हैंహైHaindavamஹிહિં
📍
Font Size:
Bala Tripura Sundari Sahasranama Stotram
śrīdevyuvāca –
bhagavan bhāṣitāśeṣasiddhānta karuṇānidhe ।
bālātripurasundaryāḥ mantranāmasahasrakam ॥ 1 ॥
śrutvā dhārayituṃ deva mamecchāvartate'dhunā ।
kṛpayā kevalaṃ nātha tanmamākhyātumarhasi ॥ 2 ॥
īśvara uvāca –
mantranāmasahasraṃ te kathayāmi varānane ।
gopanīyaṃ prayatnena śṛṇu tattvaṃ maheśvari ॥ 3 ॥
asya śrībālātripurasundarī divyasahasranāma stotramahāmantrasya īśvara ṛṣiḥ, anuṣṭupchandaḥ, śrībālātripurasundarī devatā, aiṃ bījaṃ, sauḥ śaktiḥ, klīṃ kīlakaṃ, mama śrībālātripurasundarī prasādasiddhyarthe sahasranāmastotra pārāyaṇe viniyogaḥ ॥
karanyāsaḥ –
aiṃ aṅguṣṭhābhyāṃ namaḥ ।
klīṃ tarjanībhyāṃ namaḥ ।
sauḥ madhyamābhyāṃ namaḥ ।
aiṃ anāmikābhyāṃ namaḥ ।
klīṃ kaniṣṭhikābhyāṃ namaḥ ।
sauḥ karatalakarapṛṣṭhābhyāṃ namaḥ ।
hṛdayādinyāsaḥ –
aiṃ hṛdayāya namaḥ ।
klīṃ śirase svāhā ।
sauḥ śikhāyai vaṣaṭ ।
aiṃ kavacāya hum ।
klīṃ netratrayāya vauṣaṭ ।
sauḥ astrāya phaṭ ।
dhyānam –
aiṅkārāsanagarbhitānalaśikhāṃ sauḥ klīṃ kalāṃ bibhratīṃ
sauvarṇāmbaradhāriṇīṃ varasudhādhautāntaraṅgojjvalām ।
vande pustakapāśasāṅkuśajapasragbhāsurodyatkarāṃ
tāṃ bālāṃ tripurāṃ bhaje trinayanāṃ ṣaṭcakrasañcāriṇīm ॥
lamityādi pañcapūjāṃ kuryāt ॥
atha stotram –
oṃ subhagā sundarī saumyā suṣumṇā sukhadāyinī ।
manojñā sumanā ramyā śobhanā lalitā śivā ॥ 1 ॥
kāntā kāntimatī kāntiḥ kāmadā kamalālayā ।
kalyāṇī kamalā hṛdyā peśalā hṛdayaṅgamā ॥ 2 ॥
subhadrākhyātiramaṇī sarvā sādhvī sumaṅgalā ।
rāmā bhavyavatī bhavyā kamanīyā'tikomalā ॥ 3 ॥
śobhābhirāmā ramaṇī ramaṇīyā ratipriyā ।
manonmanī mahāmāyā mātaṅgī madirāpriyā ॥ 4 ॥
mahālakṣmīrmahāśaktirmahāvidyāsvarūpiṇī ।
maheśvarī mahānandā mahānandavidhāyinī ॥ 5 ॥
māninī mādhavī mādhvī madarūpā madotkaṭā ।
ānandakandā vijayā viśveśī viśvarūpiṇī ॥ 6 ॥
suprabhā kaumudī śāntā bindunādasvarūpiṇī ।
kāmeśvarī kāmakalā kāminī kāmavardhinī ॥ 7 ॥
bheruṇḍā caṇḍikā caṇḍī cāmuṇḍā muṇḍamālinī ।
aṇurūpā mahārūpā bhūteśī bhuvaneśvarī ॥ 8 ॥
citrā vicitrā citrāṅgī hemagarbhasvarūpiṇī ।
caitanyarūpiṇī nityā nityānityasvarūpiṇī ॥ 9 ॥
hrīṅkārakuṇḍalī dhātrī vidhātrī bhūtasamplavā ।
unmādinī mahāmārī suprasannā surārcitā ॥ 10 ॥
paramānandaniṣyandā paramārthasvarūpiṇī ।
yogīśvarī yogamātā haṃsinī kalahaṃsinī ॥ 11 ॥
kalā kalāvatī raktā suṣumnāvartmaśālinī ।
vindhyādrinilayā sūkṣmā hemapadmanivāsinī ॥ 12 ॥
bālā surūpiṇī māyā vareṇyā varadāyinī ।
vidrumābhā viśālākṣī viśiṣṭā viśvanāyikā ॥ 13 ॥
vīrendravandyā viśvātmā viśvā viśvādivardhinī ।
viśvotpattirviśvamāyā viśvārādhyā vikasvarā ॥ 14 ॥
madasvinnā madodbhinnā māninī mānavardhinī ।
mālinī modinī mānyā madahastā madālayā ॥ 15 ॥
madaniṣyandinī mātā madirākṣī madālasā ।
madātmikā madāvāsā madhubindukṛtādharā ॥ 16 ॥
mūlabhūtā mahāmūlā mūlādhārasvarūpiṇī ।
sindūraraktā raktākṣī trinetrā triguṇātmikā ॥ 17 ॥
vaśinī vāśinī vāṇī vāruṇī vāruṇīpriyā ।
aruṇā taruṇārkābhā bhāminī vahnivāsinī ॥ 18 ॥
siddhā siddheśvarī siddhiḥ siddhāmbā siddhamātṛkā ।
siddhārthadāyinī vidyā siddhāḍhyā siddhasammatā ॥ 19 ॥
vāgbhavā vākpradā vandyā vāṅmayī vādinī parā ।
tvaritā satvarā turyā tvarayitrī tvarātmikā ॥ 20 ॥
kamalā kamalāvāsā sakalā sarvamaṅgalā ।
bhagodarī bhagaklinnā bhaginī bhagamālinī ॥ 21 ॥
bhagapradā bhagānandā bhageśī bhaganāyikā ।
bhagātmikā bhagāvāsā bhagā bhaganipātinī ॥ 22 ॥
bhagāvahā bhagārādhyā bhagāḍhyā bhagavāhinī ।
bhaganiṣyandinī bhargā bhagābhā bhagagarbhiṇī ॥ 23 ॥
bhagādirbhagabhogādiḥ bhagavedyā bhagodbhavā ।
bhagamātā bhagakṛtā bhagaguhyā bhageśvarī ॥ 24 ॥
bhagadehā bhagāvāsā bhagodbhedā bhagālasā ।
bhagavidyā bhagaklinnā bhagaliṅgā bhagadravā ॥ 25 ॥
sakalā niṣkalā kālī karālī kalabhāṣiṇī ।
kamalā haṃsinī kālā karuṇā karuṇāvatī ॥ 26 ॥
bhāsvarā bhairavī bhāsā bhadrakālī kulāṅganā ।
rasātmikā rasāvāsā rasasyandā rasāvahā ॥ 27 ॥
kāmaniṣyandinī kāmyā kāminī kāmadāyinī ।
vidyā vidhātrī vividhā viśvadā trividhā vidhā ॥ 28 ॥
sarvāṅgā sundarī saumyā lāvaṇyā saridambudhiḥ ।
caturāṅgī caturbāhuścaturā cāruhāsinī ॥ 29 ॥
mantrā mantramayī mātā maṇipūrasamāśrayā ।
mantrātmikā mantramātā mantragamyā sumantrakā ॥ 30 ॥
puṣpabāṇā puṣpajaitrī puṣpiṇī puṣpavardhinī ।
vajreśvarī vajrahastā purāṇī puravāsinī ॥ 31 ॥
tārā ca taruṇākārā taruṇī tārarūpiṇī ।
ikṣucāpā mahāpāśā śubhadā priyavādinī ॥ 32 ॥
sarvagā sarvajananī sarvārthā sarvapāvanī ।
ātmavidyā mahāvidyā brahmavidyā vivasvatī ॥ 33 ॥
śiveśvarī śivārādhyā śivanāthā śivātmikā ।
ātmikā jñānanilayā nirbhedā nirvṛtipradā ॥ 34 ॥
nirvāṇarūpiṇī pūrṇā niyamā niṣkalā prabhā ।
śrīphalā śrīpradā śiṣyā śrīmayī śivarūpiṇī ॥ 35 ॥
krūrā kuṇḍalinī kubjā kuṭilā kuṭilālakā ।
mahodayā mahārūpā mahī māhī kalāmayī ॥ 36 ॥
vaśinī sarvajananī citravāsā vicitrikā ।
sūryamaṇḍalamadhyasthā sthirā śaṅkaravallabhā ॥ 37 ॥
surabhiḥ sumahaḥ sūryā suṣumṇā somabhūṣaṇā ।
sudhāpradā sudhādhārā suśrīḥ sampattirūpiṇī ॥ 38 ॥
amṛtā satyasaṅkalpā satyā ṣaḍgranthibhedinī ।
icchāśaktirmahāśaktiḥ kriyāśaktiḥ priyaṅkarī ॥ 39 ॥
līlā līlālayā''nandā sūkṣmabodhasvarūpiṇī ।
sakalā rasanā sārā sāragamyā sarasvatī ॥ 40 ॥
parā parāyaṇī padmā paraniṣṭhā parāparā ।
śrīmatī śrīkarī vyomnī śivayoniḥ śivekṣaṇā ॥ 41 ॥
nirānandā nirākhyeyā nirdvandvā nirguṇātmikā ।
bṛhatī brāhmaṇī brāhmī brahmāṇī brahmarūpiṇī ॥ 42 ॥
dhṛtiḥ smṛtiḥ śrutirmedhā śraddhā puṣṭiḥ stutirmatiḥ ।
advayā''nandasambodhā varā saubhāgyarūpiṇī ॥ 43 ॥
nirāmayā nirākārā jṛmbhiṇī stambhinī ratiḥ ।
bodhikā kamalā raudrī drāviṇī kṣobhiṇī matiḥ ॥ 44 ॥
kucelī kucamadhyasthā madhyakūṭa gati priyā ।
kulottīrṇā kulavatī bodhā vāgvādinī satī ॥ 45 ॥
umā priyavratā lakṣmīrvakulā kularūpiṇī ।
viśvātmikā viśvayoniḥ viśvāsaktā vināyakā ॥ 46 ॥
dhyāyinī nādinī tīrthā śāṅkarī mantrasākṣiṇī ।
sanmantrarūpiṇī hṛṣṭā śāṅkarī suraśaṅkarī ॥ 47 ॥
sundarāṅgī surāvāsā suravandyā sureśvarī ।
suvarṇā varṇasatkīrtiḥ savarṇā varṇarūpiṇī ॥ 48 ॥
lalitāṅgī variṣṭhā śrīraspandā spandarūpiṇī ।
śāmbhavī saccidānandā saccidānandarūpiṇī ॥ 49 ॥
jayinī viśvajananī viśvaniṣṭhā vilāsinī ।
bhrūmadhyā'khilaniṣṭhādyā nirguṇā guṇavardhinī ॥ 50 ॥
hṛllekhā bhuvaneśānī bhavanā bhavanātmikā ।
vibhūtirbhutidā bhūtiḥ sambhūtirbhūtikāriṇī ॥ 51 ॥
īśānī śāśvatī śaivī śarvāṇī śarmadāyinī ।
bhavānī bhāvagā bhāvā bhāvanā bhāvanātmikā ॥ 52 ॥
hṛtpadmanilayā śūrā svarāvṛttiḥ svarātmikā ।
sūkṣmarūpā parānandā svātmasthā viśvadā śivā ॥ 53 ॥
paripūrṇā dayāpūrṇā madaghūrṇitalocanā ।
śaraṇyā taruṇārkābhā madā raktā manasvinī ॥ 54 ॥
anantā'nantamahimā nityatṛptā nirañjanā ।
acintyā śaktiścintyārthā cintyā'cintyasvarūpiṇī ॥ 55 ॥
jaganmayī jaganmātā jagatsārā jagadbhavā ।
āpyāyinī parānandā kūṭasthā''vāsarūpiṇī ॥ 56 ॥
jñānagamyā jñānamūrtiḥ jñāpinī jñānarūpiṇī ।
khecarī khecarīmudrā khecarīyogarūpiṇī ॥ 57 ॥
anāthanāthā nirnāthā ghorā'ghorasvarūpiṇī ।
sudhāpradā sudhādhārā sudhārūpā sudhāmayī ॥ 58 ॥
daharā daharākāśā daharākāśamadhyagā ।
māṅgalyā maṅgalakarī mahāmāṅgalyadevatā ॥ 59 ॥
māṅgalyadāyinī mānyā sarvamaṅgaladāyinī ।
svaprakāśā mahābhūṣā bhāminī bhavarūpiṇī ॥ 60 ॥
kātyāyanī kalāvāsā pūrṇā kāmā yaśasvinī ।
arthā'vasānanilayā nārāyaṇamanoharā ॥ 61 ॥
mokṣamārgavidhānajñā viriñcotpattibhūmikā ।
anuttarā mahārādhyā duṣprāpā duratikramā ॥ 62 ॥
śuddhidā kāmadā saumyā jñānadā mānadāyinī ।
svadhā svāhā sudhā medhā madhurā madhumandirā ॥ 63 ॥
nirvāṇadāyinī śreṣṭhā śarmiṣṭhā śāradārcitā ।
suvarcalā surārādhyā śuddhasattvā surārcitā ॥ 64 ॥
stutiḥ stutimayī stutyā stutirūpā stutipriyā ।
kāmeśvarī kāmavatī kāminī kāmarūpiṇī ॥ 65 ॥
ākāśagarbhā hrīṅkārī kaṅkālī kālarūpiṇī ।
viṣṇupatnī viśuddhārthā viśvarūpeśavanditā ॥ 66 ॥
viśvavedyā mahāvīrā viśvaghnī viśvarūpiṇī ।
suśīlāḍhyā śailavatī śailasthā śailarūpiṇī ॥ 67 ॥
rudrāṇī caṇḍakhaṭvāṅgī ḍākinī sākinī prabhā ।
nityā nirvedakhaṭvāṅgī jananī janarūpiṇī ॥ 68 ॥
talodarī jagatsūtrī jagatī jvalinī jvalī ।
sākinī sārasaṃhṛdyā sarvottīrṇā sadāśivā ॥ 69 ॥
sphurantī sphuritākārā sphūrtiḥ sphuraṇarūpiṇī ।
śivadūtī śivā śiṣṭā śivajñā śivarūpiṇī ॥ 70 ॥
rāgiṇī rañjanī ramyā rajanī rajanīkarā ।
viśvambharā vinīteṣṭā vidhātrī vidhivallabhā ॥ 71 ॥
vidyotinī vicitrārthā viśvādyā vividhābhidhā ।
viśvākṣarā sarasikā viśvasthā'tivicakṣaṇā ॥ 72 ॥
brahmayonirmahāyoniḥ karmayonistrayītanuḥ ।
hākinī hāriṇī saumyā rohiṇī roganāśanī ॥ 73 ॥
śrīpradā śrīrśrīdharā ca śrīkarā śrīmatiḥ śriyā ।
śrīmātā śrīkarī śreyaḥ śreyasī ca sureśvarī ॥ 74 ॥
kāmeśvarī kāmavatī kāmagiryālayasthitā ।
rudrātmikā rudramātā rudragamyā rajasvalā ॥ 75 ॥
akāraṣoḍaśāntaḥsthā bhairavā''hlādinī parā ।
kṛpādehā'ruṇā nāthā sudhābindusamāśritā ॥ 76 ॥
kālī kāmakalā kanyā pārvatī pararūpiṇī ।
māyāvatī ghoramukhī vādinī dīpinī śivā ॥ 77 ॥
makārā mātṛcakreśī mahāsenā vimohinī ।
utsukā'nutsukā hṛṣṭā hrīṅkārī cakranāyikā ॥ 78 ॥
rudrā bhavānī cāmuṇḍī hrīṅkārī saukhyadāyinī ।
garuḍā gāruḍī jyeṣṭhā sakalā brahmacāriṇī ॥ 79 ॥
kṛṣṇāṅgā vāhinī kṛṣṇā khecarī kamalāpriyā ।
bhadriṇī rudracāmuṇḍā hrīṅkārī saubhagā dhruvā ॥ 80 ॥
garuḍī gāruḍī jyeṣṭhā svargadā brahmavādinī ।
pānānuraktā pānasthā bhīmarūpā bhayāpahā ॥ 81 ॥
raktā caṇḍā surānandā trikoṇā pānadarpitā ।
mahotsukā kratuprītā kaṅkālī kāladarpitā ॥ 82 ॥
sarvavarṇā suvarṇābhā parāmṛtamahārṇavā ।
yogyārṇavā nāgabuddhirvīrapānā navātmikā ॥ 83 ॥
dvādaśāntasarojasthā nirvāṇasukhadāyinī ।
ādisattvā dhyānasattvā śrīkaṇṭhasvāntamohinī ॥ 84 ॥
parā ghorā karālākṣī svamūrtirmerunāyikā ।
ākāśaliṅgasambhūtā parāmṛtarasātmikā ॥ 85 ॥
śāṅkarī śāśvatī rudrā kapālā kuladīpikā ।
vidyātanurmantratanuścaṇḍā muṇḍā sudarpitā ॥ 86 ॥
vāgīśvarī yogamudrā trikhaṇḍā siddhamaṇḍitā ।
śṛṅgārapīṭhanilayā kālī mātaṅgakanyakā ॥ 87 ॥
saṃvartamaṇḍalāntaḥsthā bhuvanodyānavāsinī ।
pādukākramasantṛptā bhairavasthā'parājitā ॥ 88 ॥
nirvāṇā saurabhā durgā mahiṣāsuramardinī ।
bhramarāmbā śikharikā brahmaviṣṇvīśatarpitā ॥ 89 ॥
unmattahelā rasikā yoginī yogadarpitā ।
santānānandinī bījacakrā paramakāruṇī ॥ 90 ॥
khecarī nāyikā yogyā parivṛttā'timohinī ।
śākambharī sambhavitrī skandā''nandī madārpitā ॥ 91 ॥
kṣemaṅkarī sumā śvāsā svargadā bindukāriṇī ।
carcitā carcitapadā cārukhaṭvāṅgadhāriṇī ॥ 92 ॥
aghorā mantritapadā bhāminī bhavarūpiṇī ।
uṣā saṅkarṣiṇī dhātrī comā kātyāyanī śivā ॥ 93 ॥
sulabhā durlabhā śāstrī mahāśāstrī śikhaṇḍinī ।
yogalakṣmīrbhogalakṣmīḥ rājyalakṣmīḥ kapālinī ॥ 94 ॥
devayonirbhagavatī dhanvinī nādinīśvarī ।
kṣetrātmikā mahādhātrī balinī ketumālinī ॥ 95 ॥
sadānandā sadābhadrā phalgunī raktavarṣiṇī ।
mandāramandirā tīvrā grāhiṇī sarvabhakṣiṇī ॥ 96 ॥
agnijihvā mahājihvā śūlinī śuddhidā parā ।
suvarṇikā kāladūtī devī kālasvarūpiṇī ॥ 97 ॥
kumbhinī śayanī gurvī vārāhī huṃphaḍātmikā ।
ugrātmikā padmavatī dhūrjaṭī cakradhāriṇī ॥ 98 ॥
devī tatpuruṣā śikṣā mādhvī strīrūpadhāriṇī ।
dakṣā dākṣāyaṇī dīkṣā madanā madanāturā ॥ 99 ॥
dhiṣṇyā hiraṇyā saraṇiḥ dharitrī dhararūpiṇī ।
vasudhā vasudhāchāyā vasudhāmā sudhāmayī ॥ 100 ॥
śṛṅgiṇī bhīṣaṇā sāndrī pretasthānā mataṅginī ।
khaṇḍinī yoginī tuṣṭiḥ nādinī bhedinī naṭī ॥ 101 ॥
khaṭvāṅginī kālarātriḥ meghamālā dharātmikā ।
bhāpīṭhasthā bhavadrūpā mahāśrīrdhūmralocanā ॥ 102 ॥
sukhadā gandhinī bandhurbandhinī bandhamocinī ।
sāvitrī satkṛtiḥ kartrī kṣamā māyā mahodayā ॥ 103 ॥
gaṇeśvarī gaṇākārā sadguṇā gaṇapūjitā ।
nirmalā girijā śabdā śarvāṇī śarmadāyinī ॥ 104 ॥
ekākinī sindhukanyā kāvyasūtrasvarūpiṇī ।
avyaktarūpiṇī vyaktā yoginī pīṭharūpiṇī ॥ 105 ॥
nirmadā dhāmadā''dityā nityā sevyā'kṣarātmikā ।
tapinī tāpinī dīkṣā śodhinī śivadāyinī ॥ 106 ॥
svasti svastimatī bālā kapilā visphuliṅginī ।
arciṣmatī dyutimatī kaulinī kavyavāhinī ॥ 107 ॥
janāśritā viṣṇuvidyā mānasī vindhyavāsinī ।
vidyādharī lokadhātrī sarvā sārasvarūpiṇī ॥ 108 ॥
pāpaghnī sarvatobhadrā tristhā śaktitrayātmikā ।
trikoṇanilayā tristhā trayīmātā trayītanuḥ ॥ 109 ॥
trayīvidyā trayīsārā trayīrūpā tripuṣkarā ।
trivarṇā tripurā triśrīḥ trimūrtistridaśeśvarī ॥ 110 ॥
trikoṇasaṃsthā trividhā trisvarā tripurāmbikā ।
tridivā tridiveśānī tristhā tripuradāhinī ॥ 111 ॥
jaṅghinī sphoṭinī sphūrtiḥ stambhinī śoṣiṇī plutā ।
aiṅkārākhyā vāmadevī khaṇḍinī caṇḍadaṇḍinī ॥ 112 ॥
klīṅkārī vatsalā hṛṣṭā sauḥkārī madahaṃsikā ।
vajriṇī drāviṇī jaitrī śrīmatī gomatī dhruvā ॥ 113 ॥
paratejomayī saṃvitpūrṇapīṭhanivāsinī ।
tridhātmā tridaśā tryakṣā trighnī tripuramālinī ॥ 114 ॥
tripurāśrīstrijananī tribhūstrailokyasundarī ।
kumārī kuṇḍalī dhātrī bālā bhakteṣṭadāyinī ॥ 115 ॥
kalāvatī bhagavatī bhaktidā bhavanāśinī ।
saugandhinī saridveṇī padmarāgakirīṭinī ॥ 116 ॥
tattvatrayī tattvamayī mantriṇī mantrarūpiṇī ।
siddhā śrītripurāvāsā bālātripurasundarī ॥ 117 ॥
bālātripurasundaryā mantranāmasahasrakam ।
kathitaṃ devadeveśi sarvamaṅgaladāyakam ॥ 118 ॥
sarvarakṣākaraṃ devi sarvasaubhāgyadāyakam ।
sarvāśrayakaraṃ devi sarvānandakaraṃ varam ॥ 119 ॥
sarvapāpakṣayakaraṃ sadā vijayavardhanam ।
sarvadā śrīkaraṃ devi sarvayogīśvarīmayam ॥ 120 ॥
sarvapīṭhamayaṃ devi sarvānandakaraṃ param ।
sarvadaurbhāgyaśamanaṃ sarvaduḥkhanivāraṇam ॥ 121 ॥
sarvābhicāradoṣaghnaṃ paramantravināśanam ।
parasainyastambhakaraṃ śatrustambhanakāraṇam ॥ 122 ॥
mahācamatkārakaraṃ mahābuddhipravardhanam ।
mahotpātapraśamanaṃ mahājvaranivāraṇam ॥ 123 ॥
mahāvaśyakaraṃ devi mahāsukhaphalapradam ।
evametasya mantrasya prabhāvo varṇituṃ mayā ॥ 124 ॥
na śakyate varārohe kalpakoṭi śatairapi ।
yaḥ paṭhetsaṅgame nityaṃ sarvadā mantrasiddhidam ॥ 125 ॥
iti śrī bālā tripura sundarī sahasranāma stotram ।
Recite with devotion and pure heart
Regular practice brings spiritual benefits