हैंహైHaindavamஹிહિં
📍
Font Size:
ശ്യാമലാ കവചം
ശ്രീ ദേവ്യുവാച ।
സാധുസാധു മഹാദേവ കഥയസ്വ മഹേശ്വര ।
യേന സമ്പദ്വിധാനേന സാധകാനാം ജയപ്രദം ॥ 1 ॥
വിനാ ജപം വിനാ ഹോമം വിനാ മന്ത്രം വിനാ നുതിം ।
യസ്യ സ്മരണമാത്രേണ സാധകോ ധരണീപതിഃ ॥ 2 ॥
ശ്രീ ഭൈരവ ഉവാച ।
ശൃണു ദേവി പ്രവക്ഷ്യാമി മാതംഗീകവചം പരം ।
ഗോപനീയം പ്രയത്നേന മൗനേന ജപമാചരേത് ॥ 3 ॥
മാതംഗീകവചം ദിവ്യം സർവരക്ഷാകരം നൃണാം ।
കവിത്വം ച മഹത്വം ച ഗജാവാജിസുതാദയഃ ॥ 4 ॥
ശുഭദം സുഖദം നിത്യമണിമാദിപ്രദായകം ।
ബ്രഹ്മവിഷ്ണുമഹേശാനാം തേഷാമാദ്യാ മഹേശ്വരീ ॥ 5 ॥
ശ്ലോകാർധം ശ്ലോകമേകം വാ യസ്തു സമ്യക്പഠേന്നരഃ ।
തസ്യ ഹസ്തേ സദൈവാസ്തേ രാജ്യലക്ഷ്മീർന സംശയഃ ॥ 6 ॥
സാധകഃ ശ്യാമലാം ധ്യായൻ കമലാസനസംസ്ഥിതഃ ।
യോനിമുദ്രാം കരേ ബധ്വാ ശക്തിധ്യാനപരായണഃ ॥ 7 ॥
കവചം തു പഠേദ്യസ്തു തസ്യ സ്യുഃ സർവസമ്പദഃ ।
പുത്രപൗത്രാദിസമ്പത്തിരന്തേ മുക്തിശ്ച ശാശ്വതീ ॥ 8 ॥
ബ്രഹ്മരന്ധ്രം സദാ പായാച്ഛ്യാമലാ മന്ത്രനായികാ ।
ലലാടം രക്ഷതാം നിത്യം കദംബേശീ സദാ മമ ॥ 9 ॥
ഭ്രുവൗ പായച്ച സുമുഖീ അവ്യാന്നേത്രേ ച വൈണികീ ।
വീണാവതീ നാസികാം ച മുഖം രക്ഷതു മന്ത്രിണീ ॥ 10 ॥
സംഗീതയോഗിനീ ദന്താൻ അവ്യാദോഷ്ഠൗ ശുകപ്രിയാ ।
ചുബുകം പാതു മേ ശ്യാമാ ജിഹ്വാം പായാന്മഹേശ്വരീ ॥ 11 ॥
കർണൗ ദേവീ സ്തനൗ കാലീ പാതു കാത്യായനീ മുഖം ।
നീപപ്രിയാ സദാ രക്ഷേദുദരം മമ സർവദാ ॥ 12 ॥
പ്രിയങ്കരീ പ്രിയവ്യാപീ നാഭിം രക്ഷതു മുദ്രിണീ ।
സ്കന്ധൗ രക്ഷതു ശർവാണീ ഭുജൗ മേ പാതു മോഹിനീ ॥ 13 ॥
കടിം പാതു പ്രധാനേശീ പാതു പാദൗ ച പുഷ്പിണീ ।
ആപാദമസ്തകം ശ്യാമാ പൂർവേ രക്ഷതു പുഷ്ടിദാ ॥ 14 ॥
ഉത്തരേ ത്രിപുരാ രക്ഷേദ്വിദ്യാ രക്ഷതു പശ്ചിമേ ।
വിജയാ ദക്ഷിണേ പാതു മേധാ രക്ഷതു ചാനലേ ॥ 15 ॥
പ്രാജ്ഞാ രക്ഷതു നൈരൃത്യാം വായവ്യാം ശുഭലക്ഷണാ ।
ഈശാന്യാം രക്ഷതാദ്ദേവീ മാതംഗീ ശുഭകാരിണീ ॥ 16 ॥
ഊർധ്വം പാതു സദാ ദേവീ ദേവാനാം ഹിതകാരിണീ ।
പാതലേ പാതു മാം നിത്യാ വാസുകീ വിശ്വരൂപിണീ ॥ 17 ॥
അകാരാദിക്ഷകാരാന്തമാതൃകാരൂപധാരിണീ ।
ആപാദമസ്തകം പായാദഷ്ടമാതൃസ്വരൂപിണീ ॥ 18 ॥
അവർഗസംഭവാ ബ്രാഹ്മീ മുഖം രക്ഷതു സർവദാ ।
കവർഗസ്ഥാ തു മാഹേശീ പാതു ദക്ഷഭുജം തഥാ ॥ 19 ॥
ചവർഗസ്ഥാ തു കൗമാരീ പായാന്മേ വാമകം ഭുജം ।
ദക്ഷപാദം സമാശ്രിത്യ ടവർഗം പാതു വൈഷ്ണവീ ॥ 20 ॥
തവർഗജന്മാ വാരാഹീ പായാന്മേ വാമപാദകം ।
തഥാ പവർഗജേന്ദ്രാണീ പാർശ്വാദീൻ പാതു സർവദാ ॥ 21 ॥
യവർഗസ്ഥാ തു ചാമുണ്ഡാ ഹൃദ്ദോർമൂലേ ച മേ തഥാ ।
ഹൃദാദിപാണിപാദാന്തജഠരാനനസഞ്ജ്ഞികം ॥ 22 ॥
ചണ്ഡികാ ച ശവർഗസ്ഥാ രക്ഷതാം മമ സർവദാ ।
വിശുദ്ധം കണ്ഠമൂലം തു രക്ഷതാത്ഷോഡശസ്വരാഃ ॥ 23 ॥
കകാരാദി ഠകാരാന്ത ദ്വാദശാർണം ഹൃദംബുജം ।
മണിപൂരം ഡാധിഫാന്ത ദശവർണസ്വരൂപിണീ ॥ 24 ॥
സ്വാധിഷ്ഠാനം തു ഷട്പത്രം ബാദിലാന്തസ്വരൂപിണീ ।
വാദിസാന്തസ്വരൂപാഽവ്യാന്മൂലാധാരം ചതുർദലം ॥ 25 ॥
ഹങ്ക്ഷാർണമാജ്ഞാ ദ്വിദലം ഭ്രുവോർമധ്യം സദാവതു ।
അകാരാദിക്ഷകാരാന്തമാതൃകാബീജരൂപിണി ॥ 26 ॥
മാതംഗീ മാം സദാ രക്ഷേദാപാദതലമസ്തകം ।
ഇമം മന്ത്രം സമുദ്ധാര്യ ധാരയേദ്വാമകേ ഭുജേ ॥ 27 ॥
കണ്ഠേ വാ ധാരയേദ്യസ്തു സ വൈ ദേവോ മഹേശ്വരഃ ।
തം ദൃഷ്ട്വാ ദേവതാഃ സർവാഃ പ്രണമന്തി സുദൂരതഃ ॥ 28 ॥
തസ്യ തേജഃ പ്രഭാവേന സമ്യഗ്ഗന്തും ന ശക്യതേ ।
ഇന്ദ്രാദീനാം ലഭേത്സത്യം ഭൂപതിർവശഗോ ഭവേത് ॥ 29 ॥
വാക്സിദ്ധിർജായതേ തസ്യ അണിമാദ്യഷ്ടസിദ്ധയഃ ।
അജ്ഞാത്വാ കവചം ദേവ്യാഃ ശ്യാമലാം യോ ജപേന്നരഃ ॥ 30 ॥
തസ്യാവശ്യം തു സാ ദേവീ യോഗിനീ ഭക്ഷയേത്തനും ।
ഇഹ ലോകേ സദാ ദുഃഖം അതോ ദുഃഖീ ഭവിഷ്യതി ॥ 31 ॥
ജന്മകോടി സദാ മൂകോ മന്ത്രസിദ്ധിർന വിദ്യതേ ।
ഗുരുപാദൗ നമസ്കൃത്യ യഥാമന്ത്രം ഭവേത്സുധീഃ ॥ 32 ॥
തഥാ തു കവചം ദേവ്യാഃ സഫലം ഗുരുസേവയാ ।
ഇഹ ലോകേ നൃപോ ഭൂത്വാ പഠേന്മുക്തോ ഭവിഷ്യതി ॥ 33 ॥
ബോധയേത്പരശിഷ്യായ ദുർജനായ സുരേശ്വരി ।
നിന്ദകായ കുശീലായ ശക്തിഹിംസാപരായ ച ॥ 34 ॥
യോ ദദാതി ന സിധ്യേത മാതംഗീകവചം ശുഭം ।
ന ദേയം സർവദാ ഭദ്രേ പ്രാണൈഃ കണ്ഠഗതൈരപി ॥ 35 ॥
ഗോപ്യാദ്ഗോപ്യതരം ഗോപ്യം ഗുഹ്യാദ്ഗുഹ്യതമം മഹത് ।
ദദ്യാദ്ഗുരുഃ സുശിഷ്യായ ഗുരുഭക്തിപരായ ച ।
ശിവേ നഷ്ടേ ഗുരുസ്ത്രാതാ ഗുരൗ നഷ്ടേ ന കശ്ചന ॥ 36 ॥
ഇതി ശ്രീ ശക്തിതന്ത്രമഹാർണവേ ശ്രീ ശ്യാമലാ കവചം ।
Recite with devotion and pure heart
Regular practice brings spiritual benefits