हैंహైHaindavamஹிહિં
📍
Font Size:
ஶ்யாமலா த³ண்ட³கம்
த்⁴யானம் –
மாணிக்யவீணாமுபலாலயந்தீம்ʼ
மதா³லஸாம்ʼ மஞ்ஜுலவாக்³விலாஸாம் ।
மாஹேந்த்³ரநீலத்³யுதிகோமலாங்கீ³ம்ʼ
மாதங்க³கன்யாம்ʼ மனஸா ஸ்மராமி ॥ 1 ॥
சதுர்பு⁴ஜே சந்த்³ரகலாவதம்ʼஸே
குசோன்னதே குங்குமராக³ ஶோணே ।
புண்ட்³ரேக்ஷுபாஶாங்குஶபுஷ்பபா³ண-
-ஹஸ்தே நமஸ்தே ஜக³தே³கமாத꞉ ॥ 2 ॥
மாதா மரகதஶ்யாமா மாதங்கீ³ மத³ஶாலினீ ।
குர்யாத்கடாக்ஷம்ʼ கல்யாணீ கத³ம்ப³வனவாஸினீ ॥ 3 ॥
ஜய மாதங்க³தனயே ஜய நீலோத்பலத்³யுதே ।
ஜய ஸங்கீ³தரஸிகே ஜய லீலாஶுகப்ரியே ॥ 4 ॥
த³ண்ட³கம் –
ஜய ஜனனி ஸுதா⁴ ஸமுத்³ராந்தருத்³யன் மணித்³வீப ஸம்ʼரூட⁴ பி³ல்வாடவீமத்⁴யகல்பத்³ருமாகல்ப காத³ம்ப³காந்தார வாஸப்ரியே க்ருʼத்திவாஸ꞉ப்ரியே ஸர்வலோகப்ரியே ।
ஸாத³ராரப்³த⁴ ஸங்கீ³த ஸம்பா⁴வனா ஸம்ப்⁴ரமாலோல நீபஸ்ரகா³ப³த்³த⁴சூலீ ஸநாத²த்ரிகே ஸானுமத்புத்ரிகே । ஶேக²ரீபூ⁴த ஶீதாம்ʼஶுரேகா² மயூகா²வலீ ப³த்³த⁴ ஸுஸ்னிக்³த⁴ நீலாலகஶ்ரேணிஶ்ருʼங்கா³ரிதே லோகஸம்பா⁴விதே । காமலீலா த⁴னு꞉ஸன்னிப⁴ ப்⁴ரூலதாபுஷ்ப ஸந்தோ³ஹ ஸந்தே³ஹ க்ருʼல்லோசனே வாக்ஸுதா⁴ஸேசனே । சாரு கோ³ரோசனா பங்க கேலீ லலாமாபி⁴ராமே ஸுராமே ரமே । ப்ரோல்லஸத்³வாலிகா மௌக்திகஶ்ரேணிகா சந்த்³ரிகா மண்ட³லோத்³பா⁴ஸி லாவண்யக³ண்ட³ஸ்த²ல ந்யஸ்தகஸ்தூரிகாபத்ரரேகா² ஸமுத்³பூ⁴த ஸௌரப்⁴ய ஸம்ப்⁴ராந்த ப்⁴ருʼங்கா³ங்க³னா கீ³தஸாந்த்³ரீப⁴வன்மந்த்³ர தந்த்ரீஸ்வரே ஸுஸ்வரே பா⁴ஸ்வரே । வல்லகீ வாத³ன ப்ரக்ரியா லோல தாலீத³லாப³த்³த⁴தாடங்க பூ⁴ஷாவிஶேஷான்விதே ஸித்³த⁴ஸம்மானிதே । தி³வ்ய ஹாலாமதோ³த்³வேல ஹேலாலஸச்சக்ஷுராந்தோ³லன ஶ்ரீஸமாக்ஷிப்த கர்ணைக நீலோத்பலே பூரிதாஶேஷ லோகாபி⁴வாஞ்சா² ப²லே ஶ்ரீப²லே । ஸ்வேத³ பி³ந்தூ³ல்லஸத்பா²ல லாவண்ய நிஷ்யந்த³ ஸந்தோ³ஹ ஸந்தே³ஹக்ருʼந்நாஸிகா மௌக்திகே ஸர்வவிஶ்வாத்மிகே காலிகே । முக்³த⁴ மந்த³ஸ்மிதோதா³ர வக்த்ரஸ்பு²ரத்பூக³ தாம்பூ³லகர்பூர க²ண்டோ³த்கரே ஜ்ஞானமுத்³ராகரே ஸர்வஸம்பத்கரே பத்³மபா⁴ஸ்வத்கரே । குந்த³புஷ்பத்³யுதி ஸ்னிக்³த⁴ த³ந்தாவலீ நிர்மலாலோல கல்லோல ஸம்மேலன ஸ்மேரஶோணாத⁴ரே சாருவீணாத⁴ரே பக்வபி³ம்பா³த⁴ரே ।
ஸுலலித நவயௌவனாரம்ப⁴ சந்த்³ரோத³யோத்³வேல லாவண்ய து³க்³தா⁴ர்ணவாவிர்ப⁴வத்கம்பு³பி³ப்³போ³க ப்⁴ருʼத்கந்த⁴ரே ஸத்கலாமந்தி³ரே மந்த²ரே । தி³வ்யரத்னப்ரபா⁴ ப³ந்து⁴ரச்ச²ன்ன ஹாராதி³பூ⁴ஷா ஸமுத்³யோதமானானவத்³யாம்ʼஶு ஶோபே⁴ ஶுபே⁴ । ரத்னகேயூர ரஶ்மிச்ச²டா பல்லவப்ரோல்லஸத்³தோ³ர்லதா ராஜிதே யோகி³பி⁴꞉ பூஜிதே । விஶ்வதி³ங்மண்ட³லவ்யாபி மாணிக்யதேஜ꞉ ஸ்பு²ரத்கங்கணாலங்க்ருʼதே விப்⁴ரமாலங்க்ருʼதே ஸாத⁴கை꞉ ஸத்க்ருʼதே । வாஸராரம்ப⁴ வேலா ஸமுஜ்ஜ்ருʼம்ப⁴மாணாரவிந்த³ ப்ரதித்³வந்த்³விபாணித்³வயே ஸந்ததோத்³யத்³த³யே அத்³வயே । தி³வ்ய ரத்னோர்மிகாதீ³தி⁴தி ஸ்தோமஸந்த்⁴யாயமானாங்கு³லீ பல்லவோத்³யந்நகே²ந்து³ ப்ரபா⁴மண்ட³லே ஸன்னதாக²ண்ட³லே சித்ப்ரபா⁴மண்ட³லே ப்ரோல்லஸத்குண்ட³லே । தாரகாராஜினீகாஶ ஹாராவலிஸ்மேர சாருஸ்தநாபோ⁴க³ பா⁴ரானமன்மத்⁴யவல்லீவலிச்சே²த³ வீசீஸமுல்லாஸ ஸந்த³ர்ஶிதாகார ஸௌந்த³ர்ய ரத்னாகரே வல்லகீப்⁴ருʼத்கரே கிங்கர ஶ்ரீகரே । ஹேமகும்போ⁴பமோத்துங்க³ வக்ஷோஜ பா⁴ராவனம்ரே த்ரிலோகாவனம்ரே । லஸத்³வ்ருʼத்த க³ம்பீ⁴ர நாபீ⁴ ஸரஸ்தீர ஶைவால ஶங்காகர ஶ்யாம ரோமாவலீபூ⁴ஷணே மஞ்ஜு ஸம்பா⁴ஷணே । சாரு ஶிஞ்ஜத்கடீ ஸூத்ர நிர்ப⁴ர்த்ஸிதானங்க³ லீலா த⁴னு꞉ ஶிஞ்ஜினீட³ம்ப³ரே தி³வ்யரத்னாம்ப³ரே ।
பத்³மராகோ³ல்லஸன்மேக²லா பா⁴ஸ்வர ஶ்ரோணி ஶோபா⁴ ஜித ஸ்வர்ணபூ⁴ப்⁴ருʼத்தலே சந்த்³ரிகாஶீதலே ।
விகஸித நவ கிம்ʼஶுகாதாம்ர தி³வ்யாம்ʼஶுகச்ச²ன்ன சாரூருஶோபா⁴ பராபூ⁴தஸிந்தூ³ர ஶோணாயமானேந்த்³ர மாதங்க³ ஹஸ்தார்க³லே வைப⁴வானர்க³லே ஶ்யாமலே । கோமல ஸ்னிக்³த⁴ நீலோபலோத்பாதி³தானங்க³ தூணீர ஶங்காகரோதா³ர ஜங்கா⁴லதே சாருலீலாக³தே । நம்ர தி³க்பால ஸீமந்தினீ குந்தல ஸ்னிக்³த⁴ நீல ப்ரபா⁴ புஞ்ஜ ஸஞ்ஜாத தூ³ர்வாங்குராஶங்க ஸாரங்க³ ஸம்யோக³ ரிங்க²ந்நகே²ந்தூ³ஜ்ஜ்வலே ப்ரோஜ்ஜ்வலே நிர்மலே । ப்ரஹ்வ தே³வேஶ லக்ஷ்மீஶ பூ⁴தேஶ தோயேஶ வாணீஶ கீநாஶ தை³த்யேஶ யக்ஷேஶ வாய்வக்³னிகோடீர மாணிக்ய ஸங்க்⁴ருʼஷ்ட பா³லாதபோத்³தா³ம லாக்ஷாரஸாருண்ய தாருண்ய லக்ஷ்மீக்³ருʼஹீதாங்க்⁴ரி பத்³மே ஸுபத்³மே உமே ।
ஸுருசிர நவரத்ன பீட²ஸ்தி²தே ஸுஸ்தி²தே । ரத்னபத்³மாஸனே ரத்னஸிம்ʼஹாஸனே ஶங்க²பத்³மத்³வயோபாஶ்ரிதே । தத்ர விக்⁴னேஶ து³ர்கா³ வடு க்ஷேத்ரபாலைர்யுதே । மத்தமாதங்க³ கந்யாஸமூஹான்விதே மஞ்ஜுலா மேனகாத்³யங்க³னா மானிதே பை⁴ரவைரஷ்டபி⁴ர்வேஷ்டிதே । தே³வி வாமாதி³பி⁴꞉ ஶக்திபி⁴꞉ ஸேவிதே । தா⁴த்ரிலக்ஷ்ம்யாதி³ ஶக்த்யஷ்டகை꞉ ஸம்யுதே । மாத்ருʼகாமண்ட³லைர்மண்டி³தே । யக்ஷ க³ந்த⁴ர்வ ஸித்³தா⁴ங்க³னா மண்ட³லைரர்சிதே । பஞ்சபா³ணாத்மிகே । பஞ்சபா³ணேன ரத்யா ச ஸம்பா⁴விதே । ப்ரீதிபா⁴ஜா வஸந்தேன சானந்தி³தே । ப⁴க்திபா⁴ஜாம்ʼ பரம்ʼ ஶ்ரேயஸே கல்பஸே । யோகி³னாம்ʼ மானஸே த்³யோதஸே । ச²ந்த³ஸாமோஜஸா ப்⁴ராஜஸே । கீ³தவித்³யா வினோதா³தித்ருʼஷ்ணேன க்ருʼஷ்ணேன ஸம்பூஜ்யஸே । ப⁴க்திமச்சேதஸா வேத⁴ஸா ஸ்தூயஸே । விஶ்வஹ்ருʼத்³யேன வாத்³யேன வித்³யாத⁴ரைர்கீ³யஸே ।
ஶ்ரவணஹரண த³க்ஷிணக்வாணயா வீணயா கின்னரைர்கீ³யஸே । யக்ஷ க³ந்த⁴ர்வ ஸித்³தா⁴ங்க³னா மண்ட³லைரர்ச்யஸே । ஸர்வஸௌபா⁴க்³யவாஞ்சா²வதீபி⁴ர்வதூ⁴பி⁴꞉ ஸுராணாம்ʼ ஸமாராத்⁴யஸே । ஸர்வவித்³யாவிஶேஷாத்மகம்ʼ சாடுகா³தா²ஸமுச்சாரணம்ʼ கண்ட²மூலோல்லஸத்³வர்ணராஜித்ரயம்ʼ கோமலஶ்யாமலோதா³ரபக்ஷத்³வயம்ʼ துண்ட³ஶோபா⁴திதூ³ரீப⁴வத்கிம்ʼஶுகம்ʼ தம்ʼ ஶுகம்ʼ லாலயந்தீ பரிக்ரீட³ஸே । பாணிபத்³மத்³வயேனாக்ஷமாலாமபி ஸ்பா²டிகீம்ʼ ஜ்ஞானஸாராத்மகம்ʼ புஸ்தகம்ʼ சாங்குஶம்ʼ பாஶமாபி³ப்⁴ரதீ யேன ஸஞ்சிந்த்யஸே தஸ்ய வக்த்ராந்தராத் க³த்³யபத்³யாத்மிகா பா⁴ரதீ நிஸ்ஸரேத் । யேன வா யாவகாபா⁴க்ருʼதிர்பா⁴வ்யஸே தஸ்ய வஶ்யா ப⁴வந்தி ஸ்த்ரிய꞉ பூருஷா꞉ । யேன வா ஶாதகும்ப⁴த்³யுதிர்பா⁴வ்யஸே ஸோ(அ)பி லக்ஷ்மீஸஹஸ்ரை꞉ பரிக்ரீட³தே । கிம்ʼ ந ஸித்³த்⁴யேத்³வபு꞉ ஶ்யாமலம்ʼ கோமலம்ʼ சந்த்³ரசூடா³ன்விதம்ʼ தாவகம்ʼ த்⁴யாயத꞉ । தஸ்ய லீலாஸரோ வாரிதி⁴꞉, தஸ்ய கேலீவனம்ʼ நந்த³னம்ʼ, தஸ்ய ப⁴த்³ராஸனம்ʼ பூ⁴தலம்ʼ, தஸ்ய கீ³ர்தே³வதா கிங்கரீ, தஸ்ய சாஜ்ஞாகரீ ஶ்ரீ꞉ ஸ்வயம் । ஸர்வதீர்தா²த்மிகே, ஸர்வமந்த்ராத்மிகே, ஸர்வதந்த்ராத்மிகே, ஸர்வயந்த்ராத்மிகே, ஸர்வபீடா²த்மிகே, ஸர்வதத்த்வாத்மிகே, ஸர்வஶக்த்யாத்மிகே, ஸர்வவித்³யாத்மிகே, ஸர்வயோகா³த்மிகே, ஸர்வநாதா³த்மிகே, ஸர்வஶப்³தா³த்மிகே, ஸர்வவிஶ்வாத்மிகே, ஸர்வதீ³க்ஷாத்மிகே, ஸர்வஸர்வாத்மிகே, ஸர்வகே³, பாஹி மாம்ʼ பாஹி மாம்ʼ பாஹி மாம்ʼ, தே³வி துப்⁴யம்ʼ நமோ, தே³வி துப்⁴யம்ʼ நமோ, தே³வி துப்⁴யம்ʼ நம꞉ ॥
இதி ஶ்ரீ காலிதா³ஸ க்ருʼத ஶ்ரீ ஶ்யாமலா த³ண்ட³கம் ।
Recite with devotion and pure heart
Regular practice brings spiritual benefits