हैंహైHaindavamஹிહિં
📍
Font Size:
ಮಾತಂಗಿನೀ ಕವಚಂ - ತ್ರೈಲೋಕ್ಯಮಂಗಲ
ಶ್ರೀದೇವ್ಯುವಾಚ ।
ಸಾಧು ಸಾಧು ಮಹಾದೇವ ಕಥಯಸ್ವ ಸುರೇಶ್ವರ ।
ಮಾತಂಗೀಕವಚಂ ದಿವ್ಯಂ ಸರ್ವಸಿದ್ಧಿಕರಂ ನೃಣಾಂ ॥ 1 ॥
ಶ್ರೀ ಈಶ್ವರ ಉವಾಚ ।
ಶೃಣು ದೇವಿ ಪ್ರವಕ್ಷ್ಯಾಮಿ ಮಾತಂಗೀಕವಚಂ ಶುಭಂ ।
ಗೋಪನೀಯಂ ಮಹಾದೇವಿ ಮೌನೀ ಜಾಪಂ ಸಮಾಚರೇತ್ ॥ 2 ॥
ಅಸ್ಯ ಶ್ರೀಮಾತಂಗೀಕವಚಸ್ಯ ದಕ್ಷಿಣಾಮೂರ್ತಿರೃಷಿಃ ವಿರಾಟ್ ಛಂದಃ ಮಾತಂಗೀ ದೇವತಾ ಚತುರ್ವರ್ಗಸಿದ್ಧ್ಯರ್ಥೇ ವಿನಿಯೋಗಃ ॥
ಓಂ ಶಿರೋ ಮಾತಂಗಿನೀ ಪಾತು ಭುವನೇಶೀ ತು ಚಕ್ಷುಷೀ ।
ತೋಡಲಾ ಕರ್ಣಯುಗಲಂ ತ್ರಿಪುರಾ ವದನಂ ಮಮ ॥ 3 ॥
ಪಾತು ಕಂಠೇ ಮಹಾಮಾಯಾ ಹೃದಿ ಮಾಹೇಶ್ವರೀ ತಥಾ ।
ತ್ರಿಪುಷ್ಪಾ ಪಾರ್ಶ್ವಯೋಃ ಪಾತು ಗುದೇ ಕಾಮೇಶ್ವರೀ ಮಮ ॥ 4 ॥
ಊರುದ್ವಯೇ ತಥಾ ಚಂಡೀ ಜಂಘಯೋಶ್ಚ ಹರಪ್ರಿಯಾ ।
ಮಹಾಮಾಯಾ ಪಾದಯುಗ್ಮೇ ಸರ್ವಾಂಗೇಷು ಕುಲೇಶ್ವರೀ ॥ 5 ॥
ಅಂಗಂ ಪ್ರತ್ಯಂಗಕಂ ಚೈವ ಸದಾ ರಕ್ಷತು ವೈಷ್ಣವೀ ।
ಬ್ರಹ್ಮರಂಧ್ರೇ ಸದಾ ರಕ್ಷೇನ್ಮಾತಂಗೀ ನಾಮ ಸಂಸ್ಥಿತಾ ॥ 6 ॥
ರಕ್ಷೇನ್ನಿತ್ಯಂ ಲಲಾಟೇ ಸಾ ಮಹಾಪಿಶಾಚಿನೀತಿ ಚ ।
ನೇತ್ರಾಯೋಃ ಸುಮುಖೀ ರಕ್ಷೇದ್ದೇವೀ ರಕ್ಷತು ನಾಸಿಕಾಂ ॥ 7 ॥
ಮಹಾಪಿಶಾಚಿನೀ ಪಾಯಾನ್ಮುಖೇ ರಕ್ಷತು ಸರ್ವದಾ ।
ಲಜ್ಜಾ ರಕ್ಷತು ಮಾಂ ದಂತಾನ್ ಚೋಷ್ಠೌ ಸಮ್ಮಾರ್ಜನೀಕರೀ ॥ 8 ॥
ಚಿಬುಕೇ ಕಂಠದೇಶೇ ತು ಠಕಾರತ್ರಿತಯಂ ಪುನಃ ।
ಸವಿಸರ್ಗಂ ಮಹಾದೇವಿ ಹೃದಯಂ ಪಾತು ಸರ್ವದಾ ॥ 9 ॥
ನಾಭಿಂ ರಕ್ಷತು ಮಾಂ ಲೋಲಾ ಕಾಲಿಕಾವತು ಲೋಚನೇ ।
ಉದರೇ ಪಾತು ಚಾಮುಂಡಾ ಲಿಂಗೇ ಕಾತ್ಯಾಯನೀ ತಥಾ ॥ 10 ॥
ಉಗ್ರತಾರಾ ಗುದೇ ಪಾತು ಪಾದೌ ರಕ್ಷತು ಚಾಂಬಿಕಾ ।
ಭುಜೌ ರಕ್ಷತು ಶರ್ವಾಣೀ ಹೃದಯಂ ಚಂಡಭೂಷಣಾ ॥ 11 ॥
ಜಿಹ್ವಾಯಾಂ ಮಾತೃಕಾ ರಕ್ಷೇತ್ಪೂರ್ವೇ ರಕ್ಷತು ಪುಷ್ಟಿಕಾ ।
ವಿಜಯಾ ದಕ್ಷಿಣೇ ಪಾತು ಮೇಧಾ ರಕ್ಷತು ವಾರುಣೇ ॥ 12 ॥
ನೈರೃತ್ಯಾಂ ಸುದಯಾ ರಕ್ಷೇದ್ವಾಯವ್ಯಾಂ ಪಾತು ಲಕ್ಷ್ಮಣಾ ।
ಐಶಾನ್ಯಾಂ ರಕ್ಷೇನ್ಮಾಂ ದೇವೀ ಮಾತಂಗೀ ಶುಭಕಾರಿಣೀ ॥ 13 ॥
ರಕ್ಷೇತ್ಸುರೇಶೀ ಚಾಗ್ನೇಯ್ಯಾಂ ಬಗಲಾ ಪಾತು ಚೋತ್ತರೇ ।
ಊರ್ಧ್ವಂ ಪಾತು ಮಹಾದೇವೀ ದೇವಾನಾಂ ಹಿತಕಾರಿಣೀ ॥ 14 ॥
ಪಾತಾಲೇ ಪಾತು ಮಾ ನಿತ್ಯಂ ವಶಿನೀ ವಿಶ್ವರೂಪಿಣೀ ।
ಪ್ರಣವಂ ಚ ತಮೋಮಾಯಾ ಕಾಮಬೀಜಂ ಚ ಕೂರ್ಚಕಂ ॥ 15 ॥
ಮಾತಂಗಿನೀ ಙೇಯುತಾಸ್ತ್ರಂ ವಹ್ನಿಜಾಯಾವಧಿರ್ಮನುಃ ।
ಸಾರ್ಧೈಕಾದಶವರ್ಣಾ ಸಾ ಸರ್ವತ್ರ ಪಾತು ಮಾಂ ಸದಾ ॥ 16 ॥
ಇತಿ ತೇ ಕಥಿತಂ ದೇವಿ ಗುಹ್ಯಾದ್ಗುಹ್ಯತರಂ ಪರಂ ।
ತ್ರೈಲೋಕ್ಯಮಂಗಲಂ ನಾಮ ಕವಚಂ ದೇವದುರ್ಲಭಂ ॥ 17 ॥
ಯ ಇದಂ ಪ್ರಪಠೇನ್ನಿತ್ಯಂ ಜಾಯತೇ ಸಂಪದಾಲಯಂ ।
ಪರಮೈಶ್ವರ್ಯಮತುಲಂ ಪ್ರಾಪ್ನುಯಾನ್ನಾತ್ರ ಸಂಶಯಃ ॥ 18 ॥
ಗುರುಮಭ್ಯರ್ಚ್ಯ ವಿಧಿವತ್ಕವಚಂ ಪ್ರಪಠೇದ್ಯದಿ ।
ಐಶ್ವರ್ಯಂ ಸುಕವಿತ್ವಂ ಚ ವಾಕ್ಸಿದ್ಧಿಂ ಲಭತೇ ಧ್ರುವಂ ॥ 19 ॥
ನಿತ್ಯಂ ತಸ್ಯ ತು ಮಾತಂಗೀ ಮಹಿಲಾ ಮಂಗಲಂ ಚರೇತ್ ।
ಬ್ರಹ್ಮಾ ವಿಷ್ಣುಶ್ಚ ರುದ್ರಶ್ಚ ಯೇ ದೇವಾಃ ಸುರಸತ್ತಮಾಃ ॥ 20 ॥
ಬ್ರಹ್ಮರಾಕ್ಷಸವೇತಾಲಾ ಗ್ರಹಾದ್ಯಾ ಭೂತಜಾತಯಃ ।
ತಂ ದೃಷ್ಟ್ವಾ ಸಾಧಕಂ ದೇವಿ ಲಜ್ಜಾಯುಕ್ತಾ ಭವಂತಿ ತೇ ॥ 21 ॥
ಕವಚಂ ಧಾರಯೇದ್ಯಸ್ತು ಸರ್ವಸಿದ್ಧಿಂ ಲಭೇದ್ಧ್ರುವಂ ।
ರಾಜಾನೋಽಪಿ ಚ ದಾಸಾಃ ಸ್ಯುಃ ಷಟ್ಕರ್ಮಾಣಿ ಚ ಸಾಧಯೇತ್ ॥ 22 ॥
ಸಿದ್ಧೋ ಭವತಿ ಸರ್ವತ್ರ ಕಿಮನ್ಯೈರ್ಬಹುಭಾಷಿತೈಃ ।
ಇದಂ ಕವಚಮಜ್ಞಾತ್ವಾ ಮಾತಂಗೀಂ ಯೋ ಭಜೇನ್ನರಃ ॥ 23 ॥
ಅಲ್ಪಾಯುರ್ನಿರ್ಧನೋ ಮೂರ್ಖೋ ಭವತ್ಯೇವ ನ ಸಂಶಯಃ ।
ಗುರೌ ಭಕ್ತಿಃ ಸದಾ ಕಾರ್ಯಾ ಕವಚೇ ಚ ದೃಢಾ ಮತಿಃ ॥ 24 ॥
ತಸ್ಮೈ ಮಾತಂಗಿನೀ ದೇವೀ ಸರ್ವಸಿದ್ಧಿಂ ಪ್ರಯಚ್ಛತಿ ॥ 25 ॥
ಇತಿ ನಂದ್ಯಾವರ್ತೇ ಉತ್ತರಖಂಡೇ ಮಾತಂಗಿನೀ ಕವಚಂ ॥
Recite with devotion and pure heart
Regular practice brings spiritual benefits