗി നമസ്തേ പരമേശ്വരി ॥ 8 ॥
മഹാദേവപ്രിയകരി നമഃ സർവവശങ്കരി ।
മഹാസൗഭാഗ്യദേ നൄണാം കദംബവനവാസിനി ॥ 9 ॥
ജയ സംഗീതരസികേ വീണാഹസ്തേ നമോഽസ്തു തേ ।
ജനമോഹിനി വന്ദേ ത്വാം ബ്രഹ്മവിഷ്ണുശിവാത്മികേ ॥ 10 ॥
വാഗ്വാദിനി നമസ്തുഭ്യം സർവവിദ്യാപ്രദേ നമഃ ।
നമസ്തേ കുലദേവേശി നമോ നാരീവശങ്കരി ॥ 11 ॥
അണിമാദിഗുണാധാരേ ജയ നീലാദ്രിസന്നിഭേ ।
ശംഖപദ്മാദിസമ്യുക്തേ സിദ്ധിദേ ത്വാം ഭജാമ്യഹം ॥ 12 ॥
ജയ ത്വം വരഭൂഷാംഗി വരാംഗീം ത്വാം ഭജാമ്യഹം ।
ദേവീം വന്ദേ യോഗിവന്ദ്യേ ജയ ലോകവശങ്കരി ॥ 13 ॥
സർവാലങ്കാരസമ്യുക്തേ നമസ്തുഭ്യം നിധീശ്വരി ।
സർഗപാലനസംഹാരഹേതുഭൂതേ സനാതനി ॥ 14 ॥
ജയ മാതംഗതനയേ ജയ നീലോത്പലപ്രഭേ ।
ഭജേ ശക്രാദിവന്ദ്യേ ത്വാം ജയ ത്വം ഭുവനേശ്വരി ॥ 15 ॥
ജയ ത്വം സർവഭക്താനാം സകലാഭീഷ്ടദായിനി ।
ജയ ത്വം സർവഭദ്രാംഗീ ഭക്താഽശുഭവിനാശിനി ॥ 16 ॥
മഹാവിദ്യേ നമസ്തുഭ്യം സിദ്ധലക്ഷ്മി നമോഽസ്തു തേ ।
ബ്രഹ്മവിഷ്ണുശിവസ്തുത്യേ ഭക്താനാം സർവകാമദേ ॥ 17 ॥
മാതംഗീശ്വരവന്ദ്യേ ത്വാം പ്രസീദ മമ സർവദാ ।
ഇത്യേതച്ഛ്യാമലാസ്തോത്രം സർവകാമസമൃദ്ധിദം ॥ 18 ॥
ശുദ്ധാത്മാ പ്രജപേദ്യസ്തു നിത്യമേകാഗ്രമാനസഃ ।
സ ലഭേത്സകലാൻകാമാൻ വശീകുര്യാജ്ജഗത്ത്രയം ॥ 19 ॥
ശീഘ്രം ദാസാ ഭവന്ത്യസ്യ ദേവാ യോഗീശ്വരാദയഃ ।
രംഭോർവശ്യാദ്യപ്സരസാമവ്യയോ മദനോ ഭവേത് ॥ 20 ॥
നൃപാശ്ച മർത്യാഃ സർവേഽസ്യ സദാ ദാസാ ഭവന്തി ഹി ।
ലഭേദഷ്ടഗുണൈശ്വര്യം ദാരിദ്ര്യേണ വിമുച്യതേ ॥ 21 ॥
ശംഖാദി നിധയോ ദ്വാർസ്ഥാഃ സാന്നിധ്യം പര്യുപാസതേ ।
വ്യാചഷ്ടേ സർവശാസ്ത്രാണി സർവവിദ്യാനിധിർഭവേത് ॥ 22 ॥
വിമുക്തഃ സകലാപദ്ഭിഃ ലഭേത്സമ്പത്തിമുത്തമാം ।
മഹാപാപോപപാപൗഘൈഃ സശീഘ്രം മുച്യതേ നരഃ ॥ 23 ॥
ജാതിസ്മരത്വമാപ്നോതി ബ്രഹ്മജ്ഞാനമനുത്തമം ।
സദാശിവത്വമാപ്നോതി സോന്തേ നാത്ര വിചാരണാ ॥ 24 ॥
ഇതി ശ്രീ ശ്യാമലാ സ്തോത്രം ।
Recite with devotion and pure heart
Regular practice brings spiritual benefits