śvara uvāca । śṛṇu devi pravakṣyāmi sāmprataṃ tattvataḥ param । nāmnāṃ sahasraṃ paramaṃ sumukhyāḥ siddhaye hitam ॥ 1 ॥ sahasranāmapāṭhī yaḥ sarvatra vijayī bhavet । parābhavo na tasyāsti sabhāyāṃ vā mahāraṇe ॥ 2 ॥ yathā tuṣṭā bhaveddevī sumukhī cāsya pāṭhataḥ । tathā bhavati deveśi sādhakaḥ śiva eva saḥ ॥ 3 ॥ aśvamedhasahasrāṇi vājapeyasya koṭayaḥ । sakṛtpāṭhena jāyante prasannā sumukhī bhavet ॥ 4 ॥ mataṅgo'sya ṛṣiśchando'nuṣṭubdevī samīritā । sumukhī viniyogaḥ syātsarvasampattihetave । evaṃ dhyātvā paṭhedetadyadīcchetsiddhimātmanaḥ ॥ 5 ॥ dhyānam । devīṃ ṣoḍaśavārṣikīṃ śavagatāṃ mādhvīrasāghūrṇitāṃ śyāmāṅgīmaruṇāmbarāṃ pṛthukucāṃ guñjāvalīśobhitām । hastābhyāṃ dadhatīṃ kapālamamalaṃ tīkṣṇāṃ tathā kartrikāṃ dhyāyenmānasapaṅkaje bhagavatīmucchiṣṭacāṇḍālinīm ॥ 1 ॥ stotram । oṃ sumukhī śemuṣī sevyā surasā śaśiśekharā । samānāsyā sādhanī ca samastasurasammukhī ॥ 2 ॥ sarvasampattijananī sampadā sindhusevinī । śambhusīmantinī saumyā samārādhyā sudhārasā ॥ 3 ॥ sāraṅgā savalī velā lāvaṇyavanamālinī । vanajākṣī vanacarī vanī vanavinodinī ॥ 4 ॥ veginī vegadā vegā bagalasthā balādhikā । kālī kālapriyā kelī kamalā kālakāminī ॥ 5 ॥ kamalā kamalasthā ca kamalasthā kalāvatī । kulīnā kuṭilā kāntā kokilā kalabhāṣiṇī ॥ 6 ॥ kīrā kelikarā kālī kapālinyapi kālikā । keśinī ca kuśāvartā kauśāmbhī keśavapriyā ॥ 7 ॥ kālī kāśī mahākālasaṅkāśā keśadāyinī । kuṇḍalā ca kulasthā ca kuṇḍalāṅgadamaṇḍitā ॥ 8 ॥ kuṇḍapadmā kumudinī kumudaprītivardhinī । kuṇḍapriyā kuṇḍaruciḥ kuraṅganayanākulā ॥ 9 ॥ kundabimbālinadinī kusumbhakusumākarā । kāñcī kanakaśobhāḍhyā kvaṇatkiṅkiṇikākaṭiḥ ॥ 10 ॥ kaṭhorakaraṇā kāṣṭhā kaumudī kaṇḍavatyapi । kapardinī kapaṭinī kaṭhinī kalakaṇḍinī ॥ 11 ॥ kīrahastā kumārī ca kurūḍhakusumapriyā । kuñjarasthā kujaratā kumbhī kumbhastanī kalā ॥ 12 ॥ kumbhīkāṅgā karabhorūḥ kadalīkuśaśāyinī । kupitā koṭarasthā ca kaṅkālī kandalālayā ॥ 13 ॥ kapālavāsinī keśī kampamānaśiroruhā । kādambarī kadambasthā kuṅkumapremadhāriṇī ॥ 14 ॥ kuṭumbinī kṛpāyuktā kratuḥ kratukarapriyā । kātyāyanī kṛttikā ca kārtikī kuśavartinī ॥ 15 ॥ kāmapatnī kāmadātrī kāmeśī kāmavanditā । kāmarūpā kāmaratiḥ kāmākhyā jñānamohinī ॥ 16 ॥ khaḍginī khecarī khañjā khañjarīṭekṣaṇā khagā । kharagā kharanādā ca kharasthā khelanapriyā ॥ 17 ॥ kharāṃśuḥ khelinī khaṭvā kharā khaṭvāṅgadhāriṇī । kharakhaṇḍinyapi khyātiḥ khaṇḍitā khaṇḍanapriyā ॥ 18 ॥ khaṇḍapriyā khaṇḍakhādyā khaṇḍasindhuśca khaṇḍinī । gaṅgā godāvarī gaurī gautamyapi ca gomatī ॥ 19 ॥ gaṅgā gayā gaganagā gāruḍī garuḍadhvajā । gītā gītapriyā geyā guṇaprītirgururgirī ॥ 20 ॥ gaurgaurī gaṇḍasadanā gokulā gopratāriṇī । goptā govindinī gūḍhā gūḍhavigrastaguñjinī ॥ 21 ॥ gajagā gopinī gopī gokṣā jayapriyā gaṇā । giribhūpāladuhitā gogā gokulavāsinī ॥ 22 ॥ ghanastanī ghanarucirghanorurghananiḥsvanā । ghuṅkāriṇī ghukṣakarī ghūghūkaparivāritā ॥ 23 ॥ ghaṇṭānādapriyā ghaṇṭā ghoṭā ghoṭakavāhinī । ghorarūpā ca ghorā ca ghṛtaprītirghṛtāñjanī ॥ 24 ॥ ghṛtācī ghṛtavṛṣṭiśca ghaṇṭāghaṭaghaṭāvṛtā । ghaṭasthā ghaṭanā ghātakarī ghātanivāriṇī ॥ 25 ॥ cañcarīkī cakorī ca cāmuṇḍā cīradhāriṇī । cāturī capalā cañcuścitā cintāmaṇisthitā ॥ 26 ॥ cāturvarṇyamayī cañcuścorācāryā camatkṛtiḥ । cakravartivadhūścitrā cakrāṅgī cakramodinī ॥ 27 ॥ cetaścarī cittavṛttiścetanā cetanapriyā । cāpinī campakaprītiścaṇḍā caṇḍālavāsinī ॥ 28 ॥ cirañjīvinī taccittā ciñcāmūlanivāsinī । churikā chatramadhyasthā chindā chindakarī chidā ॥ 29 ॥ chucchundarī chalaprītiśchucchundarinibhasvanā । chalinī chatradā chinnā chiṇṭicchedakarī chaṭā ॥ 30 ॥ chadminī chāndasī chāyā charucchandakarītyapi । jayadājayadā jātī jāyinī jāmalā jatuḥ ॥ 31 ॥ jambūpriyā jīvanasthā jaṅgamā jaṅgamapriyā । japāpuṣpapriyā japyā jagajjīvā jagajjaniḥ ॥ 32 ॥ jagajjantupradhānā ca jagajjīvaparā javā । jātipriyā jīvanasthā jīmūtasadṛśīruciḥ ॥ 33 ॥ janyā janahitā jāyā janmabhūrjambhasī jabhūḥ । jayadā jagadāvāsā jāyinī jvarakṛcchrajit ॥ 34 ॥ japā ca japatī japyā japārhā jāyinī janā । jālandharamayī jānurjālaukā jāpyabhūṣaṇā ॥ 35 ॥ jagajjīvamayī jīvā jaratkārurjanapriyā । jagatījananiratā jagacchobhākarī javā ॥ 36 ॥ jagatītrāṇakṛjjaṅghā jātīphalavinodinī । jātīpuṣpapriyā jvālā jātihā jātirūpiṇī ॥ 37 ॥ jīmūtavāhanarucirjīmūtā jīrṇavastrakṛt । jīrṇavastradharā jīrṇā jvalatī jālanāśinī ॥ 38 ॥ jagatkṣobhakarī jātirjagatkṣobhavināśinī । janāpavādā jīvā ca jananīgṛhavāsinī ॥ 39 ॥ janānurāgā jānusthā jalavāsā jalārtikṛt । jalajā jalavelā ca jalacakranivāsinī ॥ 40 ॥ jalamuktā jalārohā jalasā jalajekṣaṇā । jalapriyā jalaukā ca jalaśobhāvatī tathā ॥ 41 ॥ jalavisphūrjitavapurjvalatpāvakaśobhinī । jhiñjhā jhillamayī jhiñjhājhaṇatkārakarī jayā ॥ 42 ॥ jhañjhī jhampakarī jhampā jhampatrāsanivāriṇī । ṭaṅkārasthā ṭaṅkakarī ṭaṅkārakaraṇāṃhasā ॥ 43 ॥ ṭaṅkāroṭṭakṛtaṣṭhīvā ḍiṇḍīravasanāvṛtā । ḍākinī ḍāmarī caiva ḍiṇḍimadhvaninādinī ॥ 44 ॥ ḍakāraniḥsvanarucistapinī tāpinī tathā । taruṇī tundilā tundā tāmasī ca tamaḥpriyā ॥ 45 ॥ tāmrā tāmravatī tantustundilā tulasambhavā । tulākoṭisuvegā ca tulyakāmā tulāśrayā ॥ 46 ॥ tudanī tunanī tumbī tulākālā tulāśravā । tumulā tulajā tulyā tulādānakarī tathā ॥ 47 ॥ tulyavegā tulyagatistulākoṭininādinī । tāmroṣṭhā tāmraparṇī ca tamaḥsaṅkṣobhakāriṇī ॥ 48 ॥ tvaritā jvarahā tīrā tārakeśī tamālinī । tamodānavatī tāmratālasthānavatī tamī ॥ 49 ॥ tāmasī ca tamisrā ca tīvrā tīvraparākramā । taṭasthā tilatailāktā taruṇī tapanadyutiḥ ॥ 50 ॥ tilottamā ca tilakṛttārakādhīśaśekharā । tilapuṣpapriyā tārā tārakeśī kuṭumbinī ॥ 51 ॥ sthāṇupatnī sthirakarī sthūlasampadvivardhinī । sthitiḥ sthairyasthaviṣṭhā ca sthapatiḥ sthūlavigrahā ॥ 52 ॥ sthūlasthalavatī sthālī sthalasaṅgavivardhinī । daṇḍinī dantinī dāmā daridrā dīnavatsalā ॥ 53 ॥ devī devavadhūrdityā dāminī devabhūṣaṇā । dayā damavatī dīnavatsalā dāḍimastanī ॥ 54 ॥ devamūrtikarā daityā dāriṇī devatānatā । dolākrīḍā dayāluśca dampatī devatāmayī ॥ 55 ॥ daśādīpasthitā doṣā doṣahā doṣakāriṇī । durgā durgārtiśamanī durgamyā durgavāsinī ॥ 56 ॥ durgandhanāśinī duḥsthā duḥkhapraśamakāriṇī । durgandhā dundubhidhvāntā dūrasthā dūravāsinī ॥ 57 ॥ daradā daradātrī ca durvyādhadayitā damī । dhurandharā dhurīṇā ca dhaureyī dhanadāyinī ॥ 58 ॥ dhīrāravā dharitrī ca dharmadā dhīramānasā । dhanurdharā ca dhamanī dhamanīdhūrtavigrahā ॥ 59 ॥ dhūmravarṇā dhūmrapānā dhūmalā dhūmamodinī । nandinīnandinī nandā nandinī nandabālikā ॥ 60 ॥ navīnā narmadā narmanamirniyamaniḥsvanā । nirmalā nigamādhārā nimnagā nagnakāminī ॥ 61 ॥ nīlā niratnā nirvāṇā nirlobhā nirguṇā natiḥ । nīlagrīvā nirīhā ca nirañjanajanānavā ॥ 62 ॥ nirguṇḍikā ca nirguṇḍā nirnāsā nāsikābhidhā । patākinī patākā ca patraprītiḥ payasvinī ॥ 63 ॥ pīnā pīnastanī patnī pavanāśā niśāmayī । parā paraparā kālī pārakṛtyabhujapriyā ॥ 64 ॥ pavanasthā ca pavanā pavanaprītivardhinī । paśuvṛddhikarī puṣpapoṣikā puṣṭivardhinī ॥ 65 ॥ puṣpiṇī pustakakarā pūrṇimā'talavāsinī । peśī pāśakarī pāśā pāṃśuhā pāṃśulā paśuḥ ॥ 66 ॥ paṭuḥ parāśā paraśudhāriṇī pāśinī tathā । pāpaghnī patipatnī ca patitā patitāpanī ॥ 67 ॥ piśācī ca piśācaghnī piśitāśanatoṣiṇī । pānadā pānapātrī ca pānadānakarodyatā ॥ 68 ॥ peyā prasiddhā pīyūṣā pūrṇā pūrṇamanorathā । pataṅgābhā pataṅgā ca paunaḥpunyamivāparā ॥ 69 ॥ paṅkilā paṅkamagnā ca pānīyā pañjarasthitā । pañcamī pañcayajñā ca pañcatā pañcamapriyā ॥ 70 ॥ picumandā puṇḍarīkā pikī piṅgalalocanā । priyaṅgumañjarī piṇḍī paṇḍitā pāṇḍuraprabhā ॥ 71 ॥ pretāsanā priyālasthā pāṇḍughnī pīnasāpahā । phalinī phaladātrī ca phalaśrīḥ phalabhūṣaṇā ॥ 72 ॥ phūtkārakāriṇī sphārī phullā phullāmbujānanā । sphuliṅgahā sphītamatiḥ sphītakīrtikarī tathā ॥ 73 ॥ balamāyā balārātirbalinī balavardhinī । veṇuvādyā vanacarī virañcijanayitryapi ॥ 74 ॥ vidyāpradā mahāvidyā bodhinī bodhadāyinī । buddhamātā ca buddhā ca vanamālāvatī varā ॥ 75 ॥ varadā vāruṇī vīṇā vīṇāvādanatatparā । vinodinī vinodasthā vaiṣṇavī viṣṇuvallabhā ॥ 76 ॥ vaidyā vaidyacikitsā ca vivaśā viśvaviśrutā । vidyaughavihvalā velā vittadā vigatajvarā ॥ 77 ॥ virāvā vivarīkārā bimboṣṭhī bimbavatsalā । vindhyasthā varavandyā ca vīrasthānavarā ca vit ॥ 78 ॥ vedāntavedyā vijayā vijayā vijayapradā । virogīvandinī vandhyā vandyabandhanivāriṇī ॥ 79 ॥ bhaginī bhagamālā ca bhavānī bhavanāśinī । bhīmā bhīmānanābhīmā bhaṅgurā bhīmadarśanā ॥ 80 ॥ bhillī bhilladharā bhīrurbharuṇḍā bhīrbhayāvahā । bhagasarpiṇyapi bhagā bhagarūpā bhagālayā ॥ 81 ॥ bhagāsanā bhagābhogā bherījhaṅkārarañjitā । bhīṣaṇā bhīṣaṇārāvā bhagavatyahibhūṣaṇā ॥ 82 ॥ bhāradvājā bhogadātrī bhūtighnī bhūtibhūṣaṇā । bhūmidā bhūmidātrī ca bhūpatirbharadāyinī ॥ 83 ॥ bhramarī bhrāmarī bhālā bhūpālakulasaṃsthitā । mātā manoharā māyā māninī mohinī mahī ॥ 84 ॥ mahālakṣmīrmadakṣībā madirā madirālayā । madoddhatā mataṅgasthā mādhavī madhumardinī ॥ 85 ॥ modā modakarī medhā medhyā madhyādhipasthitā । madyapā māṃsalomasthā modinī maithunodyatā ॥ 86 ॥ mūrdhāvatī mahāmāyā māyāmahimamandirā । mahāmālā mahāvidyā mahāmārī maheśvarī ॥ 87 ॥ mahādevavadhūrmānyā mathurā merumaṇḍitā । medasvinī milindākṣī mahiṣāsuramardinī ॥ 88 ॥ maṇḍalasthā bhagasthā ca madirārāgagarvitā । mokṣadā muṇḍamālā ca mālā mālāvilāsinī ॥ 89 ॥ mātaṅginī ca mātaṅgī mātaṅgatanayāpi ca । madhusravā madhurasā bandhūkakusumapriyā ॥ 90 ॥ yāminī yāminīnāthabhūṣā yāvakarañjitā । yavāṅkurapriyā yāmā yavanī yavanārdinī ॥ 91 ॥ yamaghnī yamakalpā ca yajamānasvarūpiṇī । yajñā yajñayajuryakṣī yaśoniṣkampakāriṇī ॥ 92 ॥ yakṣiṇī yakṣajananī yaśodāyāsadhāriṇī । yaśaḥsūtrapadā yāmā yajñakarmakarītyapi ॥ 93 ॥ yaśasvinī yakārasthā yūpastambhanivāsinī । rañjitā rājapatnī ca ramā rekhā ravīraṇā ॥ 94 ॥ rajovatī rajaścitrā rañjanī rajanīpatiḥ । rogiṇī rajanī rājño rājyadā rājyavardhinī ॥ 95 ॥ rājanvatī rājanītistathā rajatavāsinī । ramaṇī ramaṇīyā ca rāmā rāmāvatī ratiḥ ॥ 96 ॥ retoratī ratotsāhā rogaghnī rogakāriṇī । raṅgā raṅgavatī rāgā rāgajñā rāgakṛddayā ॥ 97 ॥ rāmikā rajakī revā rajanī raṅgalocanā । raktacarmadharā raṅgī raṅgasthā raṅgavāhinī ॥ 98 ॥ ramā rambhāphalaprītī rambhorū rāghavapriyā । raṅgā raṅgāṅgamadhurā rodasī ca mahāravā ॥ 99 ॥ rogakṛdrogahantrī ca rogabhṛdrogasrāviṇī । vandī vandistutā bandhurbandhūkakusumādharā ॥ 100 ॥ vanditā vandyamānā ca vaidrāvī vedavidvidhā । vikopā vikapālā ca vikasthā viṅkavatsalā ॥ 101 ॥ vedirvilagnalagnā ca vidhiviṅkakarī vidhā । śaṅkhinī śaṅkhavalayā śaṅkhamālāvatī śamī ॥ 102 ॥ śaṅkhapātrāśinī śaṅkhasvanā śaṅkhagalā śaśī । śabarī śāmbarī śambhuḥ śambhukeśā śarāsinī ॥ 103 ॥ śavā śyenavatī śyāmā śyāmāṅgī śyāmalocanā । śmaśānasthā śmaśānā ca śmaśānasthānabhūṣaṇā ॥ 104 ॥ śamadā śamahantrī ca śaṅkhinī śaṅkharoṣaṇā । śāntiḥ śāntipradā śeṣā śeṣākhyā śeṣaśāyinī ॥ 105 ॥ śemuṣī śoṣiṇī śeṣā śauryā śauryaśarā śarī । śāpadā śāpahā śāpā śāpapanthāḥ sadāśivā ॥ 106 ॥ śṛṅgiṇī śṛṅgipalabhuk śaṅkarī śāṅkarī śivā । śavasthā śavabhuk śāntā śavakarṇā śavodarī ॥ 107 ॥ śāvinī śavaśiṃśāśrīḥ śavā ca śavaśāyinī । śavakuṇḍalinī śaivā śīkarā śiśirāśanā ॥ 108 ॥ śavakāñcī śavaśrīkā śavamālā śavākṛtiḥ । sravantī saṅkucā śaktiḥ śantanuḥ śavadāyinī ॥ 109 ॥ sindhuḥ sarasvatī sindhuḥ sundarī sundarānanā । sādhuḥ siddhipradātrī ca siddhā siddhasarasvatī ॥ 110 ॥ santatiḥ sampadā saṃvicchaṅkisampattidāyinī । sapatnī sarasā sārā sārasvatakarī sudhā ॥ 111 ॥ surā samāṃsāśanā ca samārādhyā samastadā । samadhīḥ sāmadā sīmā sammohā samadarśanā ॥ 112 ॥ sāmatiḥ sāmadā sīmā sāvitrī savidhā satī । savanā savanāsārā savarā sāvarā samī ॥ 113 ॥ simarā satatā sādhvī sadhrīcī sasahāyinī । haṃsī haṃsagatirhaṃsī haṃsojjvalanicolayuk ॥ 114 ॥ halinī hālinī hālā halaśrīrharavallabhā । halā halavatī hyeṣā helā harṣavivardhinī ॥ 115 ॥ hantirhantā hayā hāhāhatā'hantātikāriṇī । haṅkārī haṅkṛtirhaṅkā hīhīhāhāhitā hitā ॥ 116 ॥ hītirhemapradā hārārāviṇī harisammatā । horā hotrī holikā ca homā homahavirhaviḥ ॥ 117 ॥ hariṇī hariṇīnetrā himācalanivāsinī । lambodarī lambakarṇā lambikā lambavigrahā ॥ 118 ॥ līlā līlāvatī lolā lalanā lalitā latā । lalāmalocanā lobhyā lolākṣī satkulālayā ॥ 119 ॥ lapatnī lapatī lamyā lopāmudrā lalantikā । latikā laṅghinī laṅghā lālimā laghumadhyamā ॥ 120 ॥ laghīyasī laghūdaryā lūtā lūtāvināśinī । lomaśā lomalambī ca lalantī ca lulumpatī ॥ 121 ॥ lulāyasthā ca laharī laṅkāpurapurandarā । lakṣmīrlakṣmīpradā labhyā lākṣākṣī lulitaprabhā ॥ 122 ॥ kṣaṇā kṣaṇakṣuḥ kṣutkṣiṇī kṣamā kṣāntiḥ kṣamāvatī । kṣāmā kṣāmodarī kṣemyā kṣaumabhṛtkṣatriyāṅganā ॥ 123 ॥ kṣayā kṣayākarī kṣīrā kṣīradā kṣīrasāgarā । kṣemaṅkarī kṣayakarī kṣayakṛtkṣayadā kṣatiḥ ॥ 124 ॥ kṣudrikā'kṣudrikā kṣudrā kṣutkṣamā kṣīṇapātakā । mātuḥ sahasranāmedaṃ sumukhyāḥ siddhidāyakam ॥ 125 ॥ yaḥ paṭhetprayato nityaṃ sa eva syānmaheśvaraḥ । anācārātpaṭhennityaṃ daridro dhanavānbhavet ॥ 126 ॥ mūkaḥ syādvākpatirdevi rogī nīrogatāṃ vrajet । putrārthī putramāpnoti triṣu lokeṣu viśrutam ॥ 127 ॥ vandhyāpi sūte satputraṃ viduṣaḥ sadṛśaṃ guroḥ । satyaṃ ca bahudhā bhūyādgāvaśca bahudugdhadāḥ ॥ 128 ॥ rājānaḥ pādanamrāḥ syustasya hāsā iva sphuṭāḥ । arayaḥ saṅkṣayaṃ yānti mānasā saṃsmṛtā api ॥ 129 ॥ darśanādeva jāyante narā nāryo'pi tadvaśāḥ । kartā hartā svayaṃ vīro jāyate nātra saṃśayaḥ ॥ 130 ॥ yaṃ yaṃ kāmayate kāmaṃ taṃ taṃ prāpnoti niścitam । duritaṃ na ca tasyāsti nāsti śokaḥ kathañcana ॥ 131 ॥ catuṣpathe'rdharātre ca yaḥ paṭhetsādhakottamaḥ । ekākī nirbhayo vīro daśavāraṃ stavottamam ॥ 132 ॥ manasā cintitaṃ kāryaṃ tasya siddhyenna saṃśayaḥ । vinā sahasranāmnāṃ yo japenmantraṃ kadācana ॥ 133 ॥ na siddhirjāyate tasya kalpakoṭiśatairapi । kujavāre śmaśāne vā madhyāhne yo japetsadā ॥ 134 ॥ kṛtakṛtyaḥ sa jāyeta kartā hartā nṛṇāmiha । rogārto'rdhaniśāyāṃ yaḥ paṭhedāsanasaṃsthitaḥ ॥ 135 ॥ sadyo nīrogatāmeti yadi syānnirbhayastadā । ardharātre śmaśāne vā śanivāre japenmanum ॥ 136 ॥ aṣṭottarasahasraṃ tu daśavāraṃ japettataḥ । sahasranāma caitaddhi tadā yāti svayaṃ śivā ॥ 137 ॥ mahāpavanarūpeṇa ghoragomāyunādinī । tato yadi na bhītiḥ syāttadā dehīti vāgbhavet ॥ 138 ॥ tadā paśubaliṃ dadyātsvayaṃ gṛhṇāti caṇḍikā । yatheṣṭaṃ ca varaṃ dattvā prayāti sumukhī śivā ॥ 139 ॥ rocanāgurukastūrīkarpūraiśca sacandanaiḥ । kuṅkumena dine śreṣṭhe likhitvā bhūrjapatrake ॥ 140 ॥ śubhanakṣatrayoge ca kṛtamārutasatkriyaḥ । kṛtvā sampātanavidhiṃ dhārayeddakṣiṇe kare ॥ 141 ॥ sahasranāma svarṇasthaṃ kaṇṭhe vā vijitendriyaḥ । tadā yaṃ praṇamenmantrī kruddhaḥ sa mriyate naraḥ ॥ 142 ॥ duṣṭaśvāpadajantūnāṃ na bhīḥ kutrāpi jāyate । bālakānāmiyaṃ rakṣā garbhiṇīnāmapi priye ॥ 143 ॥ mohanastambhanākarṣamāraṇoccāṭanāni ca । yantradhāraṇato nūnaṃ jāyante sādhakasya tu ॥ 144 ॥ nīlavastre vilikhyaitattaddhvaje sthāpayedyadi । tadā naṣṭā bhavatyeva pracaṇḍāpyarivāhinī ॥ 145 ॥ etajjaptaṃ mahābhasma lalāṭe yadi dhārayet । tadvilokana eva syuḥ prāṇinastasya kiṅkarāḥ ॥ 146 ॥ rājapatnyo'pi vivaśāḥ kimanyāḥ purayoṣitaḥ । etajjaptaṃ pibettoyaṃ māsena syānmahākaviḥ ॥ 147 ॥ paṇḍitaśca mahāvādī jāyate nātra saṃśayaḥ । ayutaṃ ca paṭhet stotraṃ puraścaraṇasiddhaye ॥ 148 ॥ daśāṃśaṃ kamalairhutvā trimadhvaktairvidhānataḥ । svayamāyāti kamalā vāṇyā saha tadālaye ॥ 149 ॥ mantro niṣkīlatāmāta sumukhī sumukhī bhavet । anantaṃ ca bhavetpuṇyamapuṇyaṃ ca kṣayaṃ vrajet ॥ 150 ॥ puṣkarādiṣu tīrtheṣu snānato yatphalaṃ bhavet । tatphalaṃ labhate jantuḥ sumukhyāḥ stotrapāṭhataḥ ॥ 151 ॥ etaduktaṃ rahasyaṃ te svasarvasvaṃ varānane । na prakāśyaṃ tvayā devi yadi siddhiṃ tvamicchasi ॥ 152 ॥ prakāśanādasiddhiḥ syātkupitā sumukhī bhavet । nātaḥ parataraṃ loke siddhidaṃ prāṇināmiha ॥ 153 ॥ vande śrīsumukhīṃ prasannavadanāṃ pūrṇendubimbānanāṃ sindūrāṅkitamastakāṃ madhumadollolāṃ ca muktāvalīm । śyāmāṃ kajjalikākarāṃ karagataṃ cādhyāpayantīṃ śukaṃ guñjāpuñjavibhūṣaṇāṃ sakaruṇāmāmuktaveṇīlatām ॥ 154 ॥ iti śrī nandyāvartatantre uttarakhaṇḍe mātaṅgī sahasra nāma stotram ॥