हैंహైHaindavamஹிહિં
📍
Font Size:
Shyamala Panchasathsvara Varna Malika Stotram
vande'haṃ vanajekṣaṇāṃ vasumatīṃ vāgdevi tāṃ vaiṣṇavīṃ
śabdabrahmamayīṃ śaśāṅkavadanāṃ śātodarīṃ śāṅkarīm ।
ṣaḍbījāṃ saśivāṃ samañcitapadāmādhāracakresthitāṃ
cidrūpāṃ sakalepsitārthavaradāṃ bālāṃ bhaje śyāmalām ॥ 1 ॥
bālāṃ bhāskarabhāsamaprabhayutāṃ bhīmeśvarīṃ bhāratīṃ
māṇikyāñcitahāriṇīmabhayadāṃ yonisthiteyaṃ padām ।
hrāṃ hrāṃ hrīṃ kamayīṃ rajastamaharīṃ lambījamoṅkāriṇīṃ
cidrūpāṃ sakalepsitārthavaradāṃ bālāṃ bhaje śyāmalām ॥ 2 ॥
ḍaṃ ḍhaṃ ṇaṃ ta thamakṣarīṃ tava kalāntādyākṛtīturyagāṃ
daṃ dhaṃ naṃ navakoṭimūrtisahitāṃ nādaṃ sabindūkalām ।
paṃ phaṃ mantraphalapradāṃ pratipadāṃ nābhau sacakresthitāṃ
cidrūpāṃ sakalepsitārthavaradāṃ bālāṃ bhaje śyāmalām ॥ 3 ॥
kaṃ khaṃ gaṃ gha mayīṃ gajāsyajananīṃ gānapriyāmāgamīṃ
caṃ chaṃ jaṃ jhaṃ jhaṇa kvaṇi ghaṇu ghiṇū jhaṅkārapādāṃ ramām ।
ñaṃ ṭaṃ ṭhaṃ hṛdaye sthitāṃ kiṇikiṇī nādau karau kaṅkaṇāṃ
cidrūpāṃ sakalepsitārthavaradāṃ bālāṃ bhaje śyāmalām ॥ 4 ॥
aṃ āṃ iṃ imayīṃ ihaiva sukhadāmīkāra u ūpamāṃ
ṛṃ ṝṃ luṃ sahavarṇapīṭhanilaye lūṅkāra eṃ aiṃ sadā ।
oṃ auṃ annamaye aḥ stavanutāmānandamānandinīṃ
cidrūpāṃ sakalepsitārthavaradāṃ bālāṃ bhaje śyāmalām ॥ 5 ॥
haṃ kṣaṃ brahmamayīṃ dvipatrakamalāṃ bhrūmadhyapīṭhesthitāṃ
iḍāpiṅgalamadhyadeśagamanāmiṣṭārthasandāyinīm ।
ārohapratirohayantrabharitāṃ sākṣātsuṣumnā kalāṃ
cidrūpāṃ sakalepsitārthavaradāṃ bālāṃ bhaje śyāmalām ॥ 6 ॥
brahmeśādi samasta mauniṛṣibhirdevaiḥ sadā dhyāyinīṃ
brahmasthānaniveśinīṃ tava kalāṃ tāraṃ sahasrāṃśake ।
khavyaṃ khavyamayīṃ khageśavinutāṃ khaṃ rūpimoṅkāriṇīṃ
cidrūpāṃ sakalepsitārthavaradāṃ bālāṃ bhaje śyāmalām ॥ 7 ॥
cakrāṇye satu saptamantaragate varṇātmike tāṃ śriyaṃ
nādaṃ bindukalāmayīṃścarahite niḥśabda nirvyāpake ।
nirvyaktāṃ ca nirañjanīṃ niravayāṃ śrīyantramātrāṃ parāṃ
cidrūpāṃ sakalepsitārthavaradāṃ bālāṃ bhaje śyāmalām ॥ 8 ॥
bālāmālamanoharāṃ pratidinaṃ vāñchanti vācyaṃ paṭhet
vede śāstra vivādakālasamaye sthitvā sabhāmadhyame ।
pañcāśatsvaravarṇamālikamiyāṃ jihvāgra saṃsthā paṭhe-
-ddharmārthākhilakāmavikṣitakṛpāḥ sidhyanti mokṣaṃ tathā ॥ 9 ॥
iti śrī śyāmalā pañcāśatsvara varṇa mālikā stotram ।
Recite with devotion and pure heart
Regular practice brings spiritual benefits