Tripura Sundari Pancharatna Stotram

nīlālakāṃ śaśimukhīṃ navapallavoṣṭhīṃ

cāmpeyapuṣpasuṣamojjvaladivyanāsām ।

padmekṣaṇāṃ mukurasundaragaṇḍabhāgāṃ

tvāṃ sāmprataṃ tripurasundari devi vande ॥ 1 ॥

śrīkundakuḍmalaśikhojjvaladantabṛnda-

-mandasmitadyutitirohitacāruvāṇīm ।

nānāmaṇisthagitahārasucārukaṇṭhīṃ

tvāṃ sāmprataṃ tripurasundari devi vande ॥ 2 ॥

pīnastanīṃ ghanabhujāṃ vipulābjahastāṃ

bhṛṅgāvalījitasuśobhitaromarājim ।

mattebhakumbhakucabhārasunamramadhyāṃ

tvāṃ sāmprataṃ tripurasundari devi vande ॥ 3 ॥

rambhojjvaloruyugalāṃ mṛgarājapatrā-

-mindrādidevamakuṭojjvalapādapadmām ।

hemāmbarāṃ ghanaghṛtāñcitakhaḍgavallīṃ

tvāṃ sāmprataṃ tripurasundari devi vande ॥ 4 ॥

mattebhavaktrajananīṃ mṛḍadehayuktāṃ

śailāgramadhyanilayāṃ varasundarāṅgīm ।

koṭīśvarākhyahṛdisaṃsthitapādapadmāṃ

tvāṃ sāmprataṃ tripurasundari devi vande ॥ 5 ॥

bāle tvatpādayugalaṃ dhyātvā samprati nirmitam ।

navīnaṃ pañcaratnaṃ ca dhāryatāṃ caraṇadvaye ॥ 6 ॥

iti śrī tripurasundarī pañcaratna stotram ।

Recite with devotion and pure heart

Regular practice brings spiritual benefits