हैंహైHaindavamஹிહિં
📍
Font Size:
മാതംഗിനീ കവചം - ത്രൈലോക്യമംഗല
ശ്രീദേവ്യുവാച ।
സാധു സാധു മഹാദേവ കഥയസ്വ സുരേശ്വര ।
മാതംഗീകവചം ദിവ്യം സർവസിദ്ധികരം നൃണാം ॥ 1 ॥
ശ്രീ ഈശ്വര ഉവാച ।
ശൃണു ദേവി പ്രവക്ഷ്യാമി മാതംഗീകവചം ശുഭം ।
ഗോപനീയം മഹാദേവി മൗനീ ജാപം സമാചരേത് ॥ 2 ॥
അസ്യ ശ്രീമാതംഗീകവചസ്യ ദക്ഷിണാമൂർതിരൃഷിഃ വിരാട് ഛന്ദഃ മാതംഗീ ദേവതാ ചതുർവർഗസിദ്ധ്യർഥേ വിനിയോഗഃ ॥
ഓം ശിരോ മാതംഗിനീ പാതു ഭുവനേശീ തു ചക്ഷുഷീ ।
തോഡലാ കർണയുഗലം ത്രിപുരാ വദനം മമ ॥ 3 ॥
പാതു കണ്ഠേ മഹാമായാ ഹൃദി മാഹേശ്വരീ തഥാ ।
ത്രിപുഷ്പാ പാർശ്വയോഃ പാതു ഗുദേ കാമേശ്വരീ മമ ॥ 4 ॥
ഊരുദ്വയേ തഥാ ചണ്ഡീ ജംഘയോശ്ച ഹരപ്രിയാ ।
മഹാമായാ പാദയുഗ്മേ സർവാംഗേഷു കുലേശ്വരീ ॥ 5 ॥
അംഗം പ്രത്യംഗകം ചൈവ സദാ രക്ഷതു വൈഷ്ണവീ ।
ബ്രഹ്മരന്ധ്രേ സദാ രക്ഷേന്മാതംഗീ നാമ സംസ്ഥിതാ ॥ 6 ॥
രക്ഷേന്നിത്യം ലലാടേ സാ മഹാപിശാചിനീതി ച ।
നേത്രായോഃ സുമുഖീ രക്ഷേദ്ദേവീ രക്ഷതു നാസികാം ॥ 7 ॥
മഹാപിശാചിനീ പായാന്മുഖേ രക്ഷതു സർവദാ ।
ലജ്ജാ രക്ഷതു മാം ദന്താൻ ചോഷ്ഠൗ സമ്മാർജനീകരീ ॥ 8 ॥
ചിബുകേ കണ്ഠദേശേ തു ഠകാരത്രിതയം പുനഃ ।
സവിസർഗം മഹാദേവി ഹൃദയം പാതു സർവദാ ॥ 9 ॥
നാഭിം രക്ഷതു മാം ലോലാ കാലികാവതു ലോചനേ ।
ഉദരേ പാതു ചാമുണ്ഡാ ലിംഗേ കാത്യായനീ തഥാ ॥ 10 ॥
ഉഗ്രതാരാ ഗുദേ പാതു പാദൗ രക്ഷതു ചാംബികാ ।
ഭുജൗ രക്ഷതു ശർവാണീ ഹൃദയം ചണ്ഡഭൂഷണാ ॥ 11 ॥
ജിഹ്വായാം മാതൃകാ രക്ഷേത്പൂർവേ രക്ഷതു പുഷ്ടികാ ।
വിജയാ ദക്ഷിണേ പാതു മേധാ രക്ഷതു വാരുണേ ॥ 12 ॥
നൈരൃത്യാം സുദയാ രക്ഷേദ്വായവ്യാം പാതു ലക്ഷ്മണാ ।
ഐശാന്യാം രക്ഷേന്മാം ദേവീ മാതംഗീ ശുഭകാരിണീ ॥ 13 ॥
രക്ഷേത്സുരേശീ ചാഗ്നേയ്യാം ബഗലാ പാതു ചോത്തരേ ।
ഊർധ്വം പാതു മഹാദേവീ ദേവാനാം ഹിതകാരിണീ ॥ 14 ॥
പാതാലേ പാതു മാ നിത്യം വശിനീ വിശ്വരൂപിണീ ।
പ്രണവം ച തമോമായാ കാമബീജം ച കൂർചകം ॥ 15 ॥
മാതംഗിനീ ങേയുതാസ്ത്രം വഹ്നിജായാവധിർമനുഃ ।
സാർധൈകാദശവർണാ സാ സർവത്ര പാതു മാം സദാ ॥ 16 ॥
ഇതി തേ കഥിതം ദേവി ഗുഹ്യാദ്ഗുഹ്യതരം പരം ।
ത്രൈലോക്യമംഗലം നാമ കവചം ദേവദുർലഭം ॥ 17 ॥
യ ഇദം പ്രപഠേന്നിത്യം ജായതേ സമ്പദാലയം ।
പരമൈശ്വര്യമതുലം പ്രാപ്നുയാന്നാത്ര സംശയഃ ॥ 18 ॥
ഗുരുമഭ്യർച്യ വിധിവത്കവചം പ്രപഠേദ്യദി ।
ഐശ്വര്യം സുകവിത്വം ച വാക്സിദ്ധിം ലഭതേ ധ്രുവം ॥ 19 ॥
നിത്യം തസ്യ തു മാതംഗീ മഹിലാ മംഗലം ചരേത് ।
ബ്രഹ്മാ വിഷ്ണുശ്ച രുദ്രശ്ച യേ ദേവാഃ സുരസത്തമാഃ ॥ 20 ॥
ബ്രഹ്മരാക്ഷസവേതാലാ ഗ്രഹാദ്യാ ഭൂതജാതയഃ ।
തം ദൃഷ്ട്വാ സാധകം ദേവി ലജ്ജായുക്താ ഭവന്തി തേ ॥ 21 ॥
കവചം ധാരയേദ്യസ്തു സർവസിദ്ധിം ലഭേദ്ധ്രുവം ।
രാജാനോഽപി ച ദാസാഃ സ്യുഃ ഷട്കർമാണി ച സാധയേത് ॥ 22 ॥
സിദ്ധോ ഭവതി സർവത്ര കിമന്യൈർബഹുഭാഷിതൈഃ ।
ഇദം കവചമജ്ഞാത്വാ മാതംഗീം യോ ഭജേന്നരഃ ॥ 23 ॥
അല്പായുർനിർധനോ മൂർഖോ ഭവത്യേവ ന സംശയഃ ।
ഗുരൗ ഭക്തിഃ സദാ കാര്യാ കവചേ ച ദൃഢാ മതിഃ ॥ 24 ॥
തസ്മൈ മാതംഗിനീ ദേവീ സർവസിദ്ധിം പ്രയച്ഛതി ॥ 25 ॥
ഇതി നന്ദ്യാവർതേ ഉത്തരഖണ്ഡേ മാതംഗിനീ കവചം ॥
Recite with devotion and pure heart
Regular practice brings spiritual benefits