dhyānam – bālārkamaṇḍalābhāsāṃ caturbāhāṃ trilocanām । pāśāṅkuśa śarāñścāpān dhārayantīṃ śivāṃ bhaje ॥ 1 ॥ bālārkayutataijasāṃ trinayanāṃ raktāmbarollāsinīṃ । nānālaṅkṛtirājamānavapuṣaṃ bālendu yuk śekharāṃ । hastairikṣudhanuḥ sṛṇiṃ sumaśarāṃ pāśaṃ mudābibhratīṃ śrīcakrasthita sundarīṃ trijagatāmādhārabhūtāṃ bhaje ॥ 2 ॥ padmarāga pratīkāśāṃ sunetrāṃ candraśekharām navaratnalasadbhūṣāṃ bhūṣitāpādamastakām ॥ 3 ॥ pāśāṅkuśau puṣpa śarān dadhatīṃ puṇḍracāpakam pūrṇa tāruṇya lāvaṇya taraṅgita kalebarām ॥ 4 ॥ sva samānākāraveṣakāmeśāśleṣa sundarām । caturbhuje candrakalāvataṃse kuconnate kuṅkuma rāga śroṇe puṇḍrekṣu pāśāṅkuśa puṣpabāṇa haste namaste jagadeka mātaḥ ॥ stotram – śrīṃ bīje nāda bindudvitaya śaśi kalākārarūpe svarūpe mātarme dehi buddiṃ jahi jahi jaḍatāṃ pāhimāṃ dīna dīnam । ajñāna dhvānta nāśakṣamarucirucira prollasatpāda padme brahmeśādyaḥsurendraiḥ suragaṇa vinataiḥ saṃstutāṃ tvāṃ namāmi ॥ 1 ॥ kalpo samparaṇa kalpita tāṇḍavasya devasya khaṇḍaparaśoḥ parabhairavasya । pāśāṅkuśaikṣavaśarāsana puṣpabāṇā sasākṣiṇī vijayate tava mūrtirekā ॥ 2 ॥ hrīṅkārameva tavanāma gṛṇanti yevā mātaḥ trikoṇanilaye tripure trinetre । tvatsaṃsmṛtau yamabhaṭābhi bhavaṃ vihāya dīvyanti nandana vane sahalokapālaiḥ ॥ 3 ॥ ṛṇāṅkānala bhānumaṇḍalalasacchrīcakramadhyesthitām bālārkadyuti bhāsurāṃ karatalaiḥ pāśāṅkuśau bibhratīṃ । cāpaṃ bāṇamapi prasannavadanāṃ kausuṃbhavastrānvitāṃ tāṃ tvāṃ candrakalāvataṃsamukuṭāṃ cārusmitāṃ bhāvaye ॥ 4 ॥ sarvajñatāṃ sadasivākpaṭutāṃ prasūte devi tvadaṅghri narasiruhayoḥ praṇāmaḥ । kiñcitsphuranmukuṭamujvalamātapatraṃ dvaucāmare ca mahatīṃ vasudhāṃ dadhāti ॥ 5 ॥ kalẏāṇavṛṣṭibhirivāmṛtapūritābhiḥ lakṣmī svayaṃvaraṇamaṅgaladīpakābhiḥ । sevābhiramba tavapādasarojamūle nākārikimmanasi bhaktimatāṃ janānām ॥ 6 ॥ śivaśaktiḥ kāmaḥ kṣitiratharaviḥ śānta kiraṇaḥ smaro haṃsaḥ śakrastadanu ca parāmāraharayaḥ । amī hṛllekhābhisti sṛbhiravasāneṣu ghaṭitā bhajante varṇāste tavajanani nāmavayavatām ॥ 7 ॥ kadākāle mātaḥ kathayakalitā laktakarasaṃ pibeyaṃ vidyārdhī tava caraṇa nirṇejanajalaṃ । prakṛtyā mūkānāmapi ca kavitā kāraṇatayā sadādhatte vāṇī mukhakamala tāmbūla rasatām ॥ 8 ॥